盛記粥麵

營業中

休息中

星期日放假約左朋友去整手作上堂前先在附近找間餐廳一起吃午餐經過這一間 — 盛記粥麵 便進來試一試蠔油芥蘭一碟大大碟 份量也不少芥蘭配上清甜的蠔油 健康又好味炸鯪魚球鯪魚球帶魚和香料香味 口感彈牙碗上潮式生醃細蜆醬 味道特別 有驚喜鮮蝦腸粉腸粉外皮透薄 晶瑩剔透 入口細滑配上鮮蝦和淋上甜醬油 不錯不錯 盛記艇仔粥艇仔粥配料豐富 有魷魚、魚片、肉絲等加上香蔥和花生 多層次味覺享受 好味道柱侯牛筋腩麵牛筋牛腩鋪滿滿在面 牛筋軟黏 腩肉綿滑配有白蘿蔔 灑上韭皇每一口彈牙幼麵都能搭著配菜 推薦凍招牌薏米水薏米水不會太甜 潤喉去濕 正

口痕痕見自己有一排冇食雲吞麵粥品， 就去咗佐敦盛記買外賣。點咗雲吞撈麵、炸兩、蘿蔔豬軟骨飯、鮮蝦腸粉、同埋海蝦艇仔粥。雲吞撈麵食得出係傳統廣東嘅雲吞撈麵味道，d雲吞好有細絨feel，唔係話好大粒，而係一啖一粒，但入面就超鮮甜好有蝦味，撈麵嘅湯亦都係傳統雲吞麵嘅味道，但係就比較鮮甜可能落咗好多骨同蝦殼蝦膏淆出嚟。海蝦艇仔粥粥底好綿，有幾隻海蝦當然艇仔粥嘅料亦都好齊，花生、魷魚、豬肚、魚片等等都有。炸兩超好味因為個腸粉包到油炸鬼每一分，唔會穿，點埋麻醬、甜醬食好正！蘿蔔豬軟骨都食得出淆咗好耐，因為兩樣嘢都入曬味，而豬軟骨都好有咬口。鮮蝦腸粉又係好好味，點埋佢哋嘅秘製豉油食絕對食到停唔到口，對於鍾意食蝦嘅我嚟講今餐真係好好味！

禁晚市堂食後，我同女朋友經常都要食外賣，所以搵到一間又抵食又好食既舖頭買外賣真係好重要。呢間粥麵價格親民，但食物質素好高。重點係，外賣包裝得好穩陣，就算我拎住好多野再慢慢行番屋企，都完全無倒瀉無漏汁，超抵讚！例牌海南雞雞味超濃郁，雞皮同雞肉中間係有一層啫喱膏，而且皮滑肉嫩，斬雞師傅好勁，無乜碎骨，食落啖啖肉！蘿蔔南乳豬手蘿蔔炆得好腍好入味，而且明顯有揀過，無乜渣。南乳味好夠，一打開盒未食已經聞到。豬手大大件，好抵食，不但止入味，而且膠質好豐富。豬皮上仲要無毛架，呢樣野好重要🤩馳名鳳城水餃麵外賣個湯會分開裝，番到去食之前叮番熱個湯再淋上個麵到，保持到麵質彈牙既口感。大大隻鮮蝦係水餃入面，爽口鮮味盛記招牌雲吞麵雲吞皮很薄，但饀料卻不少，雲吞內豬肉及鮮蝦的比例剛剛好，太多豬肉會掩蓋了蝦的鮮味，太少口感又不夠，這個卻恰到好處。湯底用了大地魚，令整個雲吞麵提鮮了不少

自從停左堂食後好少出街食飯今日晏晝就有空所以想食番餐好經過盛記粥麵 朋友好想食酥炸鯪魚球所以就入去試下我地兩個人都叫左幾多野海南雞飯蠔油芥蘭炸兩豬手麵酥炸鯪魚球豬手麵 兩大隻豬手好多肉又好多膠質非常入味海南雞飯 加左十蚊可以變雞脾非常嫩滑既雞肉 連皮都滑黃薑飯都好出色加埋薑蓉非常好味道酥炸鯪魚球果真好出色4 粒漲卜卜 熱辣辣點埋蜆芥醬食真係好惹味好彈牙 食唔停口炸兩腸粉好滑入面既油炸鬼仲保持到好香脆非常難得總括黎講價錢合理食物質素好 值得再黎

