石鍋堂

營業中

休息中

整體味道唔錯, 不過因為當日幾熱, 入面冷氣唔算好大, 加上呢到係食D熱辣辣嘅野, 所以出得比較多汗.......下次涼返d我會再食過的好, 下面講返D野食.溫泉蛋, 不過不失, 蛋黃稍為熟左D湯底OK, 唔算濃, 但係唔會太淡.烏冬彈牙掛湯, 平時唔多食烏冬都覺得唔錯.厚切豚肉好食, 稍肥但係唔膩.牛仔骨正常.牛舌因為薄, 所以偏乾, 不過配落整體又幾好食.石鍋好夠熱, 鐘意食飯焦的我覺得最尾飯焦夠香口.芝麻雞翼夠香口, 幾好食.最尾送的和果子2位盛為$230

坐低叫咗五樣野，首先要講就係服務態度好好，雖然店舖唔算大而且可能繁忙時間會調你位，但都語氣好好，亦都會介紹下有咩好食。叫咗一個厚切豚肉石鍋烏冬（魚介豚骨濃湯底），一嚟到啲湯仲係滾緊，感覺非常好。豚肉係厚身嘅，有四五件，湯底唔會係死鹹食完要飲野個種。加咗隻流心蛋，係放落個碗仔到分開俾，但蛋白變哂水咁，嚟到個樣有啲失望嘅，始終都加咗成$10。然後仲有叫燒牛仔骨牛舌石鍋飯，都係嚟到個石鍋仲係熱辣辣出滋滋聲咁，好正。但由於上面嘅餸都係燒，感覺就有啲乾，得豉油可以幫到你。另外仲有叫黑胡椒煮活花甲（$68），坦白講呢個有啲貴嘅，下次想食應該會配返烏冬而唔係單叫。而且唔係好覺黑胡椒味，反而食到多蒜頭同洋蔥。杯桂圓紅棗茶夠味，係值$9嘅！最後佢送咗兩粒甜品，雖然唔知叫咩名，裡面係紅豆蓉，都幾好味。

一來到看見門外排滿人，就知餐廳好食。厚切豚肉石燒手打烏冬選了黑松露香菇湯，黑松露醬一大陀，感覺很值喔，菇味令湯底有清香味，像媽媽的老火湯味，喝一大碗都不覺得膩。豚肉不算很厚，但入口即溶，好吃得不得了。照燒雞扒石燒手打烏冬雞扒大大塊，皮下差不多沒有脂肪，怕胖的女孩必食，肉質很嫰滑，照燒汁味道偏甜，吃再多都不會厭。選了咖哩湯，是日本咖哩的味道，帶甜，有很香的咖哩味。烏冬有口感，不會煮得太軟太爛，非常喜歡。

呢排女朋友唔舒服，所以都想食熱嘅嘢。雖然天氣咁熱，但係我呢個二十四孝嘅男朋友都會陪佢。今次揀咗呢間出名食石鍋烏冬嘅店舖，店舖座位唔算好多，加上非常之受歡迎，好快就出面排晒隊，想食嘅記住早少少嚟。呢度既烏冬有五個湯底，八款餸可以比大家選擇，豬牛雞甚至海鮮都有得揀。我要左安格斯牛肉石燒手打烏冬，配黑松露香菇湯。熱辣辣出晒煙嘅湯傳來陣陣黑松露香味，果然一飲落去菇味極濃，再加埋表面既黑松露醬，仲有濃濃既牛肉味，非常正！女朋友就要左鮮活蜆石燒手打烏冬，配黑蒜油豚骨湯。豚骨湯本身都已經好香，除咗加黑蒜油之外仲有大量炸蒜脆片，同埋大量非常新鮮嘅蜆汁，個啖鹹鮮味濃既湯真係可以飲哂！而且真係再要強調呢度嘅蜆真係非常新鮮！完全冇沙！十分鮮甜！最後要讚嘅就係呢度嘅烏冬，比較粗身，煙煙靭靱好彈牙。我諗冬天嚟食仲滋味！

手打烏冬真係好多人都鐘意～煙煙韌韌口感真係很討喜🥰聽講烏冬湯底特別熬製足12小時～仲用熱度達300度特製石鍋呈上～食到中段仲熱辣辣👍🏻燒鰻魚黑松露香菇湯石燒手打烏冬鰻魚燒得幾香～都算大條～又唔多魚骨～好味～黑松露好香好濃好味～但加烏冬食就唔太夾～我都係鐘意加意粉食多啲～厚切豚肉魚介豚骨濃湯石燒手打烏冬豚肉真係好厚～仲分了3層肉加脂肪～雖然有脂肪但入口即化～好入味～又好林～好棒～湯底真係好濃郁～有啲咸～如果再多啲魚介熬湯會更甜會更好味～P.S.湯底仲有3個口味未試～可以再黎試試看～個烏冬真係好好食～煙韌口感我最愛～加上吸了湯底～好夠味～但夏天食真係好熱～加上店舖無咩冷氣🥵

