神戶屋日韓放題

營業中

休息中

今次同朋友放工後食放題，試下有咩新野😃一坐低就已經有細細碟嘅前菜，我地三個餓到即刻食哂，之後就開始叫野食lu~呢度有得打邊爐/迷你部隊鍋，照顧到唔太食魚生嘅朋友！試左幾款炒小菜，我地3個一致認同馬拉盞辣得黎惹味，好想送飯食😂 估唔到放題嘅小菜都唔錯火炙壽司都好正，醬料岩岩好！仲有啲韓式炸雞都可以說係水準之作，味道唔錯，唔會太多粉，如果想一次過食埋韓式炸雞，呢間真係唔錯嘅選擇總括而言，呢間放題都係以性價比取勝

今日難得全家人去食放題，八點半去到已經全院滿座，好彩book咗位，所以只係等左一陣，已經有卡位坐舖頭好細心，一開始已經準備咗啲小食同埋唔同種類嘅醬汁喺枱面，加分！食物種類繁多，讚海膽同生蠔：新鮮，每人限定一份，任選其一。刺身：好多唔同種類，亦都好新鮮！連唔識生野嘅朋友都啱，因為有玉子、蟹柳、熟章魚、齋鮑片同熟蟹鉗一開始食咗泰式鳳爪 & 牛油焗雜菇 & 柚子大蝦沙律，開開個胃先！壽司、軍艦同卷物：嗌咗蟹子軍艦、玉子壽司、花之戀、火焰松葉蟹柳壽司、牛油果軟殼蟹卷同神戶和牛卷。卷物值得一讚！海老、紫番薯、溫室南瓜、冬菇、松葉蟹棒、多春魚天婦羅。新鮮炸，炸得啱啱好，good避風塘一口豆腐、芝士燒黃金沙律開邊蝦、鹽燒活海蝦、日式汁燒雞肉串、北海道燒扇貝榴槤炸彈、吉列炸蝦、一口芝士、沖繩網紙蝦卷、日本芝麻雞翼、韓國蜂蜜芥末炸雞韓國醬燒豬頸肉  &  招牌炒蜆鐵板馬拉盞炒通菜 & 松葉蟹粥壽喜燒 & 麻辣火鍋：每四個人可以揀一鍋壽喜燒或者韓式部隊鍋。今晚我哋全家人都食得好飽，滿載而歸

今日同幾個朋友敘舊，想搵一啲放題嘅餐廳。當我地行經卜兆萬中心嘅時候，樓下有好多人派傳單俾我哋參考，見到神府個啲食物都幾吸引，就決定去神戶食放題。入到去，四周圍嘅設計都以綠色為主，令到你尤如置身於大自然一樣。食放題，第一件事就梗係叫魚生啦。我哋幾個就即刻每款魚生都點左幾件，結果黎到既時候好大盤xd 有玉子、蟹柳、三文魚、帆立貝、八爪魚、螺片、有頭甜蝦、虎蝦、帶子、希靈魚等等。啲魚生食落都幾新鮮，而且都幾甜美，尤其是三文魚食落有入口即溶嘅感覺。食咗咁多魚生，感覺有啲膩，就食番啲熟食。我哋叫咗芝士焗蠔，隻蠔算ok大，配埋粟米、煙肉同芝士一齊食，口感非常豐富！另外，我哋叫咗避風塘炸豆腐。不過我哋叫得唔多，因為都係第一次見呢款食物，所以想叫少少嚟試吓。個避風塘返粉好香，豆腐都炸得外脆內滑，好食除咗炸豆腐，我哋都叫咗天婦羅。天婦羅揸得好脆，層炸粉唔會太厚，而且唔會炸得太油膩，係難得係放題食到好食既天婦羅。除咗炸物，我哋都叫咗和牛壽喜燒鍋物。個和牛好正，肥瘦均勻，係壽喜燒汁中碌熟，個汁令到啲和牛更美味。最最最最特別嘅係呢間放題可以俾你打邊爐。我哋當然試下啦！而且我哋係用返壽喜燒個汁黎打邊爐，感覺非常

