真心泰國菜館 (已結業)

早前, 有朋友生日想食泰國菜, 於是上呢個網... 見到呢間食泰國菜好似幾好, 咁咪黎試下lo! 可能係樓上鋪, 唔駛等太耐就有位, 而且價錢方面係非常OK既~我地7個人去食, 叫左兩個set dinner, 另外再散叫左o的野食...食物方面唔算太辣, 如果怕辣請唔好食紅咖哩啦! 要推荐下黃咖哩, 再配薄餅, 咖哩好香好好味, 真係咖哩有咖哩味, 超正! 食左冬陰公, 凍蝦, 蝦餅... 唔錯架!另外炒飯亦都炒得好入味, 用料同份量唔似高級餐廳咁吝嗇! 感覺呢度既食物正宗, 價錢公道!

偶然經過去食了一餐. 最幾得係冬蔭功都幾辣幾好喝.青木瓜沙律幾好, 爽口而且料都幾多, 飯前之選.炒飯很不錯, 如果油少一點就更令人滿意. 青喱雞肉味到很夠送飯一流.煎蠔餅就粉太多, 普普通通. 炸蝦餅, 鹹鹹地不錯如果大塊點就更好.咖喱魷魚, 味道香濃不過呢好似唔係好入味, 個魷魚沒有太多咖喱味.

傻仔敏在「食」這方面的界限絶對可以稱得上遼闊，從無國界，日本菜、泰國菜、中國菜、法國菜、印度菜、韓國菜、馬來西亞菜…我都喜歡，當中首選的是日本菜，因為口味多數較為清淡，自己呃自己的…吃多了也不會肥！！另外泰國菜亦是我的心水選擇，今日我黎到豬頭人推介的「真心泰國菜」，這間位於朗豪坊旁邊大廈內的泰國菜館，店子細細豪不起眼，但豬頭人對食店環境一向要求甚高，所以對這兒的衛生一點都不需担心。這裏的生牛肉湯河餐($28)，又有凍飲又有甜品，個湯底又香又濃，豬頭人下午茶的首選，而冬蔭功湯就是我的最愛，曾介紹到訪的朋友都大聲叫好。而且這裏的待應態度十分好，會主動介紹食物之餘，還會貼心的叫顧客留意份量，提醒可以不夠食先再加菜。由於晚上普遍都好多人，所以平日多數都係食午餐，今晚都係諗住碰碰運氣，點知甘好彩有位，當然把握機會啦！！花多眼亂，又得兩個人…樣樣都想食，但有驚食唔晒，真係令人頭痛。經過一輪左選右揀，終於選定了：(1)泰式酸辣柚子沙律 (辣辣的味道，叫人越吃越想吃)(2)炸大虾春卷 (大虾是我的最愛之一，$65就有5大條，而且隻虾仲要又大又彈牙，絶對係物有所值。)(3) 飛天通菜 ($38- 味道剛

尋晚一行四人盪到旺角找嘢食，見到砵蘭街近朗號坊附近有個好大嘅招牌，寫著真心泰國菜。於是貢上去試吓，就叫咗六樣嘢：1.泰式拼盤($80)-----蝦餅同雞翼都可以，魚餅同春卷唔好食。2.泰式火紅炒通菜($40)-----火紅都唔辣。3.紅㗎喱豬肉($60)-----紅極都唔辣，真係唔知嗰紅字有乜用呢？4.泰式燒雞半隻($70)-----肉霉。5.泰式煎蠔餅($70)-----炸粉太多，好似食炸粉團。6.泰式炒飯($48)-----無乜料，豉油炒飯加辣椒。四個人都話，唯一可讚就係泰藉女待應的熱情笑容同招呼。

見到open rice咁多笑面，已經好想搵機會去試，昨天終於有機會了，6:45pm去到全店都係吉既，我同朋友坐定了後，食客先陸續出現，兩個人點了﹕菠蘿炒飯 – 一般炸蝦餅 – 一開二、有成8件、熱辣辣，都幾好味沙爹(六串) – 選擇了3牛3豬，一般，個待應聲稱本來揀六串只可以揀1款，不過由於人少關係，就破例比我地揀2款，真係信不信由你?!鹹肉炒芥蘭 – 一般飲品點了椰青及三色冰2人埋單成$290，比我想像中要貴，如果以咁既價錢，我認為有好多選擇，試過一次之後未必有下次了…

