神戶屋日韓放題

營業中

休息中

今日姊妹們聚餐，去左旺角兆萬食放題，岩哂女仔多心既慾望放題價錢百幾蚊的確晤洗諗太多^_^飲品種類繁多，可以自取，十分方便。食物紙上還印有食品相片，感覺清晰。更容易尋找自己喜愛食品。值得一讚！仲有限量食物凍凍地最岩食壽喜煱，烚下烚下當然每次食放題頭輪主打刺身。意間刺身擺置精美，大堆頭，已經可以增加不少食慾除了刺身壽司，意道熟食味道都女正壽喜燒湯底味道甜甜地加上牛肉蔬菜，簡單好味個人喜愛燒雞翼，燒得外乾但裡可以保留嫩滑我地每人食左四隻真係好好味創作壽司賣相十分精緻，份量偏大，所以要小心叫多，以免浪費。

星期日係旺角同朋友行行下街，見有ｄ肚餓又想食一餐勁既，所以揀左呢間神戶屋日韓放題，價錢相宜之外，仲貪佢日韓兩食。佢ｄ點菜紙都算多樣化，揀咩食都諗左一大輪。而飲品方面都算好選擇，最後我地揀左烏龍茶同埋蘆薈汁。食放題一開始梗係叫刺身先喇！三文魚、甜蝦呢d必食架喇。三文魚都算切得幾厚身，甜蝦味道就正正常常啦。佢個刺身最特別就係有虎蝦選擇，大大舊一啖過食落好爽。然後就黎左個炒蜆，個炒蜆俾我地好大驚喜，因為洗得好乾淨，食落亦好夠味。而其他炸物就相繼黎到，我個人比較鍾意雞軟骨串同埋炸芝士年糕，因為前者夠多增味粉，後者就芝士好濃郁。但係韓國芝士雞肉串就味道好一般，不太推薦。既然黎到間標榜日韓兩食既餐廳，韓國野都唔可以錯過！我地第２ｒｏｕｎｄ就叫左個部隊鍋同埋ｄ韓式炸物試下。估佢唔到，個部隊鍋份量都幾足，午餐肉、腸仔都食到飽哂，仲有個辛辣麵俾我地淥黎食。至於韓式炸物方面，我地叫左啤酒炸雞同朱古力炸香蕉。ｄ炸雞炸得岩岩好，好脆好多汁；個炸香蕉就非常特別，係其他放題冇得食。最後一輪我地決定叫多盤刺身食，最後一輪都俾足單同放足冰係底，唔錯唔錯！我地叫左心太軟食，個味道雖然冇甜品鋪咁好食，但係以放題水準黎講已

早前和阿女去旺角行街,我們行到兆萬附近見到有人派宣傳單張 ，阿女提議去神戶屋,我和阿女愛吃日本料理，我們入座之後就點野食,三文魚十分新鮮，味道十分鮮味,日本番薯十分鮮甜. 帶子鮮味十足，咖哩蜆又幾好味,這裡整體幾好味,服務亦幾好,價錢又不貴,阿女同我覺得幾好

今日同朋友去左神戶屋食放題～由於一早訂左枱，所以唔洗等就入得～～食物種類都算多同飲品選擇都算多～～呢三張並唔係任食架～～入坐時職員都有講解清楚～海膽尚算新鮮，無咩臭味～但只得一舊，唔夠喉><燒菠蘿就比較失望，都唔似有燒過的樣子，可以再乾身小小火灸三文魚壽司燒得剛好，有小小油香，好味個人好喜歡芝士蟹籽壽司炸豆腐夠香夠脆，大推芝士獅子狗朋友話好味，個人覺得有啲漏上菜速度算快，好快就成枱都係野食炸物都唔錯，但可以再乾身小小糖心蛋唔夠糖心，不過不失啦三文魚刺身同帶子刺身都夠新鮮粉絲蒸扇貝還好，不錯雞翼都好味最後仲叫多個雪糕作結，不出所料係雀巢既埋單位位219 ，以呢個價錢來說，算係咁了