行開旺角搵食，又好耐無食放題，鋪癮又出左黎。呢間食日韓放題嘅神戶屋又未食過，就同朋友入左去試下啦。我地約7點左右到啦，都要等一陣位。鋪面都幾整齊乾淨。多人食，我諗應該都唔會差。呢度食日式同韓國野食，所以選擇都幾多下。除左普通嘅刺身呀壽司呀之外，仲有韓國烤雞咁，仲有泰式蝦呀炸榴連咁。都幾特別架。仲有首次快速上菜嘅刺身選，同埋兩人一鍋嘅日式火鍋或韓國部隊鍋選擇添。除左一般嘅雪糕之外，呢度仲有山水豆花，正呀。亦都可以選要韓國雪條。飲品嘅選擇亦都有唔好！我地都唔係點了好多刺身，夠食就好了。刺身都算唔錯，我地點了甜蝦、帶子、三文魚同蟹棒。仲有兩人份嘅海膽！正呀！豆花，正呀。至於一口牛就差少少啦，未切斷，而且有點韌。各種壽司都唔錯。尤其係火炙三文魚。炒雜菜都幾有心思，上面加上櫻花蝦，增加味道嘅層次。芥末八爪魚嘅芥末唔夠味，但八爪魚相對又幾足料。其中我覺得雞翼幾好味，炸得幾金香。雞翼亦算入味。整體黎講呢間放題都ok，不過因為太忙嘅關係，上菜有點慢。而職員們都幾有禮貌亦會主動問我地有無少到菜。服務真係幾好。

香港人越黎越多人喜歡吃放題，因為一個價錢可以食到不同款式和地方嘅食物，兩小時任食任飲，可以滿足一眾大胃王，如果三五知己更加食得暢快。好似座落係旺角西洋菜街近登打士街兆萬中心，樓上有好幾間都係放題集散地，要選一間真係唔難，不過要平靚正又要特色，朋友介紹呢間係8F叫神户屋,之前訂左位上到去已經座無虚席，好彩等左五分鐘就有吉枱卡位，好闊落夠坐四個人。即刻拿張menu黎tick,眼花潦亂，好成200款特色食物，我當然主力叫剌身,壽司和火煱,叫完之後，有時間食住小食先,辣味螺肉,芝麻八爪魚和泰式鳳爪,酸辣口味開胃女兒笫一時間攞左罐飲品俾我，竟然有德國黑啤,再送埋炸物真爽第一道上枱係刺身盆，睇見都流口水，好新鲜,有三文魚,帶子,生蝦,松葉蟹鉗象拔蚌和甜蝦r三文魚厚切,油脂分布均勻,色鲜唔腥和煙韌,生蝦滑滑有口感,食到咀妙妙。跟住上炸物，炸得熱辣辣嘅天婦羅南瓜,紫薯,多春魚雞翼,重有韓國鲜奶,好正外脆内軟又甜甜,送啤酒恩物壽司恩寵花之戀必吃，大大口一次放入口十分滿足，好多魚子，軟殼卷好有賣相廣島蠔都有得食，大隻唔腥多汁，海膽夠鲜甜又滑生蝦沙律，隻蝦又大隻，配沙律菜吃突出鲜甜鹽燒活海蝦，夠大隻，入口肉

兆萬多放題店就係人都知啦，今日同bb豬就去咗試吓呢間！上到去唔算太多人，大約幾group人係到等緊。鋪頭門口都有位置可以比食客坐住等，都算一個細心之舉。店員到我哋拎住都比較多野，一袋二袋咁，問我哋介唔介意等耐少少， 可以畀張卡位你哋？ 咁我同bb豬就當然應承啦！ 大約等咗十五分鐘就已經有位，仲要坐得舒舒服服！ 抵讚！我哋一坐低就立即睇下有咩好食， 見到成架嘅都係點菜紙， 都要花啲時間先睇得曬有啲咩食！第一round當然係刺身， 當中有生蠔、海膽、三文魚、希靈魚、鮑片、甜蝦、有頭甜蝦、帶子、泰式生蝦仲有個唔知咩螺！ 款式甚多！👍🏻👍🏻賣相極之吸引， 餐廳一啲都唔吝嗇， 片片刺身都係厚厚的。呢度嘅海膽唔會有奇怪味，少少甜， 好少放題點做到！為咗滿足我食肉獸嘅訴求我點咗幾件羊架， 件件都大大件！另外當然要試下啲炸物啦乜都點咗少少，不過不失。仲有啲一品料理等，茶碗蒸有驚喜喎！啲蛋滑到呢，又唔會太咸！咁唔錯唔錯👍🏻👍🏻👍🏻呢間放題殿嘅另一個特色但係有得打邊爐啦， 有兩款選擇一款部隊鍋另一款壽喜燒， bb豬揀咗壽喜燒貪佢甜甜地有冇咁唔健康！👍🏻👍🏻嘩份量一啲都唔細有勁多肥牛之餘仲有好多蔬菜， 不過

