石牆道韓國餐廳

營業中

休息中

上星期我朋友生日,就去咗尖沙咀MCL睇Top Gun,湯佬仲係咁有型睇完戲,已經大概快一點就諗住去食飯。我個Fd(生日果位)就話想食韓國菜,然後係網上見到介紹呢間餐廳。我哋首先就叫咗一份韓式炒年糕,年糕彈性幾好,咬起來也很Q而且唔係好辣另一道就叫咗人參雞湯, 我個人就喜歡飲湯,而且平時在家也會自己煲湯。個人參雞湯幾清甜帶有少少人參既甘味,以較喜歡飲清淡啲既朋友可以試下,值得推介食韓國菜點可以少得食烤肉, 我同朋友就嗌咗碟五花腩,唔肥唔油,啱哂我今日行程相當完滿，夫復何求

放假本身想去食附近好出名嘅蝦麵，點知休息🥹 去咗呢間韓國餐廳，之前食過一次覺得好正～今次帶男朋友過嚟食❤️非常多款嘅前菜令人心情舒暢 🤤我哋叫咗醬油蟹，自幾年前去韓國食過後就冇試過了，味道清甜，店員好用心幫同教我哋拆蟹，服務好好🫶🏻啲醬油蟹好多膏，店員幫我撈落飯加紫菜上，非常滋味 🥹❤️當然仲有不能少嘅燒肉，紫蘇葉+青瓜+五花腩+大醬+洋蔥超好食 🥺❤️ 紫蘇葉好香～仲叫啲牛裏條、牛肩裏食，兩個都好食，不過更推薦牛裏條！牛肉好鮮又多汁，點麻油鹽食好出味 🫶🏻🫶🏻甜品送咗個凍甜米露，好清爽嘅感覺❤️下次希望帶多啲人再去食 ～咁就可以試多啲唔同餐點了 🤤

韓國餐廳我係香港去咗好多,但係食既謎主要都係以韓燒為主,當然之前也試過幾間點餸食飯的,不過質素一般。今次比我發現到這間(石牆道)食飯也唔錯的,當然他們也有提供燒烤。特別一提,他們的Menu上有很多以魚作主菜,這是非常罕有的,一般都是在韓國本地才較多的,他們居然都有做,所以值得試試!一入到去,餐廳原來有分兩層,我本身坐下面,不過都幾逼夾,所以上一層,就發覺是天和地,上邊寬敞舒適,同埋差唔多每張都是卡位。所以就算至兩個人,基本上都係四人座位未講主菜，先講下前佢地前菜,因為係我食咗咁多間餐廳裏面,他們的伴菜真的是最完整，有芽菜，薯仔,泡菜，款式好多,淨食前菜都有Ｄ飽其次,就是參雞湯,基本上我去親的,參雞湯都是完全有味的,間唔中有一兩間會煮得幾好,但是水準都是參差,不過這家就味道就夠晒濃烈,糯米的份量也剛剛好,唔會太多,剛好,而雞也很鮮嫩。這個配搭幾好,無可挑剔。仲有個水冷麵，夏天食－流夠爽夠滑

不經不覺又過半年,又忙住準備下個月我老婆生日禮物,前日shopping左一日就去左尖沙咀附近既石牆道食正宗韓菜餐廳已佈置得古色古香,仲有個好喷池係門口,入到去我地就叫侍應攞個Menu 準備點下菜露好個胃。首先点左個蘿蔔炆牛肋骨,肉汁好鮮甜同juicy,蘿蔔夠脆,無酒,有水準跟住就点個韓菜常食人參雞湯,鲜人参算好甜,雞肉唔韌好軟臉,湯亦好清甜無比,整體唔錯,有驚喜最期待梗係醬油蟹,膏多肉鮮甜,真係食到停唔到手佢地保留到傳統韓莱原有風味,讚

