石鍋堂

營業中

休息中

見有人介紹 就諗住試下啦 點個服務個姐姐有心趕客咁樣 叫左個雞扒烏冬 一食曬個雞扒 就即刻收左個碟 但碗烏冬仲未食晒 雖然隻碟係冇用 但佢一下就直接收走隻碟嘅服務真係好差。絕對冇下次幫襯

旺角工作至八點幾，求求其其去通菜街醫肚，無意中發現呢間主打手打烏冬嘅小店！質素好有驚喜！燒鰻魚黑松露香菇湯石燒手打烏冬好抵食，晚餐$88有大大鍋手打烏冬之餘，仲有原條鰻魚！鰻魚掃上燒汁，軟腍入味，一大條非常滿足！手打烏冬用石鍋上，保持溫度，烏冬係粗身嗰種，口感彈牙，浸得耐都唔會糊掉，唔錯。黑松露香菇湯一上枱已經聞到好香松露味，反而入口菇味比較突出，雖然我覺得菇香可以再濃郁一D，但食得岀冇落味精，誠意十足。燒牛仔骨牛舌石鍋飯一樣份量十足，牛仔骨牛舌舖滿成個石鍋，非常豐富。牛舌切得薄薄，肉質細緻完全唔韌！牛仔骨都好入味。食到最後，竟然有甜品送！和菓子水準都唔錯，甜度適中，甜而不膩。雖然只係小小嘅甜品，但食完一餐飯有甜品作結，真係太完美啦！最後要一讚嘅係店員服務非常有禮！

通菜街真係多食店多到一個點，好似點都唔會食得晒....今次朋友找來這間石鍋堂，一於試下佢!!!.都有D難搵，大家記得佢係通菜街2A號，因為你要先分清楚佢係左定右街先，又行入去.終於找到了!!!!入到去，店舖小小的，店員好快就安排我地入坐.全程態度都好好!!!.雖然餐廳係叫石鍋堂，但阿魚都不敵蛋包味既魅力.🐟💬：.原條饅魚蛋包飯 ($88).估唔到真幾大條饅魚，所以88都抵比~~~.不過個飯就咩味...好彩木台面上有枝好人食既醬汁比客人用.有少少蒜香既燒汁，好好食~~~~撈飯一流.不過敗筆位係饅魚有啲骨.....可能店主要留意下.朋友的海鮮石鍋飯份量十足，好多海鮮，食唔到停口！.下次都係試石鍋飯先!!!.🐟FISH'S REMINDER🐟💡阿魚提醒💡.(1) 記得要分清佢係左定右街，先好行入去果條街到.🐟📝：7/10.🍽🐟📝📌石鍋堂📍旺角通菜街2A-2P號鴻光大廈地下D號舖📞電話: 36895065⏳營業時間：星期一至日12:00 - 23:00.

今晚與朋友相約在旺角吃晚飯，選了這間餐廳試試。我們7點多來到，差不多已經滿座。我點了一份燒鰻魚石燒手打烏冬-山地獄辛辣湯。湯碗選用了特製石鍋呈上，可達攝氏三百度，讓湯底保持熱度。湯底經過10小時淆製而成，十分濃郁，辣度剛剛好。鰻魚燒得很香，十分滋味。我另外再配了低溫慢煮留流心蛋。流心蛋十分流心。我們再點了吉列芝士豬扒。芝士味道香濃，夾在豬排中十分特別。我又點了一份絕味燒雞翼。雞翼燒得夠乾身，十分喜歡。今天真得很滿足，下次會再來試試其他。

