神山麺屋 (創紀之城五期(apm))

營業中

休息中

多次經過店舖都沒有進去，終於這晚充滿希望走入店內。我們期待著跟原址舊的一間麵店一樣，拉麵會很可口美味。可惜這店做出來的拉麵味道上比期望是有點差距。麵不是完全不好吃，只是不是個人想吃到的味道。那沾醬麵真的比較失色，醬是冷冷的，麵是冷冷的，因為再配合了兩片冷冷的叉燒肉片，吃後就是有點過膩，油都在胃裏卡著。如果麵或肉能夠熱些就好了，可以沒有吃不消感覺。朋友說她那碗湯麵亦一般般。餐廳內比較坐得迫，不是寬敞舒服那種，但沒關係，吃一碗麵所需時間也不長。也許當我很想很想食拉麵而人又在附近，都會再來，否則暫時沒意慾再來吃了。

叉燒煮得好入味 好淋 nice(◡‿◡✿)啲拉麵好彈牙 成碗麵份量亦都好夠飽同行友人們叫咗黑、赤神山黑蒜油湯好香好正！赤湯的辛辣味都好足(˚▽˚)👍🏽 之前有同友人試過沾麵佢覺得個沾醬太咸 我個人就覺得還好不過其實唔使沾就 咁一碗拉麵已經好滿足(^^) 啲料只有唐心蛋同筍 比較少 而且竟然冇紫菜ww唐心蛋放喺碗麵度太耐有機會已經唔唐心(mine one lamo)推薦大家辛苦咗一日之後去食拉麵真係好鬼死正✿◕ ‿ ◕✿

行開apm見到呢間拉麵店好多人等位，見到近排推出咗激辛牛舌拉麵/沾麵，啱晒鍾意食牛舌又鍾意食辣嘅我😆激辛牛舌沾汁麵套餐 $148有三個辣度，叫咗1辛試吓先～ 套餐包特飲同辛味豚耳。試咗個湯先，辣辣哋有啲後勁，辣得好爽！牛舌幾軟腍，沾汁食都夾！麵質唔會太腍，但就唔係我最鍾意嗰種煙韌度，加埋辛辣湯一齊食，唔錯幾好食！套餐嘅辛味豚耳都唔錯，幾爽口，仲有蒜芯，辣辣哋幾開胃！神山豚角沾汁麵 $88呢度嘅人氣沾麵，有兩大塊豚角煮，肉質軟腍唔乾身，外面燒到焦香，幾好食！麵條同牛舌沾麵一樣～ 湯底都算濃郁。和風蘋果沙律 $45好清新嘅沙律，好好食！有蘋果條，青瓜條同火腿條，仲有麥片脆脆，整體好夾好fresh！推薦試試！神山炸雞 $28消費滿$100可以特價加配小食，幾抵食！炸雞份量多，仲好大塊，外脆內嫩，配埋芥末醬，好食！神山手造餃子 $28另一款小食叫咗餃子，皮薄煎到外脆內軟！一份有5隻，唔錯！巨峰梳打 & 蜜桃焙茶巨峰梳打係原瓶上，味道都唔錯，唔會太甜！蜜桃焙茶係套餐包嘅飲品，都幾好飲，好香蜜桃味🍑整體食物味道都唔錯，價錢又合理，可以試試～

今日想食下拉麵，今次係APM搵到呢間拉麵店神山麺屋✨神豚燒沾汁麵（白）$88麵條口感適中，叉燒都幾大塊，麵沾濃厚，可以令麵條掛湯，再配上一粒糖心神蛋😊✨蕃茄叉燒拉麵 $85本人熱愛任何蕃茄湯產品，今次蕃茄叉燒拉麵亦都係我一定會叫😆蕃茄湯屬於偏酸口味，喜歡偏甜的人要留意一下～～作為重口味人士我覺得可以再重味啲，但呢個都不錯！✨神山湯餃子 $42呢個餃子都幾出色，因為個湯夠好飲！令到普通既餃子食落去有另一番味道～而且餃子煎過，配埋個湯所以都好香口。✨雙色牛舌 $48呢款雙色牛舌都幾特別，一款係凍食，另一款係熱食。先吃凍的，有助開胃。我覺得熱食好味啲，有別於平時食開既牛舌，咸咸地～✨吉列廣島蠔 $48成餐飯我最好食既竟然係呢個廣島蠔！外面炸得脆脆，但一啲都唔油膩，而家唔會食到成口都係炸粉。蠔好鮮，冇怪味，鐘意食蠔既人唔好錯過～～✨梅子青檸梳打 $28左邊係梅子青檸梳打，右邊係巨峰提子。梅子青檸梳打比較特別，如果食完沾麵想中和一下，呢個都係唔錯既選擇！

: If you're a noodle lover, you need to check out Kanzan Menya! I recently tried their Kanzan Tsukemen and it was a total game-changer. 😍The dipping sauce was thick and flavorful, with a complex blend of spices and umami flavors that made it a standout dish. The noodles were perfectly cooked and had just the right amount of chewiness. The dish was served with a perfectly cooked soft-boiled egg, which added another layer of flavor and texture. 🔥Kanzan Menya originates from Tokyo, so you know you'