第一次寫食評 就係為左呢間垃圾餐廳沒有最垃圾 只有最垃圾趕趕趕 迫迫迫 催催催一入嚟坐低就係咁迫你叫醬油蟹。餐牌都未睇，點知道有咩食。然後迫你叫三隻。唔叫三隻黑面…幾分鐘入黎迫我地燒哂啲野食，枱上面嘅嘢食未食晒就係咁想收咗佢。叫停左4、5次都係咁！我地開始左30分鐘，啲枱好空個，洗唔洗咁對客？我地都下下點貴野都幫襯唔平。。食到45分鐘，又叫你埋單，真係好Chur. 從 未 見 過 咁 差 既 餐 廳你 全 港 第 一 千祈唔好幫襯佢！

地點是尖咀美麗華廣場附近,一個豪不起眼的入口,店內有兩層,裝修以傳統韓風為主調,相信開業已約10年有多,一入門口有老闆娘作歡迎,態度有善。食品是傳統的韓國食品,但没有炸雞呢ＤHit Hop嘢服務生有數名是說韓語,也有本的服務先可最出有特色的韓式小碟,泡菜入味得來不會太辣。最特別是有獅「音」,鮮甜美味,蕨菜也很有特色燒帶子大大粒好嘢味燒肉大大塊配不同韓醬及一大籃生菜令你自行配搭自己的口味仲有碟豬生好值得點題,夠腍好有口感,滿口骨膠原Max生啤增添激情氣氛,如想高脹一點,可叫一支Soju,保証進入忘我境界配合Albert,珠姐及leo哥,好友同美食是最佳配搭

我哋三個女仔，一個想食醬油蟹，一個想食燒曼魚，一個想食牛肋骨⋯！！估唔到要$3000埋單⋯⋯😞😞我哋三個女仔話想食二隻醬油蟹老板娘係咁話唔夠食，一定要三隻$900元😌來到有紫菜飯！曼魚冇問我哋要半份定一份，就來了一份四條$800，食到三條已經飽咗！牛肋骨又話唔夠食，要我哋叫牛拼盤$680！再加菜同酒多謝$3000元！最慘食咗曼魚已經食飽咗，一d都唔enjoy .咁貴的一餐⋯做生意唔係咁做，冇下次！三人都食完好嬲😡😡😡😡😡😡😡🤬🤬🤬🤬🤬🤬🤬🤬

這間韓國燒烤店開業已有七八年,因門面不太顯眼,所以經朋友介紹，母親節特別初次到這裏光顧，試下新野店內裝飾很地道韓式,環境亦十分好,亦很清潔;店員招呼妥當。頭盤 kimchi己有12小碟。先叫了一壶韓國凍米酒,然後叫了牛肋骨,猪脯肉及牛肩肉,再加一碟菜。牛肋骨燒熟後很好食,亦見很多客都叫這個菜,真是值得推介。豬腩肉亦燒得很好,食完之後送送一個薏米薑茶。另外值得驚喜的是經 openrice 訂座有優惠。 這是地方值得再來光顧,

在沒有預先通知及沒有人等位情況下，食韓燒未到1個鐘就不停催促埋單！一座低餐牌都未睇，就問人食咩！嚴格上唔係問，佢係叫你叫咩野食！全個過程待應不停在身邊出出入入，問野又唔明，只係識叫人埋單、提議人叫最貴既肉、3個女人食但不停提議叫3隻醬油蟹！ 難得可以同朋友出街食飯，極好心情也被破壞😡😡😡😡張Booking紙又唔full、 又冇人排隊、又勁多空枱。好趕收工？我哋1745 入座、1830就不停叫人埋單 ！ 食茶餐廳都唔會喇！沒有心做，就關門吧！🤬

係香港食咗咁多年野，未試過一間咁差態度既餐廳。Book 咗6點，佢打黎confirm booking 叫我地早啲到，可以有個靚啲既位。咁我地5:30就到咗，佢一黎就好chur我地叫野食。5:45 野食到 6:15 催我地走（又要食醬油蟹，又要燒肉， 可以幾快？！）6:30 再叫我地走 6:31 問我地有野要加，冇就好埋單6:32 再入黎執枱，我仲未食完個醬油蟹....前前後後食咗一個鐘都冇就催咗4、5次！🙄我地食咗一個鐘都冇，佢地啲態度差到，出面勁多空枱，唔知催我地做咩！以後都唔會再食！完！