以鍋物為主既餐廳係香港好似唔算太多，今日就比我發現左呢間好有誠意既石鍋餐廳睇一睇餐牌發現好多選擇，除左烏冬、飯，仲有好多小食同炸物。我揀左吉列豬扒石燒手打烏冬配魚介豚骨濃湯。烏冬一上枱既時候仲係超滾既狀態，如果冬天食一定超正首先烏冬煙煙韌韌，加埋好濃郁既熱湯，令人忍唔住一口接一口咁食。而吉列豬扒亦都超出色，炸皮夠薄夠香脆，肉厚仍然保持鬆軟。吉列豬扒石燒手打烏冬配魚介豚骨濃湯 $64如果夏天想食得清涼啲，冷烏冬都係一個幾好既選擇。冷烏冬既醬汁同配料可以自由配搭，我地就揀左芝麻雞翼同汁燒牛仔骨配胡麻沙律汁。烏冬冷食好彈牙，好有口感。最驚喜係芝麻雞翼，炸得非常酥脆，好有肉汁雪國冷手打烏冬 $75小食方面岩鹽燒鯖魚同蜜蜜芥末籽牛都唔錯鯖魚好嫩滑又唔會太油。而牛串配芥末感覺比較清新，而且刺激味蕾。岩鹽燒鯖魚 $32蜜蜜芥末籽牛 $45總括黎講，石鍋堂既食物都好有驚喜同水準，而且價錢都唔太貴，值得一試

好耐都冇行過女人街，今日買完野，係女人街搵食都好喎。見到門口好多人等位既石鍋堂，專係食石鍋飯，幾得意，試下先。好，坐底睇下有咩好食先。帶廣十勝豚肉石鍋飯，上枱時仲係吱吱聲，米飯熱辣辣，飯焦脆但唔會燶，豚肉厚切大大片，仲要係半肥瘦，脂肪入口即溶，實在太好食，我怕肥都要食！店員比左支超好味甜豉油我撈飯！又係我既指定動作食芝士年糕，每間有芝士年糕既舖頭，我都會食，呢個芝士年糕炸得香脆，口感夠煙韌，芝士流心，如果芝士再多點點，更加正！飲品叫左柚子蜜。

我同肥妹偵探一向都好中意食各種麵類，所以咁岩去開旺角，亦都不忘去揾下有咩好既麵食。 結果比我地揾到一間叫 #石鍋堂 , 一間專食手打烏冬既小店。.我地叫左一碗鰻魚石鍋手打烏冬(黑松露香菇湯底), 一碗厚切豚肉石鍋手打烏冬(豬骨湯底) 。.通常手打麵條比我感覺都係口感較軟，麵質冇咁有彈性，反而唔係好吸引到我。但石鍋堂既烏冬又冇呢個問題，烏冬本身好煙韌彈牙，口感一流。鰻魚原條上，魚身肥美，滲出鰻魚油香。厚切豚肉份量十足，食材選用近豬腩位置，肥脂跟肉既比例各半，而豬肉整得好軟熟，有少少似東坡肉既口感。兩個湯底都好出色，一個香菇味超級濃郁，一個魚介同豬骨味道十分配合。.如果要少少吐糟的話， 我諗個湯底鹹味唔太夠，始終烏冬味淡，好需要湯底本身既鹹度去支撐整碗烏冬既調味。.流口水速度：8/10

本身就好鍾意食烏冬，呢間仲聽聞湯底熬足五個鐘！真係慕名而去試，而呢間亦係我晚市見女人街唯一排隊既餐廳我叫左個黑松露雜菌海鮮湯烏冬，甫上枱就已經見到好夠滾！不過呢個湯底唔太夠味，以為會好重黑松露味，但食落就唔太覺得有，搞到烏冬索唔到湯汁不過勝在多海鮮，帶子非常大粒！亦有蝦，蟹柳，蛤類等。朋友配左鰻魚，見到好大條，好食！因為仲有其他朋友食唔同嘅湯底，我都有試咗其他口味，覺得魚介湯底係最好飲落好鮮同起碼食得出個味。 黑蒜油味飲落其實同出前一丁無乜分別最後仲送左個甜品，食落似果凍，入面包住豆沙餡

