神戶屋日韓放題

營業中

休息中

路過這間放題好多次，平時樓下都會派傳單，終於有機會約朋友上去試下一坐底職員就幫手上左個刺身拼盤，刺身就係正常的放題水準，不過好過很多連鎖店 最開心的是這個價格有海膽和生蠔(雖然只能叫一次)。小食都有很多選擇，基本既應有盡有，本人推介嘅有牛舌串燒，佢個調味一試難忘飲料大部分都係我鍾意飲既，而這間店最驚喜的是有好多款雪糕，款式多過其他的放題店最重要係有我最中意的香蕉雪糕雖然間店唔係好大，但食開連鎖店既朋友仔絕對可以試吓呢間

爸爸鐘意食刺身，媽媽鐘意炸物，去食放題就最好不過。神戶屋放題同普通放題不同之處就是選擇超級多，加入不少韓式料理。平時去食放題最驚係好迫，依度座位好寬敞，坐得好舒服，好岩一家大細來聚餐。我最愛係三文魚同甜蝦刺身，三文魚刺片厚切，油脂分佈平均，甜蝦也好新鮮，沾上wasabi 醬汁，新鮮好味。另外炸芝麻雞翼也不錯，外脆內軟，好Juicy入味，我Encore了幾次。最驚喜的是芝士焗蠔，內是酸甜沙津汁，面是拉絲芝士，吃起來又香又甜，而且烤到剛好，帶子吾會過老。媽媽都對天婦羅炸物讚不絕口，沾上餐廳特製的天婦羅醬汁，酸酸甜甜，好開胃。我都試了幾款韓式鐵板料理同蜜糖芥末韓式炸雞，味道不錯，但就比較辣。餐廳還不時推出不同節日限定，這次我選了日式牛肉壽喜燒火鍋，不過不失。

朋友生日 🎂 佢話想食放題，決定去兆萬中心睇一睇，因為選擇好多放題，不過見到一間曾經有朋友介紹過，決定上去試下walk in 睇下有沒有位，上到有位，我攞蛋糕比服務員，佢地好細心幫我放好。安排我們坐一邊，我們一坐低自己去選擇飲品，選擇都好多，見到有我最愛水蜜桃飲品，我哋一坐低即時叫一盤刺身，好快就到，食得出刺身都好新鮮，我們都有叫左一些壽司🍣 唔會好大舊，細細舊，唔怕好飽肚，可以食到其他野，仲叫左炸物，食到好熱辣辣。 服務員又好細心攞左雪糕比我們。我想攞蛋糕出黎 他們幫我攞出黎，佢地即時響生日歌。

雖然好多人都對兆萬有抗拒心但係平價放題唻講呢間真係算有誠意餐牌選擇都多 上菜係極速開始前可揀一客生蠔/海膽生蠔相當唔錯中等身材 飽滿白滑之後就嗌吓壽司同刺身呢樣嘢最容易界定放題質素我想試多啲嘢所以每樣嗌嘅份量都唔多居然上菜嘅時候擺盤咁有心思之前都喺旺角食過啲樓上放題試過唔新鮮嘅雖然覺得好嘥但真係食完兩啖擺唔落口呢間放題嘅刺身雖然唔可以同四五百蚊十二件居酒屋比較但係新鮮乾淨之餘 味道都唔錯甜蝦同北寄貝超出預期好食一個人食哂一盤冇難度連燒物都有諗過點擺盤好滾動食完呢兩碟熱嘢 其他兆萬餐廳唔清楚係點但起碼佢喺我心目中可以洗脫兆萬污名放題另外會送一個火鍋我揀咗雞煲個辣係有層次嘅香辣 味道好好 但係係認真嘅辣度唻食得辣嘅可以挑戰吓我就去咗汽水機回回血了最後揀咗the cheesecake雪條平時喺便利店買都十零蚊好抵暫時係同一價位放題食過最好食一間

第一次去呢間神戶屋揀咗6:30入場貪佢早食夠平而且時間早 入到去冇咩人2個人可以坐卡位 啲位都幾闊落如果一大班人gathering可以有房仔除左平時點餐紙店員俾咗兩張點特別單紙其中一張係重點刺身 應該係higher priority 另一張係限定火鍋 不過我驚火鍋太full就最後先點呢間店刺身最特別係有象拔蚌 巨赤蝦同松葉蟹棒係食過其他連鎖式放題冇得點嘅而且重點係新鮮 冇雪味巨赤蝦大得黎啖啖肉 仲有松蟹棒 冇得輸呢間店另外加錢仲可以有生蠔 海膽清酒 雖然冇點但係老細送咗兩隻生蠔放埋係刺身 都係好新鮮 雖然重點係刺身不過仲有10款點單紙 好多種類選擇比較特別佢有韓式系列人蔘雞同韓國辣豬手仲有麻辣小龍蝦 鹹蛋黃金蝦我都好鍾意食店員服務都好周到 好快收單同出單印象中都冇漏單雖然佢冇骨盛載殼 但係換碟都好快唔會食到張枱污漕另外有飲品區同甜品部雪糕種類都唔少 整體黎講呢個價錢可以話物超所值

