磊犇 (已結業)

今日收工有同朋友去左旺角食近期大熱既石燒牛。晚市時間呢度好好生意，客人出出入入。我同朋友就叫左西冷扒200g($128)同牛肩肉300g($110)，想試兩種肉類既分別。係自助機度落單，比埋錢就攞部機自己搵位坐。等既時間自己去攞沙律、麵豉湯、飯、飲品。飲品有三款，每樣試左啲，味道都唔會太甜，啱曬注重健康既香港人。5分鐘已經有喇！用一塊廚房紙遮住啲油無咁容易彈到周圍都係。上面差住支旗，打卡一流。牛肩肉：西冷：因為熱石一路熱緊塊扒，所以要盡快切開一片片先可以係有限時間內煎熟全部。食落竟然平啲既牛肩肉係軟熟過西冷扒，比較容易咬，反而西冷就比較韌，比較多筋。當然兩者落左啲調味醬之後都非常正，非常配合呢度粒粒分明既白米。我最鍾意就係照燒醬，甜甜地。一路煎一路彈油，所以呢度好貼心有塊塊一次性圍裙可以保護大家既衫，唔會彈到一噠噠。

haha 好鍾意食牛既我今日獨自黎左旺角搵最近好hit 既自助售賣牛扒黎食🐂😝咁一入去我就要左個高級西冷牛扒 價錢唔貴 300g 都係百幾蚊🥺等既過程當中就準備其他自助既野麵豉湯同白飯沙律都係自助任食!聞到佢哋啲麵豉湯到好香好正宗日式味道😛🇯🇵除咗呢兩樣係自助任食之外見到佢哋有三種唔同嘅凍飲都係自助任飲;我自己就要左菊花茶可以解一解熱🙋咁佢地有三種醬料比大家揀黑椒;燒汁同日本芝麻醬😘😘到牛扒上場了 ,我用左圍裙唔怕佢彈到😎咁牛肉相對厚切,肉質好腍🤭我燒左一陣(大約20s)反一反煎就點醬料黎食😎個人覺得點黑椒真係無得輸,因為juicy 既steak 要d 黑椒味先夠正正同埋佢地牛味都好香🤪又唔會有根

一直都中意食石板燒牛扒，今日Lunch來到磊犇，可以試試呢度既牛扒。見到餐牌上面有幾款唔同的牛扒，分為：磊牛扒、牛肩肉及西冷牛扒，每款200g, 300g及400g各分不同的價錢。另外除左牛扒，仲有石頭鍋飯，肉可以自選，有一口牛、牛展、肥牛、雞肉及豚肉。落單直接門口用機落，落完及付款後，服務員會比一塊取餐器你，到時取餐器響，就直接到取餐處取餐。我同朋友唔想食甘多肉，就叫左一塊西冷牛扒300g及一個雞肉石頭鍋飯, 兩個share 一齊食。所有扒餐、石頭鍋飯可以包埋：沙律、飲品、飯及湯任飲任食，其實都幾吸引，一定夠飽！醬汁、沙律、飲品、飯及湯係自助形式，凍飲品有洛神花、菊花茶、綠茶，熱飲品有綠茶。上菜夠快，等左唔夠五分鐘，取餐器響啦！西冷牛扒上菜時，會有張紙巾蓋住，以免太熱彈油彈到自己。石板十分夠熱，牛扒成塊“咋咋”響，聞落牛味好香，聞到都留口水！以我所知，牛扒上菜時應該只有一成熟，所以要趁熱快快將佢係石板上面煎。如果擔心比油彈到，可以使用餐廳提供的圍巾。時間要控制得好，以免牛扒太生或者過熟。整塊牛扒份量十足，十分厚，而且是原汁原味的，是沒有醃過。如果想加小小調味，每個座位上都配有玫瑰鹽、

之前係尖沙咀食過一間石板牛覺得唔錯今次呢間朋友介紹，所以試試啦一入去見有一部點餐機， 但部點餐機係冇得比錢既，淨係印左張單出黎然後去counter 比錢🤯落哂單比哂錢，入去坐低之後先發現呢間係一間充滿濃厚中國氣息既日本餐廳唔緊要既，我著重既係食物既質素而唔係裝修等左一陣食物就到啦，係200g 西冷 同200g 肩肉不過我哋真係無從入手。我唔知係兩塊扒未解凍哂定塊板太熱，啲油到我地食完都仲彈緊，我同女友等左幾分鐘都唔得決定冒住生命危險去鋸扒。食物質素而言，兩塊扒切既時候，啲肉都會有自動拉絲既效果散得黎冇味做肉絲炒河會係絕配由於石板上啲油太活潑，女友個塊已經成功overcooked,可以拎去美珍香去賣了配菜黎講唔錯，配合到餐廳中國風主題飯唔會太硬太軟，選料係員工canteen 級數既絲苗米室溫沙律適合敏感性牙齒（利申冇食）味噌湯有家既感覺兩個人鋸扒都唔算貴，埋單216200g睇落比上次係尖沙咀個間細份不過其橡膠質地應該可以係個胃到留下更多時間值得推薦

