真好味燒味 (已結業)

今次試試平通街既燒味飯, 除燒肉飯12 蚊外, 其他都要 15 蚊, 要汽水加 3 蚊, 其實唔係特別平, 旺角街市通街都係燒肉係 ok 既, 唔會擺到淋晒, 當然咁平就唔會係俾好好食既部分啦, 反而個湯係比起其他燒臘舖好, 唔係洗鑊水, 飲落亦唔覺得重味精

一早放工, 一個人, 冇野食, 平平地, 就試左E 間, "真好味燒味",真係好平同好低十蚊燒肉飯, 燒肉皮好脆，肉質嫩滑有汁，好正!不過豉油落多左少少，唔緊要。下次再黎幫襯時，醒目D，預早一定要叫「少色」。個老火湯都吾錯

現今香港的社13元可以做什麼.坐車?食早餐?買飲品?買雜誌?13元做以上的東西.是十分勉強.我有看報導呢間店主力的客人是露宿者.或低下階層..13元一盒飯加湯利潤只得2元.老閭是靠供應燒味給大集團賺錢.憑著一顆善心去幫助低下階層若不是看報導.也不知呢間店飯盒便宜的原因....13元飯盒加一湯..沒有堂食..唯有坐在油麻地公園食...燒鴨飯:至少沒有騒味.肉質是鮮甜.只有少許問題.皮薄.當然不會香脆.同有肥油..不過以13元而言..相當超值.直情直100分...雞腳湯:好清...但不是無味.連雞腳也新鮮.越食越香..真係估不到.湯相當清甜.味精飲唔出.無口乾...好飲...計味道真係回味.只係我不是住油麻地.難有第2次....叫我再去油麻地公園食.無勇氣錦上添花易.雪中送炭難.我十分欣賞呢間店.亦提醒我自己..若有能力的也可幫助人..

平日都有幫襯買燒肉燒腩, 脆口好味!向來都見佢有大大個 banner 賣十一蚊燒味飯仲送例湯~近日從報章得知原來老闆係極之有心, 明明蝕本都要供應廉價燒味飯俾街坊係為左幫助大家, 「希望街坊有餐飽飯食」!家下食落佢d 燒肉仲多左份愛心, 真係更加好味! 大家要大力支持買多幾條燒肉返去開飯啦!

抵食到喊! 早排係油麻地趕時間做野, 諗住外賣個飯食完就搏殺落到樓下見到呢間野.. 嘩! 十蚊飯盒? 堅唔堅呀? 中學之後都好似冇試過, 就貪快+貪過癮下買個試下點知就係冇祈望下食到好野 -- 十蚊燒肉飯盒, 好脆好正!不過係 "事油" 多左 dd.. 下次一定要叫少 "事油"好似個老火湯都好似話唔差, 不過我俾左人飲..個次之後, 我決定得閒就會去再食下!!