神戶屋日韓放題

營業中

休息中

唔想同人逼所以趁早同老豆慶祝父親節🧔🏻今次決定黎神户屋賀一賀佢任飲任飲岩晒屋企所有人口味😛😛.刺身有好多款式揀三文魚 吞拿魚 蟹棒 甜蝦講得出既刺生都有仲要擺盤擺到靚一靚 岩晒影相.由於老豆唔食生野所以主攻熟食🍜牛柳粒 牛舌 好惹味最推介係廣島焗蠔 沙津醬加芝士 仲有原粒蠔仔好夾 好好味 我地起碼嗌左幾十隻😂😂仲有天婦羅🍤 人參雞湯 真係有好多熟食 熱辣辣 老人家真係岩晒👍🏼.飲品方面都有好多種類韓式既忌廉鮮奶 陽光牌子內地康師傅都有 仲有埋啤酒任飲真係好抵🍻🍻🍻.甜品雪條啲款式好新連近排新出既黑牛都有🍦仲有啲係便利店賣好貴既雪條都有又有Dryers 唔係啲cheap野.✨二百幾蚊任飲任食好抵又唔駛諗嗌咩送一大班人食就岩晒喇😎

中下放題水準 30分/100分 同樣價錢更高質的放題附近大把 食物差: 選擇算少 質素真心吾好 刺身最伏(三文魚吾似三文魚) 落單落錯哂 經常要提醒服務員錯單 寫20件黎4件 寫1件就黎5件環境差: 坐得好迫 枱面細到冇空間放食物😞😥Poor All-You-Can-Eat. There are a lot more much better option at Similar Price around Mong KokPoor food and environment. The uncomfortable seatings and bad ambient causing a bad appetite. DO NOT RECOMMEND EVEN AT THIS CHEAP PRICE

吃放題最正就是食物種類繁多，生的熟的，葷的素的，各式各樣，仁君選擇。不知從何入手，大可以每樣叫一點，淺嘗即止。尤其家人朋友聚會，吃者眾，吃放題絕對是個好選擇，不傷腦筋挑餐廳。看著一桌子的食物，沒吃就夠興奮了。首先來一大盤魚生刺身，擺盤極好，食物各在恰當之處，配以花草點綴，各色摻雜，大飽眼福。魚生肥美鮮膩，入口即融，配以恰當醬油芥末，更有提鮮作用。鮑片、螺片煙韌，頗堪嘴嚼，越啖越有味。甜蝦則無驚艷之處，唯水準與一般放題食店相較，亦未見失色。吃罷冷盤，身為無肉不歡的筆者，各種燒烤肉食絕不能放過。最為印象深刻的羊架，醃得入味，恰到好處，遮去羊羶味，肉質柔軟，不黏牙。偶有肉脂，油香更是畫龍點睛。筆者吃了一塊，再吃一塊，仍未夠喉，卻要留點空間，吃吃其他的。其他肉食亦見高質，唯我獨愛羊架。吃多了肉，來一塊燒菠蘿，可去除唇齒間的肉味，更有胃口試試其他食物。筆者向來不好炸物，怕其熱氣、油膩。此處炸物炸得乾爽，入口舒服，配上特製醬汁，能提升食物味道，更減熱氣之感。還是少吃多滋味，留待讀者自行發掘。最後，讓我數數執筆之時仍然回味的菜式，豉汁炒蜆，蜆肥美，炒出來鑊氣十足，惹味非常，吃的舔舔舌。椒鹽魷魚，椒夠

第一次晏就黎食「神户屋」，係一次感覺好好的放題經驗。門口有一如既往既雪條食，而且都係高質！推薦韓國雪條，食落有硬雪糕感覺，口感味道都好好。入面位置都舒適，比上次黎好似裝修過，窗有遮光，唔會驚比太陽囇！飲品d款都夠多，有酒精飲品。上次無留意有熱飲品(自助飲品區)，有柚子茶，熱檸茶......首先食下d前菜先，溫泉蛋係我地自己叫既，流心好正！蛋既生熟程度岩岩好。枝豆上面灑左海鹽，味道唔會淡，咸咸地，有鮮甜。刺身擺盤擺得好靚，味道鮮甜，數量齊！👍🏻燒物類都好出色，特別係牛舌，半肥瘦，唔韌，辣辣地，好香口。焗𤐶焗帶子就係每次都一定要食，因為佢d芝士真係好多😂😂

