盛記粥麵

營業中

休息中

咁啱同朋友行街行到呢間粥麵店門口，肚仔餓就入咗食午餐，呢到環境舒服，防疫意識做足哂，令人更安心 睇到餐牌有優選套餐揀，可以揀任何一款正價 粥 / 腸粉 / 麵 /飯，另配小食 + 飲品，夾夾埋埋都幾抵食 朋友嗌咗碟【美味黃沙豬膶撈幼麵 $48】淨係睇到豬膶都已經好吸引，每一塊都厚切，新鮮豬膶夠嫩滑，幼麵麵質爽口；另配【蠔油冬菇 $30】大大粒冬菇，夠哂入味；再配埋飲品【熱招牌薏米水 $5】熱熱嘅薏米水，粒粒薏米有咬口，飲一口暖暖胃，仲有效去濕及消水腫 我就嗌咗碗【盛記招牌雲吞米粉 $36】每粒雲吞餡料足，咬落爽口彈牙，皮薄餡靚，米粉爽口；另配【香脆炸兩腸粉 $26】腸粉皮夠薄皮，包住炸得夠香脆嘅油炸鬼，再倒上甜醬 + 豉油就夠哂美味；再配埋飲品 【凍豆漿 $8】香滑豆漿 盛記粥麵佐敦白加士街11號地舖

盛記是老街坊的粥麵店，朋友每月也會光顧一次，這天帶我來一試。店內環境雖然一般，但食物出品很有水準，兩位服務員姐姐也是有禮的。招牌狀元及第粥粥底綿滑之餘有米香，也有新鮮豬雜的味道夾雜其中。粥內有鮮味的豬肉丸、黃沙潤、豬腰和豬粉腸，這些內臟除了沒有異味之外，難得的是能各顯其特色，每款都好味，製作很認真呢！水餃麵水餃有三大隻，外皮很薄，以木耳丶豬肉和蝦仁作餡料，材料新鮮，麵底爽滑有蛋香，沒有鹼水味，湯底不會混濁，是兒時味道。炸鯪魚球四大粒鯪魚球有彈性也有鯪魚味，沒有有萬年油的味道更是重點。那小碟蜆蚧醬也很出色，有鹹鮮香而沒有腥味，蜆仔粒粒飽滿，是完美的炸鯪魚球拍檔。蠔油芥蘭芥蘭腍中帶脆，沒有渣。薏米水冷飲和熱飲都不錯，帶有薑味，不會怕太過寒涼。

早前吃得太油膩，今晚想清清腸胃，便光顧工作地區附近的粥面店。打開餐牌甚有驚喜！這裡除了一般的粥面腸粉炸両豆漿提供外，更有撈面、皮蛋子薑和糖水的選擇。小妹見炸両是廚師推介，當然要點一個吧！炸両和甜豉油是分開上的。炸両熱騰騰之餘，腸粉皮很薄，加上那個甜豉油是經油炸翻熱過，淋上後再吃下去實在太美味了！另外點的糖心皮蛋子薑也相當不錯。個皮蛋好靚，糖心是流出來的，配合子薑一起吃很開胃。口水雞除了一般的麻和辣之外，更有一點點酸香味，整體算很夾也不致太辣，雞肉口感也不錯！及第粥很足料，而且口感和香味十足（尤其是那塊豬潤！），粥的米和水比例也是著名粥店應有的水準。最後值得一提是那個桑寄生茶（連蛋），用料十足，甜度適中，絕對不比甜品鋪遜色。在平凡的粥品和小食裡吃得出廚師對食物的認真。讚！

今天中午於佐敦一間以粥麵主打的餐廳吃午餐，果然粥麵都各有特色。不論吃任何的粥，麵、飯和腸粉，都可以加配不同的油菜或小食等，亦可以加配不同的飲品。狀元及第粥熱辣辣生滾而出，用料十足，有豬膶、粉腸、肉丸等，粥十分綿密，配有薑絲和蔥花。雲吞麵簡單但很好食，麵質夠爽口，雲吞亦夠爽彈，皮亦香滑。炸兩肉脆外嫩，腸粉皮又薄又滑。蘿蔔配腩汁，甜而多汁，不會起渣。桑寄生蛋茶甜度適中，雞蛋夠實。難得小店之十分用心，值得再光顧。