又到月尾,手緊得來又唔想帶飯返工非常推介呢間大份夾抵食嘅日本菜今日午餐時間同三位同事嚟食本來四個有三個都係諗住食雞扒但咁啱雞扒賣晒😵唯有試吓其他嘢滑蛋牛肉大碗飯以前食過記得係用牛肉片🧐而家轉左用肥牛片反而口感比較差，咬落去多咗肥肉黑椒牛肉大碗飯雖然有啲似中式飯，不過椰菜同黑椒味好夾十勝豚肉大碗飯豚肉質素很高咬落去肥瘦均勻炸雞烏冬配芝麻醬炸雞很脆而且醃得岩岩好烏冬建議選配芝麻醬或冷麵汁，配咖喱汁會有啲濃味未必個個鍾意連熱飲每人買單$50有找非常飽足， CP值超高

今日農曆七月七日（七夕）, 而我又真係諗唔到同女友去邊度食， 我苦惱之下不忘碌下openrice 發現有間幾有趣既餐廳。進入today主題 ， 今日去食旺角石鍋堂，今日叫左兩個烏冬，汁係黑松露汁（真係有啲新鮮好小見）， 咁就一個烏冬就lun吉列豬扒，一個就lun牛肉，一開始個石頭烏冬黎就好似平時食鐵鈑燒咁 啲汁你都估唔到好似溫泉咁啲湯好似摩西分紅海必睇同試，另外個兩個小食係1黑松露燒帶子 （大件，味道ok)2 牛舌 （不夠鹹，但真係質素唔錯）飲品個方面就比較小選擇 特色飲品叫左鹹檸柒，芋香奶茶。奶茶個邊即沖ok好飲鹹檸柒就冰底 （冇野補充）仲要有個兩個紅豆和菓子。 埋單就$299 。整體黎講，真心我覺得價錢合理，野食又有啲特色味度唔差，幾岩情侶同知己食，唯有幾點我覺得可以改善。例如 其實我望到好似其實多2-4人坐位，你一大班同事唔係好方便。個牛舌可以加啲調味料。位置方面比啲檔口姐住，都其實明白，面積貴租。可以多啲飲料同小食選擇日。最後真係既石頭鍋烏冬有啲特色，價錢合理，真係值得大家一試。

呢度除咗有石鍋飯同烏冬之外，佢仲有好多小食，同埋特別嘅飲品。 黎石鍋堂梗係要試吓佢哋嘅石鍋烏冬啦，今次我哋嗌左照燒雞扒魚介豚骨濃湯烏冬。個雞皮燒得好香，有少少脆，啲肉質都唔會好老，個湯底都好夠味，個拉麵set整體來講好滿意。另外個黑胡椒煮活花甲令我十分意外，啲花甲好新鮮，一啲沙同埋泥味都無，個湯汁配合得好好，唔會太搶咗花甲個鮮味，整體味道好鮮甜。我同個朋友都好鍾意食個日式炒雜菜，味道啱啱好，唔會好鹹。絕對係一個安全嘅選擇，最後我哋仲嗌咗兩份。我哋仲嗌咗個黑松露帆立貝，黑松露味唔會好重，絕對食到帆立貝嘅原汁原味。餐廳比較多人，如果想去試就一定要去book位，不過我見啲人排隊都唔會好耐。

小編一直都很喜歡吃烏冬，因此今次便來了這間石鍋烏冬專門店。點了兩道蔬菜，分別是胡麻冷菠菜以及日式炒雜菜。炒雜菜味道不錯，份量也十分足夠。另外點了黑胡椒煮活花甲，全部都清洗得很乾淨，沒有吃到一隻是有沙的。黑胡椒跟花甲味道配合得很好👍🏻黑松露帆立貝加上燒汁味道不錯，但是黑松露味道不太突出，可以再作改良。到了主菜，照燒雞扒石燒手打烏冬，照燒雞扒皮脆肉嫩，但手打烏冬略嫌有點過熟，可能因為擺放在石鍋內，長期加熱，應該要立刻食用！最後還送了每人一個日式果子，內裏是紅豆餡，不會過甜，整體是一頓滿意的晚餐☺️

<石鍋堂 好味烏冬>😍呢間喺逸菜街窄巷入面既細店石鍋堂 主打日式烏冬同串燒 食物質素唔錯 但好多人排隊要早 d去 . 餐牌喺用劃紙形式 有唔同烏冬 唔同湯底 仲有石鍋飯 各式小食等等 👍🏻 🍴蒲燒鰻魚雞扒石鍋飯 78 蚊🐤熱辣辣既石鍋飯 一上枱熱辣辣 淋 d甜醬汁 d煙攻上黎更香 雞扒好厚身 但整得剛熟 唔會中間生 皮夠香脆 雞肉 好有口感 好正🐤 鰻魚 好軟熟 出面既醬汁好入味 要黎撈飯好正🐟 仲有葱花 西蘭花 芝麻調味 令到成個飯更香 食到甘上下 鍋邊有 d飯焦都好夠香脆 好味👍🏻 🍴安格斯牛肉石燒手打烏冬 配山地獄辛辣湯 🌶74 蚊 🐮加左🍴低温慢煮流心蛋🥚10 蚊，🍴粟米粒8 蚊 🌽,🍴赤板魚蛋8 蚊🐟烏冬一上枱熱辣辣 烏冬係日本烏冬 粗身好爽彈 湯底 好夠泡菜香 當然仲有入味泡菜🌶 辣得黎唔會嗆 滲哂入烏冬入面 安格斯有3 份 薄身但闊 牛肉有口感 牛肉味濃 半生熟 個口感最好🐮 另加既流心蛋 好夠流心 蛋味香 吸哂湯汁正🥚 加埋甜粟米🌽同彈牙既赤板魚蛋點綴更正 🍴贈送甜品和菓子 🍡送既甜品都整得好好食 和菓子出面晶瑩剔透 口感黏稠 入面既紅豆蓉好香濃 好