去佐敦食「盛記粥麵」是小店，同友人都想食中式菜式。叫粥點粥麵，腸粉 同友人share 食！「生滾豬潤粥」熱辣辣的, 師傅都是新鮮煮，粥底是綿綿的，豬潤比得好足料，沒有手軟！是清腸胃好選擇！「雲吞麵」的雲吞好多鮮蝦，放在麵底，是最正宗的煮法！值得一讚！麵是彈牙的，用料上乘！「叉燒腸粉」都好食，皮簿 叉燒粒粒分明，不會太肥，腸粉比例都剛好！也好貼心已經切好6舊，不用再分！仲叫左時菜，都是$20！有一大碟，菜心好食！友人大愛薏米水，說是真材實料，好足料同味道好濃！呢間小間性價比十足！

After i have woke up , it was already nearing lunch time. I need this long rest after a long week of stressful work. Since we were lazy to cook noodle, i decided to go down to buy some food back home. 盛記粥麵 was located at Parkes Street, couple of minutes walk from Jordan MTR.Being a traditional HK shop, it served congee, noodle and rice. For every congee, rice or noodle ordered, we can top up a little for their appetizers and drinks. Hot and cold barley water - The staff was generous with the por

今日到佐敦覆診，睇完醫生喺附近醫肚，行到白加士街好多食店，另一半想食粥於是揀左間唔起眼嘅粥店。"盛記粥麵"，舖面好普通，入到去感覺整潔光線足，坐得都算舒服，幾有人氣食客不斷！ 都好多選擇，除粥粉麵仲有牛腩飯，豬手飯，仲有多款小食;子羗皮蛋，鹵冬菇，蘿蔔牛筋腩，炸雲吞，南乳雞翼……等。 好吸引，樣樣都好想食！艇仔粥，粥底好靚！係生滾粥！''稀傑"適中，好鮮甜，料又足又靚！有滑滑鮮魚片，豬肚絲等。真係一碗靚粥！非常回味！炸鯪魚球熱辣辣！脹卜卜！好彈牙！雲吞粒粒好似條散尾金魚咁，啲皮滑脫脫，蝦肉爽口彈牙非常新鮮！我揀左比較少食嘅"鯇魚片腸粉"因爲怕腥，見依度D料咁新鮮都試一下！果然一啲都唔腥！腸粉爽口幼滑！魚片鮮甜！凍薏米水同奶茶一樣咁正！薏米粒粒滑滑+煙韌好有口感，清清甜甜，好舒服潤喉！每樣食物都咁好味！該爽就爽，該滑就是滑，該鮮就鮮！食完好回味！真係唔可以錯過嘅粥麵店！

成日都見到樓下呢間舖頭好多人食經過見到唔使排隊即刻入去試吓開頭以為呢間舖頭淨係賣粥麵原來仲有好多小食😆😆😆.淨雲吞一碗有八粒 唔算係好大粒可以一啖食一粒😂😂個雲吞皮超級薄 淡淡都係蝦肉食落去仲有啲胡椒香有驚喜.牛筋腩面呢個牛筋腩麵係我喺佐敦食過最好食嘅炆得啱啱好 唔會太過鹹份量唔算好大 所以個胃有空間可以食小食.腩汁蘿蔔蘿蔔鮮甜而且完全冇渣配上腩汁 食到停唔到口.蒜香南乳炸雞翼 4隻雖然都有雞翼等咗差唔多15分鐘但係佢係即點即炸一上枱已經聞到好香嘅香味.呢度嘅炸兩係超級出色又係即點即做腸粉皮唔會過厚油炸鬼香脆可口 嚟到呢度食嘢必點！.凍招牌薏米水十分足料 因為冇落糖漿所以唔會過甜健康得來又解渴👍🏻👍🏻👍🏻👍🏻.好想下次再嚟試吓佢嘅粥應該都唔會令我失望😙