今日行徑佐敦白加士街，見到門口有間粉麵店，好似幾正宗咁，就入去試吓，入到去見到Menu, 有個雲吞麵，好似好吸引咁，我就叫呢個試吓，佢地而家叫正價粥麵，可以加$33叫小食，咁我叫左個雞翼併炸鯪魚球，加$5仲可以叫個佢哋嘅薏米水（熱），另外我朋友叫左個牛腩河，加$26可以叫個叉燒腸，加$8可以叫凍檸水，咁我講下我叫嘅雲吞麵先，佢地嘅雲吞麵好正中，入面有4粒，d蝦好牙，仲有好傳統嘅九皇，d麵好爽口，彈牙，仲有我朋友嘅牛腩河都有4大嚿，佢話好入味👍🏻👍🏻😋另外叉燒腸好熱嘅，應該係即做，好好味，再講下佢哋嘅鯪魚球，即炸，好味道，佢哋呢個薏米水好足料，好有薑味，正正正😋😋😋

最近比較大魚大肉，突然想吃得清淡點，吃粥就相當適合了，以前在佐敦附近一帶工作，一想起粥便想到盛記粥麵了。及第粥加炸南乳雞翼拼炸鯪魚球 足料又大碗，豬腸粉，豬心，肉丸，豬膶，豬肚等，爽口的爽口， 軟腍的軟腍，啖啖配料連粥入口，口感很豐富，最重要的還是無腥味，粥底夠綿滑，推薦! 加$33 還可追加炸雞翼兩隻和炸鯪魚球兩粒，南乳雞翼真的非常讚，南乳味十分香濃入味，而且炸得非常脆口不油膩，勁惹味，簡直停不了口!!! 炸鯪魚球也真心推薦，鯪魚球炸得香脆又不腥，蜆介醬夠薑味和陳皮香，變得更加惹味。皮蛋瘦肉粥加炸兩皮蛋瘦肉粥鮮香，口感順滑，質地濃稠，瘦肉和皮蛋都很足料， 瘦肉醃得鹹鹹，整碗粥很夠味道。加$26配炸兩，炸兩即叫即炸，炸兩和豉油等調味醬都是分開呈上的，所以不會浸軟了炸兩， 保持了炸两的香酥脆口。凍薏米水薏米水能去濕及消腫， 近排天氣濕濕的，喝杯薏米水能舒緩疲乏困倦，清清甜甜的感覺十分舒服。

中秋節都就嚟到，點解天氣仲熱成咁，中午時份有成35 度，問人點頂。哎！天氣咁熱攪到人哋都冇乜胃口添，咁最好就食碗麵又一餐。行過佐敦我就一定唸起「盛記粥麵」疫情呢段時間都冇去過，今日咁啱就重回舊地，坐低吃碗麵。印象中內裡和之前分別不大，枱與枱之間用膠板間好，四人一枱，地方乾乾淨淨。本身諗住食水餃麵，但見近排膊痛，聽講補充膠原會有幫助，於是就點左可以補充膠原嘅「豬軟骨麵 」$36習慣先喝一口湯底，喝到有大地魚的鮮甜，亮點是加入韭黃，麵質仍然是爽口彈牙，還吃到點點豬油香。我毫不猶豫地將一件完整的豬軟骨放入口，軟稔稔加上黏黏的口感，加上濃郁的醬油香實在太過美味了。「炸両」 $26炸両比外面吃到的較細卷，薄透的腸粉皮包著油炸鬼，油炸鬼感覺是翻炸過的，香脆但邊位略帶點硬，我至鍾意加超多麻醬、甜醬，再加小小豉油，令味道更提升，有埋芝麻就更完美！

