石牆道韓國餐廳

營業中

休息中

老闆娘態度極差，一坐低未齊人已經係咁催我哋嗌嘢，仲要唔貴嗰樣唔推介！嗌嘢嗰陣老闆娘一行埋嚟就超冇禮貌拉開我張凳，又喺我耳邊勁大聲講嘢，無論我哋想食咩都唔俾我哋嗌，話我哋唔識嗌，要我哋食佢啲貴嘢！真係超黑心！千祈千祈唔好去食，一定後悔死你！

早兩日韓國籍老板請我地幾個去試下菜,間餐廳叫"石牆道韓國餐廳"開左都有十多年時間，歷史悠久當日我地試左幾道菜:魷魚拌素麵---鱿魚夠惹味,少少辣,配埋素麵中和啱啱好沙蔘----幾特別，我都係第－次食,甘甘地幾特別，不過未必每個人都锺意食醬油蟹---經常食,佢地蟹膏多幾鲜味,配埋紫桑飯，味道唔差梨絲拌鮮牛肉---我本人唔夠膽试,另一個朋友试完話牛肉新鮮，唔韌配埋梨絲口感唔錯石牆道整體唔錯,合格之選，不妨－試

**並非試食活動**朋友知我鍾意食燒鱔介紹咗呢間餐廳俾我今次專登去同朋友慶祝生日🎂一去到唔理三七二十一梗係叫燒鱔啦由於朋友唔食牛所以另外叫咗護心肉同蜂巢豬五花店員好健談 一邊燒鱔一邊解釋點樣食最好味😋佢提供咗韓國嘅鹽叫我地先試第一件點鹽試下原味之後第二件開始用餣咗嘅紫蘇葉加一條蒜同一絲薑條再加埋鰻魚汁夾住一啖食一啖過食係員店強調 佢話咁先會好食😋蜂巢豬五花好滑今次係要用蔬菜🥬加大醬再加蒜片一齊都係一啖過食 好味護心肉比豬五花濃味 但好好味我哋兩個人食覺得好滿足由於朋友生日🎂 仲送咗紫菜湯俾我地好sweet 午餐仲有九折優惠前菜都好豐富好多種類小插曲：坐低後唔小心整爛咗個口罩條繩膽粗粗問下員店 佢好好咁俾咁個全新嘅口罩我非常感謝🙏

入座落單後店員就送上前菜小碟，泡菜，大豆芽，蛋卷，蜜糖薯仔，炒菇，魚仔，黑豆等足足有十碟。① 醬油蟹 $520/2pcs果然無令人失望，醬油蟹斬件上，件件都有蟹膏，肉質鮮甜，正啊！店員友善問客人需唔需要幫手撈飯，便將蟹蓋的膏倒進紫菜飯中撈匀，然後釀到蟹蓋中，唔夠味的話自己再加醬油仲正。.② 牛肉炒年糕 $150落單時店員有提醒呢個係濕炒年糕，除了牛肉及韓式年糕，仲有椰菜，蘿蔔，蛋絲，木耳等，幾大碟幾豐富。味道唔算好濃，算是韓菜中較為清淡的一味。最後店員送上甜米水，幾好味。呢間餐廳食物份量都算大，較為適合一大班朋友聚餐開心Share。今次兩個人食隻醬油蟹，加份年糕已經飽飽，都未試到其他。.整體用餐感覺幾好，食物質素唔錯，店員成日巡枱加水。不過臨走前見到網上被狠批果個白髮店員，見她不斷推介食材，客人話「唔使住，睇下先」，店員都繼續硬銷話咁樣唔夠食，説説語氣仲麻麻地。呢個人真係好扣分！

第二次去餐廳食飯，第一次覺得食物好，就叫家人一齊去試試。個半鐘用餐時間。好多餐廳都有上下場，生意難做- 明白。叫了一個餐有燒烤，湯喎和飯。老闆娘明知個半鐘不能吃完，就應告知我，不是叫我們加菜。往後只叫員工快啲上快啲煮。請她慢些，就只叫我們快食因要交枱（叫了數次）。 埋單接近4000，從未試過餐廳食飯這麼不安靜不安穩， 以後不會再去。

5/8/2022 星期五晚 三位，book 7點為朋友farewell. 昨晚有2位於6:50分到餐廳，詢問可否先入座，reception 話可以，上樓上坐低左，10分鐘後7:00正，一位相信是韓裔waitress 皺眉大聲吆喝我地講：落單未？吾齊人吾可以入黎坐。然後7:05分朋友到達，一位著西裝經理即刻行埋黎話我地吾齊人吾可以入坐，又話8:30交台，態度極之惡劣，點餐後，經理又行過黎一邊指責我地吾識用板燒爐，一邊亂咁將叫既野放入爐到燒。非常好👍🏻最後8點鐘，經理話好多人可唔可以交台，當時我地食到1半。好yeah~ 態度惡劣，吾會再幫襯，食物質素OK.完