石燒牛想食好耐， 今日和朋友行街時見到此店大排長龍， 見價錢也很平民化就心動了。 原來是自助形式的，店員叫我們先在銀幕前點餐， 這裡有幾款牛扒供應， 西冷扒，牛肩肉和磊牛扒! 我們點了西冷扒和一口牛石鍋飯。 飲品，麵豉湯及沙律都是任食的; 還特備了防彈油口水肩供客人使用! 特厚的西冷扒在熱石中翻騰，客人可按照自己的喜好烹調，5成熟又得8成熟又得全熟都得~ 西冷扒比較香滑及牛味重。 一口牛石鍋飯配料有粟米，紫椰菜，青瓜和紅蘿蔔。照燒一口牛十分嫩滑及配料很新鮮。這平民的價錢可以食到超值的牛扒真是幸福啊！

本人對鐵板燒的勁有興趣，有一日經過太子竟然發現咗有一間新開嘅鐵板燒，而且仲係自助形式，門口有自助售賣機，入面又有自助嘅餐飲，餐前小食等等入到去店舖入面，哇，勁香嘅牛味已經流晒口水，即刻好快就點個餐食先我同朋友點左一個西冷扒同磊扒，嚟到嘅時候好震撼，好大塊，鐵板亦都好熱，同埋野嘢飲都係任飲，配菜亦都係任食，白飯任加，值得一讚總括來講，已100幾十嘅價錢，做到任飲任食，絕對係超值，絕對適合大胃王嘅你呀

聽講依排興石燒牛🤔隨波逐流嘅我梗係要去一試究竟😌-🥩牛肩肉(300g) $110300g真係唔係講笑 超級厚身🐮牛肩肉係非常之軟腍腍一咬就咬開到啲肉 口感一級棒👍🏻切開見到中間啲肉仲係紅紅地啱哂鍾意食偏生嘅我🤣鍾意食熟啲嘅都可以自己慢慢燒到你想要嘅熟度-🥩西冷牛扒(200g) $128西冷牛扒係依度relatively貴啲嘅選擇🤔(雖然其實都係百幾蚊🤣)但佢嘅牛味係真係重啲 充滿肉汁對比起牛肩肉 西冷比較有嚼勁😗-客人叫完牛扒會有個小自助bar有得任食沙律任添白飯雖然環境唔係咩高級餐廳但以依個價錢可以食到咁有份量嘅牛扒性價比真係幾高🤩

之前在日本曾經吃過一種石燒牛覺得回味無窮，一直都想在香港尋找多一次這種味覺的享受於是乎就比我找到呢間位於旺角西洋菜南街這間磊犇顧名思義就係石板上的燒牛今次就約咗朋友仔食lunch入到去裝修都很有日式風格一入門口就有部日式嘅自助售票機先付款然後就可以坐下慢慢等此店嘅牛有三款包括西冷牛扒，牛肩肉同磊牛扒如果唔清楚部位仲有一個牛的部位圖俾你睇清楚添當牛肉還未上的時候就是你去尋找食物嘅好時機了，事關這裏牛扒的價錢已經包左自助的沙律，湯和飯都是任食的飲品仲有三款添呀分別係洛神花山楂茶菊花茶同冷熱綠茶🍵記得吃飯前先帶一條圍裙💁🏻‍♀️呢度真係好細心呀牛肉上嘅時候有紙巾墊住，千萬唔好咁快揭開啊小心啲油彈到你呀我覺得呢度最特別之處就係可以自己去調教牛肉嘅熟度，因為鐵板有300度嘅高溫，最啱就係我呢啲好鍾意食好熟好熟牛嘅朋友仔啦我就揀咗磊牛扒$130 400g牛肉非常非常之爽口彈牙，因為根位比較多所以比較有嚼勁，岩哂我這個我喜歡因為我鍾意吃比較有咬口的再配上特別的醬汁包括係燒汁和黑椒汁如果喜歡吃原汁原味的還可以配上黑椒和鹽而我朋友就就選擇了牛肩肉眼$110 300g牛肩肉眼，肉質很淋鮮嫩很容易入口而且肉的