平時放假都比較喜愛飲茶，今日來到佐敦白加士街，揀了食這間粥粉麵的餐廳~盛記粥麵。飄香南乳豬手撈麵$46四件大豬手感覺很足料 豬手又淋又滑又好味，豬手帶南乳味真的好美味！！配牛肉腸$26，牛肉腸粉皮帶透明的，軟滑的腸粉卷著牛肉，又軟又滑又帶牛肉味，真的好味。馳名鳳城水餃米線$36 水餃裏面有瘦肉、木耳、因為木耳的關係，食落口感非常爽，肉質鮮甜整個水餃食落爽口又鮮味。湯底很鮮甜，和著米線食得好滋味！蒜香南乳炸雞翼拼炸鯪魚球$33南乳炸雞翼有兩隻，深啡色的炸雞翼，裏面還有很多肉汁，炸得很香很入味，帶少少南乳味很香！炸鯪魚球有兩粒，點上蜆蚧醬汁，口感有少少炸過的煙韌口感，很鮮美香口的鯪魚球！凍豆漿$8，餐廳的豆漿不會很甜，入口感覺有豆味，冰冰凍凍，飲落好舒服。

這天和朋友想吃中餐，便來到了這間位於佐治的盛記粥麵，餐廳寬敞明亮整潔，牆壁上還印有介紹雲吞麵和及第粥的故事，十分有趣。我和朋友點了兩個套餐，一個套餐有一款主菜、一一款小菜還有一杯飲品或一碗糖水。我們分別叫了麻辣口水雞飯、蒜香南乳炸雞翼拼炸鯪魚球和一碗雞蛋薏米糖水，還有飄香南乳豬手粗麵、炸兩和一杯熱薏米水，這些套餐性價比較高，還有很多選擇👍🏻這間餐廳的招牌飲品是薏米水，果然名不虛傳，熱騰騰的薏米水清甜解渴，添加了薑來中和薏米的寒性。朋友說他的雞蛋薏米糖水也很美味，還可以袪濕去水腫。炸兩是新鮮製作的，外軟內脆，香嫩幼滑的腸粉皮包著脆脆的油條，再加上自行調較比例的醬汁，很適合我這個麻醬愛好者😋蒜香南乳炸雞翼拼炸鯪魚球炸得剛剛好，雞翼和鯪魚球都很香脆，雞翼上的乾蒜和南乳醬汁很搭，鯪魚球也很美味有嚼勁。飄香南乳豬手粗麵的豬手份量很多，有滿滿的骨膠原，濃厚的南乳味增添了豬手和粗麵的風味，性價比高又好吃。麻辣口水雞飯用了雞腿肉，所以肉質新鮮嫩滑，雞肉的麻辣味令人胃口大開，把麻辣醬汁淋上白飯上，一口雞肉一口飯，很是滿足。下次再來試試及第粥和雲吞麵，必定會再點薏米水 👍🏻

有日經過佐敦肚仔餓，想搵啲點心食下。 經過就入左黎，減左重咁多日，就叫左一碗柱侯牛筋腩撈麵，獎勵下自己啦。一上到枱都係正常架步，一碟麵同一碗清湯。唔洗講咁多啦！作為一名牛筋愛好者，一上黎一定係食左牛筋先架啦。牛筋炆得非常之腍滑入味，仲偶爾食到有小小酒香。本人對牛筋無咩要求，只要夠腍滑同入味，基本上都算好食。所以呢舊絕對合格，唯一可以彈下嘅，可能係佢的香料味可以再重啲。 第二樣試牛腩，牛腩同樣地都係好入味同腍滑，唔會太柴，亦算係非常好食。最後，心諗牛筋腩最易中伏嘅野都冇事，麵應該都衰極有個譜。無錯，果然就係「衰極有個譜」。咩叫有個譜呢？就係佢都係爽口彈牙的銀絲細麵。麵底本身唔差，煮個個亦處理得好好。但衰在有陣阿摩尼亞味.......大家食麵都一定係將啲麵條吸入個口入面，但呢隻唔可以，因為你一吸啲麵時，佢就會有陣好搶嘅味吸左入口，令你好想咳。當然本人唔係食家，亦唔知係咪撈麵會係咁，我只係覺得咁樣嘅味道令我食得好不爽快。 所以柱侯牛筋腩係ok 嘅，但建議大家可以跟番湯麵或者飯，會食得開心啲

