石磨坊 (已結業)

我一直都係石磨坊o既忠實fans，通常去旺角食完飯行完街，最終站都會去石磨坊歎個甜品先番歸。我o既心水係：1. 鮮果紅豆粉圓時令鮮果配以香甜紅豆同淡奶，連煙韌粉圓一齊食，真係味覺同口感都一流呀！而且份量大大，兩個人一齊食o岩晒。2. 栗子糊好多時中式糖水舖o既乜糊物糊都甜過龍，呢個栗子糊o既甜度就恰到好處啦，而且質地幼滑，食完有滿足o既感覺！講完心水推介，再講下一D唔試都冇乜損失o既甜品啦：1. 刨冰雖然個賣相好靚，而且好似好大堆頭，但舊冰太硬，冇番咁上下耐性都唔駛旨意征服佢！2.桂花同心糕基本上同普通大菜糕分別不大，雖然見到D小巧精緻o既桂花，但花味就唔多覺。