第一次午市放題覺得會平啲 新鮮啲同少人啲黎到兆萬 放題多到眼花撩亂最後就決定揀幾多好評嘅神戶.1230入座 真係冇乜人 得兩三枱以竹林為主 環境舒適 幾岩聚會有A~J張單餐紙 不過款式唔算多.神戶名物 每枱只有一張 梗係試下期間限定🥘日本和牛壽喜燒有成七八塊牛 唔好煮太耐 會變韌下面就好多蔬菜同多款菇菌 好鮮甜另外…如果有朋友唔食生野其實可以用刺身打邊爐 試過！好爽口彈牙.A 刺身🍱賣相幾不錯雖然唔算新鮮/質素高 但起碼冇異味呢個價錢可以接受 推介: 激巨赤蝦刺身.C 唐揚炸物🍤好熱氣啊 幾出色 叫哂全部(不過榴槤炸彈漏左單)當中芝麻雞翼同芝士年糕都值得再食.D 日本和食🇯🇵雖說日韓料理但店內日式料理佔八成以上 哈哈茶碗蒸🍳嘩 竟然有櫻花蝦份量多之餘 仲加左麻油 好香.E 日式串燒/爐端燒/鐵板燒串燒黎講🍢雞肉串幾好味 又滑又入味爐端燒🧀加左芝士真係邪惡左十倍燒廣蠔 扇貝 開邊蝦都秒清哂鐵板燒🥩就不太建議唔中意羊咁羶🙈一口和牛變左做炒牛柳？.F G H都係壽司🍣推薦一下呢度竟然有藍鰭拖羅蓉軍艦 個個都叫另外 本人就偏愛火炙&黑松露系列飯唔會雪到好硬 略有醋香 手握得幾實.飲品區 都係一

同朋友係旺角行行下街好肚餓，決定上兆萬醫下肚，見到呢間神戶屋好似幾正，就上左去試下，個裝修都唔錯。坐底左之後，除左平時豉油同WASABI之外，呢到仲有好多唔同醬比大家點，真係好細心。每人第一次點單，都會有得優先處理，仲有得海膽生蠔二選一，咁我就揀左生蠔啦，生蠔好有海水味，口感肥美。不得不提，神戶屋刺身最特別的地方就係有好多款蝦刺身，有甜蝦、泰式生蝦、激巨赤蝦、天使蝦，鐘意蝦的朋友一定唔可以錯過，特別推激巨赤蝦，真係好鮮味肉質又彈牙，其他刺身都好新鮮，仲有靚靚擺盤比你打下卡。炸物水準都唔錯，榴槤炸彈有好濃郁的榴槤香，沖繩網紙卷都好特別。雞肉串好惹味，食凍野食得多，可以叫黎中和下壽司都好高汁，私心推下火炙三文魚腩，三文魚腩油脂豐富，火炙完之後，有少少焦香，同時保持到嫩滑，入口即融，最後叫左好多件。吞拿魚腩蓉壽司，有芝麻同蔥調味，調搭得好好。燒牛舌，本身燘到好淋，味道不錯。清酒煮蜆，味道不過不失，不過完全無沙，真係值得一讚。最後食返個雪條，好滿足

今日同朋友去兆萬試下e 間放題一內去環境算可以！坐得不會太窄好啦！來看看看有咩食！第一是選了小火鍋二選一 我們選了部隊鍋上面三選一我們選了雪糕第三就可以開始選食物種類算不小了食物也很快上了滿了我們的桌子！部隊鍋是我第一次食！😝香香濃濃的！加埋個辛辣麵好正！不過要自己睇火！自己水準一般🤣😂刺身好好食，由期是蝦，種類好多！🤤食物質素算中上😘價錢～合理服務～不錯，上菜速度很快！一陣就放滿台環境～可以

實在太耐無食過放題喇，今日突然搵埋朋友一起去旺角兆萬中心搵野食! 大家都知兆萬中心有好多食肆，臥虎藏龍，今日決定到8樓一探究竟! 來食放題點可以無刺身拼盤!我地一開始就點左刺身黎食，我地叫左三文魚、松蟹棒、北寄貝、象拔蚌、甜蝦等刺身。鍾意食刺身既人就一定要黎神戶屋試下，因為呢間餐廳有超多款既刺身任君選擇，全部都非常新鮮，而我就推薦大家食呢度既三文魚和北寄貝刺身。啲三文魚刺身唔單止好肥美，仲係魚油脂香，而北寄貝刺身就食落口感爽彈，好正！