呢牌好興食石燒牛🐂，最近就去左呢間喺旺角嘅磊犇，佢地有三款牛部位選擇，包括西冷，牛肩同埋磊牛扒，而每個部位都有唔同嘅重量選擇，我就揀左200g西冷💁🏻‍♀️.牛扒嘅價錢已經包左自助嘅任食沙律🥗，飯🍚同任飲嘅湯🥣同飲品🥃，飲品仲有洛神花山楂茶🌸，菊花茶🌼同綠茶🍵三款健康飲品添.塊熱石真係超級熱辣辣🥵，要小心彈到辣親呀，200g西冷都唔少，好厚身下，但一啲都唔鞋👍🏻.自己用熱石煮，就可以控制到自己想要嘅熟成度🙃，佢地仲有嘅款唔同嘅調味料味你自由選擇，包括照燒汁，黑椒汁同粉紅鹽，我自己就最鍾意粉紅鹽，因為本身舊牛已經有味，點少少鹽已經夠味喇😋

太子與旺角交界，最近開左間頗為有gimmick既熱石牛排，當然要體驗一番啦！點菜方式好似日本拉麵店既方式，門口入座之前已經要揀定自助式入單主要牛扒方面，款式有牛肩肉，磊牛扒同西冷牛扒，分唔同gram數，好貼心！點好菜，就可以穩位坐低，自助式去囉湯，沙拉，白飯同飲品。感覺都幾得意。等左一陣，叫到no就可以出去囉啦，不過最搞笑既地方係面層會套上一張厚紙巾，唔知係吸油定點，食之前個個都等緊見佢廬山真面目！磊牛排200g $70價錢上黎講確實係抵，晚餐70蚊可以食到個自己落手落腳整既熱石牛扒！不過其他就唔好期待咁多啦，湯無味，沙拉麻麻！ 老實講，一開始係覺得幾得意，但始終自己唔係專業廚師啦，唔識控制溫度同生熟程度，食得內始終好容易會過熟，甚至食到最尾已經熟到咬唔開！仲有咁大舊肉，一開始真係唔知點處理，一開始切曬，肉質又好容易會老，錯過黃金時間。同埋店內位置唔算好大，建議天氣較涼，無咁多人既時段黎試啦！不過自己燒熱石牛扒確實係有gimmick，有興趣的朋友都不妨一試，看下可唔可以把握到你既黃金食用時間！

近排大熱食石燒牛，係網上見到有很多間選擇，既然今晚到寵物街買野，順便來到附近這間石燒牛肉店試試。上網見到很多朋友話這店很多人排隊的，所以一放工便先去吃這個牛扒。我們7點去到，等左一陣就有位了!入餐廳前，先在門口的點餐機點餐，然後到收銀處付款就可以進餐廳坐。付款後店員會給予你一個取餐機，等震動和著燈便可到取餐處取餐!取餐時牛肉會用廚房紙蓋著，防止油份彈到!餐廳不算很大，座位都比較迫!不過見各個客人都吃得津津有味!這裡只要點一份牛，白飯、麵豉湯、沙律、飲品都可以任食任飲，其實真係幾抵食!餐廳也有提供圍裙給予客人使用，因石燒會有好多油份彈出黎，建議就算著深色衫也用一下，避免熱油彈到!枱上還有些調味料俾你自己調味!個人比較喜歡黑椒汁，好惹味!牛肩肉300g ($110)，300g有兩舊牛肩肉，自己燒自己想要的熟度，切開可以見到牛肉還是很生，在石板上煎一煎就會變熟了!牛肩肉冇咩筋同肥膏，最岩女仔食!牛肉味濃，肉質都幾鬆軟!西冷牛扒300g ($170)，這份西冷牛扒跟平時見到的有點不同，係一舊肉咁，唔似扒!西冷扒比較多筋同肥膏，但肉質會較牛肩肉鬆軟!這個價錢可以食到牛扒同埋任食任飲飯、湯、飲品，

