石磨坊 (已結業)

香港人慣左食完飯一定會去食甜品。之前都成日被外國朋友笑我地呢個習慣。今晚我地都唔例外咁去搵間甜品鋪, 附近幾間出名啲既都排哂長龍, 見呢間唔洗排就入去試下。朱古力蛋白燉鮮奶, 個名幾吸引, 但係賣相普通。一食落去就覺得伏伏地, 試多啖都係伏。朱古力味唔重, 無乜奶香。好多朱古力粉唔易入口。個燉奶仲出左好多水... 食完今次唔會再幫襯!!…查看更多

新年食不離口，煎炒煮炸炆燉焗都食過，個人硬是覺得身體欠缺什麼，走到甜品店看見樣樣都不合心意，唯有見到這個...杏汁燉原隻木瓜， 分輕中重量不同價錢發售！點了隻 中量木瓜@$40 即叫即製，所以等待了一段時間 (等...寂寞到夜深...)店方把燉好的原隻木瓜橫刀一拖，清理好內裏的籽後，再傾注入濃濃的杏汁(還是杏仁糊？) 灑上白芝麻便完成！ 燉過的木瓜既清甜又暖和，有潤肺的感覺，杏汁味尚算濃郁亦夠滑溜，當然是還有進步空間，吃完後也感覺到身體平衡了不少，始終有生果的成份，相信中國食療是真的有效用，自己身體是欺騙不到什麼，詳細請自行翻開本草綱目，我又不是中醫！…查看更多

在寒冷的冬天，最適合在飯後來一碗熱騰騰的中式糖水。 坊間的甜品店越開越多，不過多以西式或創新甜品為主，中式糖水似乎並非主打。 每當突然心血來潮想來碗紅豆沙或芝麻糊，就會想起石磨坊。 各類中式糖水都可以加錢加其他配料，包括湯圓和芋圓等。 紅豆沙並不是很起沙，不過味道還不錯，有淡淡的陳皮香，而且用料足，除了紅豆還加入了百合，加添了清甜的感覺。 湯圓不知道是自家製還是供應商提供，皮薄餡靚，芝麻餡還有點流沙，叫人喜出望外呢。…查看更多

食甜品又點可以唔去石磨坊食燉蛋。價錢真係好低食，兩個人食到飽都只係$60去到石磨坊食墩蛋有兩個必食！朱古力蛋白燉鮮奶、日式焦糖。先講講個朱古力、朱古力味就唔多、但奶味就超重！重奶味得黎又香，有冷有熱、個人比較鐘意熱（因為熱比較香）日式燉蛋同平時食開?燉蛋唔同?就係日式比較細份同比較甜。再講等候時間，地方比較細但唔算等得太耐，可能因為甜品出得比較快。…查看更多

叫左個紅豆芋頭涼粉同埋涼粉芋圓,紅豆泥無咩味,加上成舊無味既冰放埋一齊,味道認真普通。芋圓方面,就好喜歡呢度既雙圓,因為夠Q,不過每碗只有6粒…..@@涼粉方面大大粒,能夠保持個口感! OK!呢間餐廳成日較到個冷氣好凍,我地估係因為想趕D客食完快D走,快D俾第2批客人入去食,呢個做法我覺得好正常,不過如果各位係想去傾計既話,就唔好食呢間喇…查看更多

食過呢間既"芝麻糊", 其他嗰D......真係好正!!首先, 佢真係好夠熱, 食落質感又厚, 唔會好似稀水咁,香香濃濃, 食得出佢地加重料, 一啖啖食, 仲食到有芝麻粒!!!! 點解, 又係無相都想同大家分享呢??!!因為兩個字 "回味"!!thanks for your attention!!…查看更多

