神戶屋日韓放題

營業中

休息中

見有四百幾個like 點知一試就中伏了環境：一搭𨋢上到去 等既位置迫到無位企入到去坐低 啲位又係迫到飛起坐左係飲品雪櫃附近 不停被拎野飲既人撞到張櫈食物：不停漏單 等左好耐都無野食刺身全部都係薄切 不過味道還可以壽司一般 但啲卷物黎到全部都散哂 好似打完風咁炸物 全部都勁油送左幾隻生蠔個樣好唔新鮮 見到個樣完全唔敢搵命博飲品選擇好少 連基本既可樂都無唯一好味既係個日式叉燒烏冬、雪糕（雀巢）同豆腐花（百福）總括而言 平均一個人要三百幾蚊 但啲食物完全唔掂 漏單漏到癲 到最後發覺追單都係無謂既 真係真心覺得好差 我一定唔會再黎 不可一不可再。

今天，約了好友一同晚膳，我們一早已訂了枱去神戶屋日韓放題放縱一下！因為早訂枱就有日式和牛壽喜燒火鍋或韓式部隊鍋二選一呢！今天忙到晏都無食，所以急忙到餐廳食過痛快！我哋大約七時到達，已經要等枱了！好彩我們一早已訂座，只需等數分鐘就可以入座！我們第一時間點了剌身，剌身都很新鮮，有頭甜蝦剌身最為好味！炸物是我的最愛，我們吃了番薯、香蕉、多春魚天婦羅，還有日本芝士年糕、榴槤及香芋丸。。。。差不多每款都點！不知自己是否太餓，所以食得特別快、特別多！我們還選擇了日式和牛壽喜燒火鍋，牛肉非常肥美，配有金菇、鮮冬菇、蛙蛙菜加上甜美的湯汁，真是一絶！好味到停唔到，再用壽喜燒湯汁加配料:雞件、牛柏葉、芝士腸、魚皮餃、牛丸、韓國年糕。。。。數之不盡。最後，我們還食了甜品呢！今天真的食到盡興！用一個價錢得到兩種滿足～刺身+火鍋，真的化算！😊

食物質素 不算優質 亦都唔會失望 服務員 很好 咁嘅價錢嚟講 都算物有所值 三文魚刺身真係好一般 但係其它刺身壽司 都唔錯 本身自己有小朋友 但係唔建議帶小朋友去 如果冇小朋友嘅話我都會再去多次

今次係第二次黎神戶屋食放題，之前食過唔少放題，呢個有少少唔同就係日式加韓式放題，所以感覺唔錯呀！waiter 們個個好有禮貌，野食方面當然係好滿足啦！話明日韓放題，睇下有幾多韓式食物嘅選擇 ，可惜眼闊肚窄，如果唔係叫返個部隊鍋就正喇!!食刺身同壽司前食D熱野打下底，飲返碗人蔘雞湯同食返個和牛火煱暖下個肚。刺身全部都好新鮮，呢度有希靈魚刺身，之前食過其他放題都無架！仲有北海道角螺刺身非常爽甜。至於壽司方面，一定要試藍鯨拖羅蓉軍艦，好好味！牛油果軟殻蟹卷、神戶和牛卷、芝士鰻魚卷係我嘅至愛，好在D卷物係迷你style, 可以食多幾款熟食方面，爐端燒試左紐西蘭羊架（非常juicy)、燒開邊蝦、燒蠔。另外有鐵板一囗和牛，和牛好味唔駛講，其實D薯仔都好正，又林又入曬味我係一個芒果控 - 飲芒果汁之餘配返條芒果雪條，真係非常非常正！雪糕雪條好多選擇，仲有movenpick 雪糕添！

