神戶屋日韓放題

營業中

休息中

終於到星期六有假期放了，今日相約左女朋友一齊去食。由於之後要係旺角買野，所以我地就揀左係兆萬度食，見openrice都幾多好評呀。個人習慣係一開波食返支雪糕先~佢地已經即刻有最新板既黑牛啦! 當然唔少得前菜啦~~食放題點少得刺身拚盤啊? 靚靚仔仔鮮味~~個蛋蛋好好味啊!!!!! 好香濃有啲口感唔太過, 岩岩好!~魷魚盲正正常常啦, 都係咁~~反而牛肉係誠意推介, 雖然佢同魷魚同一個汁烹調但味道份外出眾, 肉味好濃, 天衣無縫~~~呢度過癮在於仲有部隊鍋食, 真係回本一流,部隊鍋必備嘅食材通通有齊~~我自己DIY 鐘意食半生熟三文魚, 擺一擺落去就食得~~好正架一齊試下啦!落部隊鍋既菜, 睇落都靚靚仔仔新鮮, 食落係與事實相符新鱗水果, 西瓜幾甜去到最後當然要再食雪糕啦~呢度都幾多款式

上次黎食都好似隔左一排，無乜印象！今次第2次黎食，感覺都唔錯~環境方面，就有甜品區，飲品區點餐係用紙，有A-J，都有好多野食下！而且有d野食都幾正，eg.蠔，之前食過既放題要加錢升級先有得食，雖然唔係好大好大果d高級蠔，但係已經好滿足，仲要任食，其實都扺首先食個流心蛋先，胡麻醬酸甜酸甜好開胃！蛋上面加左d蝦乾，食滑蛋之餘仲有d口感，脆脆既感覺～依碟有3份毛豆，雖然只係白灼，但有毛豆鮮甜，灑左d海鹽(食得出唔係普通鹽)，feel到勁健康！魚生方面，質素都好好，係新鮮既，數量都齊，仲擺得好靚另外仲有打邊爐食，一人一鍋，任食，點都抵，返！連中華冷麵都有，食到黑醋味，酸酸地，再凍d就加分依條雪條最正，藍莓乳酪，有d黏黏地既質感，入面仲有粒粒藍莓

今晚約左朋友放工齊齊去食放題，裝修佈置都幾好，大部分都係卡位，唔會感覺好迫。一坐底馬上點左盤刺身，三文魚、松葉蟹、海膽、象拔蚌、帶子，多選擇之餘仲好鮮甜😋😋😋我最鐘意就係佢地嘅帶子同海膽😍😍😍熟食方面就更精彩，中日韓的款式任你揀，平時食開放題就係得日式，但呢間就連人蔘雞、牛肋骨、韓式粉絲都有。燒羊鞍調味好好，仲有俾薄荷汁，羊夠嫩又騷，EncoreeeeeeD! 燒蝦同燒菠蘿都好正，蝦夠新鮮好易剝，菠蘿燒完特別甜同多汁。燒牛舌就唔係好夠咸。小食有勁多，不能盡錄，但係如果你愛四川辣，就一定要試下佢嗰蓮藕牛柏葉，蓮藕好入味，夠哂辣。焗帆立貝都幾好味，醬料啱啱好，唔會太咸。火鍋就揀左和牛壽喜燒，個湯底好甜，好正。配料多到好似去火鍋店咁，仲有8款蔬菜🥬揀，平時放題都係食肉多，所以值得一讚！👍🏻最後就講埋炸物同甜點。炸物好正，重點係唔會炸完變深啡色，啲油應該有keep住換。味道好好，芝麻雞翼，炸榴連係必點!!!!!!!最後一定要講嘅就係心太軟，雖然唔係流心，但勝在好夠熱，本身已經勁飽，但一試左，有勁幸福嘅滋味，就好似冬天飲朱古力奶咁😂仲有好多其他甜品同雪糕。

每次紀念日都食放題，又真係唔悶架喎😂😂🤣今次食呢間仲要好滿意巧巧味🤤menu有好多嘢揀，特別推薦我同男朋友至愛既火炙系列，火炙沙律燒三文魚腩壽司同火炙岩鹽燒三文魚腩壽司係最推薦的！入口即溶既三文魚腩好治癒🥰🥰壽司軍艦仲有藍鰭拖羅蓉軍艦都係好推介！D藍鰭拖羅蓉份量好多好足料，加埋上面嘅葱花同埋芝麻粒，好正！我係超中意食蛋，竟然見到呢間放題餐廳有得叫溫泉蛋咁特別，即叫啦！原本擔心會伏，點知超級好味😳😳極流心，再有少少芝麻醬😱😱唔係講笑,真係專業水準既溫泉蛋🤤🤤🤤💕另外有好多款蝦揀😂淨係蝦既品種都有成6 7 隻🤣基本上全部都試晒，都非常之新鮮好味😋中意食蝦既朋友一定要去trytry！清酒煮蜆😍冇沙又清甜，好surprise炸物方面我哋叫咗韓式炸鮮奶、韓國一口芝士、日式芝士年糕、日本香芋丸、榴槤炸彈等等，唔係好油膩之餘款款都幾好味，特別推兩款芝士同榴槤炸彈🖖🏻臨走仲請我地食左支雪條添！呢款韓國雪條好正！

