神戶屋日韓放題

營業中

休息中

難得放假梗係一家大細去食個放題啦！放題特式就係想食乜都可以點，一個價錢可以包晒多款菜式，正呀！ 今次嚟到旺角呢間放題餐廳，晚市時間完全爆場，好彩有預早訂座，所以店員很快安排到位置俾我地啦。 嚟得食放題無理由唔食刺身啦，一大家細曼岩就係每樣都點，咁就可以滿足晒所有屋企人啦！刺身有三文魚，三文魚新鮮，大大塊，色澤吸引、刺身厚切，至於蝦款式都幾多，有甜蝦、泰式生蝦、虎蝦等。作為蝦迷梗係每樣都點，食盡餐廳所有的蝦啦，味道鮮甜爽口！由於家人中有小朋友，所以都要食返下熟食。每枱都可以點一個壽喜燒，所以點了一份。另外仲有好多配料可以加入火鍋中，二話不說當然點了很多菜啦，湯底非常鮮味，配搭埋肥牛真係好正！另外，不得不介紹就係牛柳粒，煮得非常淋，味道配搭一流，而且份量唔會好多，唔洗擔心食到飽晒食唔到其他。整體服務都好好，而且店員會主動跟單，睇下有無漏單情況等，而且仲好親切有禮貌，真係唔係間間放題店都做到。