第一，一定讚讚神戶屋所有員工。每個都好有禮貌，笑容滿面，有活力。睇得出，老闆應該對員工唔錯。就算6星酒店都唔會有咁既服務態度。食物水準一流，新鮮! 乾淨! 份量適中! 平日去都排晒隊，到我食完走既時候仲有人等位，可想而知，確實有粉絲! 一去到，可能我早到，所以即刻有位，去到7點幾就開始要等。坐底梗係寫下野食先啦，款式多，韓式都有呀 (梗係啦，日韓放題呀麻)。食物紙排得整齊企理，突出標題夠細心。最正除左日韓野食，仲有打邊爐呀。你話係咪抵食先。整個和牛日式火煱先，牛肉好正，份量岩岩好，留肚食多d款式。"簡" 個野飲先，都幾難"簡"，咁多選擇。食完熱野，飲杯凍野，跟住就食刺身壽司。最愛的黑松露帶子滿滿的蟹子刺身  有三文魚，螺，北寄貝，帶子，甜蝦，蟹柳..............蠔呀，海膽呀 跟住有好多燒物 一口牛呢個海蝦好正，少少鹽吊味 再黎壽司最後，當然要甜品啦

今次試既係旺角兆萬既一間放題，兆萬有好多唔同既放題餐廳，但吸引我地去呢間分店既係因為佢比較平同有個好吸引既食物，我地係6點幾到達餐廳，好似大概$14X左右既價錢，而對上一個價錢更加係$129，雖然未加一，但呢個價錢我已經覺得好平，上面既野食都唔算少，但以壽司為主，見到佢主要都係佔大部分壽司，例如軍艦系列同埋芝士，而比較吸引係每個客人可以揀一隻生蠔又或者係一份海膽，我同朋友都揀左海膽，好鮮甜，係好好好好食，佢個份量雖然唔係話大份，但都好過其他放題既迷你海膽手卷，因為可能你要食好多飯先食左一小舊既海膽，去食放題食咁多飯點得，加上佢加上青瓜真係好fresh，誇張既係上面有得打邊爐，一次滿足兩個願望，有三種湯底揀，仲有好多唔同既配料，例如肥牛同埋唔同既丸類，真心一啲都唔hea，但今次食得太飽，所以就冇特別試打邊爐，但見到隔離既幾枱都有叫，仲不停追加其他材料，就知一定幾好食，所以一次去一定會去試一試佢，同埋佢既炸物都係熱辣辣，唔會好似整左好耐咁，十分欣賞!

收工同朋友去食放題，揀左呢間「神戶屋日韓放題」，位於旺角西洋菜南街既兆萬中心8字樓。上到去係一個休閒型日式格局，周圍可以見到好多綠色小植物同大自然佈景，而且梳化非常舒適，令人十分放鬆。埋位梗係要先拎野飲啦，今次試下Milkis新口味，「香蕉味忌廉溝鮮奶」。唔~~都係原味好飲少少~~落完單稍候一陣，食物就陸續送上。第一波送上既係燒物小食，開一開胃先！「黃金芝士燒廣蠔」「鹽燒活海蝦」「豉椒魷魚鬚」「燒有機菠蘿」「芝士燒黃金沙律開邊蝦」，呢個好好味！「鐵板一口和牛粒」第二波係自製日式剌身拼盤，個盤好有特色、好靚！第三波係一大堆SUSHI！仲要係三文魚阿！最後當要食甜品，呢個係韓國密瓜味雪條，食左一半先記得影，太好食了！大家有空不妨黎試下，低食之選！

睇左幾間，決定試試呢一間，一入座職只就比左三張紙仔我地，之後講解係咩，一張係訂座可送每人一份生蠔/海膽/韓國雪條，第二張係有一個鍋食，可選部隊鍋/和牛肉壽喜燒，第三張係首輪刺身紙，估計係見你首輪可優先處理，值得加分，食物質素不過不失，刺身新鮮度只屬合格，炸物味道不錯，焗蠔，焗扇貝好味道，飲品種類可以，不算特別多，不得不讚係服務，職員服務好，不時主動問有冇野漏，臨走前仲叮囑我地記得攞雪條食，雪條種類大約有7至8款～!!