***唔好俾佢多like呃左***一家人諗住補祝爸親節食飯，見呢間野咁多like,同埋有coupon咁就去試下野食一般，唔可以話難食但唔係好食.....野食冇野好提，到埋單照俾錢（coupon 179+ service fee 79=258)點知，埋單落左樓見到原價係209十10蚊再加10%俾佢地呃左，walk in 仲平每人貴17.1蚊仲要睇返張coupon送既野食冇送，又完全冇提呃錢呃到咁Open rice都有問題，賣d咁既coupon信唔過

有朋自遠方歸來，為佢接風洗塵，問佢想食咩，諗都唔諗就話想重溫10年前既回憶，食放題！咁我唯有順佢意啦，左搵右搵，為求搵一間穩陣可靠既放題，結果佢搵得快過我，建議去神戶屋。本著食到回本既心態，飢腸轆轆咁去到神戶屋，唔駛等位有得入，但個場係滿既，我唔知佢點manage，但唔駛等就好happy。一坐低，例牌畫點心紙既時候，服務員哥哥話第一次點刺身有另一張「首刺紙」，呢張紙點既刺身，上菜都快啲，仲有海膽+生蠔送。咁等緊首刺既時候，食住伴菜先 ：）果然⋯「首刺」係無令我失望既，又快，又大盤，當中我最懷念既就係虎蝦刺身，而象拔蚌同北寄貝都新鮮，至於蟹柳⋯我都想問下我個fd點解咁鍾意食⋯⋯然後其他食物陸陸續續黎，令你一路都有野食，唔駛手停口停，我推薦榴槤炸彈同香蕉天婦羅，有水準，值得一試！最痴線係個羊架！一黎到盲既都知「羊來了」，個陣羊香味，上一秒食緊壽司既我，下一秒，吞一大啖口水，跟住幫羊架解體。入口個下，我問自己，而家除左A5和牛之外，係咪有A5和羊？我同個fd一致贊成，呢件羊架入口即溶，真係好痴線，好好食。當然，鍾意同牛打車輪既我，係好鍾意食牛舌既。呢件牛舌，煮法未必迎合到每個人，但味道，我相

happy friday 就約咗朋友食放題 今次揀咗位於旺角嘅神戶屋。 嘢食選擇好足夠, 刺身 壽司 熱食 等等都有,仲有打邊爐可以揀坐低仲有少少前菜俾你食住先 好貼❤刺身方面都算新鮮, 我覺得帶子係最好食, 鮮甜無雪味天婦羅都夠脆, 炸漿都比一般放題薄啲, 款式都唔少。 卷物都係呢度另一特色, 提供嘅款式唔係出面食到, 不過佢比較大件, 如果想試多啲嘢就唔好叫咁多件 灸燒三文魚壽司都係推介的, 燒得好香, 半生熟咁, 口感一流。 個火鍋一上真係有啲嚇親,保守估計一磅牛走唔甩, 而且啲牛肉唔會話好硬, 咁我地揀咗壽喜燒湯, 牛肉索咗啲汁係幾好食。 飲品方面真係好多選擇, 實有你想要嘅嘢呢個價錢嚟講, 算係高cp值,而且職員都會主動問有無漏單咁, 服務好好