又黎到兆萬呢個放題集中地今次見到竟然以神戶呢個以牛聞名既地方做店鋪名就試下D牛係咪真係咁掂先==============================一入門口最吸引我眼球既就係男人們既至愛ne Piece一埋位已經有小食暖下胃仲有唔同醬料,當中仲要有我最鍾意既泰式辣醬1-4人會有一個特別火鍋有得揀日本和牛壽喜燒同韓式芝士部隊鍋作為一個日本控既牛魔王點可以唔食壽喜燒呢另外訂座仲有得送海膽同生蠔岩晒鍾意海鮮既朋友餐廳仲好貼心地比左張首叫既刺身MENU呢張首叫MENU會快D上刺身比客人唔洗等咁耐食物選擇真係包羅萬有考起我呢D選擇困難症患者飲品款式都唔少當中比較特別既係有菓然系茶刺身都幾新鮮海膽入口即溶又唔會有腥味而其中覺得幾特別既係比較小見既蟹鉗刺身竟然係會連埋蟹鉗一齊上另外特別推介鮑片刺身,新解又爽口,味道又香濃神戶名物:日本和牛壽喜燒幾大量既和牛,正呀!壽喜燒味雖然甜左D但係比香港其他餐廳算係整得唔錯既一間更重要係真係好多牛呢到係我夾出黎既牛成碗都係每次去放題我都會食炒雜菜但食咁多年放題真係估唔到竟然炒雜菜都有驚喜佢上面竟然係放左櫻花蝦每成個味道同口感多左份層次同埋估唔到除左炒雜菜仲有

去神户屋前預先訂座，會有海膽和生蠔二選一，我和朋友都選擇了海膽，完全沒有苦味和腥味，反而吃下去好鮮甜刺身當然不只有海膽，值得推薦的是帶子和有頭甜蝦，帶子大大粒，有頭甜蝦比普通甜蝦大隻，份量不足，吃下去都不分魚鮮甜。另外牛肉壽喜燒中，裏面的牛肉好嫩滑，湯底好濃郁但又不會太鹹，牛肉份量十足，下面亦有雜菇和娃娃菜，另外會有雞蛋中和壽喜燒。令人有驚喜的是有coca cola plus這飲品，這樣無論喝多久也不怕肥胖，完全適合完全怕肥的我，另外還有士多啤梨益力多沙冰也令人想不到會有的，想不到會吃到一直想吃的沙冰在放題店會吃到。在壽司方面，最好吃花之戀和黑松露帶子壽司，花之戀份量很大個，沙律醬也有很多，三文魚很厚身，整個口感豐富。另外黑松露帶子壽司的帶子很大塊，再加上黑松露點綴，吃下去層次分明。在麵類，最好吃的是胡麻醬烏冬，芝麻醬充足，配上烏冬的口感，吃下去啖啖都好重芝麻味。

自問都丁星期食次放題，好耐未試過咁差嘅放題，嘢食水準一般，最唔好係order完唻嘢食嘅時間，帶子刺身寫40唻4粒，玉子就寫一唻4，天婦羅d粉完全仲係生嘅....下次日式放題都係去番尖沙咀嘅穩陣d.我老婆食完仲肚痛，返到屋企哦咗幾次，好在有腸胃炎藥看門口，如果唔係都唔知点算，我都有輕瀉現象.我見每枱一係冇嘢食，一係d平價熟食多都食唔哂，幾個男人果枱係咁追嘢都冇唻嘢，總之如果想清腸胃同埋練EQ嘅就唻試試佢，我見佢間舖里面有待應着住同building嘅帝皇水產衫，應該係同一間唻架，如有師兄試埋可以賜教。