下課後，肚子有點餓，就走去吃個甜品，填一填肚。話實在旺角也不少甜品店，有時候揀哪一間甚是煩惱。來到豉油街，不乏有好幾間的甜品店，但是卻又希望找間穩穩陣陣的，不太難食的甜品，或者石磨坊似乎是其中較穩陣的一間。從餐牌中，款式確實是不少的，有沙冰，糖水，涼粉等等，當中亦有不少甜品都幾特別，而且造型都經過心思去塑造的。如題所說的，為何會將雪白甜如筒說成腸粉？它的造型就仿如一條腸粉，分開了八件，而這八件是大份，細份則只有大的一半份量。皮是用了蒟蒻所造，內裡包著的是紅豆蓉，皮上面加添了芝麻。皮是很滑，內裡的紅豆很很蓉也有點粉，甜度也偏甜了一點。加上淡奶，就更加滑溜溜的，而且淡奶也有甜味。這雪白甜如筒一如其他甜品腸粉一樣，只是內餡將生果轉變為紅豆蓉而言。…查看更多

跟老婆晌丼丼屋食堂食晚飯，由於甜品一環唔多突出，只有幾款新地系列、千層蛋糕及班尼士，所以索性去石磨坊食糖水當飯後甜品。石磨坊一直盤據太子、旺角，晌依兩區已經有成3間分店，較新一間分店卻落戶粉嶺，揀到咁遠，有啲摸不著頭腦，唔通因為租平？姑勿論點，太子旺角幾間分店一直都幾旺場，好似今晚晌豉油街分店，裡面就坐滿晒人，外面都有幾批人等位。不過，由於依類糖水鋪坐得逼逼夾夾，啲人食完即走，都喺快上快落，我哋等咗10分鐘就有枱。餐牌第一版就喺「石磨坊推介」，當然要會一會佢啦，揀嚟朱古力蛋白燉鮮奶，貪佢夠晒古靈精怪，而翻去後幾頁，就喺石磨坊嘅手本嘢生磨靚糊，乜糊物糊就最啱我老婆:)。此外，餐牌都仲有好多選擇，涼粉、西米露、刨冰、傳統糖水、珍珠系列依啲都走唔甩，近年大熱嘅3.6牛乳布丁、綿花冰（石磨坊叫做冰花雪）都有，而較特色嘅仲有台灣九份系列，例如：地瓜圓、芋圓……等，以及幾款精選糕點。朱古力蛋白燉鮮奶 $22:(外觀麻麻哋，表面岩岩巉巉起晒泡泡，似喺燉好蛋白鮮奶後，就咁晌上面灑朱古力粉待溶，如果淋一朕薄薄嘅朱古力漿唔知賣相會唔會仲好啲。雖然口感挺滑溜，可惜燉蛋白鮮奶裡面嘅朱古力味唔喺好出，主要都喺靠面層嘅朱古力粉而矣，個人嚟講，覺得個朱古力蛋白燉鮮奶麻麻哋。腰果糊 + 杏仁糊 $23糊類產品又真喺幾多喎，果然喺「省招牌」嘢，芝麻糊、杏仁糊、栗子糊、腰果糊、合桃糊、椰子糊，但竟然無花生糊喎！本來兩溝糊都會晌糊面畫花，不過依家都「求求其」撈埋就算:(。個別而言，腰果糊同杏仁糊都幾香幾滑，不過，夾埋一齊之後又好似一般般，唔喺話唔好食，只喺兩者未有產生化學作用，可能杏仁味本身較搶。食糊，我都喺鍾意深水埗嘅綠林同甜甜地。雖然兩款甜品都未有令我哋好滿意，但總算試到啲特別嘢，亦知道咁配法唔喺個好配搭。單以依兩個甜品計，真喺試一次就夠喇:(！…查看更多

行街勁熱，想買下野飲又無乜好揀，見到糖水舖開門就入左黎，第一枱客。啲枱好迫下，無其他人就ok啦，冷氣好涼。叫左一個雪耳木瓜糖水，一落單即黎，幾甜下，幾好。另一個叫左西瓜涼粉冰，唔知係咪一早整定，個刨冰硬到爆，都唔知點食好，唔通要成舊拎起咬？好甜，可能係因為舊冰唔溶，淨係食啲西瓜同涼粉，冰咬左一半。見之後幾枱客叫冰都篶得開，或者比多次機會試下第二樣，廿幾蚊咁熱天hea下都算ok嘅，合格啦。…查看更多