本身諗住石鍋堂裏面主要係賣熱辣辣嘅石鍋食物，但係行過見到有冷麵，所以就決定入去試下，點知食完覺得好好食，絕對係冬天夏天都適合去嘅一間餐廳！一入門口已經有個嬸嬸好熱情咁招呼你入去坐，同埋介紹有啲乜嘢食，發覺選擇有好多，除咗熱辣辣嘅石鍋之外，仲有冷烏冬選擇，自己揀咗一個牛肉石鍋配黑蒜濃湯底，朋友就揀咗一個冷烏冬配燒牛仔骨同雞翼，諗住試下究竟冷熱烏冬有啲咩分別。個石頭鍋一上枱嘅時候非常之熱辣辣，啲湯仲有微滾嘅狀態，牛肉就呈半生熟，喺黑蒜濃湯浸熟之後食就啱啱好！牛肉非常嫩滑， 而且烏冬嘅面質好彈牙，軟硬度啱啱好!至於個冷烏冬喺凍食嘅情況下更加彈牙，加埋蘿蔔蓉同埋生葵，個味非常之夾！不過個冷麵汁就有少少偏鹹，唔建議點太多！個芝麻雞翼外皮炸得非常脆，裏邊有肉汁，好好食！ 但牛仔骨就正常，因為落咗好多香料所以咁味好出... 我哋食完嘅時候老闆反而同我哋講唔好意思，因為佢覺得今日整嘅牛仔骨有啲失準... 不過我哋已經覺得算唔錯，反而對於老闆呢個行為好有好感，證明佢對於食物係好有要求！食完之後佢仲送咗兩件甜品畀我哋，之後佢見我同朋友仲傾緊偈，就主動斟咗兩杯水俾我地，我覺得今時今日嘅香港好少可有呢啲咁高服

次次想食石鍋堂都大排長龍，遲遲都未試到。今次，我同朋友6點半黎到，鍾意唔洗等位啦！同市面上嘅石鍋烏冬比較，石鍋堂真係幾抵食！燒鰻魚-黑松露香菇湯 ($88)我點嘅係燒鰻魚配黑松露香菇湯。估唔到$88食到成條鰻魚！如果你係唔鍾意彈牙嘅鰻魚可以試下，佢肉質非常軟身。烏冬口感煙韌偏腍，仲吸曬濃郁嘅菇湯精華。係其他市面上嘅烏冬店好少有黑松露香菇湯，值得一試！安格斯牛肉-黑松露香菇湯 ($78)我朋友點嘅係安格斯牛肉。牛肉切成薄片，肥瘦適中。牛肉剛來到嘅時候大約5成熟，由於石鍋令湯持續到滾到bok bok聲，所以食客可以根據自己喜好選擇牛肉嘅生熟程度，鍾意食熟d就可以等耐d先食～

自從上次同舅父去台灣一齊掃街後，就無再見面啦，今次再約一齊吃好東西，今次舅父約左女人街石鍋堂。麻雀雖小，但五臟俱全，吃飯全程都食滿座的。安格斯牛肉_黑鬆露香菇湯: 頂部是一小塊黑鬆露，吃的時候把黑鬆露攪拌均勻，令湯底有一陣濃濃的黑鬆露香味。牛肉上桌是生的，石鍋可以保持溫度，攪拌後熟度剛剛好，所以吃起來很嫩。蒲燒鰻魚雞扒石鍋飯: 份量十足，連舅父都吃不完，鰻魚加了燒汁，表面顏色較光澤，口感也不差，雞肉大塊而嫩。我們最喜歡的是軟殼蟹和雞翅，炸得香脆可口，尤其是軟殼蟹，外脆內嫩，還保持著水分。最後還每人送一塊甜品，晚飯圓滿結束。