星期二都好多人食,有三款牛肉,每款牛肉有三個重量選擇,入座前係電腦選擇下單,之後付款入座。飲品有洛神花茶、綠茶、五花茶同湯、飯、沙律係任飲任食的,食幾多添幾多,唔會浪費。當日叫左個300G的牛肩肉($110)同300G的磊牛排($100),下單後,等左大約5分鐘左右,電動牌會提示取食物。餐廳好細心,有圍裙,牛肉上又有紙巾蓋住,唔會俾油彈到。牛肉有一個手掌咁大, 塊板熱足半小時先停,我們可以按自己喜好邊切邊燒,熟度由自己安排,牛肉煎香後上三種汁,好好味,如果想再濃D,可以加上黑椒。牛肉肉質結實有咬口,燒完都不會DRY, 很JUICY的。湯係面豉湯, 味道剛剛好,不會好濃好咸。沙律配芝麻汁,食完牛肉食沙律,解除了牛肉的油膩。

原來石板燒已經風靡緊香港一段時間，一直無時間去試，今次搵岩朋友喜歡牛，就咁去吧！一踏入「磊犇」 就立刻有自助點餐機點餐，點好餐就找個座位。 等待牛扒時，可自助添沙律、湯、飯及飲品。沙律菜好乾淨新鮮，而且保持微凍，有日式芝麻醬和和風醋汁選擇，前者芝麻香又滋味；後者微酸清爽開胃。 一切準備就緒，去取牛扒前記得順便拎圍巾，因為熱石板真係煎到牛扒彈油，保護自己件衫至為重要，餐廳的確細心！西冷牛扒200g磊牛扒400g切開一粒粒牛肉，輕輕煎一下，就食得。熱辣辣有燒肉既香味好正，味道鮮嫩，牛肉有豐富肉汁，肉質結實得來帶點咬口，仲有脂肪既香味。 簡單加鹽同黑椒已經好正，食到原有風味。沾燒汁味道更豐富，而黑椒汁亦香濃仲好惹味。不要太早將調味料，因為控制唔到火力就會令肉質加快變老，最好就係煎到你５成熟，就可以將黑胡椒灑上去！可以享受無窮既牛肉之際由自己親手係一個高溫石板去主理，真係好有質感！好好的體驗！

服務有很大提升空間看到網上食評很好，所以前天電話一早預定好，電話哩雖然是有一定不純正的廣東話，但都幾有禮貌，但去到搵吾到有沒有訂位，應該只有電腦訂的才有紀錄，電話訂的都只是寫在幾張小紙上面，好在我地早去仲有位。我們是四個人，因為都係對牆或者中間有條襬調料的欄，朋友對坐和分享食物很難。另外坐的位置沒有地方放包，很麻煩，很多人都是背著背包吃多謝，有很多改善空間。譬如好似日本店系椅下面有個衣籃。12點幾，理論應該係第一輪，但調料瓶外面好油，應該無清潔，失敗。食物很多人講過，都差不多，不能說很好，但吾錯。西冷和牛肩都幾好味。但雞肉和豬肉石鍋飯都好像沒有什麼人寫，其實味道其實比牛更好，性價比也高。

過話說喜愛牛又尋牛吃的我 看見了一個廣告說這家(狗咬)磊(洞)犇 有親民價牛扒吃即刻星星眼 (縱使知道廣告說的不可靠)但也敵不過牛魔的誘惑首先已選西冷磊牛扒與牛肩 差十元 考慮了一會那的老闆很熱情地問用不用解釋但一問之下 我都不明白究竟他答了什麼還是十五十六 經旁人說一說 又看過了食評選了磊牛扒一開始派個碟形牌比你 好自然以為會有人送上枱比你但原來要自己出去拎 這個應該比錢嘅時候稍作提醒嘛有任夾沙律 拔,比你用嘅碗仲細過個飯碗諗下啲菜已經係撐起 密度超低 夾幾條就滿晒夾一次吃兩口...比人任食但又咁樣 即係究竟想唔想比人食湯碗飯碗細都正常啲 因為可以畢一碗就好足夠因為有200g嘅牛要食聽落份量好正常 但食落真的很撐建意有150g嘅女仕份量揀寧願比貴少少 起碼唔洗晒又唔洗撐我認為還可以 但身旁的係咁話冇牛味 雪左唔知幾耐都係嘅 舊牛厚就夠晒厚 牛味又真的有點缺乏質感係不錯的 就算有筋的地方 也可以咬得開牛味不足 靠少少鹽吊吊味吧 也不錯的就咁食係差啲我覺得牛扒比塊西冷有多的咁多嘅牛味肉質上 差不多總捨而言 70蚊的磊牛扒比較配得上價錢120蚊的西冷有點唔係哩個價值嘅感覺有機會吃他的石鍋飯