今日收工決定食得清淡啲，去左白加士街，這條街好多美食個個都知🙂，今日我揀了這間，雖然係食粥麵，但都有驚喜😍「南乳豬手湯河」好香！好淋身！😋😋平時外間好多毛，佢無架，滑稽🥰「鳳城水餃撈麵」水餃大粒多料，有蝦有冬菇👍🏻👍🏻 爽！🥰「叉燒腸粉」滑稽，而且叉燒足料👍🏻👍🏻「皮旦子姜」皮旦流心❤️ 是我的最愛😃「凍意米水」對於我地濕氣重，岩哂😍「桑寄生旦茶」好少地方叫到這個茶😙，特別稱讚，雞蛋是新鮮，但已入哂味👍🏻👍🏻備註：🔺有套餐叫，抵好多👍🏻

開業已久，有傳統既粥同油器。 粥底綿滑，我覺得及第粥最正最多料，推薦牛肉、豬潤粉腸粥，午餐或晚餐時間來的時候人非常多，但是翻桌率很快，粥綿密好吃，內容料多實在！每來必食！

平民粥店近年已經愈黎愈少，有質素更是不多，呢間係我近年發掘到為數不多有質素的小店。這裏店內面積不多，大約有二十多個座位左右，人多的時候可能稍為要排隊等位。這裏的黃沙豬潤生滾粥更是我的最愛，由於即叫即滾的關係，次次上枱時都是熱辣辣，而且配上新鮮的豬潤，有點嫩滑，而且帶點沙沙的特別口感，粥底十分綿滑細膩，生滾可抱豬膶的味道帶入粥中，食一咪粥，無得彈。然後是牛肉腸粉，同樣是即製的關係，所以需視乎人數等一等，腸粉的外皮很薄身，而且米香味濃，使得牛肉香更為突出，牛肉鮮嫩多汁，亦有咬口，很出色。由於有套餐的關係，即使再加配飲品，人均亦不需$80，所以這裏是我的私心小店之一。

佐敦是我經常到的地方，皆因這裏交通四方八達，炎炎夏日並不想吃生冷野，相反地今天特別想吃粥品牛肉粥是我每次必點的選擇，這裏的粥底軟綿綿，牛肉新鮮，吃得出像是新界牛的味道，很有牛味，必食推介炸兩是配粥的最佳珍品，這裏的炸兩簡直是完美地呈現出來，內裏的油炸鬼很脆，由第一口到最後一口都仍然是脆脆的，喜歡吃炸兩的朋友必試皮蛋子薑相信不少人也愛吃，像是餐前小食一樣開胃，皮蛋還是糖心皮蛋呢香茅豬扒: 炸得不錯，並沒有厚厚的粉漿，只有鬆口的豬扒和入味的香茅飲品點了薏米水，內裏有一點薑味，驅寒去濕一流真的絕不能小看任何一間沒有亮麗門面的小店，這份美味的粥品味道，驅使我下次經過定會再去回味

看完醫生經過，想起很久沒有食過炸兩，走到了盛記食下午茶。下午茶時間都幾多人，幾乎滿座。爽滑鮮牛肉粥 | $38粥底熱辣辣，連蔥粒一起吃幾香。牛肉厚身不韌，粥底鹹味適中。可以用來浸炸兩食。脆炸兩腸粉 | +$26豉油分開上，不怕整淋腸粉。炸兩脆卜卜，腸粉薄又滑，加入很久無食過的麻醬甜醬，食不停口。盛記招牌雲吞麵 | $36雲吞麵湯底味道清，可以邊食邊飲。麵沒有任何鹼水味，麵條爽口。雲吞內的蝦新鮮彈牙。牛肉腸粉 | +26牛肉腸的饀料有點似山竹牛肉，有些彈牙，並加了少許蔥粒。腸粉滑溜，好難夾起🤣。跟餐加汽水$8。屋企附近的粥店全是連鎖店，令我更喜歡非連鎖的店舖。