今日喺旺角行完街，見近排天氣涼涼地，好想食一啲暖嘅野，但就唔想去打邊爐，一嚟勁heavy，卡路里一定爆曬標，二嚟又唔想食到全身都係一陣味。行下行下，發現呢間食石鍋烏冬嘅鋪頭，好適合今晚食。呢度選擇都幾多，又可以食烏冬，又可以食飯，仲有唔少串燒同埋小食嘅選擇。今次就叫左一個日式炒雜菜同埋岩鹽燒牛舌試下。日式炒雜菜 $38雜菜上面灑上木魚絲作為調味。岩鹽燒牛舌 $48牛舌非常爽口，唔同一般腍身嘅牛舌，咬開嘅時候，仲好juicy，燒得唔會過熟，成串牛舌充滿住濃郁嘅牛味，好好食。厚切豚肉石燒手打烏冬(配黑松露香菇湯) $68呢度嘅烏冬可以配唔同嘅湯，今次就揀左菇湯。一放低碗烏冬，店員好細心咁提我地個石鍋好熱要小心。啲湯係咁卜卜卜，可以講係上枱仲係煲住。一上枱就已經聞到好香嘅菇味，再加上有一層黑松露油喺面，菇味加上黑松露味已經令人食指大動。黑豚肉有小小切薄切嘅角煮豚肉，有小小脂肪連住嘅肉，肉就甜甜地，唔會好柴。烏冬一路熱住都唔會淋哂，啲菇湯濃味得嚟唔會太鹹。石鍋堂海鮮石鍋手打烏冬(配山地獄辛辣湯) $82湯底嘅味道有少少似泡菜湯，酸酸地辣辣地，怕辣嘅朋友可以試下，唔好俾個名嚇親。海鮮方面絕對上唔

一個個熱鍋上,好吸引香氣四溢聽到佢炸炸聲熱氣上升的感覺相當好滾下滾下佢多湯式揀好似有四款以上揀左魚介湯湯唔錯可惜一食主打的烏冬太淋煮過龍好可惜烏冬沒有彈牙佢配料好足豚肉夠厚身,分量好足,呢個一讚的......但食食下到一半烏冬好吸湯吸曬湯😅😓食到後期...............基本上無曬湯......😂得番好淋的麵好可惜因佢定價唔平.....🙈..如果烏冬有改善會再黎的都野味日後有機會可能會再試多次

🥘石燒手打烏冬識食一定係通菜街搵食 隨時搵到寶見到呢間新店門口大排長龍 就試下啦.醬油豬手石燒手打烏冬🐷黑松露香菇湯嘩 真係不得了 CP值爆燈首先隻豬手超大 依家加埋烏冬先$88 抵到爛店員熱心幫我地切開 燘得又淋又入味 啖啖骨膠原個湯底掂啊👍🏻黑松露好香 香菇竟然係大啡菇良心到爆❤️❤️❤️非打手 回頭率高不過石燒會令烏冬過淋 口感差左.燒牛仔骨牛舌石頭鍋飯🐄$78牛仔骨唔錯 牛舌如果厚切會再正啲石頭鍋飯夠熱 有飯焦🤤自己加埋豉油.老闆好好人啊 態度親切 仲會同食客要feedbacks食完仲有甜品送 幾好味喎又 係紅豆饀有heart小店 要推薦一下 十卜十卜注意⚠️石燒烏冬只限晚市 另有午市&下午茶menu

門口有人等，但好快就有位。石鍋手打烏冬，有五款湯底選擇，有一般都有辛辣，豬骨，咖哩啦，令有特別黑蒜油和黑松露香茹湯底。較為穩陣就揀了黑蒜油豬骨湯底，上枱時已經傳來陣陣黑蒜香，而且好滾。海鮮石燒烏冬，有大大隻帶子，蜆和中蝦。令叫了安格斯牛肉石燒烏冬，上枱時全部都係生牛肉，滾滾的山地獄辛辣湯底，好快就熟哂。肉質好軟熟，又有牛肉味。湯底雖然叫地獄辛辣，但只係小辣，而且湯底有蕃茄味嫁，其實應該叫辛辣蕃茄湯啦，而且好夾，又幾好味。而配料追加了泡菜同低溫慢煮流心蛋，見到流心蛋個樣，就知好味，煮得剛剛好。