神戶屋日韓放題

營業中

休息中

見到有優惠券可以食3小時所試下呢間，點知book位時同我地講假期前只可以食2.5小時，但優惠券講明假期前都可以使用，諗住夠時間食就照去，因為想少人啲就早啲食，5:45左右去到已經有幾枱客，安排左坐卡位係舒服啲，不過地下有少少痴，拿拿聲叫野食最實際，食物好快上枱，不過數量就未必跟足嘅，魚生寫多啲又未必足，炸物寫2會變4，或者冇寫都會黎，因為一次過上好多樣，到發現黎錯已經太遲，衞生問題都唔會比返佢唯有食埋佢，刺身夠新鮮，炸物夠熱，2款雞翼都好好味，火炙壽司都好味，其他熱食就普通，職員都會跟進下有冇咩未黎齊，有幾款漏左都有跟，不過其中一碟炒菜真係催左2個鐘先到，已經飽哂先黎就冇意思了，另外個半鐘左右就會叫你last order，食得如火如荼時聽到last oeder呢個字都幾冇mood，唔明點解咁快就話要截單，其間不停問我地落左last單未，有啲被催促食野感覺

好少寫食評，老實講呢間嘅環境食物同個金額完全不成正比，我一入去以為自己入咗Neway自助餐咁,仲要冇K唱嘅Neway大家諗下係點啦一嚟係咁叫我落單，好啦，落咗個牛肉壽喜燒，咸到倒走湯底自己加水煲咗兩次先入得口，羊架感覺係煲過至燒嘅，肉好多肥油之餘，勁似食緊日本叉燒咁軟爛唯一令我還保留些少讚美嘅係，雖然全場只見到兩位姐姐仔，魚生檔及廚房各一位哥哥仔全力以赴咁趕單，但態度還是很好嘅...總之只可以講句加油啦！

好簡單，純粹因為太太想食下日本野，又屎忽痕不如放題啦咁，結果就悲劇左，真係畢生難忘⋯仲因為佢本身係打住黃店名頭，當支持下咁啦，但黃店都比少少質素好嗎裡面5好講咩位置舒5舒服？服務好5好？衛5衛生之類？價錢貴5貴？但肯定5算平！我淨係講食物簡單到刺身壽司，刺身5新鮮，算。壽司可以舊飯好似白飯無味，仲又好似臭左咁⋯咩玩法😞仲要開頭整個咩火鍋果D,成個鹹到食5到,食到懷疑人生⋯試埋天婦羅炸物⋯真係就快想大大聲係個場到‘小’出黎😂連麵鼓湯都做5好既餐廳，真係5識講，連個咩新鮮水果都可以臭既⋯絕望到係連你仲要點咩食好都諗5到既極致放題體驗，未夠鐘都已經走左最好食係燒菠蘿，最好飲係罐裝飲品😂其他我已經無勇氣試，真係垃圾到突破宇宙擊穿銀河系！！🥲各位勇者，祝君安好。

一行6人7點入座，同我地講落單時間係100分鐘，坐左唔夠60分鐘，有個女侍應行埋黎問我地有無咩未齊未到，過左10分鐘又再行埋黎問，以為咩事。然後我地忍唔住問佢落單唔係100分鐘咩，佢話差唔多時間，我地話你會唔會搞錯左？ 我地入座張紙係7點，宜家坐左一個鐘，係咪隔離台夠截單時間？ 店員嘜到無講就走左。到8:15又有另一個點店員黎執台，仲要連我地未食既野收走埋，趕客咩？我地忍唔住再出聲話未食完。到8:30我地開始食甜品，要執台我地無問題既，但到8:45我地未走仲未食完雪條，已經擺定啲餐具係到，都唔係咁做生意呀，我唔係無比錢食飯。完全係趕住做下一台客生意，坐位好迫，坐得唔舒服。 食完今次唔會再有下次，食完6個人一肚火。

