盛記粥麵

營業中

休息中

店內地方光猛潔淨，睇餐單除單點外，亦有特選套餐，粥粉麵飯任配都得，自由度很大。如吃得較多的人，應是套餐抵啲。最後選了皮蛋瘦肉粥+豬潤腸，送熱薏米水。皮蛋瘦肉粥都很大碗，粥底亦綿，粥較多，但料就不算太多，ok啦！但一定夠飽。豬潤腸，皮薄兼滑，相中都可看到有幾透明了。覺得即製腸粉勝過粥了。豬潤一小塊一小塊的，蒸得剛剛好，熟得嚟咬落仲有些爽口的。熱薏米水，有很多料，除薏米外，仲有蜜棗和薑片一起煲出來的，唔太甜且帶有薑味，很暖胃。

無心插柳光顧此店，走傳統廣東粥面路線。叫了雲吞米，牛腩米，鯪魚球。牛腩面有誠意，肉淋味香，有陣陣陳皮香，精彩在那兩片蘿蔔，非常好食。牛腩面都有蘿蔔，可看到其用心。雲吞大細適中，廣東細蓉風味，湯頭香。本來想叫河粉，但已賣晒，下次再試。鯪魚球新鮮炸起，可口推介意米水、足料、仲要免費跟餐未試粥，下次再來光顧佐敦區新店推介之選

喺佐敦最近開咗一間新嘅粥麵店，有生滾粥、腸粉、雲吞粉麵......上次吃過炸醬麵同水餃，今次試完佢嘅生滾粥同炸兩，忍唔住要寫番篇食評，因為個生滾粥真係堅得。及第粥材料好新鮮，有爽滑嘅豬潤、好淋嘅粉腸、鮮味肉丸同彈牙豬腰，每樣各兩件，個粥底食到有元貝，熱辣辣新鮮滾出嚟，材料大大件，師傅絕對俾足料，給你一個讚。套餐加個炸両，大大件，腸粉即做，好滑，甜醬麻醬任落，食到最後油炸鬼依然脆。送咗杯薏米水，勁多料，好飲。食完成晚都冇口渴，證明冇落味精，會再嚟試其他美食。