一場黎到旺角食飯，其他地方都人多又要排隊，不過經過兆萬朋友話有間放題，就上去食下！可能6:30關係無乜人有卡位唔錯。刺身拼盤賣相好靚，尤其刺身味道比較新鮮，同賣相一樣咁高分，三文魚比較肥美，朋友絕對無介紹錯。另外我一點當然係點我最愛嘅炸物，燒菠蘿都係我嘅最愛，唔酸，應該係加咗少少 鹽中和返味道，而榴櫣波波都係我最愛，炸粉同榴櫣肉岩岩好。牛油果壽司第一次試，因為牛油果質感似三文魚所以呢個口感好得意，而壽司飯嘅溫度合適，剌身新鮮整體都ok⭐而且飲品都好多選擇大概有20幾款，有我最鍾意忌廉溝鮮奶⭐食物速到黎得幾快，侍應仲提我哋晏啲會多人所以叫我地點定先，點菜紙都有十幾張。⭐特別一提呢度有韓國雪條，係送嘅，不過揀左生蠔就無。蜜瓜味嘅雪條好正！下次黎旺角一定再黎。

想食飽又要平宜地食日本料理，日式放題簡直是為此而生。食物種類非常多，大多數想食的東西也能點選，且即叫即做，最怕食物老早整定唔新鮮。搭𨋢上到去已發現人頭湧湧，好在事先已book了位呢。坐低唔駛講，第一時間即去睇下有咩飲，有Hoegaarden,即時拿了幾罐埋位，任飲啤酒超爽。牛油果腔的我覺得牛油果壽司好香滑，雖然我比較想只食牛油果，哈哈。有得食埋火鍋只能講咩都俾你拎晒黎做，要諗下火鍋店感受，重點是牛肉不是那種全是脂肪的肥牛，值得一讚。臨走門口有得拎埋雪條走住食，生果味雪條係食飽後食特別感到消濟。

神户屋(旺角)提早食父親節👨🏻屋企有人提議食放題，咁我就上網睇openrice有咩選擇，一睇！呢間神户屋有成800幾個lam lam利！👅💦仲有去openrice 有優惠卷57折，姐係天都要我食您喇。($238一個人)一黎到，砌左個巨型刺身拼盤，霸左我地兩張枱，我張枱已經放唔到其他野食了。野食種類都幾多，不過質素就🤢🤢🤢，熟食好食過刺身，雪條好多款食👍🏻，野飲都係基本野。🌚刺身拼盤種類係好多，但係好食嘅好少，三文魚真係不了，乾身冇鮮味。北寄貝，蝦刺身都ok，我自己都食左好多😂🌝沙律菜正常野，唔難食，不過啲生菜有啲黃🤭🌚炸蠔炸皮太厚身，蠔仔細細，食完有啲滯🌝炒牛肉幾惹味嘅，我地成碟食曬，我爸爸就好喜歡吃🌚小蕃薯🍠呢隻小蕃薯好少難食，不過呢度就真係嘛嘛，唔夠甜口感差🌚炒蜆一口字！鹹！😵😵😵😵🌝羊架呢個羊架，我隊左兩舊，燒得幾香口，肉又淋，不過呢就羊味就爭啲👍🏻🌝芝士焗蠔呢個我地成家人食左20幾個，呢個係全晚我地一致認為最好味，芝士焗到燶燶地，沙律醬撈埋！正🤤🌚壽司拼盤都係嗰個問題，唔夠鮮！仲有黑松露用到濫左，差不多舊舊都加😵

朋友生日話想食放題, 好啦! 我地就去勁多放題選擇嘅兆萬中心 - 神戶屋7點上到去人都仲有少少位淨, 坐定定之後梗係叫返盤刺身先啦!!!!刺身同壽司款類都好多! 全部都好新鮮, 火炙壽司仲好重油香味! 而且寫幾多真係黎幾多, 完全冇漏單!我地仲encore左一次每人仲送一份海膽刺身, 份量好多好足料, 正啊!我地仲叫左和牛壽喜燒, 牛肉份量都唔少, 甜甜地既湯底, 下面仲有好多配料!呢度賣點係日韓野食, 等我地又叫返d試下先! 飲碗人蔘雞湯滋補下!竟然連炒蜆都有, 蜆既份量都好多, 而且好惹味!韓式醬燒豬頸肉肉質幾爽仲有日式茶碗蒸蛋, 瑞士汁雞翼同其他小食我地叫左天婦羅, 芝麻雞翼同各款炸物, 全部都炸到好香脆!!呢度d野食味道都唔錯, 而且真係好多野揀, 下次應該多d人一齊黎一直分享!

