石磨坊 (已結業)

終於食到喇好開心真係好得個河唔係普通河粉(不過唔知點整^^)總之好好食喇

再黎食過, 因為D糊真係好滑!叫左一碗芝麻糊及一碗腰果糊, 外賣返屋企食. 結果o個晚無食, 放左一晚雪櫃至食.叮番熱, 依然咁滑咁香.先分開兩樣黎食, 各有好處. 芝麻糊-滑,香,甜. 腰果糊都好香.跟住學人溝糊, 點之得番芝麻味, 蓋過晒D腰果味, 有D唔抵...建議各位, 都係食純味好D喇...

食完毓民o個D唔係好掂o既牛肉麵, 因為未飽, 就黎隔條馬路o既石磨坊食甜品.兩個人, 叫左"熱棷子糊" & "同心桂花糕".棷子糊好香, 好滑. 十幾蚊, 正呀!同心桂花糕, 好香芒果味. 本人唔鍾意食o者喱, 不過佢整得好好, 連唔鍾意食o者喱o既我都覺得好食. 唔太甜, 紅豆蓉好食!我覺得佢最成功係出品唔係咁甜, 恰到好處, 食落唔滯口. Good…

聽人講呢間野好出名，夜晚一定排隊先食到。成間舖都貼滿雜誌介紹，於是就跟雜誌推介，揀左︰1. 芒果黑糯米卷- 估唔到原來係熱食，應該係即叫即製，但係其實冇乜甜味，淨係食到有好多黑糯米。2. 桂花同心糕- 完全食唔到桂花味，亦都冇乜特別3. 芒果刨冰- 成個山咁高既刨冰，有好多芒果同涼粉，但係d冰融化既時候淡左其他配料既味道，有d失望。仲未試到傳說中好好食既腰果糊，佢間舖係旺角咁就腳，實有機會幫襯佢啦。

食過3次了..今次同2個fd來食~叫左>>1 芋蓉椰汁刨冰 次次都係俾個大雪山嚇到,3個叫一個份量o岩o岩好...一個人食真係太多了...好鍾意d芋蓉好好味,又冇額外落糖~~原味好味~~冰如果可以鬆身少少會仲好2 栗子糊 第一啖,大家的感覺係,係杰身的栗子湯,唔甜的...仲salt salt地就真...不過其實佢足料的...3 朱古力蛋白x奶 3人一至認為呢個根來係柯華田味囉,邊係朱古力喎,雖然面頭係有一層朱古力醬,初初見到朱古力醬時仲以為碗野係liquid....4 黑糯米芒果卷 呢個完全唔得呀...我地係將個芝麻皮,黑糯米同芒果分開食的....一d都唔match~~不過最想讚的係服務態度,因為我個fd食完之後留低左袋新買的六百幾蚊化妝品,過左成個幾鐘先打番去問,個接電話的人好熱心咁話已經keep起左,放心來拎番...真係好好人~~1

尋日食左芒果刨冰真係好味好多冰不過食到咁上下會覺得唔夠芒果汁去食d冰食食下會有d似食冇味既冰同埋尋日食果d芒果好酸呀可能係因為冬天掛不過好中意佢最底有涼粉同d冰一齊食好好味overall 算幾好如果多d汁會更好

腰果露: 好香好滑. 同心桂花糕: 得個甜字, 芒果味唔突出, 桂花味唔見. (食完響鋪頭門口, 見倒張招紙話: 同心糕-給情侶的甜品. 下? 我同我細佬...)

食完仙果園留肚食糖水天氣轉凍至o岩就係食番碗中式糖水坐低叫左楊枝金露同芝麻糊併栗子糊加湯丸朋友仔既楊枝金露試左一啖唔太甜但普通左d而且因為有西柚在內所以有少少苦我個芝麻糊併栗子糊加湯丸反而唔錯芝麻糊都幾香滑而且有啖啖既芝麻味幾好可惜栗子糊比想像差好似無乜特別又唔似栗子糊咁因為佢無乜栗子既香味幸好湯丸好正爭番少少分數皮薄又煙韌餡係流沙芝麻好好味道不過我呢碗咁左溝右溝再加湯丸都幾貴下

