盛記酒家

營業中

休息中

這間酒家剛剛開張的時候曾經來過一次，吃完之後有點懷念，今晚便專程安排時間到來。拆肉泥鯭粥一鍋$188 ，泥鯭煎過之後，再拆肉煲粥，味道已經深入粥內，粥底綿綿軟糯可口，可以加入生菜絲、蔥絲和冬菜絲作為調味料和增加口感之用。溫馨提示：雖然泥鯭已經拆肉，不過久不久都會有點魚骨，進食時小心。滑蛋鮮蝦球$148 ，蝦肉爽口彈牙，滑蛋份量十足，可惜味道有點怪，可能有一隻壞蛋混在雞蛋之中。😅😅😅海蜇伴燻蹄$78 ，海蜇爽口彈牙，燻蹄皮脆肉嫩，如果海蜇的醬汁可以醎一點更好。紅豆沙（免費），中式傳統晚餐之後，酒家都會有一碗自家製糖水，這個糖水的甜道適中，紅豆入口溶化，這道甜品秉承了酒家的傳統文化。

喺銅鑼灣食完榴槤雪糕 捐完血就黎灣仔呢邊食✨乾炒龍蝦粉絲 $388粉絲夾雜住啲非常幼嘅蛋絲好香😋 加上有啲焦左更加正🤤 龍蝦都幾多肉 啲肉都實淨 😋😋✨鼓油皇鵝腸 $138鵝腸口感爽彈而且好入味😋😋 好食👍👍🍺嘉士伯 $35整體味道都好好🤤 環境唔錯 坐得舒服👍 一開頭侍應太忙 就算訂左位都要等等味道❤️❤️❤️❤️💔抵食❤️❤️❤️💔服務❤️❤️❤️💔環境❤️❤️❤️💔💰晚餐人均～$300(收+1)

放工後又要諗下晚餐食什麼，同T先生都試過唔同既菜式，但廣東小炒就較少，於是試下<盛記酒家>。本以為地點不太就腳，晚市應該唔會好多人，點知⋯⋯差不多爆滿。我book左位而且早左到已經咁，我準時咪要等位🤔🤔 嗯，酒樓有冇booking system 呢🙄和T先生被安排在大後方的一張小圓檯，少少面壁思過feel, 但反而唔會太過嘈吵(雖然都嘈)😅 目測所見，大部分食客都係本地人，可能收工過來啦，個個都興高采烈地飲飲食食。種類繁多，至於我地呢都諗緊食咩，又係目測啲小炒份量相對地大碟，我地得兩個人，好難叫得多🥺 📍豉油皇鮮鵝腸(例) $138見多人揀我地又點😅，加上好耐冇食鵝腸呢。鵝腸份量唔少，舖碟的芽菜亦很多，整體上真係幾大份。鵝腸入晒帶有少少甜味的豉油，而且爽口彈牙，口感不錯。至於芽菜，吸晒豉油汁，配上鵝腸一齊食，好惹味，一定要叫碗白飯一齊食啦😆😆📍菜莆蠔仔煎蛋(例) $118好想食呢款😆 菜莆蛋煎得香口，不會過咸或過多胡椒味，調味的話就用魚露加味，蠔仔份量適中，煎得剛好不太老。另外想讚下菜莆蛋口感，比較實在，唔會太多空氣感，亦唔會煎得過份脆口，配上白飯簡直一絕簡單而平凡的小

*此餐廳收取加一服務費。椒鹽香爆鮮魷（單點$148），表面鋪有炸蒜，魷魚口感外香脆內彈牙，食落好香口。盛記小炒皇（單點$148），好足料，蝦乾、白飯魚味道鹹香，魷魚味道鮮甜，炸芋頭絲口感薄脆，昇華咗嘅口感豐富度，配料包括有豆乾、洋蔥、韭菜、辣椒、腰果。白飯（三碗$42）。芥醬（兩人$8），水煮花生，口感偏腍，味道偏鹹。桂圓紅棗枸杞銀耳羹（跟餐$0），銀耳口感爽身，整體味道清甜。茶茗（兩人$30），香片，茶味濃香。

