神戶屋日韓放題

營業中

休息中

行開旺角又好耐無食過放題就同左朋友黎呢到食返餐午市放題。 以前中學都成日黎食，今次返返黎回憶返返哂黎。依舊坐底就會即上一盆魚生，每款都好足份量，基本上食哂都唔洗再加。之後叫左幾款壽司試下，食得出食材同魚生一樣新鮮，而有新式既黑松露壽司，食落口係勁重黑松露味，有驚喜。之後叫左個炒蜆，食落都好惹味，而且份量岩岩好，唔會太多唔想食式者太小又唔夠喉。之後又有叫左個通菜，又係幾惹惹味。而且菜都唔係黃哂個款，絕對食得過。之後叫左個焗元貝，一大pat沙律醬一齊燒食落勁香口，size細但狂食都絕對一流。最後叫左個心太軟，食落去都好流心，又唔會太甜，唔錯。