同朋友食完生日飯, 唔想咁早散, 就搭小巴出來旺角, 由主角請食甜品. 朋友們share了一個芒果刨冰, 和香芒紫米芝麻卷. 刨冰外圍都淋上了濃濃的芒果汁, 但中心只是一堆沒味的冰. 刨冰下有涼粉, 朋友說跟芒果刨冰蠻夾的. 香芒紫米芝麻卷. 我不吃紫米, 把芒果, 芝麻皮拆開來吃, 真是沒怎麼特別.現在的我養顏最緊要, 反正糖水點都肥, 都要揀樣有益的來肥, 於是就點了芝麻糊. 點知真係好"糊", 一面食一面學得好核突. 叫得石磨坊, 乜唔係應該傳統糖水會做得好些嗎? >_<對上一次是2個人來, 已忘了何時. 記得那次點了2個得個甜字的甜品, 不好吃, 但也是高高興興的. 今次來也是不好吃的, 沒有了甜字, 不過慶幸還是高高興興的.

同大伙兒食完素食一家，其實飽左八成幾，餘下成半，當然是留來吃甜品。旺角區甜品選擇眾多，經簡單的商議，一行十五人來了這裡。坐下大家是照舊的七咀八舌的在討論在吃什麼，因為不想過飽，糊類及飽肚的都不要，揀下揀下，就只剩下刨冰，就要了個椰汁西瓜刨冰。同檯食友的甜品都陸續送到，我的西瓜刨冰是差不多最後才來，可能是製作需時吧。這個刨冰，賣相是毫無疑問的拿滿分，高高的三角錐形，染著淡紅色，加上排在底的粒粒西瓜粒，實在令隔離檯的食友都睇到「嘩嘩」聲。賣相得，但食落就唔多得，刨冰是粒粒的雪粒，跟綿花狀的刨冰相距甚遠，更結成硬硬的一舊冰，食到最後，是在西爪汁中浮著幾大舊雪沒法吃完。可幸西瓜粒都甜，如果不是，這個刨冰一定是喊面。以等價交換法，JcLee的南北杏木瓜雪耳的木瓜不算甜，有點實，水準一般；Jessica的椰汁芋茸涼粉的芋蓉吃落似栗子味，也不錯。不過一碗是幾難獨自完成，二人分吃就差不多。我的刨冰24蚊，下次都係試第二樣甜品好一點。

「水蜜桃河粉撈」好好味呀,睇落去似河粉,但食落口又有好香既椰子味「雜果涼粉刨冰」就麻麻地,d冰太淡,個底又太甜喎「紅豆卷」,唔知係咪依個名,都ok,清清地唔會太甜,紅豆蓉都幾香,外皮又有d似頭先既涼粉,不過就實少少,一碟仲有8件,好抵架

芒果黑糯米芝麻卷幾好食,芝麻卷上菜時是暖的, 即叫即制? 一碟3條黑糯米塞到滿, 十分飽肚.唯一要彈是芒果唔新鮮, 可能係唔合時?

我一直都係石磨坊o既忠實fans，通常去旺角食完飯行完街，最終站都會去石磨坊歎個甜品先番歸。我o既心水係：1. 鮮果紅豆粉圓時令鮮果配以香甜紅豆同淡奶，連煙韌粉圓一齊食，真係味覺同口感都一流呀！而且份量大大，兩個人一齊食o岩晒。2. 栗子糊好多時中式糖水舖o既乜糊物糊都甜過龍，呢個栗子糊o既甜度就恰到好處啦，而且質地幼滑，食完有滿足o既感覺！講完心水推介，再講下一D唔試都冇乜損失o既甜品啦：1. 刨冰雖然個賣相好靚，而且好似好大堆頭，但舊冰太硬，冇番咁上下耐性都唔駛旨意征服佢！2.桂花同心糕基本上同普通大菜糕分別不大，雖然見到D小巧精緻o既桂花，但花味就唔多覺。

見咁多好評,上星期買左碗芝麻加合桃糊外賣,好夠熱, 甜度適中,芝麻味濃和合桃味香, 的確係好好味!

好耐冇來，因為芝麻糊愈做愈差，但昨晚因為想食那座山咁高o既刨冰，所以再度惠顧。入到去，聞到好香芝麻糊味，把持不住，叫了一碗，又叫了西瓜刨冰。西瓜刨冰唔夠糖水，好淡，但西瓜夠甜，墊底的涼粉分量比往時多了很多；芝麻糊今次終於冇咁漿口，但頗甜，雖然聞到好濃o既芝麻香，但食落口又完全是兩回事，若要回復昔日水準，看來還要加多把勁呢！