2人食飯 諗住近近地就兆萬 又見好評咁多一入黎就安排我地坐卡位 然後比3張點野食既單我地 揀左2份海膽 黎到每一份都細到好似手指甲咁細 然後揀左日本和牛壽喜鍋x2 個鍋到最後食完都未拎出黎 叫左跟單先肯拎出黎 仲要話我地無點 叫佢跟完仲要拎得一個鍋我完全唔知落單果位姐姐係咪心情唔好 基本上叫10樣野黎得3樣 仲要係咁上錯食物 熟食 我勸大家都係小心d揀 好可能係整定好耐 拎出黎都唔會幫你翻熱可能係我唔好彩 一位第一樣野凍 第二樣會好d 點知我食樣樣熟食都係凍既！全部都係凍既！！壽司🍣 我真係唔知想講咩好 叫得3/4件 件件都係熱既。食過既 係得個雞肉串食得過 呢餐飯我同我男朋友都覺得好無奈 最後真係想講我地只係想黎食放題 但係我乜都食唔落 很差的一次食飯

朋友話想食放題，於是上網search有什麼高質放題店，最後我地決定去有很多好評既神戶屋日韓放題，位於旺角兆萬8樓。可能平日關係，晚市放題雖唔使排隊，但高朋滿座。出乎意料地，座位間距大，坐得超舒服，隱私度高。我地一坐低，就有一些開胃前菜送黎，去睇下有什麼飲料先。餐廳有兩個自助大雪櫃既飲品任你選。我就要左香蕉味的忌廉溝鮮奶，試下新口味。侍應一開始會比三張order紙，有首輪刺身紙，訂座加推同日韓邊爐。除此之外，檯上仲有一大疊既order紙可以點。放題點少得刺身，擺盤好靚，食材新鮮。三文魚刺身口感軟滑，入口融化，清甜回甘。鮑片刺身鮮甜，仲有其他放題店少見既松葉蟹鉗刺身，所以再encore左鮑片同松葉蟹鉗刺身，實在好食。熟食方面，就點左燒鯖魚，鹽燒蝦，黃金芝士廣島蠔，味道都唔錯；最特別係吉列大蝦，芝士濃郁大蝦爽口。仲有清甜既烤有機菠蘿，超足料既豉椒魷魚鬚，炒得很惹味。再黎係韓式蜜糖芥末炸雞同炸得脆卜卜既吉列廣島蠔，嫩滑既日本芝麻雞翼，一定要試鐵板一口和牛粒，和牛粒煎的好入味，有肉汁。仲點左一系列既sushi，細細一個，可以試很多種類。最後再打個邊邊，有不同火鍋配料，哇，竟然有牛柏葉，海蝦，青口

放工約左朋友去旺角食放題，兆萬嘅放題都差不多食過五六間，今次就試下食神戶屋。一開始可以揀壽喜燒鍋/部隊鍋，另外有啲雪糕券咁，大部分刺身/炸物都可以食到～(仲有好多其他點餐紙，不能盡錄～）第一樣一定係介紹刺身。因為朋友唔係好食得魚類刺身，所以只係嗌左飽片、帶子、蝦等等。佢上個盤好誇張的😂有個樽裝住乾冰會瘋狂噴煙，真係見到都覺得啲刺身凍啲😂以上三款刺身都好好食，飽片幾鮮甜！推介！叫左其他壽司，我認為火炙嘅壽司特別好吃，芝士溶嘅程度岩岩好，帶有少少煙燻味～因為晏晝食左壽喜燒，所以唯有叫部隊鍋。入面嘅料有午餐肉、腸仔、金菇、菜等等，仲有包辛辣麵😆另外都有好多熟食小食叫下，當中我覺得牛椰粒同魷魚很好吃，推介！最後係雪糕環節，覺得呢隻雪條最特別，另外野飲方面，除左一般罐裝野飲，佢特別有一支支樽裝解茶，啱哂鍾意飲茶的朋友～