平時好少食放題，但今日冇食lunch，想食飽d就同個fd搵左間放題黎食，地點就腳，油麻地地鐵站行過去五分鐘到，可能係平日，時間又早，我地訂左6:30，一去到唔洗排隊就有得食啦🙆🙆🙆好多款野食，有選擇困難🙈🙈🙈 仲有得打邊爐，今次係我第一次食放題又打到邊爐hahaha 滿足晒兩次願望。首先叫左個剌食，好大份，好豐當，蠔同海膽比相像中新鮮👍👍👍有驚喜，不錯。當然有我最愛既玉子壽司，饅魚壽司，火灸三文魚壽司，花之戀。。。由於我地兩個太肚餓，仲叫左個拉麵，不會太大碗，俾我地留肚食其他野，食左太多野了，不能盡錄，睇圖啦!!! 最後食埋甜品奶凍就完美了，佢仲俾我地每人揀兩款甜品😍😍😍我地當然清晒所有食物啦，不會浪費的。兩個人加埋一都係$418，抵食啦，坐兩個鐘。

雖然近年已經無以前咁食得, 但仍然好中意一餐入面可以食好多好多款食物, 所以每次gathering, buffet同放題都會列入考慮範圍!今次同朋友聚一聚, 雖然唔係成日見, 但見面總係好多野講慶幸朋友都係擦得之人,一於去食好耐冇食既放題!之前上過兆萬樓上韓食店, 今次就黎食日韓放題~食物種類都好多~有好多都係放題比較少見, 例如韓國啤酒炸雞、朱古力炸香蕉、芝士竹輪、冰菠蘿、關東煮、連部隊鍋都有~入座的時候店員就提醒某幾款刺身和食物就有限數量, 2個人只可以點2件, 講真, 點夠呀? 而且呢d食物o係其他放題店都唔會有限數量, 呢點真係要扣分喇~好彩我最愛的三文魚刺身無限制, 點左十片食下先, 都幾新鮮, 無雪氣味亦無筋, 唔錯!!!呢份神戶珍寶焗蠔好惹味! 不過隻蠔真係太細喇~~唔夠喉但每人只可以點一隻ja.....唔知點解今次特別想食熱氣炸物! 所以點左好幾款炸物~天婦羅蝦好食! 唔會好厚粉又唔會一咬d粉就散, 另外我覺得松葉蟹棒天婦羅最好食!!!!食落個炸皮唔會變淋變韌, 我覺得呢度天婦羅最好食呀~一定要試!仲有呢個芝士燒竹輪原本以為係竹輪入面釀芝士, 但原來係上面淋芝士, 一開

*忙左成曰，收左工緊係要同另一半撐下枱腳啦！任食任傾既放題，真係好放鬆！又可以草肥另一半~~~~~~~~~~~~~~*見到門面好有光線寫住「神户屋」三隻大字，個名都霸氣過人。門口既人都塞滿曬，店員為左提供質素，未入座已經俾menu客人填，非常抵讚！~~~~~~~~~~~~~~~存放得好好，唔會靜係擺喺張枱度，嘢食都可以放多啲~~~~~~~~~~~~~~~~ 一開始，講真個頭盤已經好振撼，建議食左先，冇得彈！-三文魚；夠厚同埋夠鮮甜，入口好似溶為一體。-甜蝦；同其他一樣咁爽，但佢唔洗加鼓油已經好鮮甜-海膽；擺入口林林地，慢慢感受嗰種鮮味-生蠔；第一次頭盤都有生蠔，啲味好似即捉既開咁！~~~~~~~~~~~~~~~~*金菇肥牛； 薄薄既牛肉包住金菇，又多汁，燒烤味重，串燒之首！~~~~~~~~~~~~~~~~好多選擇，連維他檸檬茶，利賓納都有~~~~~~~~~~~~~~~*泡菜； 最失望既一碟，覺得有啲似食緊泰式雞腳咁，冇泡菜味~~~~~~~~~~~~~~~*香芋丸； 我當依個係甜品黎大致上都唔錯，不過如果外面冇糖，甜度就會岩岩好~~~~~~~~~~~~~~~~*sushi系列 (三文魚，