Book左6-8pm 放題慶祝父親節。三位盛惠$855。6:20pm落2nd round order，7:00pm 仲未上，但職員就埋枱話7:00pm要落last order。同職員說明2nd round 野仲未上齊，職員話幫手追單，7:15pm 上到。落左20件三文魚，上得5件五常size並切開一半扮十件，其他類別都系10件，但實際上得4-5件，又有小部份漏單。欣賞職員有幫忙追單問題：1）上得慢2）上吾齊

大部分嘅嘢都難食，唔知自己食左D 咩！重要好多野叫左幾次都唔會黎！D刺身淨係黎少少，炸物又係！問職員又話冇落單，明明已經係apps禁左，都話冇落，根本係拖時間，之後又話last order , 根本好多野都冇黎

魚生不算新鮮， 牛舌好難食， 甜品種類好少。 一品料理中，有些比較鹹。炸物算唔錯， 有較多的種類 包括 芝麻雞翼 香芋圓 炸蠔 一口豆腐 等等。 如果炸物都唔好食， 就不得了😅整體嚟講， 最好食係個部隊鍋的辛辣麵😑雖然服務不錯，但不會想再幫襯。 呢個價錢有其他更加好嘅日式放題。

生日飯，諗住開開心心一家人食，見食評好多人讚like, 時間仲係安排六點鐘早少少食點不知嚟到叫嗰樣等個樣，做放題運送食物嘅手法好差只係叫你快啲落單但係啲單只係一個字等*，下下要吹等一樣刺身等20分鐘，叫炸野起碼等15分鐘，其他野加埋加埋全個食飯時間是兩個鐘，等足佢1小時30分鐘，呢個食放題嘅經歷真係好不一樣，呢個生日飯真係令人出乎意料之外，垃圾唔好中伏，等多等飽全過生日冇晒心情，好有禮貌叫佢，到開始不耐煩，等到最後啲嘢都未來晒，仲攞張單吹人快啲走，俾下臺客，感覺好差千祈唔好中伏千祈唔伏

兆萬樓上有多間放題，今日同朋友聚餐試左呢間食日韓放題嘅餐廳。一坐低即刻睇下有咩食先，食物種類都幾元化。基本魚生，壽司，卷物，鍋物，炸物，串燒，熟食小炒亦都有，啱晒有選擇困難同唔食生嘢嘅人😋。原來呢度己經轉左用QR code 落單，好方便!落左單一陣，啲刺身好快就黎左，出餐速度值得一讚! 今日黎食仲送期間限定嘅日本和牛壽喜燒，食落都幾好味。前菜叫左日本一口薯同和風牛油焗雜菇。一口薯嘅味道香甜軟糯，一口一個，好快就俾我掃晒落肚🙈焗雜菇好香牛油味，都好好食!刺身叫左甜蝦刺身、象拔蚌片、八瓜魚片同松葉蟹棒。刺身食落都好新鲜，甜蝦好鮮甜，八爪魚片同象找蚌片都好爽口彈牙! 我地又encore 叫左幾次。壽司叫左蟹籽壽司、蒲燒鰻魚壽司、芝士鰻魚卷同牛油果軟蟹卷，黎到嚇左一跳，啲蟹籽多到成座山咁😂我地仲叫左清酒煮蜆、豉椒魷魚鬚、醬燒一口牛、多春魚天婦羅、海老天婦羅、南瓜天婦羅同日本香芋丸，樣樣都好食，有一定水準。食完正餐梗係唔少得食埋甜品，好驚喜竟然有日本牛乳豆腐雪糕! ❤️剩返最後一個，好好彩食到! 雪糕好濃豆味，唔係好甜，好好食，好想食多個呀😝總括黎講，今次放題食得好滿足! 唔止食物多元化，仲維持到