小朋友成日出街都只食西餐，今日學校有活動放學之後都有啲夜，醒起附近有一間老字號酒家，以前同啲同事成日嚟食，今次帶小朋友嚟試吓，初頭以為樓上鋪唔會好多人，點知原來平日7pm之後已經差唔多滿座，好彩仲有一張細枱我哋先有位食飯。真係好鍾意懷舊酒家嘅餐具，好有特色，而且價錢大眾化，同埋啲碟都係好足份量。我哋點咗尖椒牛柳，牛柳好嫩滑，少少辣辣地，配上大量嘅紅椒同埋青蕉，唔會好辣，不過好惹味。鼓油炒鵝腸唔係好多地方可以食到啦，估唔到呢度仲有得食，份量好多好大碟，鵝腸好爽口好入味，最正係佢下面有大量芽菜，配埋芽菜一齊食，好味之餘亦唔會太溜。老水豬腳仔呢碟雖然係前菜小食，不過小朋友超級鍾意，滷水味好入味，豬腳仔好滑仲有好多肉，連啲花生都夠晒林，一餐簡單嘅晚飯，都可以食得好滿足，間唔中出下街食吓懷舊餐廳，小朋友會有另一番感受。

「盛記海鮮酒家」位於灣仔杜老誌道群策大廈，鄰近灣仔會展站。除左海鮮之外，呢度嘅中式小炒好有鑊氣，而且份量「巨多」，價錢非常划算。香煎蓮藕餅 ($148): 一客共有九件，藕餅酥脆，具肉香，食得出粒粒蓮藕，幾清爽，而且肉汁豐富，蘸喼汁食更佳。乾撈海皇粉絲煲 ($168): 海鮮份量頗多，有蝦肉、蝦乾及魷魚等，鮮味帶咸香，整體調味唔錯，粉絲亦夠乾身。另外，粉絲「巨量」，食極都食唔曬，點呢個煲基本上唔洗干飯。欖角冰梅骨 ($148): 一客有逾十件，豬肉微微脆香，但夠軟腍，醬汁以欖角及冰梅煮製，酸中帶甜亦具欖角香，味道唔錯，幾好食，但口味偏濃，適宜拌飯食。餐後每位奉送綠豆沙一碗，餐後免費糖水乃從前中菜館嘅傅統，現在買少見少，一般都要比錢散叫。綠豆沙低糖，唔甜，食落唔膩，飯後食唔錯。

放工突然想食小炒，所以回到灣仔群策大廈的的盛記，因為上次在同一幢大廈食飯，黎錯呢度，一於決定今次返去食佢。餐牌選擇不少，尤其海鮮十分吸引，不過因為我地只有兩位，食唔多，所以只單點了三個小炒。閒日晚市人不算多，我地點的三個小炒好快就到！小炒皇有蝦仁、炸芋頭絲、魷魚絲等，炒得好香口，主角的韭黃翠綠又爽甜。用黎送飯最好！薑葱斑腩煲份量不少，斑腩炸過才入煲，薑葱本身已經好香，加上是斑頭腩，所以肉也不少，又是送飯佳選。野菌燒汁牛柳粒牛是我的最愛，牛柳啖啖肉，重點係個汁，好惹味，牛柳或是野菌都吸盡燒汁精華，所以一碗白飯真的不能少。兩人點了三個菜加兩碗白飯，簡單又滿足，小菜的威力就係呢度！餸加白飯就可以食到飽！

這晚係灣仔開完會真氣難下。開足半日同老闆頂足半日。感覺好委屈自己。心裡決定要食返些好野去平衡自己的心態。決定係灣仔找找。係灣仔區內竟然不覺意下見到間傳統酒樓。貿然衝了入去去試試。欖角冰梅骨。肉質入口鮮嫩。欖角做成既醬汁更令口腔內充滿鮮甜獨特味道。肉與骨的採用更要配合得比例適合。先令到一款傳統菜式做得天衣無縫籠仔梅菜蒸菜心。一款舊式做法的菜式。不多酒樓再做這種考功夫的菜式。梅菜的獨特味道混入菜心既甜味更是一絕。