約咗朋友去觀塘APM 買嘢，之後肚餓緊係喺APM 搵食啦，今次揀咗”神山麵屋”位於APM 2樓，非常方便易搵內裡真係好多人幫襯。好開心，職員安排了卡位比我哋，坐得舒適，環境優美期間限定，好吸引呀啲小食Menu好抵食，又多選擇。消費滿$100，可加$28就有大大碟小食，一定要試1. 神山炸雞-芥末醬($28)，即叫即炸，上枱熱辣辣，外脆內熱，雞肉夠Juice，配上芥末醬食落十分醒神。2. 吉列廣島蠔($48)，一共3隻肥美嘅廣島蠔都只係收$48，又一抵食之選。3. 和風蘋果沙律($45)，蘋果超級爽甜，好清新，令人好開胃4. 牛舌沾麵($118)，牛舌超級諗， 仲有三大片。沾麵麵底夠煙煙韌韌，再掛上超級熱辣辣嘅濃湯，真係無得輸5. 神山沾麵 (白)($88)，餸菜鋪滿晒碗內，啖啖肉好豐富6. 蜜桃焙茶、巨峰梳打(各$28)，蜜桃培茶少少甜好解渴。巨峰梳打同樣少少甜，好夠氣，配麵一流。整體而言，沾麵好食無得輸，各小食價錢平，十分抵食，值得一試再試。

日本麵食除了拉麵外，還有沾麵，也是不容錯過的。香港吃到正宗濃湯的沾麵不多，而這家來自日本東京的沾麵店，味道、質素及性價比也很高。裡面地方不算大，剛到晚市時間，全場滿座，要在外面輪候。神山湯餃子餃子煎完後放進湯裡，咬下去都是滿滿的肉汁及湯汁。神山豚燒叉燒沾汁麵沾麵用了坑紋麵，麵條挺身，更加易掛湯汁，不過麵條份量不多，不夠飽的話可以追加一份麵底。另外除了火炙過的叉燒外，還額外加了厚切豚角，豚角厚肉，肥瘦均勻，夾雜肥膏，肉質保持軟腍，很容易便可以撕開了。峰梳打原個玻璃樽一支上，真實的巨峰提子果汁香味。

去完日本返黎一直都好思鄉🤣琴日收工老公話不如去食拉麵，咁我梗係話好啦！去左apm 呢間神山拉麵，雖然門面睇落好似好細間，但原來入面好多位好寬敞，坐得好舒服 激辛牛舌沾汁麺 （套餐價$148、單點價$118） 見到呢個新出嘅套餐真係好吸引🤩 因為我平時都好鍾意食辣嘢，呢個真係值得再encore！沾汁有三款辣度，我揀咗爆激2辛， 已經好夠辣好惹味！而佢呢款面好似比起平時嘅拉麵闊身啲，好掛汁，真係值得叫嚟食吓。另外套餐配特飲同埋辛味豚耳一份，蜜桃焙茶好清甜，唔會話死甜好解膩。辛味豚耳辣辣地好開胃。白神山叉燒拉麵 $80 +豚角$25 老公話呢個麵都好好味，麵條唔會煮得過淋，叉燒同埋豚角嘅份量都好多，食落啖啖肉。而且湯底都非常之濃郁，但係又唔會好Heavy，仲配埋糖心蛋好滿足！芥末醬神山炸雞 $42炸雞份量好多，肉質好Juicy，啱啱炸起仲係好熱辣辣，配埋佢哋特製嘅芥末醬好好食，啱晒食肉獸吉列廣島蠔$48 廣島蠔一份有三件，每隻蠔都算大隻，食落都好有鮮味，下次嚟都會再叫！📍 神山麺屋 (創紀之城五期(apm)) (觀塘)觀塘觀塘道418號創紀之城五期(apm)2樓L2-1b號舖

觀塘APM 真係好多嘢食，雖然多但一到午膳時間就會人山人海，幸好今日時間尚早，行經呢間拉麵店有位，橫掂末食過，一於試吓。不吃拉麵，反而被湯餃子吸引到。餃子浸入湯中，湯底變得油膩，餃子少了份油，吃起上來比較輕巧。餡料頗多，皮不厚。另點了一碗炒飯，粒粒分明，炒得乾爽，配料有蛋，蔥花，义燒粒，高菜，紫菜，口感非常豐富。

濃郁嘅湯底滿滿豬骨味啖啖湯都係精華望落好多油但好好食好滿足仲有一粒溏心蛋雖然份量唔算好大但就可以叫埋小食幾好芝士餃子好大粒外表煎香但內裡好多張出面嘅芝士好邪惡好加分