呢間係平時喺旺角食午餐其中一間必去嘅抵食日本菜😋最鍾意佢啲嘢食夠大份，價錢又非常平民最啱做完gym之後肚餓食👍🏻滑蛋雞扒大碗飯碗飯真係超級大碗，女仔應該食唔晒雞扒非常juicy又大件我自己覺得個雞扒本身好夠味，唔需要再落汁都好食👍🏻但如果嫌口味太淡，可以自己再落照燒汁枱面上有支汁比你自己落的照燒雞扒撈烏冬之前試過烏冬加咖喱汁，覺得咖喱汁太濃味今次試配冷麵汁成件事合理好多😂午餐仲送熱飲揀咗桂圓紅棗茶同煎茶三個餐連嘢飲每人只係$43超飽超抵食😋

話說之前響klook買咗啲券要去旺角換兩杯珍珠奶茶， 呢間嘢嘅位置正正喺附近， 見到幾多人食就入去試下。女人街街道狹窄，等左一陣已經覺辛苦， 好彩 好快有位， 如果唔係見到佢嗰個鰻魚熱石烏冬咁吸引，我都唔知自己堅唔堅持到。每款石鍋手打烏冬都有五款湯底選， 我就揀咗燒鰻魚和風咖哩湯底嘅烏冬， 老公選咗海鮮山地獄 辛辣湯底。手打烏冬食落帶點煙韌， 條條分明唔黏實一堆， 咖哩湯底濃郁 ，烏冬吸收了湯嘅味道，更加美味， 蒲燒鰻魚大大條，$86蚊係超值。老公嗰個石鍋堂海鮮地獄湯底烏冬，望落都好正,好足料,大大隻蝦。食完之後仲有個小小嘅甜品， 總括而性價比高， 地理位置方便 ，而且烏冬相對拉麵更加健康，可以再食

通菜街有不少食肆，經過見到一間主打石鍋，咁岩又係晚飯時段, 所以同朋友入去食返餐。餐廳位於鴻光大廈地下。餐廳大約20個座位，牆上滿佈特別圖畫，座位舒適。有石燒手打烏冬，有五款湯底選擇，仲有石鍋飯，另外還有多款串燒同多款小食。絕味燒雞翼，燒嘅時間恰到好處，味道惹味。雪國冷烏冬(胡麻沙律汁，吉列豬扒)，吉列豬扒脆而不膩，烏冬煙韌。汁燒帆立貝雞扒石鍋飯，用石鍋呈上，上枱依然熱辣辣，帆立貝大大隻，雞扒肉質嫩滑，飯焦香脆，口感豐富。水蜜桃綠茶、百香果綠茶，甜度適中。最後還附送甜品。

最愛吃日本料理，今日來到旺角「石鍋堂」食！ 手打烏冬好少見，餐廳外仍有不少人在排隊！等左10分鐘有位，好幸福喔！建議大家早點來排隊省去排隊時間haha!主菜叫了鰻魚石燒手打烏冬，湯我選了黑蒜油豚骨湯！$86，飲品加$9要了桂圓茶！手打烏冬上菜時仍是滾燙，湯在不停滾滾，好正甘！一試，黑蒜味香濃，烏冬好入味，吸了湯的精華！小魚叫左燒雞翼，燒得香脆！$32共有4隻！好抵食！ 友人大讚是高CP值之選！Staff都好nice, 好勤力幫手加水同收拾桌子！下次都可再試其他湯既手打烏冬！

呢間鍋燒烏冬平時都見有唔少人排隊，咁岩今日行過呢附近，又早左收工，仲未見到有人排隊，於是即刻入去試試。有烏冬同埋飯可以選擇，但係我就好鍾意食烏冬，今次就叫咗個厚切豚肉石燒手打烏冬配魚介豚骨濃湯，友人就叫左個照燒雞扒石燒手打烏冬配山地獄辛辣湯。大家睇相都見到，d豚肉多得誇張，超足料！湯頭好濃郁，而烏冬就好彈牙。友人果份雞扒又係超大份，辛辣湯係韓式風味，唔算太辣，但好惹味！我地另外叫左份燒雞翼，一份有2串，每串有2隻，好抵食，而且燒得好香口！呢間餐廳CP值好高，好彩我早入黎，因為我坐低無幾耐出面已經開始要排隊啦！