神户屋係旺角行完街肚仔餓，我同朋友都不約而同話食放題。咁就即刻去openrice𥄫𥄫，一睇之下有一間神户屋有800個好評，仲要咁啱有57折優惠，計返真係好抵食，咁我地即刻試試佢！總評：食物味道平均不俗，而種類多；熟食質素高，翻嗌左幾次；驚喜位係雪條好多款式，我自己都食左3條。以下我會講吓呢餐最值得推薦嘅食物。1.刺身刺身種類好多，而且好大盤，霸曬兩張枱🤤。帶子，蝦，北寄貝係首推，鮮味！食完已經飽左5成。2.沙律呢個雖然唔係好特別，但係沙律幫我地解吓油，解吓滯，所以成盤都清曬。3.芝士焗蠔焗蠔係全晚我地覺得最好味嘅，encore 左3次，食左30隻左右，芝士焗到燶燶地，加埋啲沙律醬，好夾！蠔又大大粒🤤🤤🤤4.豉椒炒蜆味道比較重味，蜆肉都算多👍🏻👍🏻5.烤羊架羊架啲羊味好重，又唔羶，烤到啲肉邊脆脆地👍🏻👍🏻6.辣帶子賣相雖然唔討好，但係食落好味道辣汁辣辣地，好惹味7.壽司壽司細細舊唔會，不會太飽肚，好貼心8.燒菠蘿菠蘿一口啲汁爆曬出黎，又甜！9.炸物炸物即叫即炸，上枱嗰陣仲係好熱點埋少少鹽，好味！10.炒菜食多肉，嗌個菜清清腸胃。以為冇驚喜，點知佢用避風塘式炒，好有鑊氣，成碟清曬11.燒蝦

太耐冇食過放題啦⋯今餐想食得貪心啲，日式、韓式、刺身、壽司🍣、火鍋都要食！同朋友商量之後，就決定黎呢度試下啦！一出電梯就到了，非常方便易搵！座位舒適，有梳化，長形枱落單紙，選擇頗多的！刺身拼盤好靚！睇落好豐富咁韓式部隊鍋，辛辣麵另上唔算辣，芝士味重燒物不錯👍🏻推薦炸雪糕🍦（左下）芝麻醬溫泉蛋（右下）都唔錯，羊鞍同燒雞軟骨ok海膽一般吧，我覺得不用配青瓜都可以炸芝士內軟，味濃沙律🥗係餐廳嘅角落頭，有個甜品櫃，色彩好吸引埋單連加一 $504豪食一餐又唔肉赤，性價比OK嘅👌🏻

平時父親節通常都會一家人食酒店buffet，但今次父親大人話太貴，食平少少，幫我地慳荷包。所以變左食放題。openrice 睇下邊間好，勁多人推介呢間神户屋，一於試下。呢間放題響兆萬，姐係放題集中地，都近旺角或油麻地 地鐵站，好方便又易搵。平時兩三個人就話walk in ，邊間有位就食邊間，而家成家人，我地都早早就bk 左位。我地一坐低未齊人，就點左刺身拼盤，驚等好耐。之後就去拎野飲，飲品種類好多，大大話有10幾款。話咁快，刺身拼盤就到，有三文魚，松蟹棒，北寄貝，象拔蚌，泰式生蝦，有頭甜蝦，天使蝦 等刺身，總共14款，淨係蝦都有3款，好正。天使蝦最好食，剥左殻，又滑又彈牙。 三文魚刺身好肥美，有魚油脂香，而北寄貝刺身食落口感爽彈！其他刺身都好新鮮，不過我無乜點食，因為keep住食天使蝦。呢度有提供Wasabi同豉油，但我會建議都提供埋泰式生蝦咯個辣醬，咁就大大加分。 個人覺得泰式生蝦同 wasabi 豉油唔太夾🤣🤣鍾意食刺身既人一定食得盡興。手握壽司方面，我地每樣都叫左少少試，不過不失，食放題，當然食刺生為主。🤤最後，強烈推薦兩樣我狂食既。芝士焗蠔，我食左20幾個🙈🙈芝士好香，好好味。

想吃日韓菜，看見餐廳很多好評，而且有優惠，於是去光顧。因為使用優惠要一天前訂座並說明使用優惠，我星期五致電餐廳。一位自稱胡經理的男士很窩心的說，不用在Openrice購買優惠券，因為他們店的職員到時可以效勞。入座後，送了一個牛肉火鍋。因為空調出風太大，爐火一直晃動，水一直煮不開，於是請一位姓李的男侍應將冷氣調低。不多久他回說已把空調調較過，不過風一樣大。我沒有吃那鍋牛肉，因為牛肉在水中漚了太久，絕不會好吃。接著來了熟食、沙律等，但刺身一直沒有影踪。請一位女侍應跟單，數次之後，她居然問：「你地係咪團購噶？」答她：「係呀！」結果都沒有任何回覆。一個小時之後，唯有再下單。差不多吃了一個半小時，要追問侍應，店方才把送的生蠔和海膽送到。蠔萛肥但有點腥和苦，是放在蠔殼上，沒有連著肉柱，應該不太新鮮。海膽味道很淡。其實食物算不錯，但漏單嚴重。除了刺身，我們點的炸榴槤和烏冬都沒到。地方也不太整潔。餐廳使用大量塑膠兜，很不環保。

