神戶屋日韓放題

營業中

休息中

今日經過旺角，又想食放題，搵左一陣，就想翻兜神户屋。其實放題兩個人本身諗住等好耐，點知佢安排四人位比我地坐.職員仲提醒我地人好多，儘量第一張單點多d野食，坐低發現落單後，整得都算快，八分鍾內食物就黎到。第一輪叫左d刺身，三文魚正正常常反而佢個象拔蚌刺身有驚喜，入口爽脆鮮甜，食得出係幾新鮮樣樣都叫左d，刺身都叫左三轉，反而我寫兩件佢會比四五件我地，五似出邊我寫五件佢就比少d，份量同速度就十分滿意因為人多我見佢地既職員會每枱問有無食物未到齊，絕對係香港既良心放題飲品亦十分多元化，我自己就飲兒時回憶蘋果綠茶食完頭盤我就叫左型型式式既食品炸榴槤球食落去簡直好似食緊d24既味道，紫薯球亦外脆內軟，不過炸鮮奶我個人就不太喜歡，對我黎講口味太淡。不過同行友伴就持相反意見，佢認為炸鮮奶淡得黎有奶香，可能我唔喜愛淡味食品。反而我叫左個飛天通菜，味道強烈，辣味同蒜片既比列剛好，而菜亦夠鑊氣。我亦都嗌咗炸生蠔，同埋燒生蠔，我覺得佢有兩種不同嘅感覺。炸生蠔同一般我哋食開嘅炸品，我就覺得差唔多，相信都係同樣嘅來源。但係佢哋嘅燒生蠔同埋燒帶子，燒既時間同芝士配合既比例啱啱好，食落去你五會覺得芝士蓋過生蠔既味道。生

已經好耐冇黎兆萬食放題原來已經有咁多新既放題  好多層都係收到傳單就上OPENRICE睇下呢間係8樓   台面已經有前菜等緊我地💓中華沙律  螺肉 八爪魚 唔夠可以問佢再拎一坐低就有侍應問要唔要幫我地執盤刺身拼盤每人都可以簡生蠔/海膽 身為海膽愛好者既我 當然簡海膽啦盤刺身勁大盤 基本上乜都有D  有D 5件有D 10件勁豐富海膽都好甜 配埋青瓜食好fresh！最好食既有 💗象拔蚌, 玉子, 北寄貝, 甜蝦, 泰式生蝦刺身等等全部都好新鮮, 好鮮甜佢都有比火鍋紙, 原來係每人可以叫一鍋 我怕飽冇叫到我地叫左幾款壽司💓黑松露油甘魚好推介好香黑松露既味 油甘魚都好香好鮮 兩樣好夾灸燒系列既 沙律醬三文魚又推介, 甜甜地燒到表面好香!然後我地叫左熟食既有💓牛油甜粟米 好甜好香牛油 粒粒粟米 好大碟  勁正💓鹽燒蝦建議大家用手meet, 用口咬既話會太咸用手meet就岩岩好💓串燒牛舌  雞肉串燒得好香, 落左d七味粉同埋籽然粉 調味充足💓雞肉串照燒汁好甜 好食 同埋有芝麻係上面💓燒鯖魚燒得岩岩好 魚肉好滑 好似吉x家果d 💓芝士元貝 芝士焗蠔沙律千島醬再加粟米 好味道 放題點會唔叫佢, 叫左5