好耐無食放題，尋晚見呢間評論唔錯於是揀左呢間食，一入到去燈光昏暗(但唔係有情調)，餐廳面積細，環境嘈，侍應不停喺附近穿梭，環境認真馬馬! 食物種類還算多，上菜都快，漏單問題不算太嚴重(其他放題都有), 但食物質素就一般，尤其熟食例如泰式鳳爪無味，抄通菜只有硬邦邦既菜莖無菜葉上，韓式粉絲好淡等，壽司同魚生不過不失，無甜品吧只有牛乜公司雪糕杯，飲品選擇少，整體黎講一般，同區同類型既餐廳唔少比呢間好

今日父親節，選了神戶慶祝店內擺設裝潢比較年輕，海賊王的圖片卡坐位舒適寛闊，天花有花盆裝飾。因為父親節關係，今日只有100分鐘任食，價錢2百多元一位。雖然訂了坐位，但仍需等半小時才可入坐，人頭擁擁我們經openrice 訂位，可以選送生蠔。生蠔很肥美，爽口新鮮，正！一入坐食物極速送到，可能擔心100分鐘不夠時間，幾乎約2分鐘左右就有新食物到。先來的是沙律，刺身， 壽司，炸物。刺身厚切，唯獨八瓜魚薄切，師傅刀功很利害。八爪魚薄切，軟腍易咬激巨赤蝦刺身，最爽口又鮮甜。這裡比較多蝦刺身，如果喜歡蝦朋友一定滿足。天使蝦刺身，甜蝦刺身，有頭甜蝦刺身，激巨赤蝦刺身，網紋炸蝦卷，天綿羅炸蝦，燒海老……壽司比較出色，蔥花吞拿，軟綿綿吞拿魚鮮味牛油果軟殼蟹壽司- 一小口味道出色韓式紫菜飯卷 -普通和牛壽司 -牛肉太小 牛味不明顯鐵板馬拉盞炒通菜 無左個鐵板？ 通菜味道很好，本身通菜太老，只可吃葉部份，莖部太硬難以咀嚼，可惜！茶碗蒸，又滑又多料，很好朱古力心太軟，一口一粒，堅流心超好味！炸雪糕，芋頭味，一啖入口，雪糕一咬即爆，外熱內冷很正！炸雞軟骨，香脆惹味，正常！韓式炸雞和芝麻雞翼，有點點辣，味道惹味！清

同朋友經過旺角最煩惱莫過於係諗唔到食啲乜嘢，每次面對呢樣難題第一個反應就係幫襯放題餐廳，朋友就話好介紹同我去咗旺角兆萬中心8樓一間叫做神戶屋嘅放題餐廳。入座嘅時間大概七點半左右已經係好多人等緊位，不過侍應嘅安排其實都真係幾快速我諗等左10分鐘左右就已經可以入座，餐廳係以打橫卡位形式座位其實都幾鬆動坐得係舒服嘅。侍應話俾我哋聽有一張菜單紙仔係頭一輪order特別話俾我地聽會第一時間出左嘢食俾我哋先，咁頭一輪食物就一定係叫日本刺身先嘅，刺身上左台之後發覺數量其實都真係比足嘅，三文魚厚度非常之口油脂香滑色澤鮮艷光澤最緊要係一啲都唔腥，帶子鮮甜仲有一樣野係要讚一讚嘅就係佢完全冇切開既厚度保持住非常之完美嘅口感，泰式生蝦咬口爽脆，以刺身嘅質素來講我覺得其實都算係非常之好嘅貨色某程度上絕對唔會比出名貴嘅放題餐廳質素差嘅，我個人就非常之滿意。之後就要講講佢哋嘅韓式食物，有樣嘢特別嘅食物叫做韓式醬汁豬頸肉，醬汁嘅味道偏向有少少辣同海鮮嘅甜味，味道配合豬頸肉嘅彈性咬口又出奇咁夾。之後就要講講佢哋嘅壽司，上枱嘅賣相鍾意影相打卡嘅朋友啱晒你地啦，火燒三文魚壽司唔止做到入口即溶表面上燒到有浸焦面食落口香噴噴，