人大了負擔多了，少不了的係長期糧尾，但朋友係 要見的，所以放題係一個唔錯的選擇。一來埋單有數得計，二來食物種類繁多，大家都會有啱食既。 大家準時到神戶屋，閒日都人頭湧湧，要記得訂枱啊~ 當然主打刺身啦~ 信義妹最愛松葉蟹鉗同埋天使蝦，夠鮮，夠大又夠甜。生蠔鮮甜爽口，海膽配上青瓜濃香甘甜。 以炸物榴槤炸彈最出色，大家都不斷encore。外脆內裡軟糯，陣陣榴槤香甜撲鼻。天婦羅有外間比較少的炸香蕉。 韓國炸鮮奶，呢個對信義妹來講略甜，但同行友人覺得甜度適中。燒物有蝦，味道唔會太鹹。信義妹愛的牛舌，軟滑，帶有少少黑椒，惹味。 甜品以雪糕雪條為主，有雪糕糯米糍（芒果，香芋）。甜品小杯為主，唔會浪費。甜度適中，香芋味最得信義妹歡心。 飲品放滿兩個凍櫃，總有一款啱你飲。店員有禮, 會問及點既食物到齊未

唔想同人逼所以趁早同老豆慶祝父親節🧔🏻今次決定黎神户屋賀一賀佢任飲任飲岩晒屋企所有人口味😛😛.刺身有好多款式揀三文魚 吞拿魚 蟹棒 甜蝦講得出既刺生都有仲要擺盤擺到靚一靚 岩晒影相.由於老豆唔食生野所以主攻熟食🍜牛柳粒 牛舌 好惹味最推介係廣島焗蠔 沙津醬加芝士 仲有原粒蠔仔好夾 好好味 我地起碼嗌左幾十隻😂😂仲有天婦羅🍤 人參雞湯 真係有好多熟食 熱辣辣 老人家真係岩晒👍🏼.飲品方面都有好多種類韓式既忌廉鮮奶 陽光牌子內地康師傅都有 仲有埋啤酒任飲真係好抵🍻🍻🍻.甜品雪條啲款式好新連近排新出既黑牛都有🍦仲有啲係便利店賣好貴既雪條都有又有Dryers 唔係啲cheap野.✨二百幾蚊任飲任食好抵又唔駛諗嗌咩送一大班人食就岩晒喇😎

中下放題水準 30分/100分 同樣價錢更高質的放題附近大把 食物差: 選擇算少 質素真心吾好 刺身最伏(三文魚吾似三文魚) 落單落錯哂 經常要提醒服務員錯單 寫20件黎4件 寫1件就黎5件環境差: 坐得好迫 枱面細到冇空間放食物😞😥Poor All-You-Can-Eat. There are a lot more much better option at Similar Price around Mong KokPoor food and environment. The uncomfortable seatings and bad ambient causing a bad appetite. DO NOT RECOMMEND EVEN AT THIS CHEAP PRICE

吃放題最正就是食物種類繁多，生的熟的，葷的素的，各式各樣，仁君選擇。不知從何入手，大可以每樣叫一點，淺嘗即止。尤其家人朋友聚會，吃者眾，吃放題絕對是個好選擇，不傷腦筋挑餐廳。看著一桌子的食物，沒吃就夠興奮了。首先來一大盤魚生刺身，擺盤極好，食物各在恰當之處，配以花草點綴，各色摻雜，大飽眼福。魚生肥美鮮膩，入口即融，配以恰當醬油芥末，更有提鮮作用。鮑片、螺片煙韌，頗堪嘴嚼，越啖越有味。甜蝦則無驚艷之處，唯水準與一般放題食店相較，亦未見失色。吃罷冷盤，身為無肉不歡的筆者，各種燒烤肉食絕不能放過。最為印象深刻的羊架，醃得入味，恰到好處，遮去羊羶味，肉質柔軟，不黏牙。偶有肉脂，油香更是畫龍點睛。筆者吃了一塊，再吃一塊，仍未夠喉，卻要留點空間，吃吃其他的。其他肉食亦見高質，唯我獨愛羊架。吃多了肉，來一塊燒菠蘿，可去除唇齒間的肉味，更有胃口試試其他食物。筆者向來不好炸物，怕其熱氣、油膩。此處炸物炸得乾爽，入口舒服，配上特製醬汁，能提升食物味道，更減熱氣之感。還是少吃多滋味，留待讀者自行發掘。最後，讓我數數執筆之時仍然回味的菜式，豉汁炒蜆，蜆肥美，炒出來鑊氣十足，惹味非常，吃的舔舔舌。椒鹽魷魚，椒夠