今晚男朋友帶我去食泰國菜..個d員工應該真係泰國人(佢地講用泰文溝通)今次係我第1次食...不過感覺唔錯我最鐘意佢地d野飲..因為入面塊青檸咸咸地...^^不過地方比較窄,而且冷氣比較凍

琴晚同d以前part time o既同學仔gathering, 諗左食乜, 就下晝上openrice search下有邊間thai food正喇, 就search到呢間全部都係好評, 同埋我個fd話呢間唔錯就去試試喇!去到我地仲未齊人(有6個), 到齊左5個之後就一人叫一個, 不過等左好耐先上菜!!!!最嬲係第一樣上o既係個薄餅!!!大佬呀!!!你又冇curry乜都冇, 唔係諗住齋食個薄餅呀???不過總括黎講都好好味!!!我本人就唔食spicy o既, 但咁好味又實在忍唔到唔食囉......我地叫左:豬頸肉salad$60泰式煎蠔餅$70一打串燒(3款都有)$80生菜包$70黃curry豬$602客薄餅$50一個芋頭飯$70蟹肉西蘭花$48餐廳敬送甜咕: 紅豆沙(不過老闆可能唔知我地食左, so又叫人上, 上左椰汁糕), 雖然泰國o既甜品有少少喊係佢o既特式, 但琴晚o個d又好似略為喊左dd喎.....整體上黎講好好味, 但d人太忙搞到服務態度馬馬, 同埋d野食黎得太遲喇!不過可以再黎o既~

是日跟友人試了她推介的泰國餐廳, 點了:1.咖喱魷魚: ok, 幾惹味.2.蒜蓉飽: 脆脆地, 好熱, 好好味! 加埋個咖喱汁, 一流!3.豬頸肉沙律: 好好味, d 香料好惹味, 辣辣地, 正! 仲大碟都吃唔晒, 要打包.4.炒貴刁: 都唔錯, 可惜食物多了點. 有點飽, 吃不下.兩個人, 也不過二百餘, 十分抵食. 味道也相當不俗, 大家可一試!

朋友想係旺角食飯, 而我又想食泰國野喎, 所以係openrice到搵資料, 選中呢間試下.兩個人約七點半去到, 當時只係得兩枱客, 我地坐左係窗口位. 兩個人叫左個$198 二人set, 包冬蔭公湯, 黃咖喱(豬or牛or雞), 咸魚炒芥蘭, 生菜肉碎包, 炒飯同埋甜品.原本以為份量好細, 所以叫多左一客薄餅. 點知0黎齊時嚇左一跳, 份量都唔少, 最緊要味道都唔錯. 當然唔以話得超好味, 但係以呢個價錢及地區計, 仲要唔洗等位喎, 值得再去.我自己最鍾意佢個冬蔭公湯, 夠酸夠辣, 但料少d. 而個生菜肉碎包都好味, 肉碎炒得好香.

朋友甲成日同我講話呢間泰菜好好味....今日卒之有機會試喇...三個叫左招牌炒飯、泰式炒通菜、黃咖哩雞、泰式薄飯、冬陰公湯。招牌炒飯：裡面有芋頭,雞肉,肉鬆,egg..炒得都幾好味，都幾大碟泰式炒通菜：很香口,幾好味黃咖哩雞：汁很稀，唔辣，雞肉帶甜，連泰式薄餅一齊食，正！泰式薄飯：都幾厚身，一碟三塊，好香！冬陰公湯：本身唔鍾意飲呢隻湯...不過呢間既我覺得都幾好飲...很辣(本身唔係好食得辣)，辣味勁過酸味！都算多料...服務：上菜、收碟都算快...仲有湯水送....會再去...試埋其他野^^

*生蝦剌身*幾辣，如怕辣，一定要拎走d辣椒、蒜粒。*冬陰功*好味，一直會用火煲住直到你完全喝晒。唔算好辣，怕辣既人都可以試下，味道幾岩港人喝。*馬拉盞炒菜*試過通菜及芥蘭，都好好味，三四個人食一碟係唔夠，因為非常好味。*明爐烏魚*少少酸少少辣，頭個幾啖無咩感覺，之後愈食愈覺好味，連附帶既肉碎及湯都會愈食愈滋味。*咖哩炒蟹*唔算好，可以唔order。*菠蘿炒飯*不過不失，隨餐附送無問題，但散叫就唔好。推介：生蝦、冬陰功、明爐烏魚。二人餐比四人餐份量少好多，意思係兩個二人餐既份量唔係對於一個四人餐，無咁抵，建議三至五人一係叫四人餐一係散叫會較好，價錢合理，响旺角要食泰國菜非此間莫屬。