相信好多人 都知道 兆萬有好多放題 今次就試下食神戶屋放題首先講下交通都幾便利 隣近系油麻地和旺角地鐵站 5分鐘左右就上到去啦 環境乾淨 有洗手間食刺身前就點左兩款沙津 開下胃先分別系 蕃茄沙津同生蝦沙津食落去蔬菜尙算新鮮 店員推薦左幾款必食既刺身 刺身味道方面尙算新鮮 份量方面夠多 相比起其他日本放題 神戶屋既特色仲有埋韓式火鍋  火鍋有腸仔 魚肉丸 響鈴 同芝士 等 芝士不算多 所以食起上黎都不油膩(推薦！)另外仲外叫左 炒魷魚 食落去口感幾煙韌 當中亦有配答三色椒 洋蔥等 最後點左幾件 手握壽司 鰻魚壽司 花之戀壽司 呑沙魚壽司 外型細小 鰻魚壽司經烤後再鋪上燒醬汁 香甜可口西式甜品形形色色放滿櫃中但最後因爲胃的空間有限 只能吃到店內的韓國牌子雪條

前排很忙要趕paper，終於完成了，決定好好吃一餐慰勞一下自己。一於食放題，甚麼都有，而且可以慢慢吃慢慢享受。食放題當然不可以錯過我最愛的刺身啦！點了一份刺身拼盤，有大大塊赤蝦刺身，很鮮甜；另有帶子、三文魚、北寄貝、蟹棒、甜蝦、玉子等等，全部都很新鮮。熱食點了豉椒炒蜆，挺惹味的，蜆肉沒有沙而且很鮮甜；但略為有點鹹。因為很喜歡吃蜆的關係，另外再點了一份清酒煮蜆，味道有點偏酸，不像平時的清酒煮蜆，味道還可以接受。 鹽燒牛舌很厚切，肉質不會過硬，非常嫩滑；加上有些少孜然粉做調味，很惹味的。另外還點了羊扒，上菜的時間裹還見到那些羊脂的油分在表面蹦跳，果然是即燒，羊味剛剛好，不會過份的羶，肉質嫩滑，我一個人吃了三隻！😂😂炸品方面款式多而已質素好，吉列炸蝦，天婦羅炸蝦、一口薯、南瓜、多春魚等等，全都非常香脆好食。還點了芝士焗蠔還有帆立貝，用錫紙盆盛著來焗，熱呼呼的食是最好食的，沙律甾加上煙肉做餡料，很開胃的。

今日想吃刺身，友人帶我去旺角兆萬樓上食日韓自助餐，這裡的刺身一流，不但新鮮，而且款式多，廚房師傅簡直像園藝師般，併併貼貼便堆砌出美輪美奐既藝術品出來。除點菜紙外，店員介紹每人可從海膽刺身或者生蠔中二選一，我選了我的至愛生蠔。望落白白淨淨，肉質飽滿，高蛋白低脂肪，它的鮮味可說是人間極品，入口有少許海水的鹹味，軟錦的質感配上酸酸甜甜嘅紅色醬汁，美味非常。三文魚是香港人的至愛，橙紅色的刺身色澤鮮亮，肥美既三文魚有豐富既肌間脂肪層，白白既條紋清晰可見，肥美嫩滑，食到唔想停口。天使蝦刺身肉質彈牙飽滿，泰式生蝦刺身冰鎮後蝦肉收縮，吃起來更富彈性，爽口鮮甜, 口感甘甜鮮脆，食到lam lam脷。松葉蟹係日本三大蟹王之一，屬深海大型螃蟹，產量非常稀少珍貴，這裡的自助餐可以食到松葉蟹鉗刺身和松葉蟹棒刺身，簡直物超所值，蟹鉗是最有力、活動量大的部位，所以肉質特別結實有嚼勁、肉質鮮嫩細緻、口感飽滿，而蟹棒肉質鮮美、滑嫩，裏面一條條的蟹肉猶如松針，容易入口。希靈魚刺身外觀鮮明，黃色既肉色配上灰黑條紋的銀亮表皮，經醃製後咸香十足，肉質厚實，質感比其他魚類刺身更加突出，配爽脆的魚籽口感清香，仲有非常高既Omega