記得當年是一個朋友帶我們去黑布街總店的，當時小鋪剛開不久，但其芝麻糊已十分出名，我們也覺得很出色。後來這店一直擴充，分店開得不少，但感覺分店質素很參差。今天來到豉油街分店，真在失望到極點。約晚上七點半光顧，人客只有幾個，店員卻有三四個，但全都不知在做什麼，叫了三次才有人來落單，其中一個店員擺著一副你欠了他的樣子，當時真有離開的衝動。叫了栗子糊加湯圓 ($25)，合桃糊加杏仁糊 ($20)。我的粟子糊簡直是災難，"杰"到"張"住個口，完全入口不能，湯圓餡甜得要命，我跟朋友都辦法完成這兩碗糖水。這店已列入我的黑名單裡。…查看更多

食完飯行左一陣街就去左呢度食糖水, 等得唔算耐, 環境好迫, 不過都預左. 朱古力蛋白燉鮮奶($19)朱古力味剛剛好, 不會太淡太濃, 而且都幾甜幾滑! 我鐘意食呢個! 日式焦糖鮮奶燉蛋($15)見佢幾平就試下la, 點知黎到就發現份量好少. 上面有一層薄薄嘅焦糖, 焦糖好脆, 不過唔係太好食. 燉蛋都幾滑, 整體來說都合格. 杏汁燉木瓜($38)杏汁好香, 但木瓜不夠甜, 不過不失! 香蘿冰花雪($38)因為天氣好熱, 所以叫了雪花冰, 份量比以前少了, 味道都係一般. :(…查看更多

一字可言: 正!雖然呢個係凍既 但香濃既朱古力表面加埋入面好滑既鮮奶真係好夾本身既朱古力又唔係太甜 2種野配合埋一齊真係天衣無縫:)有機會既話再試埋下蛋白燉奶希望都一樣會好正:)…查看更多

尋日下午心血來潮, 想食甜品, 連帶左返公司的飯盒都唔食, 留今日食. 2點半一心諗住去溏苑食tea, 但去到未開鋪lo, 超down T.T 望一望對面的糖百府又未開, 更down記起好似有間石磨坊, 唯有去呢間, 係門口望入去黑mama, 應該係岩岩開鋪吧唔想食太凍的, 綿綿冰已經唔睇, 睇完menu都唔知食咩好, 是但叫左個椰汁蜜瓜西米露上得好快, 但唔好食 唔覺有椰汁味, 蜜瓜又淡又唔甜, 西米煮到淋patpat.......唉26蚊唔好食唔抵食…查看更多

今日和朋友在番完學就諗住出mk食糖水!!原來諗住去食糖百府,但係見到太多人就去左食石磨坊!!個fd見到個黑之麻布丁幾得意就叫黎食...有個fd話好小...唔好叫又貴...但個fd想試下就叫左!!原來諗住貴得黎應該好食!!點知,,,唔係太特別都唔係太好食!!有2個fd 叫左綿綿冰!! 38蚊一個!!!點知出到黎勁細!!!! 糖百府果個大佢幾倍=口=個個fd都o哂咀-口- 因為真係極細勁唔抵食!!我覺得依個冇奶黃其實好味d 個fd叫左冇奶黃...冇咁留=]全台最好食都係依個^^...都起碼有開心小小!!另外...員工服務態度不太好=[ …查看更多

行到攰攰地, 想坐低食下甜品, 就O黎O左石磨坊一睇menu, 選擇好少...亦唔多吸引我因為未試過牛奶布甸, 就試下...都幾好味O既, 奶味好重, 不過就唔夠滑...咁可能係同隻spoon有關, 如果用梯匙, 應該會好好多…查看更多