睿私房菜

營業中

休息中

銅鑼灣高質私房菜，有獨立房間，窗外的景觀開揚，當日間房的位置仲俾我睇到部分維港景觀🤩 冰鎮咕嚕肉 平時熱辣辣的咕嚕肉就食得多，冰鎮咕嚕肉今次第一次食。上菜時啲乾冰擁晒出嚟，未食已經好吸睛，咕嚕肉咬落索索聲，外脆內軟，酸酸甜甜，非常推介👍🏻是日老火湯 - 合掌瓜瘦肉湯個湯無落味精仲有好足料，煲到個湯入晒味，合掌瓜同瘦肉都好淋錦鏽蟹皇燴伊麵好大碟，如果2個人叫呢個伊麵，個份量就略嫌多。蟹膏粒同蛋黃配上伊麵，只係聞到已經流口水🤤，味道香甜仲帶有蟹香，正😍。招牌滴漏白芝麻布甸外表平平無奇，食落有驚喜，芝麻味勁濃，布甸好滑溜❤️

今晚特登同一家人出去食飯做節過冬。點了幾個手工菜，包括國宴雞，胡椒豬肚包雞湯等等。在其他地方餐廳沒有見過的，雖然價錢比較貴，感覺份量亦比較多。一家人都覺得好食，覺得物超所值，好食到唔停得口，可能我哋有兩位小朋友，多點了其他小菜，其他小菜份量正常餐廳共兩層，我們在下層28樓。一層的枱不多，我們得到對着馬場景的，感覺很好。最後埋單3500多元，共七人，點了兩個前菜，四個主菜，及甜品，環境開揚，沒有讓人侷促的感覺，由於不用早還枱可以慢慢吃。我覺得值得推介。

讚1.獨立房都幾有私隱既2.炒麵幾有火喉，係做得好彈1.其他嘢食就全軍覆沒，白切雞鹹到根本食唔到，同埋肉質好實；炒鱔唔係咁樣收二百尾嘛，唔計份量，皮唔爽肉又薄，搵笨喎；筍殼魚既肉都係好實淨，唉

以高級食肆來講服務實在太差！！！由七點鐘開始食，上菜快，完全不可以慢慢細嘗食物味道，當我稍停飲酒時，就算碗內碟上仍然有食物，店員仍多次嘗試收碗收碟，要客人多次制止，從未試過高級食肆會有如此待遇！！！到叫甜品時店員態度極差，訂枱時問是否需要預訂甜品，店員稱不需要；到點菜時問是否需要預訂甜品，店員又稱不需要，到食完8：30分叫甜品時，就同我講話賣完？？並話廚房無他亦無辨法！一點兒抱歉既態度都沒有。。。請問，有尊重過客人嗎？食物味道好又如何？而且食物味道亦沒有好到令客人受氣仍想去幫襯的地步，絕對係要 blacklist 既餐廳！

說到這裏的名菜中華國宴雞, 其實就是由江南百花雞演變而來, 同樣是雞皮夾著蝦膠, 進化的除了是由普遍的蒸再加上水晶獻, 改成如炸子雞般的做法外, 內餡也由純蝦膠變成雞肉蓉和蝦膠拼合, 雞肉蓉口感嫩滑如豆花, 再加上口感爽彈的蝦膠, 口感更有層次. 不加上任何醬汁, 味道就是兩者的鮮味結合. 如此大隻的國宴雞, 每一件都能保持一樣的口感和味道, 這正是主理人潘師父及其團隊的功力.除了國宴雞外, 另一道名菜是冰鎮咕嚕肉, 一上檯的寒氣四散故然吸引我們的目光, 但這裏的冰鎮不只是純粹作裝飾用, 而是令外皮和醬汁都凝固起來, 除了令外面和內裡依然燙口的溫度, 營造出冰火效果外, 也令醬汁和肉塊更緊密地連在一起. 作為全場最抵食的菜式, 它的表現和手工複雜性也令其性價比最高.豉汁蒸鱔的鱔魚去骨去得相當仔細, 是極少數我吃的鱔魚不用吐骨的, 簡單做法更能突出鱔的鮮味和爽彈, 沒有任何泥味, 而豉汁也完全滲入魚肉中, 但沒有死鹹, 而是提鮮, 如果魚肉再厚一點就更抵食. 潘師父做私房菜起家, 去處理不同客人的口味相當理解, 除了他對傳統粵菜的堅持值得欣賞外, 他的細心也值得表揚.

