盛記粥麵

營業中

休息中

今日在尖沙咀放工和老婆行啊行， 不經不覺行到接近佐敦， 因為和老婆近排都吃得heavy， 心想和老婆吃比較清淡的粥麵， 就見到這間盛記粥麵。這裏小店的裝修格局， 但竟然隱藏著非常多元化的食物種類選擇， 老婆依然保留初心吃得清淡， 但我卻被這多元化的食物選擇沖昏了頭腦（ 哈哈）。 老婆選了艇仔粥加小吃腩汁蘿蔔， 而我就選了豬軟骨麵加上炸兩， 最後加配桑寄生蛋茶作為餐後甜品。艇仔粥 及 腩汁蘿蔔艇仔粥不算很大碗， 但用料就非常充足。 粥底非常綿滑， 食材新鮮， 尤其是鮮魷 ， 非常爽口彈牙 。海鮮及肉類各自將香味和味道滲入粥底， 所以零舍甘甜好味。本身怕蘿蔔不當造會多渣， 但吃落完全沒有問題， 基本上一咬即溶， 味道亦都非常清甜， 而且因為盡吸收了牛腩汁， 特別的香濃。豬軟骨麵 及 炸兩解釋一下為何我的選擇比較邪惡， 就是因為這裏的粉麵可以選酸辣湯底。 今次我選了中辣， 味道比起出面不少標榜專做酸辣湯麵的更得我歡心， 酸辣的味道非常適中， 酸得來不會搶走麻辣的香味， 辣得來亦不會奪去豬軟骨的美味。 亦都不得不讚這裏出色的秘製豬軟骨， 不止肉質軟腍入味， 連軟骨的部份基本亦炆得入口即化， 啖

附近產檢完搵間餐廳食下途中見到呢間 五點幾但都坐左八成滿附近幾間都比較靜雖然冇華麗既裝修 但我估應該係街坊一致好評 所以特別多人招牌雲吞紅薯粉($36+3)有四粒雲呑 蝦肉非常大粒彈牙加左腩汁 非常濃郁入味食過好多鋪頭加完都非常淡 京都炸醬撈面 ($46)肉絲非常多 味道偏甜非常開胃 麵質非常彈牙易入口有啲鋪頭既麵質有時會又乾又硬 食一啖京要飲一啖 最怕係咁但呢間絕對唔會加$30點左個小食炸南乳雞翼真係即炸 熱辣辣 淡淡南乳香 非常惹味！唔會太咸太重口味最緊要唔會好重油味呢個正！食粥粉面一定要有番杯豆漿唔會太甜 幾香滑唔好睇少呢啲小店侍應都非常有禮接待真係要讚下🤣

今日同友人行過這裡搵野食，因太肚餓關係，一見到這間粥麵店就貢了一去，裡面地方不大，但勝在防疫意識都不錯，每張枱之間都有一塊膠片隔開，感覺很有安全感。朋友叫了一碗魚腩粥，一個炸兩和一杯凍薏米水，魚腩粥很足料，大大舊魚腩，份量也很多，朋友說粥底很綿，魚腩都很滑，又大碗，42蚊很抵食。炸兩一份有兩條，一睇外表已經感覺到腸粉很滑和很薄，吃上去油炸鬼還是脆的，加上甜醬和麻醬，冇得輸！凍薏米水很清甜，他們還用上薑一起煲，薑味很特出，不太甜，加上天氣炎熱，飲杯凍薏米水真得又可以消暑，又飲得健康！頭抽蝦籽蝦球撈麵，麵身做得很乾身，面頭撒上很多蝦籽很香，蝦球都很多，雖然不是很大隻，但很爽口，麵質也很煙靱彈牙，通常撈麵都會配上一個上湯，上湯不感覺到有味精，很鮮味，雖然有蝦籽又蝦球，但價錢一點也不貴，又平又可以吃到這個質素的撈麵，真得平凡中顯功架！好多時去一些店食桑寄生蛋茶都有一種澀味，但這裡的桑寄生蛋茶味道較得啱啱好，唔澀口，又不甜，最啱我呢啲要少甜的人，這個係我覺得最好食的桑寄生蛋茶！

一出地鐵站就突然落大雨，搞到好論盡！係附近搵左呢間餐廳避雨！可能咁岩過左lunch time，人流唔算多，可以直接入座。餐廳主要是腸粉和生滾粥，也有其他麵類選擇。我和朋友叫了碗黃沙豬膶生煲粥，即叫即煲，粥底好綿而且化好足料，豬膶大大塊擺粥面上。豬膶咬落唔韌，熟度剛剛好。牛肉腸，腸皮晶凝通透，而且好滑溜，夾的時候要用匙羹來輔助！薏米水好足料，有三分一也是薏米、蜜棗等材料，而且是少甜版本的，非常健康養生！總結：人均約$70-$80，有粥有腸粉和飲品