同friend黎食放題估唔到都幾驚喜環境唔算大，但勝在地理位置優可以同朋友暢談一番刺身選擇有不少呢！蟹棒最好吃最好食尤其係火炙系列！三文魚、蟹棒壽司類真係絕不能錯過，入口即溶超好味花之戀像花般艶麗，急不及待把綻放的玫塊放進口裡，每一口都充滿幸福感覺！炸物雞翼全都好好食😃炸物又不會太油膩！炸雞軟骨又係我必嗌之一，慢慢咬確係過癮炸芒果雪糕好有趣但不油，外暖內凍，好得意照燒菠蘿怎能錯過香甜多汁😆一點再點！

呢排甘熱既天氣最好就係食放題， 上星期六同朋友一齊試下這間日韓放題。 到步後在外面排隊等候， 店員已經細心給我們點單紙， 冇幾耐我哋就可以入去坐低啦！ 我哋點了很多食物， 刺身，壽司 ，火鍋， 天婦羅， 一口牛， 仲有點了一個麻辣火鍋， 全部都好快送上 冇諗過平民嘅價錢可以食到咁新鮮嘅食材！ 佢哋個牛火鍋都好好食， 肉質軟滑， 值得推介畀大家， 去到一定要試下啊！ 一口牛都做得非常之好我們叫了兩碟！ 食到停唔到口今次呢間放題餐廳所有刺身都好新鮮， 最正係 甜蝦，泰式生蝦，全部都好鮮甜爽口，仲有大大塊三文魚， 超級肥美今次食得好滿足，因為太好味所以唔記得影多幾張相， 我哋仲叫咗一個麻辣湯底嘅火鍋配午餐肉冇得頂

今日同家人嚟到神户屋食放題聽人介紹呢度選擇眾多所以一家四口一於黎食個滿足確選擇唔少OK刺身種類都有不少我哋食得好開心最鍾意食蝦嘅媽媽仲食到唔停口蝦到有分至少4,5款啊我就中意食三文魚、象拔蚌！象拔蚌非常爽口彈牙！熟食選擇也多特別朱古力心太軟 ，熱濃濃的朱古力軟心慢慢流出，好正照燒雞肉串雞肉嫩滑，配上照燒汁及白芝麻，非常滋味！芝士年糕呢個不得不叫幾次，我這個愛糯米的人怎能會錯過牛柳粒配洋蔥炸香蒜爆炒，不過火，難得的易咬炒蜆夠鑊氣，有大排檔的功架！饅魚手卷看似簡單，但質素還算不錯

今日行街行左成日，又攰又肚餓緊係揀食放題啦。朋友介紹話呢間唔錯，又平又多食物種類揀，就一於黎試下啦。一去到，見到環境都好靚好大喎，唔會好似其他放題咁，迫到行步路都撞親人。呢度地方夠好坐，裝修又夠日本風。哇！呢度真係落好重本啊，加少少錢連生蠔，海膽都可以任食，真係食幾舊就可以回本啦。平時放題多數食刺身，壽司多，對其他熟食唔會有大期望，點知呢度既熟食又出奇地好食。 呢個清酒煮蜆有好濃既清酒味，而且d蜆都粒粒勁大粒好足料嫁。呢個麻辣火鍋好夠辣，岩哂最鍾意食辣既我，食飽飽之後用黎淥d菜呀菇呀咁，感覺好味之餘又幫助消化。最後，仲叫左呢個朱古力心太軟。水準真係極高，拍得住出面既甜品鋪啊。除左呢樣之外，其實呢度仲有好多唔同既甜品，放哂係出面可以隨便揀。呢間放題性價比極高，下次都要再黎食呀。