食一個半鐘嘅飯俾人最少無禮對待咗三次事源星期五晚一早book咗枱7點三人，當日打電話嚟confirm booking係一位講唔咸唔淡廣東話嘅阿珠媽。佢話好full booking，要提前到，但話語間無提及到要齊人先可以入坐同埋有限時。到夜晚6點45分，本人仲未到，但另外兩位朋友已經到咗餐廳樓下，問樓下姐姐可唔可以提前入座，樓下姐姐俾咗佢地入餐廳，仲安排咗樓上坐。7:05我到咗仲入咗座，一坐底已經有一位白色短頭髮著紫色經理衫嘅韓國姨姨衝過嚟話我：「你地落咗單未，做咩遲到，我地要人齊先入得，你地要8:30交枱！」佢嘅語氣係極度無禮貌同用命令式語氣質問我地但個陣樓上至少仲有三張吉枱第二件事係我地叫咗B1燒肉餐+海鮮煎餅份燒肉其實就得8塊牛肩肉、兩份牛排、6粒帶子咁我地諗住慢慢燒點知個紫色衫經理姨姨突然間又衝過嚟，用教訓式語氣講：「唔係咁燒，啲菇要放最側邊！啲肉要放中間燒！」然後拎起我地隻夾將所有肉類、菇、洋蔥(我地唔食，本身想由佢，根本無諗過要燒)一下子全部放哂上個鐵板到仲要一路講一路丟啲菇同洋蔥落去，佢係真係好似丟垃圾咁「丟」落去好明顯想我地拿拿臨燒哂佢，拿拿臨食完就走…第三件事令我忍唔住

我訂七點，個阿豬媽話我6:30要到，否則不留枱，6:30我都未放工！無所謂！我自己係老闆，幾時走人自己話事！我到達時一開始朋友未到就猛咁投訴我咁耐未齊人！哇哇！真係行過嚟一次，鬧我一次😡😡7点朋友到了，叫了個9舊水雙人套餐，個阿豬媽猛話兩個人點雙人餐唔夠食，我本來諗住點多個醬油蟹，但朋友不吃生野所以作罷！條阿豬媽8點走來鬧我做乜食咁慢，超時！啊芝阿咗！我其實想加菜，但諗諗吓冇謂繼續受氣。轉埸再食。重有，d野食都未食完，佢就要收走！唔畀你再食！浪費食物！我上次farewell 條靚9個人食咗萬幾蚊，我只付責比錢，完全唔知佢咁鬼煩😡😡 今次朋友遠道而來想食韓燒，才知呢間野服務態度咁差！冇下次！ 火🔥氣十足

我好鍾意食韓國嘢，今次有朋友介紹話好食，所以去試吓，完全冇令我失望。👍🏻👍🏻👍🏻我食哂成個石鍋飯，同埋試咗朋友嘅豆腐湯，再加上十小碟真係冇得頂，還有午餐有折扣，感覺上又抵咗😆😆😆下次真係會再去食埋其他不同款式的set lunch😋😋😋，當然都會去試吓晚餐嘅韓國燒烤啦⋯⋯😬😬😬我朋友基本上係晚餐嘅飯堂，所以已經有乜嘢好嘢都已經介紹俾我，真係唔錯嘅選擇👏🏻👏🏻👏🏻😊😊😊

這間餐廳裡面有兩層,由於地下那層比較多人食韓燒,太大煙便上了樓上一層,他們給了一張四人枱給我們,有空間感不用搭枱環境衛生整潔之前男友曾提過韓國的醬油蟹,一直以來都想試試,那晚終於有機會了!馬上叫了幾隻醬油蟹再加一個泡菜餅和豆腐海鮮湯，第一次食醬油蟹,原來是生的,口感有點像生的鮮魷魚。肉質很鮮甜,還有很多蟹膏好好味,令人回味,喜歡食蟹的一定要試下。我已經想再來食過。泡菜餅很足料有口感,香口而不油。海鮮豆腐湯也有很多海鮮,如蜆,泡菜,豆腐...個湯味道也很好,很满足!