好耐都冇食過放題，今日要去食就當然要去返呢間食過好多次既餐廳㗎啦！我哋七點幾去到已經就嚟冇位，如果呢個鐘數食一定要訂枱啊！一上枱已經即刻俾咗前菜我地，雖然唔飽肚，但係都可以頂到一陣，我個人最鍾意食中華沙律！第一轉嘅魚生來得好快！平時食放題好少有海膽，就算有都剩係得好少，呢度嘅海膽好新鮮，而且份量好多！海膽味好濃，真係超正呀！而其他嘅魚生都非常新鮮，我最鍾意食甜蝦，因為夠大隻，超鮮味！生蠔都係勁正！睇相好似好細隻，但係其實好大隻，海水味唔算濃郁，但係都食到陣鮮味！生蠔算係比較creamy，食多幾隻都唔怕漏！ 至於熟食，我個人最鍾意食炒雜菌，真係超好食！平時食放題好多時都淨係食肉，好少食菜，呢個炒雜菌雜啱晒啦！又好食又有營養！

大學時已經常常去放題，價錢雖然要多付一點，但食物及份量都相對彈性可以自由選擇，但奈何質素大多平平。今天到這店卻有意外驚喜！先來一個刺身拼盤，種類任君選擇，單是蝦已經有四種以上，最愛是泰式蝦刺身，非常爽滑，其他也很鮮甜。海膽新鮮不腥，三文魚肥瘦剛好，令人滿意。壽司方面，火灸及黑松露系列的不得不點，肉質鮮美，飯不會太大令人飽滯，還餘下很多空間品嘗其他美食。已經不復昔日年青，無法只攻生冷食物，需要點熟食了，熟食帶比我更多驚喜，部隊鍋竟然是我至愛HAHA 湯底不過鹹且帶酸甜，原來加了茄汁豆，沒想到有這樣的化學作用呢！牛油雜菌、馬拉盞通菜也值得一試，味道剛好易入口，韓式豬手入味，骨也不多。 小食方面還有燒物、手卷等等，甜品也有雪糕、豆花、還有小朋友最愛的啫喱杯，味道不少，想吃得好一點可以加$10 就有H雪糕一杯，超值！這次是人生中吃得最多菜和熟食的放題但一點都沒有「蝕」。

生活雖然苦，但總需要有時間食下好嘢，放鬆下崩緊嘅心情。今次就決定食返餐放題，貪佢可以大吃特吃都冇問題入到去已經見到好多張menu可以簡另外每枱仲有一張期間限定嘅，有壽喜燒，芝士部隊鍋同雞煲可以簡，真係無論中日韓嘅人都可以有target!想講，侍應拎呢隻船出嚟嘅時候我都大嚇一驚因為真係超級大啊！！而且入邊足足有17款嘅刺身，好大好多好正，搞到我都忍唔住同佢打卡左成十分鐘添每款刺身都好新鮮，其中生蠔同海膽完全令我想瘋狂encore入面除左我最鐘意嘅三文魚，仲有5款唔同嘅蝦！平時總係以為放題嘅刺身都係超級唔新鮮但今次真係唔同，令到我同朋友都食得津津有味啊除左刺身，都叫左唔同嘅壽司，花之戀同黑松露帶子壽司都好正除咗比較生冷嘅刺身壽司，熟食都好吸引薯仔牛柳粒感覺係喺出面大排檔食到嘅味道，天婦羅都炸得10分鬆脆而且人蔘雞湯，係真係足料一小碗入邊，除咗雞件仲有蘿蔔添順帶一提，相片上面嘅芝士焗蠔都唔錯但重點係炸雪糕，平時喺長洲都要成$10一粒依家可以任點得來，味道仲唔差添總括而言，今餐放題雖然都要200幾蚊，但勝在有好多種類嘅食物，味道唔錯，而且地方都好方便，下次都要再黎食