神戶屋放題 2: 生熟食物同樣出色好朋友生日話想食放題，見呢間openrice咁多like，就book左係呢度慶生。一坐低，侍應非常貼心，提醒我地要儘快叫首輪壽司，同埋有幾張紙上的食物係需要多啲時間準備，提我地要寫左先，感覺service都唔錯。黎放題刺身係必食，甜蝦又甜又肥美，三文魚好大塊，蟹棒好鮮甜女仔唔可以食咁多生冷野，咁食返啲熟食平衡下啦😂呢度熟食都唔差，一口牛肉粒好入味，佢加左啲薯仔粒，牛肉同薯仔粒都係細細粒，好易入口。隔離啲蜆同樣細細隻，好鮮甜串燒蝦只係外面灑左啲鹽粉吊味，無其他味道，真正食到蝦的香甜。茶碗蒸比想像中大碗，裡面有好多菇😋燒鯖魚好香口，要趁熱先好食！啲天婦羅如果層炸粉薄啲，就脆好多！飲品部大部分都係平日放題都有的飲料，最surprise係竟然有維他荳奶，咁啱係朋友既最愛，睇黎我無揀錯地方😎甜品係餐廳裡面、雪條係門口，都有好多選擇，有糯米糍同埋好多款雪條，如果甜品放埋一齊就更方便!

熟食方面真係好似冇嘢好食咁，應該係對比起呢個價錢, 熟食唔應該係呢個質素，基本上冇一樣熟食係我想再叫，仲有佢啲員工係完全唔會睇你要幾多件，你會feel到啲愈平價嘅嘢佢比得越多你，我要一粒炸豪佢比四五粒我， 超大粒炸粉夾住一點豪，你都唔好逼我嘥野啦，我食左一粒其他你都係攞走，除咗啲豪，其他熟食我都係要一件，佢全部二，三件俾我，呢啲都係啲平價嘅嘢。刺身方面，哈，第一輪，嗰啲三文魚，玉子，八爪魚片,蟹柳呢啲我都係寫一件，佢就俾咗五六件我，帶子，甜，赤蝦之類呢啲比較貴啲嘅我寫咗五件至六件，佢真係比到大約數我，不過.........之後我話佢執得唔對我寫嗰張單，佢話執返少啲俾我好唔好咁我話好啦，出到嚟佢都係唔跟我寫個張單，幾乎全部變晒一件，包括我本身叫嘅帶子，蝦刺身等....我諗住由佢啦第二輪再叫，到咗第二輪，我唔夠膽再叫嗰啲唔太鍾意食嘅刺身,因為佢根本唔睇你寫幾多件，我叫咗啲甜蝦帶子之類，之後出到來，我叫七，八件嘅帶子，扣減到得兩件.....之後第三、四輪基本上你張刺身單出咗去就唔會見影，等左半個鐘之後追佢，佢就會求其喺你張單嗰度執幾樣（冇視件數）比你，你唔追佢應該食完都未必會有....每張單

神⼾戶屋位於旺⾓角兆萬中心，地理理位置⼗分優越。進入時環境稍微擠迫，過道只有一⼈人的空位，要⼩心不要撞上服務人員。由於當天是平日晚上，顧客⼈數不算太多，未見有需排隊輪候的情況。我與朋友二人也被安排坐進房內，兩人坐在4人桌上，空間十分充裕。而房間總共也只有4桌，唯一不⽅方 便的是由於在房內，交單比較麻煩，要等服務人員剛好進內，或⾃己走出去。 食物⽅面，整體我滿意。食物上有不少的選擇，按不同類別分好，有前菜、刺身、壽司 等等。但刻意要挑剔的話，就是每類食物裡的選擇不算多，但已包含一般⽇本菜常⾒的菜式。說回食物的質素，刺身以冰鎮的⽅式呈上，也十分新鮮，三⽂魚油脂分佈平均，帶子爽口。只是蟹柳與⽟子有點冰鎮過度，食下去影響了了口感。⽽壽司⽅面，鰻⿂壽司調味很好，不會過甜，未有影響原來來鰻魚味道。單點的炸物完全沒有不脆的問題，烤雞與天婦羅等都是新鮮炸，呈上時還很熱很脆。整餐下來，最讓我驚喜的不得不提是日式壽喜燒，它是整鍋呈上，現場燒滾，另外還提供生雞蛋一隻。壽喜燒的湯一向偏甜， 但這個調味剛好，煮出來來的肥牛、蛙蛙菜不會過甜，反而提出了了鮮味。