位於觀塘的沾麵拉麵店，主打招牌沾麵，還有其他選擇，如拉麵、咖喱飯、小食及各類飲品。小食：蒜香魷魚鬚 魷魚鬚沾上醬汁，還有蒜粒及蔥花，蒜香味濃；魷魚滑口且煙韌。米飯：高菜叉燒炒飯餐牌寫著小碗份量，上枱發現飯量其實也蠻多的，入面有很多角切叉燒粒，還有高菜、雞蛋、蔥花，炒得油香惹味。神山沾汁麵：神山豚燒叉燒沾汁麵一碗濃稠的湯汁，浸泡著溏心蛋，竹荀及叉燒肉粒，另一碗則有粗麵條、豚燒叉燒及洋蔥。叉燒薄片，燒得焦香乾身。麵條很有韌性，溏心蛋半熟流心狀態。湯汁濃而不鹹，帶點魚介香，沾著麵食。飲品：蜜桃焙茶蜜桃甜香味較濃，配襯淡淡的焙茶底，味道很夾，而且兩者比例剛好。

我地真係好鍾意食日本拉麵😍👍🏻😝老細尤其喜歡沾麵🤭😁貪佢湯汁濃郁！👍🏻我就乾嘅湯嘅通殺😝神山麵屋嘅沾麵麵身比較粗，而且專登整咗一啲坑，方便掛汁🍜所以食落去好濃好香～我最鍾意佢麵身身夠粗，又彈牙，夠晒咬口！佢嘅角豚肉唔會炆到爛曬，有少少似燒過嘅東坡肉咁🤭😋好香濃，但係又唔油膩。本來想食另一款沙律，但係佢話冇🫣😓呢個蟹子蘋果沙律都幾清新，雞軟骨就正常操作啦…無咩特別～老細話齋：炸雞軟骨唔方差得去邊🤭🤭😅

今日跟朋友去咗觀塘APM 神山麵屋lunch ...試下激辛牛舌拉麵看看有幾激😝...激辛牛舌拉麵辣度有分1，2，3辛的…我哋揀咗2辛中間🫢原來都幾辣🫣🫣但又幾刺激😂😂不過 個辣味係ok ，鍾意辣的朋友一定要試吓🤣🤣牛舌厚切🙊囗感不錯！整體來說👍 神山炙刂叉燒沾汁麵 再加配豚角煮🤭🤭有一隻流心蛋和2塊紫菜…叉燒灸得好香，好惹味🤭🤭湯底好濃郁，暖暖哋，不是其他店的熱辣辣的！麵底囗感煙靭，不沾湯都已經好好味！ 加$25 ，有2塊厚切的豚角，真係好入味🤤蒜香魷魚鬚 ，魷魚鬚幾靚，都幾大條，有咬感！

住觀塘區少不免會去Apm行街食飯，食拉麵我通常都簡神山，抵食之餘拉麵又多湯底簡，佢地個湯餃子更加係會食過番尋味！今次我嗌左白神山叉燒拉麵，湯底傾向比較清D，想濃D可以叫黑神山，湯碗邊有兩塊大大薄切既叉燒片，肉質口感軟腍，溫泉蛋好流心，麵條軟硬適中。友人喜歡吃辣，所以嗌左赤神山豚角拉麵，湯底辣味個人認為屬中等程度，豚角既肥瘦度適中，一分肥兩分肉，肉質緊緻帶有豐富肉汁和油脂，同樣配有溫泉蛋，惹味黎講呢個一定更勝白神山叉燒拉麵！另外我地仲嗌左幾款特色小食，幾款都好正！《薯片一口雞翼》成隻雞翼外面都黐滿薯片，薯片有d似珍珍原味，感覺好新鮮好特別，雞翼面咬落好脆口，雞翼既肉質好嫩。《七味烏軟骨唐揚》脆口小食，越食越上癮，送酒必點之選。《神山湯餃子🥟》個個食拉麵嗌餃子首選都係嗌煎餃，黎神山拉麵大家記得係要嗌湯餃子！雖則係湯餃但佢隻餃子都有煎過，煎餃浸左係湯後完全無成隻變冧曬既感覺，單就咁飲個豚骨湯味道己經好鮮甜，d湯滲入餃子一齊食味道更加昇華，餃子以韮黃，菠菜作餡料，超好味👍🏻咁多樣入面我最鐘意呢個🫶🏻《吉列廣島蠔》外皮炸得夠脆，廣島蠔油炸後唔會有腥味，仲依然能夠保留到蠔既鮮味。埋單食左咁多野一人

又一個人去食好嘢！😋今次嚟觀塘APM嘅神山麵屋試咗佢哋嘅神山豚角沾汁麵～❤️沾麵係其中一種日本拉麵，湯底同麵條分開盛放～神山豚角沾汁麵嘅麵條彈牙有嚼勁，湯底豚角沾汁，濃郁豬骨湯底加埋獨家調配嘅醬汁，好香味道好濃厚，豚角肉質鮮嫩多汁，同麵條配合得好好，口感爽滑又有層次感。❤️😋另外，我仲叫咗雞軟骨，都係超級好食！雞軟骨炸得香脆，入口酥脆多汁，肉質又嫩又有彈性。點埋醬汁，風味十足。❤️😋下次嚟apm會再嚟神山再食佢嘅沾麵！❤️‼️