生日飯不停食,食食食今晚輪到食韓國菜，我揀左位於金巴利道既哩間傳統韓國餐廳。態度既服務生好有禮貌呀,服務好好- 因為我地一早去到只係嗌左野飲，等埋朋友先野食,佢地就不停的「前菜」俾我地,無托手爭環境呢度既裝修好有韓國既味道,全部都係木系既枱,好典雅约七點終於等齊人呢,不停落order「人參雞湯」「豬腩肉」「牛肩肉」「豚肉拼盤」「海藻雞蛋捲」「蒸蛋」「招牌猪手」「蛋捲」「燒銀雪魚」無限既「真露」同啤酒首先「海藻雞蛋捲」黎先,平時食開既蛋捲都係黃色既,哩碟用左海藻汁黎煎,感覺好特別呀最欣賞係蘿蔔炆牛肋骨，蘿蔔無渣,牛肋骨好軟腍,好有牛肉味加埋份量多，價錢合理今年呢餐生日飯食得好開心和滿意

疫情期間幫襯過兩次，啲韓國姨姨態度都幾好，而家開翻晚市見到啲客有仇咁😅話唔想坐門口位就黑曬面趕你走，坐低之後啲姨姨行黎行去當你空氣咁，最尾放棄了，人哋生意太好要揀客，我都係等佢就執再幫襯過👌

早兩日去左石牆道叫左個2人套餐,另加飲品,全單85折左先$1000，勁超值個前菜已經好豐富,真係10小碟,外面已經好少俾足多款前菜,同埋仲可以免費refill.佢地啲泡菜好好味，肉類都好豐富,店員仲幫我地燒埋,同埋教我地點食因為一般都會用醬汁同加的蔬菜黎夾住肉類食。但其實我地就不黜求其亂黎,見有七就夾落去,所以見店員幾健談就請教一下,韓式燒肉個精髓係夾埋生菜一齊食有肉味香得黎又唔會太濟,令油腻既食物都變得容易入口,當中牛肋條係最香既,另外,带子真係大大粒,煎一煎個外層,外脆內滑夠鮮味。我最欣賞係個南瓜炆牛肋骨,南瓜炆得好腍,唔會好似出面餐廳炆得唔熟,仲好硬;牛肋骨好入味,超另外，天婦羅鮮人參幾脆,甘甘地幾特別，可以－试

近幾年韓菜大行其道,甚至超越日本菜成為港人最流行菜式,但係韓菜有傳統和新派兩種,我個人比較傾向傳統咁多間中我最中意石牆道,傳統得黎又唔覺老土,上星期我就去朝拜過,我最中意佢地炆五花腩,爽口軟臉,好有骨膠原;另外,石頭鍋飯也非常不俗,熱辣辣好有飯香,加埋隻溫泉蛋 ,真係無懈可擊韓燒必食牛肋骨，軟腍牛味濃;醬油蟹保存好鮮甜,唔會太濃味;海鮮葱餅抵食,好大塊,好香囗,唔會太多粉槳,加埋少量海鮮，有頭整體評分:

首先去到餐廳已經無人理你 企係到白等不過個日多人 所以都接受到之後帶左我地入房同人share room隔離台食完埋單 我地準備又叫餐時侍應就話依到有人book 左叫我地出番去坐好啦照調位， 出面坐左2分鐘後又話有人book 左 叫我地出去室外坐都算了 因為我地無book 位最嬲係！ 侍應來來回回6 7次 望到我地舉左手極耐都唔肯同我地落單 亦無答過我地最後終於有人黎問一句: 燒唔燒肉呀我地話唔燒 想叫野食佢" 單都唔落 一句野都無覆就走左" !!!!!哇 大佬 依d 服務態度係乜事？姐係唔燒肉 唔係大客戶 就唔落單咁你就唔好比人入黎坐啦最後嬲到走左 無食 拿！ 唔係我地唔想食 係連落單既機會都無