盛記係佐敦一間街坊粥鋪，哩排食得多好野，就食下粥清下腸胃。盛記嘅粥品唔算特別多款，大路嘅款式都有，價錢由$20至$68，除左粥品，佢亦有港式湯麵同撈麵。佢地有個粥麵飯套餐，叫任何粥/麵/飯，可以用優惠價加配小食、油菜、腸粉或者野飲，都幾抵食。招牌狀元及弟粥($48) - 及弟粥都大碗，粥底綿滑，入面好足料，有粉腸、豬肚、肉丸、豬潤同牛肉。其中我最鍾意係佢地嘅豬潤，因為煮得太熟，食落仲有啲彈口。巧制手打肉丸拼鯇魚片粥($50) - 哩度嘅粥品加$12就可以雙拼，雙拼粥料份量唔係各樣一半，加$12拼嗰款粥料會少啲，所以點粥時要留意。肉丸都幾多，有五六粒，幾彈牙。鯇魚片因為係加$12雙拼，所以份量唔係好多，鯇魚片肉質都幾腍，唔會太鞋。京都炸醬撈麵($46) - 炸醬辣辣地好惹味，撈麵夠鬆唔會痴埋一舊。叉燒腸粉(跟餐加$25) - 腸粉有三大條，腸粉皮唔算特別滑，不過入面就幾多叉燒，成條腸粉都滿晒叉燒。凍薏米水(跟餐加$8) - 薏米水唔會太甜，杯底都幾多薏米。凍檸茶(跟餐加$8) - 檸茶有四塊檸檬，好足料。總結，套餐好抵食，每人一舊水唔洗已經有一粥一腸粉一野飲，野食唔差，冇飯開都係個唔錯嘅

佐敦附近一向有幾間聳立已久的著名粉面店，可是我一直覺得有一點名不符實，始終和很多著名餐廳的弊病一樣，出了名質素難免下降，上星期剛好在佐敦附近下班，之前聽聞過朋友說這一間小店雖然比較不出名，可是粥麵有驚喜，於是我便動身過來一試，果然沒有介紹錯並值得推薦先說菜單款式並不像其他粥麵店一樣，還提供不少小食和菜式，頗有誠意聽從店員推薦點了他們的及第粥，果然沒有介紹錯，先說粥底，綿滑有米香，質感亦不像坊間粥店有加入大量生粉偽造綿滑效果，另外配料非常非常豐富，不得不提豬潤口感一流，剛好的厚度配合剛好的火候，驚喜還點了普通粥麵店沒有提供的海南雞，同樣非常驚喜，即使雞胸部份亦同樣嫩滑，帶有鹹香，另外廚師亦進行冷河處理，令到皮肉之間充滿骨膠原啫喱，十級推薦炸鯪魚球，配合套餐只要$28，入口香脆，但魚肉嫩滑，並沒有什麼可以挑剔的地方總括來說這一間餐廳比起他附近比較出名的粥麵店有過之而無不及，非常推介

今日放假，約咗幾位同事去油麻地做facial,攪掂晒出嚟個個都好肚餓，剛好見到美容院對面有間盛記粥麵，地方整潔，燈光明亮，大家都同意入座試吓！餐牌粥、粉、麵、飯都有，也小食和飲品，如果叫套餐價錢有優惠。招牌狀元及第粥：粥底綿滑，豬膶、豬肚、豬心、粉腸都爽口，肉丸鮮味。脆炸兩：腸粉是拉腸手法，薄身透明滑溜，油炸鬼仲脆卜卜，除客人喜好加入各種不同醬料，十分美味！凍鴛鴦夠凍夠濃味。盛記招牌雲吞麵：湯底用大地魚、蝦殼、豬骨、金華火腿和羅漢果熬煮而成，味道香濃鮮甜，雲吞皮薄餡鮮，每粒都有鮮蝦，十分爽口。麵質爽彈。馳名鳳城水餃麵，水餃比雲吞大隻，皮一樣薄，亦有鮮蝦，但多了木耳絲，口感更爽。飄香南乳豬手撈麵，豬手炆得林度剛剛好，夠香夠入味，麵條加咗南乳汁，又爽又惹味，撈麵還會配一碗鮮甜的大地魚湯。招牌薏米水，濃郁香甜，還有很多薏米，十分足料！