選擇多，調味適中，可以食得返食物原本的鮮味，不是一大堆調味料堆砌味道出來。唔同嘅餐有多種配搭司機可以選擇逗留考慮到唔同人嘅口味同埋需要，鍾意食粥有粥餐，鍾意食麵有麵餐，非常正。

中午去佐敦見客， 一個人唔知食咩好， 剛經過一間粥麵店， 看看Menu 都很多選擇， 就一個喺度開餐。叫了一客豬手飯，上菜賣相很好，豬手大隻， 肥美，食落軟爛入味， 而蘿蔔吸收了豬手的湯汁也非常入味，絕對值得一試。另外點了一杯薏米水，薏米也非常之多， 最適合夏天飲, 透心涼快。桑寄生蛋茶很傳統的一個糖水，也很少在麵店有供應， 呢個美顏糖水也是我至愛的糖水之一。 甜度適中, 雞蛋入味，有陣陣桑寄生茶味， 午餐有一個煮食， 加薏米水仲有糖水感到很幸福呢！

下午茶時段走訪了這傳统粥麵館，牆上的菜式海報好别緻👍🏼👍🏼先點了招牌狀元及第粥+優惠價豬膶腸粉，粥底绵滑，材料足有肉丸，豬雜😋😋豬膶腸粉皮滑饀靚，輭輭粉皮包著爽口豬膶，極有嚼勁😋😋再試了牛筋撈粗麵及雲吞撈麵，又可追加優惠飲品招牌薏米水牛筋輭而有咬感，雲吞加湯另大碗上，麵條爽口無鹼水味有水準😋😋薏米水清而不太甜極解渴👍🏼👍🏼怪不得這時段仍客似雲來呢

今午懶得煮飯，只好出外逛逛搵食，偶遇一間粥麵店便內進嘗嘗罷，餐單有很多選擇：粥丶麵丶飯等等。今午我倆選擇了招牌狀元及第粥，廚師用了豬心豬潤豬粉腸豬肉丸豬肚等等炮製一大碗粥加蔥花薑絲更提升香味，材料非常豐富。豬潤實在美味又新鮮加追一碟豬潤腸罷。另選了牛筋撈粗麵味道不濃，牛筋淡嫩不膩粗麵很爽，兩者有嚼感。再嚐雲吞撈幼麵，雲吞餡用新鮮豬肉和蝦加上幼麵大家也有口感。最後飲杯熱招牌薏米水，既解喝又祛濕，正是我想要的一杯健康飲品。

天氣太熱胃口不開, 就在公司附近找點清粥粉麵作為午餐。薑蔥魚腩粥, 粥底綿密順滑, 埋藏在底下的魚腩份量頗多, 嫩滑少骨, 薑蔥的香味連粥底都沾染上了, 味道清甜。油條炸到卜卜脆, 送粥一流。淨鮮蝦雲吞, 一碗有8粒, 個頭不小, 爽口彈牙, 配上淡淡大地魚香的湯底, 好吃。黃沙豬潤腸粉, 皮薄晶瑩, 豬潤新鮮, 口感偏脆身。除了正常的啡茶汽水餐飲, 還有桑寄生蛋茶等的糖水可選, 糖水當餐飲, 也蠻有趣的。偶爾簡簡單單的一餐, 清粥粉麵也能很令人滿足。

今天下午的時間， 小妹一個人到尖沙咀逛街，準備回家的時候，又未到晚飯時間，還昰想吃點東西才回家，不禁令我回想起位於佐敦的雲吞麵店。因此特意再來吃過下午。餐廳店內設計簡約，雖然沒有富麗堂皇的裝潢，但卻帶一點街坊貼地的感覺。牆壁上掛滿了介紹出品的展示板，解說各樣出品的特色。盛記招牌雲吞粗麵雲吞粗麵放了幾條韮黃作點綴。原來雲吞麵的湯底是用上了大地魚、蝦殼、豬骨、金華火腿和羅漢果經長間餚製而成。湯底看似清淡，但喫了幾口，味道帶點微辣，但餘韻順喉清膩，也帶點鹹香，味道層次變化多樣。因為店舖位置有限，估計粗麵是外購的。粗麵爽口微彈，並無半點鹼水味。鮮蝦雲吞皮薄餡靚，餡料有肥瘦豬肉、鮮蝦仁、大地魚碎和蛋黃，並包裹摺疊成金魚尾形狀，味道和手法正宗傳統。鮮蝦雲吞口感煙韌爽口，每顆都可以嚐到一隻鮮蝦，而且豬肉餡比率恰當好處，蝦味適中，並帶有胡椒粉和麻味味道。炸鯪魚球鯪魚球外表色澤金黃，外層香脆可口，內裏鯪魚肉 煙韌爽彈，鯪魚味豐味濃郁。旁邊的蜆蚧醬深層色澤啡黃，帶有數粒蜆肉，也帶幾絲辣椒絲和細碎的芫茜，味道強烈濃厚，並緩和鯪魚球的魚腥味。招牌意米水薏米水估計也是自家製的，色澤深黃，可見貨真價實。薏米份量差