太耐無食放題喇, 上次經過兆萬留意到有一間日韓放題專門店！已經好想試...終於今次有機會去試一試所以我早一日打電話去訂位！上到去人唔係好多人 , 環境陰暗 , 都幾舒服下 。 全店大部份枱都係用了卡位...我諗呢個都係佢哋嘅賣點👍🏻唔會有人貼人好迫嘅感覺...餐牌有刺身壽司火鍋熟食同埋飲品，因為我哋訂咗所以我哋另外有一張三選一嘅特別紙！上面有得揀生蠔海膽或者韓國雪條！我哋就揀咗海膽！一坐低我哋就即刻畫左張刺身紙！刺身種類多達10幾種🤭一定會回到本！最特別嘅佢竟然有松葉蟹鉗刺身蟹！正 ! 一上枱個款氣勢真係好強勁！刺身都幾新鮮 , 大部份刺身都唔會碎濕濕！好闊佬好大件👍🏻飲品方面有兩大個雪櫃可以自己拎！是採用自助形式的！大約有10幾款仲有啤酒飲添！壽司方面主要都係揀咗幾款卷物....尤其是好鍾意佢嘅神戶和牛卷！話明係日韓放題韓國嘢佢都有唔少㗎！人蔘湯啊韓國牛肋骨等等都有唔少選擇！但係我今次來主要都係想食日本野多啲...所以我就冇專登嗌啦！其實佢哋都有打邊爐嘅！但大熱天氣嘅時候我都唔想打邊爐😂所以我就無視左個張紙啦！另外不得不提佢嘅炸物做得好出色！全部上枱都熱辣辣！而且味道好好食！最鍾意就

一班人行完旺角最好就緊係食放題，而旺角食放題最好就緊係去兆萬啦。一去到樓下已經好多人派傳單拉客，不過我地就諗都唔使諗就上左8樓，因為朋友介紹話呢間好食。一上到去，好多人等位，不過呢度有好多位比人坐，唔使企係度等。可能地方夠大既關係，好快就入得啦。哇，呢度有好多款既野食揀，不過黎放題緊係食刺身先啦。落完單等既時候，已經放左碟小食同醬料係度，咁就等既時候都唔使怕肚餓啦，夠哂細心。呢度既刺身有好多款啊，連帶子都有，仲要係大大粒果隻，真係落好重本呀。而壽司方面，有黑松露系列，食落好重黑松露味，岩哂我呢d黑松露迷呀。而呢個拖羅壽司都好高質，有少少入口即溶既感覺呀。火灸三文魚壽司都好香好好味。呢d手卷細細件，食多幾件都唔會怕太飽呀。野飲方面，有2個大雪櫃揀，連啤酒都有得任飲呀，岩哂鍾意飲酒既人啦。呢間放題的確好高質，難怪咁多人推介啦。

好多傳媒同埋飲食嘅網上媒體都話旺角嘅兆萬廣場係劣食嘅天堂，有朋友介紹咗一間放題成日都叫我去打大佬，今日經過兆萬比朋友迫左我想去一間叫做神戶屋嘅放題餐廳，點知道原來呢一個傳聞嘅劣食天堂都非常之有驚喜。去到第一眼就發現成間放題餐廳全部都真係好年輕嘅後生仔，我諗佢哋大多數都係18至20歲左右，不過有樣嘢真係好明顯感受得到嘅就係所有服務員都非常之有熱誠同積極，我可以形容佢哋全部眼睛都好似有團火咁，係安排座位方面喺人群多嘅晚飯時間都作出好靈活嘅安排！食物方面第一轉一定係叫咗日本刺身先呀，要讚一讚嘅係所有嘅刺身都係完全熔雪嘅就證明佢哋嘅處理手法同埋準備嘅時間都係有落心機嘅！三文魚非常之肥美食落口感覺亦都係好新鮮嘅完全唔會有腥味。甜蝦同埋玻璃蝦都非常之鮮甜而且大大條，帶子有配合青瓜呢樣心思係睇得出嘅因為兩者嘅味道係非常之夾，玉子厚度足足有半節手指，最緊要係蟹鉗全部都係開好晒，唔使下下食蟹鉗都要晒好多力去開蟹鉗，對於我呢種又想食好嘢又懶嘅人嚟講真係福音！之後要試嘅就係佢哋嘅韓國食物竟然全部都非常之有質素，韓式魷魚鬚火候方面處理得好好食落口彈牙得來保持到軟身唔會食到牙較軟，配合韓式醬汁有甜味非常之香口，