好難得約了個很久沒見的朋友，大家都想食不同種類的食物，第一時間就想起放題。去到旺角兆萬其中一間放題（神户屋）。剛入座不久落單後， 很快一大盤砌得十分漂亮的刺身就已經送上枱了！！刺身種類都有好多，有赤蝦，玉子，鮑片，蟹棒，虎蝦，還有很小見的蟹鉗。刺身沒有雪藏味，而且都十分新鮮。三文魚好肥美，十分之厚切。👍🏻鮮甜嫩口的赤蝦，大大隻口感十足。入口即溶的火炙三文魚，飯細細件剛剛好。炸物方面有炸蟹鉗，炸蝦。炸蟹鉗每一口都是肉，再配甜酸醬，非常喜歡。而且炸蝦油而不膩。熟食有炒蜆，跟大排檔差不多很惹味。焗帶子，細細粒但入口有驚喜，很回味。燒雞肉串炒牛肉粒，吾會太韌，味道十足。小食之選是八爪魚同鏍肉。飲品種類較多，有不同的選擇，罐裝紙包裝。環境不會太迫，枱面也很廣闊。吃得很放心，而且服務也有效率。全程沒有漏單，吃得很飽，大滿足！

上星期同咗幾個朋友去油麻地食放題，好近地鐵站，行幾分鐘就到好方便。嗰日我地早咗到，坐咗係門口等，有部mute咗嘅電視係門口比人睇，同埋有啲沙發坐，我地就坐陣傾下計，等咗一陣就有人安排我地入座。佢地安排咗我地坐係一個望到街嘅一張大枱，靜靜地可以傾下計係唔錯嘅。落咗堂就即刻黎join佢地到嘅時候已經七、八點，餓死，我地好快手就填晒枱頭嘅點餐紙！等食…重頭戲就係刺身拼盤，我唔太喜歡食生嘅食物所以就係旁邊睇佢地食，數數個刺身拼盤上面…嘩！一共有十幾種款式嘅刺身，而且排得都睇到係有啲心機嘅。首先，黎嘅係呢個壽司，有呢個魚籽軍艦、芝士鰻魚壽司同埋海螺軍艦，先食魚籽軍艦填填肚先…d魚籽都幾新鮮嘅，一陣都唔洗就已經清晒碟壽司。之後第二個菜上得比較有啲慢，一段時間之後就突然一次過上咗幾個菜，一時三刻我地都一無所措從食啲咩先好…先食咗個牛柳粒，味道都唔錯啦，但入口有點韌…之後有呢個蒜蓉粉絲蒸扇貝，熱辣辣非常吸引，亦非常香！必試！再來一個壽喜燒，原來係打邊爐咁，我地將隻蛋最後變了蛋花，令原意被我地扭曲了…哈整體環境同氣氛係一流嘅，而食物既賣相就比較吸引d啦😌

頭盤先點左個牛油粟米，香噴噴既牛油香，加上鮮甜粟米，少少咸為之後既美食打開食慾之後點左個巨型刺身船，八爪魚十分柔軟，一啲都唔靭蝦都有兩款，一款甜蝦另一款玻璃虎蝦甜蝦鮮甜嫩口，帶少少甘甜而玻璃虎蝦爽口彈牙，有小清新既感覺之後仲點左天婦羅，全部炸到脆脆，有我最喜愛食既蝦天婦羅，面頭灑左少少鹽，小小咸，卜卜脆，蝦肉彈牙芝士煙肉焗生蠔簡直絕品，香口既煙肉加上濃郁既芝士醬，鋪係鮮甜既生蠔，焗到面頭帶有焦香，正