去開佐敦，有時都會幫襯下盛記佢哋嘅食物質素都唔錯超級鍾意依度嘅腸粉，即叫即整，今次叫咗叉燒腸，好多叉燒啊😋😋開心腸粉皮軟熟，賣相都幾靚，晶瑩剔透，但口感不會太過林，好好食，加上甜甜地嘅豉油，我覺得一個人食兩三碟都得😄😄😄牛筋腩麵個面底係爽口彈牙，唔錯。牛筋非常入味，骨膠原正👍🏼👍🏼👍🏼腩汁湯底好濃，不過我都照飲咗好多，因為好好味😆😆至於同朋友share嘅口水雞，叫咗細份，過吓口癮，都唔錯。小店侍應仲好細心俾埋個骨碟添。叫腸粉嘅套餐加$10可以飲桑寄生蛋茶。清甜，唔使自己煲，都幾唔錯。

今日放工去咗佐敦，搵到呢一間盛記粥麵解決今晚嘅晚餐，呢間野唔止淨係食粥麵咁簡單。我叫咗一個套餐，主角係蘿蔔牛筋腩飯，再加鮮蝦腸，而嘢飲就係桑寄生蛋茶。我見餐廳掛出嚟嘅相有雞翼，亦都心思思叫咗碟蒜香炸南乳雞翼。牛筋腩煮得非常之入味，大大碗白飯俾你，俾你牛腩汁送飯一流。而鮮蝦腸亦都拍得住酒樓嘅點心，大大件鮮蝦。南乳雞翼非常香口，蒜香味突出。竟然一間小店裏面亦都可以食埋桑寄生蛋茶，又好味又養生。你話呢一間點會係普通嘅粥麵店，又有點心，又有糖水，大熱天時唔使周圍走。

週末上完興趣班，與朋友一起順道午餐。見到家粥麵店，心血來潮想食下中式傳統食品。招牌雲吞麵 - 自小喜歡雲吞麵，雲吞放在麵底以免麵太快變腍，這份細心在傳統麵店才找到。薄薄的雲吞皮包著蝦及豬肉，兩者比例剛好，美味。蝦籽蝦球粥 - 蝦球彈牙，蝦籽份量亦慷慨，拌勻軟綿的粥食，令粥更咸香，同時提升蝦球鮮味。蔥花蝦米炸兩腸粉 - 充滿米香的腸粉包著香脆的炸兩，口感層次豐富。桑寄生蛋茶 - 粥麵店都有桑寄生蛋茶，正！清甜滋潤。還有足料的薏米水。

今日行街，經過呢間粥店，想清下腸胃，於是去試試。環境普通，但都有好多野食，佢連海南雞飯都有做，食物選擇很多。重點佢有免費紙巾供應。一開餐牌，我立刻叫左佢地餐牌推介既盛記艇仔粥，薏米水，海南雞飯，豬潤腸，另外仲有齋腸粉。艇仔粥，粥底綿，口感軟滑，入面有魚，魷魚等等…要搵咁綿既粥都唔係間間粥店做到。齋腸軟滑，一啲都唔似橡筋，d甜醬花生醬係自已落。海南雞飯，雞滑👍，辣醬香口，點雞一流，薑蓉香口，豉油用甜豉油。個飯就好香黃姜味，重點係個飯撈醬食會好好食。薏米水😄，唔算太甜，有薑味道，有點似番薯糖水感覺，都不錯最後我發現黃沙豬膶應該係最好味，雖然我叫的是豬潤腸粉，但佢既豬潤爽口同酒香味，我覺得係有驚喜。腸粉滑的，都係做得唔錯。總結係下次黎食我會想食豬潤粥。

今日來到佐敦，見到呢間話有手打肉丸粥，即刻流晒口水，唔係咁易搵到㗎！！一坐低唔使諗，我要個手打肉丸粥——一碗有6粒肉丸，都大大粒架，先試個粥底，好綿好夠味，最緊要食完都唔口渴！粥既份量都好大碗之後就到肉丸，好好味😋😋😋我覺得有好香的麻油味？同好鮮味，肉質有口感得嚟又不會太實，$38有呢個質素👍🏽👍🏽至愛叫左碗北菇雞粥走菇，來到見到有黃油，試一啖粥，好香好有雞味，雞肉都好滑同真係有雞味，連個皮都好滑，一碗有6-7件雞 $52抵食😋再配小食有9折，我地叫了個叉燒腸，望落已經好滑，食落都好滑，皮厚度適中，叉燒份量ok啦，不過不失最後仲叫了個香茅豬扒醃得好入味，唔干，鬆軟，大大件食得好飽好滿足，姐姐的服務態度也很好，下次要來試下雲吞麵同海南雞飯先得😋