兆萬一向多選擇,特別係放題,成日花多眼亂都唔知要食邊間好 !呢間其實我喺幾年前食喎 ,難得會再食,係因為選擇多 ,地點好,食物唔錯!講真,本身兆萬嘅放題好多都一般般! 首先嚟個刺身拼盤我自己本身好鐘意三文魚,都新鮮,放題咁嘅質素都可以!另外鮑片,帶子,八爪魚 同激巨赤蝦刺身我都有再叫!! 係openrice訂坐有座有海膽 /生蠔,生蠔略嫌有啲腥 ! 炸物  必試炸榴槤 ,一口咬落去有榴槤嘅用喺入面 ,外脆內幼滑。一口芝士就偏重口味。 多春魚同蝦都唔錯！！除咗放題之外仲有火鍋 ,雖然好飽但都要試下嘅 !呢個係和牛壽喜燒 ,和牛唔錯 ,不過因為太飽嘅關係其實我哋冇嗌好多配菜 !  一大班朋友最緊要食得開心,咩都有得揀就啱曬所有人啦 ❤️! 

好耐冇食一次放題，今日肚餓刺身癮起，想狂食，所以約左男朋友一齊黎食放題嚟到旺角緊係要去兆萬食放題，朋友公紹價錢同質素都比一般大喜屋高，所以都有ｄ期望我地book咗星期六夜晚, 都8成滿, 一黎到待應問有冇咩刺身唔食,我地話冇…兩個人等咗十分鐘左右….點知呢格船足足有十七款刺身呀!!! 講得出嘅都有, 三文魚 虎蝦 帶子 海膽 都算新䬺但最出色都係5款特色蝦, 玻璃蝦, 甜蝦, 凍蝦, 天使蝦都冇乜腥味, 留意到佢哋挑走咗腸, 好細心呀!!不過十隻手指都有長短, 我們都一致覺得角螺同希靈魚麻麻, 可能係雪得太耐, 有啲冰未解凍, 鮮味突出唔到出嚟之後我地食咗幾件壽司, 炙燒三文魚逼哂啲油脂出黎好香呀!! 頭先食得魚生多, 食幾件sushi減番低個油膩感, 另外黑松露帶子都值得一讚然後就係天婦羅, 都熱辣辣, 不過始終都係刺身最正相比起刺身, 呢間嘅熱食算有啲失色牛肉薯仔比較凍同咸..不過芝士焗蠔就拉番唔少分數… 入面粒蠔絕對冇欺場!! 配上香草嗅覺level up!!講吓個環境, 肆肆正正又幾乾淨之後串燒蝦同年舌都好好, 不過上面盆魚生已經食到我地七成飽了XD去到尾叫多幾件SUSHI,

首先等我講左訂座優惠先雖然放題通常都係任食嘅咁但係當然有啲特別嘅食材就一定唔會係俾你任食㗎啦 例如係生蠔海膽呢啲但係而家你只要喺OpenRice訂枱話呢就可以有一啲特選嘅材料可以送一款比你我哋今次呢就揀咗海膽都幾新鮮㗎。講完優惠就講返嘢食方面首先就梗係要講下刺身啦 呢度嘅刺身款式都非常之齊全其他嘅種類都有好多款包括 牡丹蝦 甜蝦 虎蝦我鍾意食蝦嘅人呢相信一定好適合啦我自己就最鍾意希靈魚 黃色一粒粒嘅口感非常之特別不過款式多最緊要都係夠新鮮。除咗刺身之外都有好多其他唔同串燒話天婦羅等等嘅選擇將會可以有一個鍋俾你揀做埋火鍋。最後呢就可以自己出去攞甜品啦同埋食嘅途中呢其實都可以自己出去攞一啲任飲嘅飲品款式都好多樣㗎

同朋友去旺角行街，好耐冇食個放題就心思思想食放題啦，見到網上呢間嘅日韓式放題都幾好，就book咗黎試吓啦。上到去覺得環境都幾舒服張張枱都卡位梳化位，傾計一流同埋一嚟佢已經問我地洗唔洗幫我地執個刺身拼盤，乜都有，第一輪梗係乜都試下先喇，服務都不錯首先要講嘅係佢啲刺身都真係幾新鮮,同埋呢個價錢book位仲送埋生蠔同海膽真係好少有佢哋嘅款式都幾多，當中我最鍾意食嘅係榴槤炸彈，芝麻雞翼同鹽燒活海蝦！佢啲炸物真係冇得頂！榴槤炸彈比其他嘅放題店更加多榴槤肉，芝麻雞翼做到好香脆，同埋鹽燒活海蝦好惹味同埋好彈牙！如果想食返啲暖笠笠既野可以叫個日本和牛壽喜燒期間限定限量架！食完凍野食返暖野就岩岩好同埋呢度一定要讚嘅係，佢哋嘅服務真係唔錯,一嚟到已經問我地洗唔洗執個刺身拼盤俾我哋啦，同埋佢哋上菜執碟都好快，又冇漏單情況！我相信其他放題店服務都冇佢地咁好