兆萬有勁多放題店，下面都有好多人派傳單。睇左好多間放題既野食同價錢，發現呢間幾便宜，款式亦多，上去walk-in吃個平價放題。上到去，位置同其他放題店冇咩大分別，不會過份逼。點菜紙好多款式，咩都叫d，一定要睇下整體好唔好味，決定下次仲值唔值得來。煎魚有魚皮有魚肉（廢話哈哈）外皮煎得香脆，入面d肉有少少骨，不過肉質都好滑且有咸香。大大兜既辣煮蜆，每粒蜆都肥美，入味，有辣香！好彩冇沙，唔錯。帶子好香，有埋蒜蓉粉絲整得夠香，但口感唔算太滑。面豉湯好濃味，咸香十足亦都夠熱，味道可以，超有日本特色。刺身點了一大埋，黎得足！帶子，三文魚，玉子，冇頭甜蝦， 赤蝦，赤背，魷魚，蟹柳，鮑片。帶子鮮甜又滑身，三文魚好鮮不過三文魚香略不足，玉子好甜，甜蝦仲甜，細細隻食幾十隻都仲得！赤蝦對比起甜蝦勁大，好爽口。魷魚Ok爽口，蟹柳甜甜地同鮑片差唔多，不算特別。另外天婦羅蝦外皮炸得好香，略厚，裡面的蝦都好爽脆。

兆萬2樓有間開左已經好耐既模型精品舖，好多年啦，我中學個時已經係度，今晚去左搵比卡超產品，小表妹扭左好耐話要買架啦，但搵黎搵去都無....算了，餓餓地book左樓上食放題，一人五人，又一次快樂相聚吧？層全層，去到間店唔算好大，但係好多侍應係度，所以出菜出得好快！先來一大盤刺身，見到都心曠神怡，賣相好靚呀！蝦有兩款，虎蝦超級大隻，味道比較鮮甜，甜蝦相比起就無咁甜了，三文魚好厚切，充滿魚香味，而且紋理好靚好整齊，師傅落刀都有心思！色水都靚，唔錯，北海道帶子唔使多講都知正啦，好滑！原粒上，我最怕食雪藏無味刺身，呢度都唔錯！壽司黎得快過刺身，叫左幾款唔算多，費時壽司食飽頂住個肚嘛，軟殼蟹壽司，飯黏，軟殼蟹都幾脆。花之戀壽司呢度算卷得幾大件，某啲其他我厭太細件了，蟹籽比較多，好有口感！鰻魚啲壽司飯太黏，遜色左少少，扣返分，但鰻魚係佳品！火灸三文魚壽司比其他壽司更好食，始終用火槍噴過，啲熟三文魚本身少少軟身，燒過變左企身，你以為佢硬身咩？偏偏又入口即融，好正喎！燒金菇牛肉卷：肥牛用蒜煮過，好香蒜味，而且包得幾實，唔會一咬就散。汁煮牛舌：食落個味起初似牛肚，個樣都有啲似牛肚，牛舌絕對厚切，同埋好少切

返工OT，放工就勁鬼肚餓，諗住同朋友拆餐勁既，我地專登落旺角兆萬揀間放題去拆。去到兆萬樓下已經有好多人派緊傳單，云云眾多放題餐廳入面，我地就揀左呢間。 第一眼望入餐廳，見到環境都算係唔錯，無論裝修定燈光都頗舒服，寧靜就算不上（因為好多人），但都適合一班人去一齊開開心心大拆。最重要既係，枱面空間唔逼狹，即使叫左好多野食都仲夠位，唔洗擔心就住就住嗌，食得唔暢快。 一坐低，我地就咩都想試下，好快就交哂單。值得欣賞既係，店員工作有效率，由交單起唔洗五分鐘已經開始上菜，醫肚無有怕。 最深刻就係呢個：牛肉壽喜燒火鍋 第一眼望落鍋到已經係鮮紅色既牛肉，而且用料十足、湯底濃郁，配合牛肉鮮甜，豐富既雜菇同蔬菜，一鍋就唔係好夠我地食啦。 熱食方面： 即使係放題餐廳，燒羊架一D都唔差，肉質唔會太堅韌，但羊既膻味略重。 炒蜆雖然唔係放題主角，但炒起來味道香濃，每個殼都有肉，沒有欺詐成份哈哈。炒雜菇菇味濃而炒粟米份量亦都唔多，淺嘗剛好。 飲品： 飲品種類都多，無論有氣無氣，果汁或茶都有得揀，唔洗驚淨係得汽水易有飽肚感覺。 炸物方面： 特別推薦一口芝士年糕，朱古力炸香蕉同埋迷你心太軟，呢類小食放題限定