午市想搵地方坐耐啲揀放題就最啱啦同朋友傾吓計慢慢食下慢慢坐下呢度午市加一之後，$200都唔使因為食物種類多款，性價比高熟食，刺身，炸物，火鍋同甜品通通係放題不可或缺雪糕雪條勁多款種，勁多韓國雪糕雪條鯛魚燒雪糕夾餅好正，蜜瓜雪條必食嘢飲都好多選擇啊一黎就立刻整個刺身併盤先刺身有三文魚，甜蝦，牡丹蝦，北寄貝，帶子，勁食牡丹蝦解凍得夠又甜，三文魚夠肥夠厚切爆炒牛仔粒好惹味，洋蔥青椒好香口炸蠔粉漿剛好，脆口燒菠蘿表面焦糖化左，甜甜少少酸，多汁兩個人以上送一個鍋有雞煲，壽喜燒同部隊鍋揀但係我哋揀咗部隊鍋，食完辛辣麵飽晒

隱世高質日式放題最近疫情漸見緩和，又好耐無食過放題，所以決定今個週末中午去香港嘅「放題聖地」 - 兆萬中心餵飽我嘅五臟府😜係兆萬搭扶手電梯上左3層再轉左，就見到一大堆水牌， 琳瑯滿目🙈 企咗係水牌前研究咗陣，就決定揀呢間係8/F嘅2小時任食放題喇，因為中午1點幾呢個時間只係179蚊(未計加一) 炸，咁多款食物，但試無妨！當我坐低咗之後，侍應會簡單交代下落單方法(scan QR code) ，飲品同甜品放嘅地方，仲提我地可以用特別提供嘅2張紙叫咗刺身船同迷你火鍋添！唔洗10分鐘，一隻又大又靚吧刺身船就出現係我眼前了😍除左刺身，仲有沙律/前菜，炸物/天婦羅，料理，串燒，軍艦，款式應有盡有，等我highlight幾點款點評下先😎和牛壽喜燒：個鍋雖然細細個，但係入邊都有好多不同食材，有和牛、雞蛋、黃芽白等等，可以過下邊爐癮🙈燒菠蘿及芝士帶子：燒菠蘿好甜，試過食過好酸，好味到我encore咗次！另外，大部份燒物都會用呢款錫紙小兜裝住，可能要細心d先分得出邊款打邊款🤣 然而，佢d帶子都幾大粒，燒完嘅情況下仲有5蚊銀咁大，真材實料👍燒牛舌：本身有d擔心佢燒到un，所以叫咗1份試下。點知食落口，火喉恰

當初比佢個名呃咗去食🙂 個陣睇個名好似好正咁啦 但原來唔係咁囉 個陣去到啦 張梳化雖然坐得舒服但係張枱頂住咗隻腳搞到勁唔舒服之後開始叫嘢食啦喎 開頭淋住叫小小先啦 之後就有人行黎話啲熟食叫咗好少 話會等30分鐘左右先到叫我地叫多少少 味叫囉 叫完唔夠10分鐘 全部嘢食都出曬黎 之後 啲炸嘢我都唔知講咩好啦好難放入口囉真心🙂真係未試過食一間放題係咁「好食」架囉！！我真係覺得佢唔值得280？再+1囉都唔知憑啲咩😑🙂🙂🙂

朋友同我都鍾意食放題，今日夜晚就黎到放題聖地：兆萬中心，揀咗一間神戶屋日韓放題，見到OpenRice做緊晚市57折優惠，以優惠價$179就可以享用3小時任食晚市放題，真係好抵呀！😍8樓一出就係神戶屋日韓放題店，門口有個雪櫃，可以係度揀兩客特選雪糕🍦，當然，甜品雪糕都係飯後享用好D。入到餐廳，見到座位頗多，大部份都係卡位位置👍🏻👍🏻👍🏻，坐得幾舒服😌。呢度主要係用點餐紙落單，嘢飲🧃就自助形式，大部份係清熱解暑飲品，另外仲有d支裝既茶同水。放題黎得最快既係築地直送既刺身，個擺盤超靚😍，相機食先。三文魚紋路清晰、厚切；有頭甜蝦，口感軟黏；厚燒玉子刺身、角螺、象拔蚌、松葉蟹棒、北寄貝、希靈魚、鮑片都好鮮甜美味。壽司擺盤又係好靚❤️，仲好驚喜全部壽司🍣都非常出色。手握壽司如蒲燒鰻魚壽司、三文魚壽司、花之戀壽司；黑松露三文魚壽司，入口有濃郁黑松露味，而火灸芝士燒三文魚腩同火灸沙律燒三文魚腩，壽司飯暖暖地，融合埋火炙既香味👍🏻，超推薦俾大家👏🏻。不得不提蟹粥，粥稠綿又有蟹既鮮味，係清清腸道既好選擇。炸物方面，韓國炸鮮奶、日本香芋丸、一口豆腐，都係即炸，口感外脆內軟，炸雞翼保持肉質鮮嫩，頗高水準😋。我同