今日同朋友出去旺角食lunch👭，行兆萬中心見到呢間放題，有日又有韓，即刻就行入去試下.門口reception 個男仔都好有禮貌咁招呼我地入去卡位坐，環境幾好，又舒服。樓面哥哥仔擺低左張首輪刺身紙比我地，我地都拿拿林劃紙遞單，肚仔餓🙈。5,6分鐘左右，刺身已經到左啦，即刻試下食，刺身夠凍夠肥美，尤其係帶子👍🏻👍🏻好正喔！之後仲黎左個部隊鍋😍午餐肉好好味。熟食夠熱，炸物好正👍🏻我特別推薦炸紫薯波波，芝士波波等，呢啲炸物都整得好好味。拉麵🍜，黎到已經聞到好香，細細碗，味道不錯。總括來講，侍應服務態度幾好，剌身夠凍，熟食夠脆夠熱，臨走時，佢仲提我地食埋甜品同雪糕🍦❤️

今日同班frd行旺角，一出去d餓鬼就上身，我地就話搵間放題食下，係兆萬中心見到呢間神户屋好似好好味，我地就上左去試好鬼餓，我地就叫左刺身，d嘢食黎得好快，值得一讚既系佢刺身好新鮮，三文魚正到不得了，帶子仲比平時食放題既地方大粒，好甜，蝦又多款式然後黎個熱食，羊架黎得快，而且熱辣辣，一d都唔會so，炸物有炸冬菇，真系冇乜地方有，有個韓式既蜜糖芥末雞翼，超級好味，我地有叫壽司同拉麵，全部都系細細份份，唔洗擔心撐住個肚，可以食多幾款，我仲叫左個炸雞軟骨，好好味，有少少辣，夠熱夠juicy，平時外面食硬掘掘，炒蜆超入味。佢地既侍應都好有禮貌，會問我地有冇嘢食未到。總括黎講，呢間神戶屋可以encore

環境舒適，位置寬躺，有卡位、有四人坐位、也有十人坐位及包廂雅坐，一班朋友，家庭聚會的開心放題好地方。這餐放題的亮點，可以說是話一開始送贈的四隻生蠔及海膽一客。生蠔肥美，配合神戶屋的生蠔汁，輕輕掩蓋它的鹹鮮味，直接吞嚥。另外，海膽甜滑如奶油， 入口即溶，在吞咽後，味道仍在舌尖中徘徊。我也很欣賞他首輪刺身的安排。基本上，一下單，所有的刺身也立即上枱。其中的珍寶帶子刺身當然是必食之選！日本和食和韓式料理當然是這裏的主打菜。我比較喜歡這裏的韓式料理，當中的韓國麻辣帆立貝、韓國醬燒豬頸肉、韓式蜜蜂芥末炸雞件，令人一試難忘。飲品選擇豐富，有各色韓美汽水，港台飲品、不同的酒精飲品。另有，雀巢雪糕及維記雪米糍等甜食。在點單紙中，有個隱藏甜品朱古力心太軟，這個心太軟是必食的。這裏的菜色的份量比較多。為了食更多的菜色，可以在點單子中，的份量要求半分。始終有選擇而不浪費才是食放題的重點