呢間放題近油麻地MTR,好方便。見佢價錢唔太貴就黎左啦!佢既雪糕係DREYERS,我愛既MATCHA味道。其他任飲野雪糕有韓國芝士味雪條。好濃郁既芝士味。平日放題既雪糕冇咁多選擇,所以好開心呀!連飲品既款都超多,有韓國飲品,仲有酒添呀!我叫左個壽喜燒,牛肉好JUICY,有肉味。松葉蟹棒都好正!限量既海膽好新鮮好好味!呢度日韓野都好多,有韓國炸雞,雞炸得好脆。我主要食左北寄貝同鮑魚刺身,好彈牙鮮甜呀!服務員態度唔錯,同埋細心。呢度D檯好大,坐得舒服的。我又叫左鰻魚同蟹子壽司,好足料,果然係人氣之選。呢度既食物選擇超多,多到眼花。心思思既人好岩食放題,唔洗就人,自己想食乜就食乜。下次會再來勁食一餐!

約左朋友黎旺角食放題，佢話兆萬呢間神户屋不錯，所以揀左呢間。星期日我地book左6:30唔算多人，（好彩早啲黎，7:30已經full哂）可以食兩個鐘。未叫野食先送上生蠔和海膽，啲生蠔都幾肥美。海膽一小篤，不過都幾鮮味。另外亦會送鍋物，有日式和牛壽喜燒和韓式芝士部隊鍋兩項選擇性。我地驚部隊鍋太「濟」，所以揀左壽喜燒。好大鍋，好足料！味道比我平時食既壽喜燒無咁甜，清清地。食物選項紙足足有10張咁多，令人眼花繚亂，有刺身、沙律、日式前菜、炸物、和食料理、鑄板燒、壽司、手卷、拉麵和火鍋等。我們主攻刺身和熟食類！刺身方面，一般放題餐廳會有的三文魚、甜蝦、帶子、希靈魚、北寄貝、角螺、象拔蚌等等都有，比較特別是有松葉蟹鉗和泰式生蝦刺身。帶子和甜蝦也鮮甜，其他也不錯。熟食方面，除了日式料理，這裡還有韓式料理，人蔘雞湯、韓式炒粉絲、辣醬豬頸肉等等，人蔘雞湯幾重蔘味，我比較喜歡辣醬豬頸肉，用韓式辣醬，辣辣地好惹味！另外即燒牛舌同鐵板一口和牛都係推介之選！炸物試左芝麻雞翼，芝士年糕同香芋丸，芝麻雞翼就普通，芝士年糕好多芝士，年糕煙韌，好味。香芋丸炸得外脆內軟，很不錯！飲品都幾多選擇，酒精飲品就少啲，得hit

今次同姊妹淘覓食，想搵一間可以食日式及韓式料理，發現呢間神戶屋日韓放題。座位寬濶，唔會坐到太陝窄。訂枱可以要求坐卡位添。一坐埋位就安排小小前菜及醬汁。個人喜歡配有小膠兜壽司豉油及獨立包裝Wasabi，同熟食調味料分開可以減少生同熟食物交叉感染。我喜歡呢個小窩心安排。嚟到食放題，當然唔少得刺身拼盤，多款式，特別推介係甜蝦刺身及希靈魚刺身仲有生蠔同大大啖海膽，肉質鮮嫩及有厚度，食落有口感。飲品方面，自助嘅，有兩個大雪櫃，超多選擇，有日、韓同大家一路飲開本地品牌飲品，坦白講冇乜放題地方有可口可樂/忌廉/雪碧同維他陽光系列。人係貪心，食其他菜式之餘亦鍾意飲本地薑系列。我特別推介Lotte Mango drink，啱曬芒果控嘅朋友熟食方面，真係要推薦辣味三文魚骨、夠juicy一口炸芝士、炸鮮奶，夠濃郁牛舌唔會太薄，醃製味道啱啱好，炒蜆d蜆肉大隻之餘、重點冇沙㗎！芝士焗蠔d芝士焗到有少少焦，食過返層味。另一推介韓式人蔘雞湯，冇味精，堅有淡淡人蔘味。壽司方面，有拖羅軍艦，唔係所有放題有得食㗎。不得不提嘅係一口番薯細細粒，精緻得嚟又唔會食大個胃⋯⋯餐廳職員亦好有禮貌好體貼，定期埋枱換碟最後要食番個芝士