盛記酒家雖不像集團式的酒樓多有名氣，雖以自家燒豬為名，但其食物鑊氣和份量十足，足夠留著一班街坊的胃，來個飯聚更是一個好選擇。******************************盛記酒家位於灣仔，自從地鐵開了會展站，前來酒家吃飯都方便。盛記酒家地方不算大，但入座率都滿座，特別多人飯聚的枱甚多。晚飯小菜多以家常小菜菜式為主，再有不少海鮮、燒味菜式和湯水選擇。食物份量都十足，吃晚飯還有糖水送，甚受食客愛戴。安座就開茶，送上小食花生一客，花生吃上唔很香花椒八角的香味，作為開胃或送酒小食一流。糖心皮蛋酸薑 HKD38，雖然皮蛋帶少許糖心，但夾著酸薑而吃，一樣好味。蒜片牛仔粒 HKD88，是為小食，份量足夠2人享用，最合適人少的食客所點選。蒜片牛仔粒醬汁非常入味，最重要牛仔粒肉淋而不韌，非常惹味。籠仔梅菜蒸菜心 HKD108，菜心和梅菜放在荷葉上蒸熟，菜心非常清嫩又不老韌，還有甜甜梅菜汁浸著菜心，所以更加甜美。乾撈海皇粉絲煲 HKD168，這個粉絲煲份量十足，加入魷魚、蝦乾和醬汁，把粉絲炒至乾身，再放入煲中再煲，把所有海鮮鮮味和醬汁完全吸入粉絲之中，最意外驚喜，粉絲爽口如米紛一樣，主廚功夫

家姐約我食好西好少去呢啲懷舊酒家，以為係普普通通既中菜，估唔到食物質素出奇好味同大碟，價錢又抵我地點左4款小菜，有蝦醬香蝦腩肉、金銀蛋莧菜、菜脯蠔仔煎蛋、椒盬豆腐粒呢碟係蝦醬香蝦腩肉，睇落去有啲乾，食落去肉汁豐富，半肥瘦既鹹香肉好惹味滋味既金銀蛋莧菜，即刻諗起Honey 應該會好鍾意食，菜、鹹蛋、皮蛋等等都好足料，湯底味道都好濃郁椒鹽豆腐粒，新鮮熱辣脆卜卜菜脯蠔仔煎蛋，蠔多又大又鮮味，再配上大大塊煎蛋，好啱口味可惜漏左食招牌菜 乳豬，下次再去要再試

灣仔是個介乎熱鬧與寧靜之間社區旺中有靜，老店與小店居多盛記酒家，傳統的老派廣東小炒菜館記憶中小時候來過這邊，同舖位的叫金兜記記次來也是為大閘蟹，大概是無人不知的老地方然後也不知何時起，或易手或改名了變成現在的盛記菜單仍無留了原本的招牌即燒乳豬及叉燒還有格局裝潢，仍是一貫的老舊酒家風味例牌叉燒例牌，既指份量，亦正好比喻成「必點」份量很多，大概十幾片厚切叉燒肥瘦適中不油膩，肉質爽口燒得均勻，少少燶邊Juicy但汁稍為偏甜香煎蓮藕餅同樣是極大份，八大塊份量十足！手工菜，煎得香口但又不至油膩肉的比例挺多，足料椒鹽豆腐外脆內軟，豆腐軟滑金黃脆皮口感不錯蒜蓉龍口粉絲蒸蟶子這邊有很多海鮮擇蟶子定價中規中矩夠新鮮加上蒜蓉與粉絲經已好惹味梅菜蒸菜芯🥬超驚喜！意料之外吃菜也能如此精緻脆嫩菜芯放在荷葉舖籠中，加上梅菜一同蒸菜吸收了荷葉與梅菜的香氣入口味道相當特有層次

