石磨坊 (已結業)

石磨坊o既芝麻糊拼杏仁糊真係好美味...細滑、味覺豐富、賣相亦吸引...其他fd叫o既糖水，都好滿意咁收貨~ 真係好想知道，到底佢有乜秘方??而且，出名還出名，石磨坊價錢又唔貴喎，叫碗糖水成班人又可以坐成個鐘吹下水，爆抵食!!!

與同事半夜收工來食糖水,我想叫紅豆沙粉圓,點知無粉圓,再想叫栗子糊,又話買曬,最後叫左芋泥西米露,沒有什麼特別,幸好芋泥沒有因加糖而太甜。朋友叫左紅豆泥西米露,但佢食淨半碗,可知味道如何罷了。另一個叫左合桃露加芝麻湯丸(+$5),湯丸有三粒,一般貨色,但合桃露竟幾香,不過食成會就好漏,係一般食糊的通病。最後我地share左個黑芝麻芒果糯米卷,一致認為好唔掂,d味根本唔match,好漏,這是個熱食,總覺得怪怪的,芒果熱的好難食,d黑糯米好甜,個黑芝麻外皮好"膠"口,too badps:呢度無禁煙區架,好鬼臭

一向都好喜歡這裡的糊，今次叫了芝麻糊加合桃糊加水磨年糕，芝麻糊都係好濃自家磨，合桃糊都係，兩者都好出味好滑。今次加埋水磨年糕，明知係會溝稀左碗糊，但都想一試。水磨年糕大大片，亦夠多，口感滑亦煙un，但個人認為除非真係好心血來潮想食又預左碗野會淡左，否則不宜加左糊中，加入其他水旺旺的糖水會更好。

上次去食左碗芒果西米露, 成碗野芒汁都冇一滴, 仲夠膽死成碗野個底都係用冰圍住, 完全係難食, 整果個根本就唔知一碗糖水要凍, 唔係因為用大量冰, 仲要食食下D冰溶埋, 成碗水~打死我都唔會再去!!!

妹妹同朋友黎呢度食糖水,外賣左碗芒果芝麻撈河返屋企比我試下. 碗"撈河"好大碗,面頭有d芝麻,芒果就麻麻地新鮮,部分似乎熟得滯黑黑地, 賣點既撈河都幾甜,但亦只限於此(我仲以為味道會好似椰汁糕咁添),好普通. 後尾知道原來呢碗野要成$32!! 咁貴又咁普通,一定唔會再試.

本人在2月7日零晨去此店食甜品，之后問一位店員此店有什麼好的推介，她則很有心機的介紹其有什麼，接著本人要了一個槐花同心糕，此糕很有水準。在結數時，本人問此店員一些有關此糕的問題，她則十分專業的回答本人的問題。

一入到去，d環境俾我既感覺已經唔係咁好，除左一台有人食煙，就冇客喇~~~有dd 驚~~~~但之後又覺得d野ok平，又真係幾好食........唔錯，反而冇客可以靜靜地食野，都真係幾好。之後，我地走既時候就開始多人喇。

昨天經過入去，叫咗芝麻加杏仁湖加芝麻糖丸，和桂花紅豆糕，D湖幾滑不過甜咗少少，桂花紅豆糕就食唔出桂花味不過就食出芒果味返而Ｄ紅豆蓉就幾有紅豆味。唔係想像中咁好食囉。

要了一個栗子加腰果露, 未入口嗅到陣陣栗子香, 入到口又有濃郁的腰果味。如果想品嘗清楚每種露的味道, 最好個別點。用賣點石磨製成的露, 的確滑。服務員的態度尚可接受。總括來說, 許留山去得多也會膩的!

來食了3次因為自己like 芝麻糊3次都有叫芝麻糊(熱)---不是大家所說的咁好...略嫌不夠熱,很快變暖芝麻糊+紅豆沙(熱)---又是同一問題...芝麻糊+杏仁糊(凍)---比熱好些,不過此終食糊like食熱俾左3 次機會....可能店鋪不一樣...真的失望

在炎炎夏日，吃西瓜冰真係爽到痺！份量又大，可跟友人share來食，還可以叫其他甜品試試！不過我每次都冇加花奶同椰汁…^^

新店開左咁耐都係第一次食, order了心愛的芒果黑糯米芝麻卷($20), 西瓜刨冰($18)同埋蜜瓜西米露($25)一如以往一樣, 黑糯米卷依舊好靚, 不過芒果好似比以前少左, 由於佢係熱食,係夏天食好似有點怪怪, 都係冬天好食d, 蜜瓜好甜好正, 但係始終覺得西米露間間都做得差唔多, 唔值$25咁貴.西瓜刨冰係我意料之外咁好食, 刨冰上面淋上新鮮西瓜汁加花奶, 西瓜波又甜又多,但最意想不到係底個度係有涼粉架!! 咁熱天時食真係透心涼, 好正好抵食啊!!