放假去兆萬買玩具，見到樓下有幾個人派傳單話有放題食，挑起我食放題嘅癮，我梗係揀間有質素又食得嘅餐廳。上到去先被佢嘅裝修吸引住，同埋佢係用掃code 方式落單，咁就少咗漏單情況同可以睇返自己叫左幾多野食。先黎叫咗唔同種類嘅蝦刺身，佢嘅甜蝦刺身同埋虎蝦刺身食落好新鮮，覺得佢好爽同甜。北寄貝食落有鮮味又唔腥，三文魚都算肥美。炸物同燒物黎講都算唔錯，佢地上枱嗰時夠熱，燒物例如牛舌嘅調味夠，食得出有少少五香味。而炸物食得出佢用嘅油係新嘅冇油億味，同埋炸出嚟係脆嘅。叫左幾樣炸物，我特別推薦一口炸芝士同紫菜雞肉卷，芝士唔洗講佢一定做到拉絲，而雞肉卷佢做到口感豐富，好正，食過就知我點解咁講。食返個鍋物滿足埋打邊爐心癮，我就叫咗個牛肉喎，牛肉鍋嘅配料充足，湯底夠惹味，牛肉片有啲牛味，份量適中，唔會多到食唔到其他放題嘢食，想叫多啲打邊爐配料都有掣可以俾你單點後加。真心嗰句， 二百頭食到咁高質嘅放題，性價比真係好高，值得再去食過！

難得放紅假想食餐好小小😆😆又係兆萬買完野，就揀中咗呢一間，$219 2hrs 任食，食物多元化，都幾豐富，而且都係有誠意，性價比高❣️絕對有良心❣️1. 刺身我地跳咗六款唔同嘅蝦（包括甜蝦，泰國生蝦，赤蝦等等），仲有兩款唔同嘅象拔蚌，帶子，三文魚，蟹棒，玉子，八爪魚😍😍😍，本來以為爭鮮質素😂，點知刺身非常新鮮😱😱一啲都唔腥，每款蝦都冇揸流攤，清甜爽口😛值得一讚嘅係蟹棒，唔會好似出面咁用蟹柳黎過骨，玉子放左蔥係入面，即時香口😍睇得出餐廳嘅用心，一定一定要試2. 涮涮鍋🤭食肉獸嘅男朋友話一定要食涮涮鍋，我地點左款壽嘉燒牛肉，牛肉脂肪分布以呢個價錢黎講，都算唔錯😛，湯底係甜甜地，過口癮都唔錯3. 炸物我分別叫左日本芝士年糕、芝麻雞翼，炸蠔etc。個人認為除左刺身必食之外，呢到嘅炸身都要試，因為炸粉唔係落好多，但又炸到好脆，食完唔漏得黎又可以勁滿足😍😍4. 熟食呢度嘅熟食由中菜到日本，韓國都有，都幾surprise，中菜方面我叫左個蜆，同埋一口牛柳粒，蜆冇咩沙，味道正正常常，牛柳粒就好有鑊氣😛可以一試。5. 燒物我地叫咗少少，雞肉串好驚喜，勁淋，牛舌都係正常咁。最後就叫咗一個拉麵🍜😆，以為係茶記質