無意中發現銅鑼灣Zing! 有好多野食，今次就選擇左間位於28嘅私房菜，餐廳主打新派粵菜，環境闊落，可以欣賞跑馬地馬場全景😍👉 麻辣牛舌 （$88）厚切嘅牛舌再加麻辣嘅醬汁，不錯！👉 冰鎮咕嚕肉（$148 例）呢道菜可以話係餐廳嘅招牌菜，一上枱就仙氣十足，好適合打卡🤩咕嚕肉雖然放在冰上，但外冷內熱、外脆內軟，口感有點酸甜，幾開胃👍👉 荷葉竹籠羊肚耳紅棗杞子蒸清遠雞 （$168）平時真係少食竹籠蒸雞，雞肉比較嫩滑，再配以羊肚耳、紅棗、杞子，令到菜比較健康，食落去自己覺得比較清淡😋👉 脆米蝦球（$368）第一次食脆米蝦球，蝦被脆米包住炸，開頭以為食落去會好油膩，但食落去就反而覺得外層香脆而蝦就鮮嫩，每一個都好足料，建議趁熱食😜

睿的意思有深明、通之意。這家店位於銅鑼灣，坐擁無敵全馬場靚景，環境寬敞舒適，心情也一下明媚了。吃美食，美景也不能少，果然是通曉美食之道。是日老火靚湯是青紅蘿蔔煲豬骨，火候十足，香濃清甜兼潤喉。來前菜，有酒香鴨舌，泡椒豬手，麻辣豬耳和麻辣雞翼尖。當中以酒香鴨舌最出色，腍滑鴨舌散發著陣陣酒香。泡椒豬手皮滑爽脆，還帶一些鹹菜香，辣度適中又惹味。點心拼盤中有叉燒包、蝦餃、燒賣和春卷。最欣賞其叉燒包，包身鬆軟，餡料細緻香滑，熱辣辣，很是美味，買少見少。蝦餃皮薄餡靚，鮮蝦足料清甜。點心很有水準！乾炒牛河很有鑊氣又不油膩，河粉夠彈牙，加上辣椒醬更美味。脆皮燒腩仔炒飯粒粒炒得很乾身，細粒燒腩仔夠香口。生炒糯米飯處理得出色，糯米粒粒爽滑又乾身，不肥不膩，令人回味。喝一口普洱，遠望美景，一下午與家人好友，夫復何求！

上次黎過食午餐之後覺得呢到環境一流同味道好好，所以今日帶埋屋企人黎食大閘蟹套餐，仲可以欣賞埋跑馬地夜景😃1️⃣清蒸大閘蟹 大閘蟹好多膏呀🤩 係5兩重既公黎👍🏻 仲好好有杯薑茶驅寒，杯茶夠哂薑甜度岩岩好，好飲到我足足飲左兩大杯😆😆2️⃣花膠羊肉羹第一眼以為蚊羹，因為真係好足料，超多花膠同羊肉，味道香濃🤤3️⃣鮮蟹粉釀蟹蓋蟹蓋好大隻，釀滿蟹粉同洋蔥，好夾好好味😋4️⃣鮮蟹粉燴乳酪睇到menu寫燴乳酪的確令我好好奇😅 乳酪清淡配上濃郁既蟹粉幾特別，中間乳酪好滑但近碟邊既略然overcook左就變硬左少少🤭5️⃣鮮人參炒羊片鮮人參炒得好甘香，羊片都炒得岩岩好👍🏻6️⃣生拆蟹粉豆苗豆苗份量好多又好嫩，每條豆苗都掛滿哂蟹粉😆7️⃣石榴荷葉飯呢個賣相好靚呀😍職員比我地影完相先剪開，好香既荷葉味，以為細細舊咁，但裏面有兩隻大蝦仲有好多配料好好味👍🏻👍🏻8️⃣薑茶湯丸最後甜品係湯丸，食完咁都蟹有呢碗解寒解膩真係好滿足呀😁