我哋都好鍾意食放題，同時都愛鍋物，所以今次嚟到呢間店食晚餐。先上嘅係吸引嘅魚生！選擇好多，我哋最愛嘅三文魚😊等左一陣令我哋期待嘅係牛肉壽喜燒都上喇😊牛肉份量都幾多，味道幾濃，連同湯底好好味😊另外有好多蔬菜配料在鍋入面，也好食炒或煎嘅小食都好好食，粟米好香甜佢有炸雪糕，都幾特別天婦羅好香脆，最鐘意南瓜天婦羅，日式小蕃薯都唔錯，香甜又軟壽司選擇好多。我地今次最鐘意牛油果軟殻蟹卷，及芝士鰻魚卷另外佢仲有個放甜品嘅雪櫃，選擇都有幾多，我地今日食左豆腐花，haha。仲有朱古力杯，都幾好食。飲品都有兩大個雪櫃嘅選擇，我就習慣飲麥精。 店員服務都好好，依日星期日都幾多人客，但上菜都快。值得encore 嘅一間放題🥢🥢最近我哋多咗出去食飯，依一餐飯題之後直到肚腩大大，係時候要收斂下啦。🐖🐖

與朋友一早留肚等放工一齊去食放題神戶屋位於兆萬 8樓 我地6點到 未開始多人第一次食 眼見鋪內大部份侍應係男性 坐低冇耐就已經主動叫我地先點刺身 一邊點一邊揀先發覺原來我哋兩個好鍾意食蝦 到上刺身盤時 我真係嘩左一聲真係整得好靚👍🏻 朋友邊食邊話好食佢同一般放題餐廳一樣都係用紙點餐任飲飲品同食甜品特別在佢有邊爐打 有得揀火鍋材料老實講我真心覺得多食物選擇我叫咗個壽喜燒牛肉鍋 多好料一次過滿足兩個願望炸鮮奶 可以試 黃金蝦 有濃郁鹹蛋味另外我哋嘅策略係每樣種類叫一至兩件為求試多啲唔同種類(我諗大部份人都係咁😅)全餐飯侍應幫我地換左兩次碟我同朋友邊食邊講咁就過咗個幾鐘餐廳都慢慢開始多人臨走時仲問我地食唔食甜品攞住杯雪糕走 女人心態(抵)總括來講侍應認真係細心 食物👍🏻最後兩位成為$5xx應該飽到聽日都唔駛食早餐

依一晚嚟到旺角食飯題，其實都真係好多選擇，花多眼亂。上網睇左呢一間都好多人稱讚，就試吓啦選擇好多，點餐紙整齊第一刻上枱嘅食物係魚生拼盤！佢嘅選擇都唔少，質素都唔錯😊最愛吃嘅三文魚！好好味之後佢上嘅係牛肉壽喜燒，牛肉嘅份量都幾多，肥瘦適中，壽喜燒甜甜地嘅湯底同肥牛好夾味。另外鍋裏都有唔同嘅蔬菜同埋菇類，呢個鍋幾健康。佢嘅冬菇有花紋，都幾有心機喎！之後我哋都點咗唔同嘅壽司，最鍾意係蟹子壽司同埋鰻魚壽司。呢個香芋波波都好有驚喜！外面香脆，裏面軟綿綿，香芋嘅份量都幾多。呢度都有雪櫃比客人攞唔同嘅甜品，有雪糕、雪條等。我哋今次就食咗依個朱古力杯同埋凍豆腐花。飲品嘅種類都有好多，我飲咗金橘檸檬同埋麥精。旺角的確有好多唔同嘅放題選擇，我覺得食放題嘅最重要係多選擇、上菜齊，店員友善。依間呢幾方面都做得唔錯。另外，呢間除咗有傳統嘅日式食品作為放題之外，我其實都幾鍾意佢可以有鍋，感覺好似多咗一樣打邊爐自助餐咁。下次多啲朋友一齊約嘅時候，呢間都會係我心目中嘅一個不錯的選擇。今次我哋得兩個人，的確唔會食得好多種食品，放題都好似多啲人會開心啲。