路過這間盛記小店，諗住食碗雲吞麵及腸粉簡單醫下肚，但竟然地有驚喜。環境雖然不大，但勝在地方乾淨企理，疫情關係他們都盡量安排食客坐開一些，不會撘枱，所以坐得舒服。他們主打生滾粥，雲吞麵，腸粉等，雖然價位比較高一些，但食物是即叫即做，質素不錯。雲吞麵都算大碗，一碗有4 粒大小適中的雲吞，餡料的豬肉跟蝦的比例各一半，幼麵沒有鹼水味，湯底不油膩，有一陣陣九黃香。加$3 點了一杯薏米水，薏米的份量頗多，薏米煲得淋身透明，飲落清甜有薑味。而水餃撈麵，比湯麵貴$10，撈麵會多了一碗上湯，附上蠔油來撈，其實應該要豪一點食蝦子撈麵。水餃皮薄，餡料足，都是有4大粒。炸兩腸是餐廳推介，即叫即做，熱騰騰，腸粉是手拉腸粉，做得皮薄透明，包著脆卜卜的油炸鬼，好味。

為咗避開人多嘅地方，行到差唔多九龍公園附近，先搵餐廳食。見哩間有啲人氣咁，應該唔錯，所以就入嚟試下。雲吞麵 湯底唔會重鹼水味，麵質彈牙，煙韌。正宗食法，雲吞藏喺底，蝦肉又滑又彈牙。細細粒但高質。淨食牛筋牛腩蘿蔔 牛筋牛腩好淋好入味，牛腩無黐牙，入口就有少少溶喺口的感覺。蘿蔔吸收咗湯底的精華， 所以有淡淡的湯底味，而本身又清甜又冇渣，真係要讚下!口水雞飯雞好滑嫩， 麻麻辣辣，辣味不會持續很久，偏麻味。 好適合配白飯 。原來仲有套餐， 加少少錢可以多個油菜同飲品檸檬底薏米水清甜解渴，薏米有咬口

起碼大半年冇去過佐敦區，呢區出名食店多、按摩店多。一條白加士街食店多到令人有選擇困難症。搵下搵下來到 「盛記粥麵」中午時段，大家都要略等位，不過好快就入到去。天氣熱成咁，食粥熱辣辣，建議不如吃小食，加上有咖啡、奶茶，成件事變得好完美。打開餐牌，原來粥粉面飯乜都有，勁吖！見到差不多張限枱都有叫腸粉， 應該無死，就叫一碟試試。    $32腸粉皮夾夾令， 十分透薄， 錎料多到 BID 晒出來，很充實啊 ! 免治牛肉充滿莞茜香，富彈性， 配上甜豉油， 超好味呀，高水準  $75 四件大蘿蔔墊底，蘿蔔相當清甜；又夠鬆化，超正； 牛筋是我的至愛， 切得夠大件 ，唔會炆到散開晒， 件件都十分完整， 口感軟棉充滿膠質， 令到咀仔也黏黏的，柱侯醬完全將牛筋包圍著,  超入味， 牛腩亦同樣鬆化，但不會太多肥膏。 即點即炸  $35每不粒也大小都一樣， 鯪魚味很出， 蔥和莞茜味足，口感香脆彈牙，蘸點超惹味蘸點蜆蚧醬一起吃， 再喝一口凍奶茶，無得輸的人間美食呀! 凍央$18 、 凍奶茶$18價格較茶餐廳平宜，雖然水準不以及茶餐廳，茶香是有點不足，但可以接受。 

呢排好多飯局食多左想清清地，於是決定食粥清下腸胃。呢間粥品店冷氣夠就算天時暑熱都唔怕食到大汗搭細汗！招牌狀元及第粥 $48粉腸/豬肝/豬膶/豬肉丸/豬肚等內臟，而且大大份落足料，性價比高！美味黃沙豬膶粥$42豬膶厚身+爽口唔老，粥底方面做得非常出色，係旺區黎講非常高質！由於係即叫即煲系列記得早啲落單。蝦腸 套餐加配價$32/魚片腸 套餐加配價$25即叫即蒸腸粉，師傅在粉皮蒸煮處理不錯時間剛剛好，皮薄滑溜賣相吸引，注意減分是魚片有少量魚骨，但整體不錯！