6:45入席，8:05就話last order，都唔知有冇搞錯，一個半鐘就比趕走😱，魚生一般般，但還算合格啦，其他就更比較差，啲熟食真係不敢恭維。埋單263一位，原全唔值這個價錢，雖然在openrice訂左位，之後上到8樓又話要等，上9樓先有位，基本上出菜唔會跟你的入order紙，大概差唔多就比你，貴價野會比少D（例如帶子），平野就會比多D（例如玉子），最后我地幾個朋友一起總結，無下次啦，畀錢買難受。

今日和朋友來旺角食自助餐，選擇款式多，點菜紙的菜式有沙律、日式前菜、天婦羅、韓式炸物、火鍋、壽司、手卷、飯麵類、串燒、爐端燒、鐵板燒等。今日我們主打刺身，刺身是品嘗海鮮最原汁原味的方法，可以隨意點，點好後廚師會做成刺身拼盤，材料配搭豐富，兩個人食到肚子脹卜卜，選擇都有好多，包括三文魚、甜蝦、有頭甜蝦、泰式生蝦、松葉蟹鉗、松葉蟹棒、厚燒玉子、珍寶帶子、北寄貝、八爪魚、希靈魚等等。橙黃色的海膽以青瓜片承托著一起入口，海膽甘甜的味道，鮮味濃郁，質感細膩，幾乎入口即溶，下面青瓜爽脆，口感新鮮。厚切三文魚刺身大大件，咬落肉質細嫩鮮美，口感爽滑甜蝦可算是蝦刺身中最具人氣的一種，特色是體型較小，蝦身帶有濃厚的甜味，口感有黏黏的膠質，肉質細棉，味道甜美有頭甜蝦刺身除了能吃到甜蝦本身特有的甘甜滋味，甜度高就不在話下，它的肉質細緻中帶有彈性，肉質鬆軟易消化，是一種營養豐富的食物，泰式生蝦刺身、天使蝦刺身鮮味十足，簡直是魅力沒法擋。厚燒玉子刺身切成三角形狀，鮮黃色既厚燒玉子蛋味濃郁，加上甜甜的調味讓口感更加香滑。珍寶帶子刺身大大粒，肉身豐厚極富彈性，味道鮮味甘甜。北海道角螺刺身，肉質肥厚，螺鮮甜美又爽脆，緊

今日放工超級肚餓，又唔知食乜嘢好。行過兆萬，見到神戶屋有日韓放題食，就決定上去食。在兆萬商場8樓，只需要港幣179起，就可以任飲任食2小時。 除咗放題的食物外，還可以加刺身拼盤，以及火鍋。我們一開始就叫了一個刺身拼盤，和牛壽喜燒火鍋。這個火鍋也可以加配很多食物，例如鮮蝦。 至於在放題紙上，我們叫了很多不同款式的壽司，也有韓式豬頸肉，韓式牛肋骨，炒雜菜，很多不同類型的天婦羅，也有我十分喜愛的雞翼以及蒸水蛋。他們也有提供不同款式的沙律。更提供不同款式的全消，我們叫了雞肉串。 神戶屋的食物款式種類很多，上菜的時間也十分快速，食物味道也很好，而且份量很足，不會太大份也不會太少，可以嘗試不同款式的食物。正正正！

平時經常去嘗試不同的放題，今日就去到旺角兆萬中心8樓的神戶屋日韓放題。在這兩個小時任飲任食，由159起就可以食到，岩曬平時食好多的我們。 一入座，我們立刻叫了一個日本和牛壽喜燒火鍋以及刺身拼盤。食物很快就送上了，他的刺身拼盤十分新鮮，配上他給的甜酸辣醬，非常好味👍🏻👍🏻 至於其他放題食物，我們又叫了一份沙律，很多不同的天婦羅，日式雞翼，軟殼蟹手卷。至於韓國方面的食物，我們叫了泡菜，韓式豬頸肉，韓國炸鮮奶。 他們的食物水準都能維持，在兩小時中的放題，可以食到很多不同款式的食物，他們也提供很多款式的飲品。而且在食飽之後，可以任選一條韓國款式的雪條。🤤🤤