🧭地點唔算近地鐵站， 不過會展站沿住天橋行5分鐘就到，仲有瓦遮頭，就算落雨都唔怕。呢度已經開左好多年，前身係"兜記即燒乳豬專門店"->"勝記"->再到而家叫"盛記"，雖然轉左3次名，名字稱呼不同，但同樣，都係以即燒乳豬馳名👍好似好多間燒臘舖都係有佢供貨，瞄到個廚房一隻一隻乳豬吊住，好震撼！餐廳好爆場，平日都勁多識食老饕黎呢度食，遇著特別日子，例如父親節呢d時間，又或者一大班人嚟，記住一定要預早book位！茶壺、茶杯印花清雅、有自家logo，茶亦比一般酒樓香幾倍！從茶具同茶葉質素，已經對餐廳水準有個定位。職員亦非常有禮貌。除左乳豬之外，燒鵝亦係呢度嘅招牌推介！🥢🦆盛記燒鵝皇(下庄)$198好高質嘅燒鵝，皮燒得爽脆，鵝肉鮮嫩，唔會太肥，唔會好似出面食咁樣勁大舊肥膏。🥢欖角冰梅骨$168件件骨都大大件、啖啖肉，個梅汁酸酸甜甜，超級好食，一定要試！勁度推介！🥢海蜇燻蹄$88海蜇大條爽脆，調味有少少微辣、微甜，燻蹄肥瘦適中，分量都幾多，性價比高！呢度仲保留一個傳統酒樓特色，就係有～糖～水～送～！🤩正！😋今日係綠豆沙🟢🫘🥣🥰 綠豆沙好足料，唔係好甜，清熱消暑，呢d時候食啱晒！雖然

今晚同表姊表弟食晚飯，去左灣仔杜老誌道盛記，表姐話吊燒雞超正，真係要試試涼伴東北黑木耳-黑木耳相當爽口，每件大小適中，入口微涼，有小小辛辣和酸醋汁味道，酸酸辣辣，開胃頭盤之選。本身想食芝麻雞，原來要訂購，無緊要，試左吊燒雞先-出名名菜，雞皮超脆，雞肉超嫩，不油膩，加上秘製醬汁點雞又正，送白飯仲正。金沙蝦球-鹹香味濃，蝦球大大隻又彈牙，好脆口，仲有配菜西蘭花🥦，夠清甜整體不錯，小菜有水準 ，酒樓好熱鬧，可以再試

要吃粵菜不只有集團式酒樓，今晚就找到了一家即燒乳豬專門店乘透明子彈電梯直上三樓，一開門已見到傳統牌匾般的招牌環境裝修不走新派華麗風格，簡潔務實、乾淨企理沒有雕龍雕鳳的所謂新派菜，堅守傳統反而令人特別有親切感為了確保海鮮的質素，店內設有大型魚缸，所有海鮮都是即撈即煮 餐具上的富傳統色彩的鯉魚非常精緻，滿有懷舊味道江南小碟乾隆醉雞雞皮晶瑩剔透，雞肉嫩滑度，酒味也濃西蘭花炒花姿的西蘭花炒得爽脆，花姿軟滑紅酒燴牛尾肉稔帶點膠質，汁底集酸香、酒味及牛味於一身小食花生飽滿又帶花椒、八角、桂皮的香氣，配雪碧最好不過飯後送上免費糖水綠豆沙，綿滑好味，啖啖綠豆夠曬沙

在灣仔放工，即興到盛記酒家食晚餐，位於灣仔杜老誌道6號群策大廈3樓。 酒樓地點方便， 服務良好。 店內主打中菜，晚餐🥢 ～ 流心酸薑皮蛋$38、海蜇燻蹄$78、 乾隆醉雞$78、 紅酒燴牛尾煲$148、 乾扁肉鬆四季豆$108。 🔸流心酸薑皮蛋 ～ 皮蛋黏口滑溜， 配上酸薑開胃清甜。 🔸海蜇燻蹄 ～ 海蜇脆口有彈性，燻蹄肉質紮實， 邊皮夠爽口，蘸上蒜蓉醋， 酸酸地好好味。 🔸乾隆醉雞 ～ 酒香濃濃加上滑嫩的醉雞肉，份量十足。 🔸紅酒燴牛尾煲 ～ 牛尾炆得夠曬腍又入味，煲裏面的汁用來拌飯都不錯。 🔸乾扁肉鬆四季豆 ～ 四季豆炒得乾身爽口， 四季豆和肉鬆吸收所有精華，很惹味。 整體各款菜式做得幾好， 店員親切有禮☺️。 🏷️溫馨提示～ 整個用餐體驗均屬個人分享意見， 只作參考😊。