影片
以上資料只供參考, 請與餐廳確認詳情
有關獎賞計劃
我同幾位朋友都係港島區返工放工一齊去左呢間間位於灣仔既中菜館dinner小菜選擇非常多真係睇到花多眼亂咩都想食呀😛金牌炸子雞 HK$168最中意食炸子雞層皮，燒到薄又脆！肉質嫩滑入味，冇油膩感，沾埋個甜豉油更加好味。金沙蝦球 HK$228咸蛋控完全抗拒唔到，咸蛋煮到起哂沙，口感綿密厚實，蛋香撲鼻，蝦球咸香彈牙。金薯牛柳粒 $168薯仔好軟腍，牛柳粒肉質彈牙，有少少黑椒味，送飯一流！椒鹽鮮魷 $188鮮魷炸到金黃酥脆，保持鮮嫩口感，椒鹽帶淡淡咸香味，好邪惡呀。
繼續閱讀
盛記酒家椒鹽百福豆腐椒鹽百福豆腐口感外脆內嫩，炸豆腐表面嘅椒鹽香氣，令人食到停唔到。内裏非常滑溜嘅豆腐，帶出對比同層次。金牌炸子雞金牌炸子雞色澤金黃，皮脆肉嫩，雞肉鮮美柔嫩多汁。炸子雞充滿光澤嘅表面，成為今晚最搶手嘅餸菜之一。紅酒燴牛尾煲紅酒燴牛尾煲醬汁濃郁，牛尾肉質軟滑，入口即化。配菜有蕃茄同洋蔥，紅酒燴牛尾煲香料濃郁，令人胃口大開。欖角冰梅骨欖角冰梅骨嘅酸甜味道令人回味無窮，肉質鮮嫩，啖啖肉，肉汁豐富。欖角嘅獨特風味帶出冰梅骨嘅滋味。蝦乾魚肚浸時蔬蝦乾魚肚浸時蔬色澤鮮亮，時蔬新鮮，當中配搭蝦乾同魚肚，帶嚟唔同嘅口感，令人感受到海鮮嘅鮮味。非常適合喜愛健康飲食的人士。最後送上材料豐富嘅渣渣糖水，作為完美嘅結尾。
繼續閱讀
盛記酒家為乳豬專門店，有招牌即燒乳豬、各款新鮮生猛海鮮和各式小菜選擇，環境算新淨闊落，用餐環境舒適。乾隆醉雞醉雞份量都唔少，食落有雞肉既鮮味，肉質算嫩滑，調味剛剛好，相當入味，有淡淡既酒香味和甜味蒜香爆龍躉球龍躉魚塊肉質鮮嫩，表面有經煎至金黃，啖啖肉，食落十分滿足。香蔥和韭菜在底下吸收到魚肉既肉汁和香氣，特別惹味。盛記即燒乳豬乳豬皮燒得香脆可口，附有層餅配搭食用，味道似刈包，香甜軟糯，一脆一軟，再加上甜醬，味道豐富同時層次感十足。濃味海皇雜菜煲配料十分豐富，除左有白菜、菜心、西蘭花、粉絲外，還有蝦隻、魷魚、龍躉魚塊等海鮮，湯底鮮味十足。最後仲有糖水送。
繼續閱讀
是日到灣仔盛記酒家，點了以下食品：是日老火湯，百花窩貼小棠菜，盛記小炒皇，新鮮菠蘿咕嚕肉食住花生，飲住靚茶等待。是日老火湯：非常足料，煲得夠火喉。清甜豬骨味道又唔會飲完口乾。份量都算幾多，4個人每人至少兩碗。百花窩貼小棠菜：將蝦膠混入小棠菜中再炸。外皮脆皮香口，中間香口口感豐富。再加上醬汁更加好味道。盛記小炒皇：XO醬爆炒，特顯出菜式之鑊氣。蝦乾，蝦仁，銀魚仔，魷魚，韭菜花，腰果，三色椒令到口感多元化，味道更加多層次。惹味可口，少少辣更為出色。新鮮菠蘿咕嚕肉：菠蘿咕嚕肉甜酸味可以話令我好開胃，食這道菜式必須要叫白飯因為係絕配。鮮甜新鮮菠蘿，三色椒同洋蔥令餸菜更加好味道。咕嚕肉不會過肥成口油，肥瘦得宜粉醬唔會過厚。炸出來脆口有肉味。最後仲有綠豆沙送，有臭草同陳皮令到甜品更加好味道。綠豆煲得夠淋又唔會太甜。
繼續閱讀
今日同朋友去咗灣仔盛記酒家食晚飯，味道唔錯，可以一試，尤其推介炸子雞！ 首先係乾撈海皇粉絲煲，一上枱就聞到好香，粉絲乾身得來又唔會太油，仲有唔少蝦粒、同魷魚，食落幾惹味！ 金牌炸子雞，叫左半隻，新鮮整起，皮脆肉嫩，雞肉仲保持到肉汁，點少少淮鹽已經好夠味，呢個高質必點，係我食過數一數二好味嘅炸子雞！ 欖角冰梅骨酸酸甜甜好開胃，欖角嘅香味夾埋冰梅醬都幾特別，第一次食，岩哂送飯！ 最後叫咗個菜 - 蝦乾魚肚浸時蔬，魚肚吸晒湯汁好入味，蝦乾提鮮，白菜仔又夠嫩，清清地平衡返之前嘅濃味。 免費甜品有綠豆沙，煲得好綿，陳皮味香，甜度適中，為呢餐畫上完美句號。 盛記嘅環境就似典型舊式酒樓格局，但服務幾好，上菜快，價錢都算合理，想食傳統粵菜可以試吓！
繼續閱讀