銅鑼灣耀華街呢條街好多新開嘅Cafe同埋有幢Zing! Zing! 嘅餐廳選擇種類好多，日本、韓式燒烤、中菜、私房菜等等呢間私房菜喺28、29樓 ，設有獨立房 適合一班人慶祝同朋友兩個人食就去咗28樓，環境闊落！夜晚嚟食仲望到銅鑼灣夜景🌃兩個人撐枱腳一樣適合🥰呢間私房菜主打新派粵菜有前菜、海鮮、湯品、主菜、炒飯、甜品等等，款式種類好多。其中呢款新派特色 冰鎮咕嚕肉，賣相超吸引！冰鎮黑豚肉一上枱 仙氣十足💭啱晒我打卡咕嚕肉用黑豚肉 口感非常爽口由於咕嚕肉放上冰上面 為咗保持脆口嘅口感每件咕嚕肉外面都有一層好似冰糖包住口感外脆內軟 真係好好味呀🥰味道酸酸甜甜 比起一般茶樓食嘅咕嚕肉真係特別唔同呢款一定要叫🤤另外仲有養生茶，用咗透明茶壺🫖放上蠟燭盤🕯️暖住味道清甜 感覺解油解膩下次叫多啲朋友試吓其他菜式先💕

好似好少去食中菜，今日就揀左間私房菜食😬係銅鑼灣耀華街好易搵到，分別28同29樓兩層，因為全層關係一邊就望灣仔方向，一邊就望哂成個跑馬地馬場，加埋今日好好天景觀一流呀🤩1️⃣老火靚湯呢個老黃瓜煲西施骨好清甜，無味精好正呀👍🏻2️⃣酒香鴨舌酒味濃郁，鴨舌吸哂d酒味好香甜，非常之夾🤩呢個係我個人推介一定要試呀😍3️⃣麻辣千層峯呢個豬耳好爽脆，陣陣麻辣散出黎好過癮😬如果可以再辣d就滿足哂我了🤤🤤4️⃣點心拼盤有蝦餃燒賣叉燒包同春卷，正常發揮啦😅5️⃣乾炒牛河乾炒牛河都有驚喜，河粉乾身唔會油淋淋，亦唔會痴埋一舊舊👍🏻牛大大塊但煮得岩岩好好淋😋6️⃣招牌脆皮腩仔炒飯皮真係好脆，炒飯粒粒分明，簡單既餸菜反而更顯大廚功架👍🏻👍🏻總結餐廳環境好舒服，服務好，小菜份量都大大份，味道真係無得輸😋😋

🌟🌟🌟🌟鼓汁蒸麒麟大鳝 $268decent手工私房菜，2021下半年新開的。貴有貴的道理，雖然没有太驚艷到我，确实是好吃的。鳝魚香甜軟嫩，小棠菜吸了鳝魚的汁也是很入味的。还有筍和香菇，總體來說口感很豐富。要夸一夸服務，茶水還沒喝完就有人來及時续。環境安靜，裝修偏高檔。

招牌冰震咕嚕肉加左冰粒🧊皮真係好脆😋第一次食咁脆皮既咕嚕肉💗最後甜品叫左招牌核桃布甸好濃郁真材實料👍🏼私房菜黎講有啲小貴啦但菜式都有驚喜😉如果一大班人食會相對抵食既☺️ 服務態度很好👍🏼