叫左個生蝦~ 80蚊一個生牛肉金邊粉~一個冬蔭湯海鮮金邊粉~~~~兩樣都好好食~ 冬蔭公湯底唔錯~ 生蝦就嫌細左少少~其實比起旅行團去泰國食既野.... 我反而覺得香港既泰國菜好食好多

平日晚飯時間，幾近全場爆滿，幸好我們只兩人，沒訂檯也有位可攝。不過真是要「攝」囉，那裡的檯椅擺得非常迫狹，有些位置根本上是硬來的，侍應要送菜，就要幾個顧客一起停手，把身體貼著檯邊才可讓侍應通過，真要命。說回食物，第一個菜是泰式生蝦，醬汁夠辣，吃不得辣的儘可把辣椒蒜粒撇走。貪心的我當然挾一大把辣椒蒜粒，和著生蝦往嘴裡送，吃得舌頭像火燒時又後悔，心想只是第一道菜啊，之後怎麼辦？豈料之後上檯的冬蔭功，酸而不辣，吃完生蝦再喝它，簡直可以解辣，早知不用叫綠豆冰珍多冰啦！還有一味青木瓜沙律，味道不錯，材料切得夠幼細，不過醬汁的味道跟蘸生蝦那些，好像有點相似。食物水準不俗，但旺角區來說價錢好像偏貴，而且因環境問題，坐得極不舒暢，未必會翻兜。

早幾日同Chanchanb女王大人上完攝影班，佢好快又呈現出力盡情況，行過旺角朗豪附近既朗晴坊，又見到真心泰國菜館，於是又貢左上去。已經第二次去真心食泰國野，第一次去通菜街個間，當時人唔係好多，本以為今次都唔會太多人，點知爆滿不特止，仲要排隊添！等左一段時間，終於到我地，我地一早已經傾好叫咩。我地點左柚子沙律、波蘿炒飯同埋串燒沙嗲柚子沙律有少少好似魚仔/蝦仔乾的東西，再加上一個辣汁，好醒胃！好惹味，我個人就好喜歡了！波蘿炒飯係原隻咁上，不過唔係好夠波蘿味咁，而且仲幾油下.....串燒沙嗲就麻麻地，好似燒得唔係咁夠，仲有少少油咁，好在個汁都唔錯！下次再想食真心，都係早少少去好了~

在此，先祝爸爸生日快樂，希望他過得健健康康啦！若非姐姐之前來過，我也不會留意朗晴坊有這麼一間泰菜店，畢竟，去開的九龍城的泰菜館多的是。點了8樣食物，有木瓜沙津、炒通菜、黃咖哩雞、蒜容包、生菜豬肉包、冬陰公、泰式拼盤和菠蘿炒飯。木瓜沙津：很不錯的飯前小吃，能先讓舌頭適應泰式食物的味道，越吃到底，越感到辣。炒通菜：水準還可以，而且通菜現在是當造期，也沒有難吃之理了。黃咖哩雞加蒜容包：黃咖哩不辣，易入口，但其實汁頗稀，點上蒜容包來吃也算中規中距罷了，好在蒜容包做得不錯，夠熱夠脆夠咬口。生菜豬肉包：由於走了辣的關係，所以覺得過咸！冬陰公：這個做得不錯，先嚐到搶喉的辣味，後在唇上邊卻感到一點點的甜，可見還能嚐到香料的不同層次，不是一味死辣，算很不錯了。泰式拼盤：端上檯時熱辣辣的，有炸蝦餅、雞翼、炸魚餅、扎肉等。也算是不錯，起碼份量也是不賴的。菠蘿炒飯：甚為足料的炒飯，但總括來說不是炒得很乾，只給我大堆頭的感覺罷了。後點了椰青喝喝，以幫助消化。比九龍城的泰菜館好的是這裡的服務！很有禮貌及很醒目。見我們說生菜包走辣就過來對我們說有些菜也是辣的，問我們需不需要轉。