又同一班老友去食放題,最鍾意就係食放題唔洗就住就住叫,大家鍾意食乜就叫乜,今次去左好就腳既旺角兆萬神戶屋日韓放題食,預先訂定位,唔洗點等就入得去坐! 食物種類都算多呀,刺身不少得,壽司,火煱,沙律,天婦羅,小食樣樣齊,鍾意食韓式都有少少選擇都唔錯!刺身都算幾新鮮,三文魚切得厚薄適中,太厚會好漏,甜蝦雖然唔大隻但幾鮮甜,最鍾意食呢度既虎蝦鮮甜得黎可以配埋自製既泰式辣汁一齊食,好好味! 鮑片,螺片,象拔蚌都好爽口, 最正就係松葉蟹棒剌身都有,味道亦唔錯! 刺身份量亦跟order 比得好足,叫幾多比幾多! 火煱幾有幾款選擇,金菇都洗得好乾淨,肥牛肥瘦比例唔錯! 今次我地反而試多左炸物,芝士雞肉串味道唔錯,不過有d漏唔可以食太多, 芝士年糕濃濃芝士味炸得黃金香脆,日本香芋丸少少甜好香芋頭味,鍾意食芋頭既朋友之選,牛油粟米牛油份量適中加上熱辣辣都唔錯, 雞軟骨串外層燒到少少脆但軟身口感,裡面爽爽地口感豐富幾好味! 大大隻金黃香脆吉列炸帶子唔會腥唔會韌, 啤酒炸雞味道唔錯,都拍得住平時韓式餐廳食個d,配埋沙律醬好味! 加埋任飲汽水飲品,lee餐真係好大滿足!

今日返工勁忙，忙到lunch 都無食。 放工超餓同事提議不如食放題補返數。 兆萬出名多放題，臨時臨急又無book 位， 放工就立即殺過去。其實都係盲鍾鍾甘上左8樓。 6點幾上到去諗住甘早一定大把位，點知已經坐左7~8成，平日黎講真係好誇張。坐底發現選擇都幾多，韓國野食都唔少，今日冷峰殺到，仲有得打埋邊爐，我地成班人餓住上去，見到甘多野食都覺得飽呢度野飲係自己去雪櫃拎，選擇都幾多，除左汽水，仲有韓國芒果汁，蘆葦汁，烏龍茶，香港代表有紙包菊花茶，蜜瓜奶,消暑代表有冬瓜水，一定有野岩飲首先黎既係壽司牛油果軟殼蟹卷，花之戀，鰻魚，火灸芝士三文魚。牛油果軟殼蟹卷，軟殼蟹拎到黎仲係脆同熱，好少任食放題做得到。火灸三文魚壽都係，岩岩做好，熱辣辣好香！等左一陣刺身就到。一黎到成班人已經嘩嘩聲，有乾冰噴出黎。第一round 緊係點個全餐，全部一件不漏甘上枱，而且非常新鮮。 三文魚，北寄貝，鮑片，全部都大件夾厚切。有頭甜蝦非常大條，比平時食到放題甜蝦更大，食落新鮮有咬口，食放題好怕食到d "梅"既甜蝦食放題最緊要係個刺身，淨係個刺身都真係值回票價！其他熱食我食左羊架，炒雜菇，粟米等等，全部上枱時都熱的。雖