今日黎到位於銅鑼灣既睿私房菜食午餐，餐廳既位置都幾近港鐵站，景觀仲好靚，可以一邊食飯，一邊睇風景。泡椒豬手·麻辣羊肚耳前菜黎講好開胃，唔算好麻辣，平時唔食麻辣既朋友都岩食。是日老火靚湯老火湯好足料，味道好濃郁。欖角冰梅骨冰梅骨調得好好味，肉質好滑，煮得亦都好入味。雲耳炒鮮淮山依道菜好特別，淮山好爽口，亦都幾甜。黑毛豬豚肉生菜包黑毛豬好入味，好惹味。脆皮燒腩仔炒飯燒腩仔好脆皮，炒飯味道唔會過濃，好有特色。整體黎講，今次午餐既菜式好特別，食物既質素亦都唔錯，有機會既話會再黎。

朋友介紹這間私房菜很不錯，所以一家大細去試試😜餐廳裝修優雅，可飽覽馬場，境觀很好🤩因人數較多，可多點幾道菜式冰鎮咕嚕肉賣相已很吸引，黑毛豬咕嚕肉炸醬很脆，肉質彈牙，味道很好香芒鍋巴大蝦球蝦球新鮮彈牙，配上濃濃的香芒醬很惹味黃金芝麻雞皮脆肉嫩，芝麻味很香🥰 內臟部份亦包上脆醬，很少吃到全雞連內臟生炒糯米飯非常好吃臘味的油香、糯米飯嘅煙韌，再加上大廚嘅功夫，簡直係必食嘅推介呀！上湯杞子浸菜苗這道菜簡簡單單，但很清甜，正👍🏻👍🏻麻辣豬耳仔豬耳仔很爽，但個人覺得麻辣味可重一點千絲萬縷櫻花雪反沙芋，配上‘千絲萬縷’的糖絲，再灑上食用花瓣，很有意境亦很美味 這頓充滿手藝的晚餐，大家都覺得很美味，非常愉快

❣️銅鑼灣古法x新派廣東中餐睿私房菜❣️就到中秋節大家會去邊度食飯慶祝呢🏮爸爸要返工所以我哋就提早去咗銅鑼灣呢間睿私房菜食飯慶中秋🐇呢度位於29樓所以我哋可以飽覽跑馬地馬場全景😍位置好方便就喺時代廣場隔離😎我哋揀咗超抵食嘅中秋套餐有前菜小食、魚🐟雞🐓蝦🦐牛🐂豬🐖仲有飯同甜品！煎炒炆燉包羅萬有！❇️泡椒雞腳、麻辣千層峯雞腳爽脆辣度適中，雖然係前菜小食但係份量十足！麻辣千層峯其實係麻辣豬耳，爽口惹味！❇️冰鎮咕嚕肉呢個真係超級驚喜！味蕾視覺多重享受😍外冷內熱！咬落去鬆脆嘅外層裏面嘅肉汁即刻爆出黎！口感層次豐富！❇️香芒鍋巴大蝦球呢個小公主最鍾意食😍酸酸甜甜嘅芒果醬配上爽口彈牙嘅大蝦球🦐仲有大大塊香脆可口既鍋巴❇️鮮蘆筍炒鮮牛𦟌呢個真係超大碟！滿滿蘆筍同埋牛展！牛𦟌肉質鬆軟！蘆筍鮮甜❇️羊肚菌豬展燉竹絲雞湯湯原個燉盅上枱！一打開蓋就見到好足料！每一啖都鮮甜清香！滿滿鮮香肉味！❇️清蒸海石斑好耐冇試過食咁新鮮嘅石斑😍大大條而且肉質鮮甜嫩滑！❇️瑤柱貴妃雞好耐都冇試過成隻雞上枱食😍每一啖都充滿鮮香瑤柱味！雞肉嫩滑！❇️薑汁炒芥蘭苗每一條芥蘭苗都沾滿薑汁！芥蘭苗新鮮爽口❇️脆皮燒腩仔炒飯粒粒脆皮燒腩仔加上粒粒均勻蛋炒飯