今年無得放暑期，心情有點悶悶不落,再加上天氣超熱就更加難受，所以早兩日Daddy带我出去食韓國嘢解解悶因為佢知我最鍾意食醬油蟹我地叫左一大碟大概有十幾隻，好鲜甜多肉多膏真係驚膽固醇超標

同朋友慶生，壽星女想食醬油蟹，所以揀咗呢一間有醬油蟹提供嘅餐廳食生日飯～/🦀醬油蟹($520/2隻or$770/3隻)叫咗兩隻蟹配一碗紫菜飯🍚唔知係咪叫幾多隻蟹都係配一碗飯飯量唔太夠蟹好多膏同肉✅醬油味幾濃🔥但唔梗 唔會好重酒味所以就咁食蟹都無問題單食 撈飯食都好味😋/🦀前菜款式多泡菜芽菜乾魚仔薯仔蛋捲都有😗/🦀牛肋骨湯($85)除咗牛肋骨有蛋 蘿蔔 粉絲味道幾清☀️唔錯/🦀葡萄汁($30)死甜味唔推薦/🦀 海帶湯(免費)因為係慶祝生日🎂餐廳免費送海帶湯個湯比較淡得少少鹹味🧐唔推薦比錢單點/大部份菜式味道都唔錯但服務態度就好麻麻⚔️一坐到埋位 一位女店員不停催促點菜催咗問咗幾次🤨泡菜食曬 想再添 店員會扮聽唔到或者聽完唔理🤷🏻‍♀️

好友終於決定要移居彼邦生活，趁她未走之前當然要好好吃頓晚餐聚一聚順道慶祝今天生日的她，祝願她在新地方工作順利、生活愉快、無憂無慮。主人家選了想吃的多個國家菜的選擇，最後我選了覺得吸引的石牆道韓國餐廳作為這餐離別暨生日晚餐的地方。甫坐下服務員先送上足足十款的韓式配菜，當中最喜歡辣度十足的泡菜和咬口十足的黑豆還粉淋的薯仔。來石牆道不吃這兒的醬油蟹＄520/兩隻我覺得等於沒有來過，我們在兩隻和三隻之間作選擇，最後理性地選了兩隻，其實分量相當大兩隻已足夠我們三人分享了，調味得恰到好處沒蓋過蟹的鮮甜味道，甘甜蟹膏和香軟蟹肉吃得我們大家也舔舔脷。隨醬油蟹會附上一碗紫菜飯，放入蟹蓋混合蟹膏一同品嚐絕對是人間美食。另外我們點了一個海鮮鍋＄500收費看似不便宜！但內裏材料非常豐盛當中包括有八爪魚、鮮蝦、螃蟹、大蜆、帶子、青口、鮮魚，另外還有各式配菜和嫩滑豆腐，細食的我們只點了這兩道菜都已經吃不完，建議來這兒吃飯還是約多些朋友好一點。最後餐廳送上甜蜜糖水一碗，另外知道兩位朋友是月生日更送來海帶湯祝賀，真的超多謝熱情招待我們的服務員。

因疫情好耐無出街食飯，加上好朋友生日，一定要出去食個快飯🫣壽星女想食醬油蟹，我地係OpenRice 搵下，係美麗華附近有一間石牆道好似幾好咁，所以就去試下😆可能平日關係，所以唔算多人，不過我都有提前響OpenRice book 位，上菜都算好快，韓牛都好好味😋😝😝 原來醬油蝦？但2人食唔哂🤣所以只係叫醬油蟹算😊😊主菜係醬油蟹😍超水準！超驚喜，同韓國食既差不多感覺😍😍😍😍仲有我地叫左個海鮮葱煎餅,好香口🤭🤭

多次光顧餐廳，一年不下10次。每次人均單都正常，大約200至$400一位食物質素良好，可惜服務質素每況愈下，服務用一個「混亂」形容。一個星期前喺OpenRice訂咗星期五晚餐7:30七點提早10分鐘到達。職員同我講太多Booking，問我是否可以1小時內交枱- 我答唔可以。職員再問咁我要喺炎熱嘅夏天，坐在2樓庭院室外燒烤。我走上樓梯視察一下非常熱又有冷氣散熱唔好嘅味道喺庭院聚集。我最後走咗。不適合在美好的星期五坐在炎熱的庭院裏邊食飯，完全破壞咗星期五的快樂氣氛。星期五晚，沒有訂枱喺尖沙咀好難搵到餐廳。最後隨便去了一間普通中式酒樓食飯請問 阿貴老闆明知道星期五多人唔好應承咁多張預約單。去到人山人海，位都冇。完全沒有預約可言去到又突然之間講限時一個鐘，冇可能食完星期五晚飯。如果我要快食嘅不如去茶餐廳。沒有韓燒的星期五完結。好失望。 老闆應該唔優做