盛記粥麵

營業中

休息中

最近胃口不佳，成日諗唔到食乜，最方便就係食粥。佐敦粥鋪唔算多，盛記係其中一間，晚飯時間總排滿外賣的人。我堂食反而即刻有位，坐低點了個招牌狀元及第粥及艇仔粥。因為是生滾關係，所以製作需時。蝦米腸份量算多，食落有粒粒蝦米和葱香，腸皮煙韌，送粥良伴。狀元及第粥大大一碗，料好多，有黃沙豬潤、豬心、粉腸、肉丸等，仲要係厚切又大塊。招牌的豬潤果然好好食，好滑。豬心爽脆有咬口，粉腸嫩腍，所有內臟都無乜味，清得好好，加上粥底綿滑，係一碗高質嘅粥。及第粥粥底同樣綿密，面頭有幾粒脆花生，滿滿的牛肉碎和魚片，簡單足料，食落有薑絲。蒜香南乳炸雞翼拼炸鯪魚球雞翼香脆，外皮香脆，肉嫩多汁兼有南乳香。鯪魚球爽口彈牙，食落有魚香，這兩款香口之物用黎送粥好夾！

天氣突然降温到12 度， 晚上總要食熱的東西來暖身，同行友人提意去盛記食碗熱粥來到店前有數位食客在等候，但好快就有位了。先點熱辣辣的及第粥，份量大大的，用料也十分多肉丸豬膶等等，粥底也十分之棉滑，很快就成身暖晒而雲吞麵也不錯，湯底十分濃郁是用大地魚作湯底，麵質爽口彈牙，而鮮蝦雲吞更令人一試難忘，難怪門口長期要等位雞翼拼鯪魚球也不可以錯過，雞翼味道恰當，而鯪魚球十分彈牙，可以作雙併更細心，2人分享剛好飲品點了桑寄生蛋茶跟豆漿，令人暖上心頭

今晚8點幾先係佐敦放學同男友都好肚餓，想快啲坐底食野先醒起呢頭附近有間人氣粥麵舖成日大排長龍一於過去試下～內裡都係一般茶餐廳格局，環境較細睇過餐牌，揀粥麵都可以優惠價加配其他小食同飲品雲吞麵先嚐口湯，大地魚湯清新帶鮮味，香蔥加成竹昇麵食落煙韌彈牙雲吞係傳統的較細粒，皮薄而餡料鮮美特級花菇雞粥粥底綿滑軟爛，雞肉光潤爽滑，花菇超入味脆炸兩外面的粉皮薄得晶瑩剔透內裡油條炸得金黃酥脆加埋醬汁及混醬食落非常滋味追加咗杯豆漿，豆味香濃又新鮮整體食物都不錯，值得再來品嚐～

一早已聽說這裏的粥和雲吞很不錯，但因工作關係，時間配合不上，遲遲也未能一試；上月終於來了。🤗可能假期關係，長長的人龍，真係有點嚇人；但一心到來，當然要等啦，好在人流比想像中快，差不多七八個字就有位了。🤔店內不是很大，座位很窄，肥一點的人也可能坐不下。😬正價粥麵飯或腸粉，可另配不同小吃和飲品，創造出不同種類的套餐。及第粥～粥底棉滑，白米煮至全化，食材有豬心、豬潤和豬腸，新鮮熱辣，美味可口；加上炸兩一起食用，滋味加倍；可惜胡椒粉唔夠香，下次自備應該會更合心意。雲吞拼水餃撈麵～麵條爽口彈牙，無鹼水味，湯底更有濃濃的大地魚香，雲吞大小得宜，皮薄餡靚，蝦仁和豬肉比例恰到好處；水餃同樣真材實料，口感扎實鮮嫩。蜆蚧鯪魚球～鯪魚球炸至金黃，清爽少油不油膩，口感爽彈，配上蜆蚧醬汁，更加惹味。#雲吞拼水餃撈麵#及第粥 #熱意米水#熱豆漿 #加炸兩#加炸鯪魚球4隻#盛記粥麵地址: 佐敦白加士街11號地舖電話: 23513018

北菇雞粥得一粒冬菇 都幾大粒同入味雞就雞胸雞翼咁 唔滑 又唔夠鹹香粥好多水 冇乜米 但又好大碗如圖53蚊一碗貴咗啲 齋食一碗粥一肚水 應該好快肚餓有得加配其他野 但我冇加唔會再試雞粥

一直好想試吓「盛記粥麵」的雲吞麵是否如外界所說的超正，今日嚐到了，超正。先講下個湯底，濃濃的大地魚清甜香味，湯身清澈，加上韭黃的獨特香味，嗅覺的享受。雲吞麵麵質爽脆冇鹼水味，雲吞細細粒，蝦肉爽口加上豬肉的鮮甜，好好味，一口一粒，超正。炸鯪魚球(蜆芥汁）剛剛炸起，脹卜卜又彈牙，鯪魚球加上蜆芥汁風味無窮。招牌狀元及第粥 粥底綿厚，食到米香味，材料豐富，當中最愛爽脆的豬潤和豬肚，吃完個粥給人暖呼呼的感覺。

今日在佐敦入了間粥麵店食lunch, 店都幾旺一直有人等位，因人流快，很快就有位了。店鋪不大，點粥麵可加配如菜，小食，腸粉和飲品等。非常有彈性。我點了：-薑蔥鯇魚腩粥+鮮蝦很大碗，粥底綿滑，鯇魚腩鮮甜加了很多薑蔥冇腥味，加配的鮮蝦很爽口又彈牙。-盛記招牌雲吞麵有5粒雲吞，雲吞皮薄，用了蝦和肉做餡料，味道很好。幼麵很彈牙有口感。加了很多韭黃在湯內，提升味覺。-豬膶腸粉 豬膶啱啱熟很爽口，腸粉超薄很滑香脆油條 很脆身放入粥食一流。-招牌薏米水（熱）甜甜地薏米味濃，還有一粒蜜棗，味道很清甜。-養顏桑寄生蛋茶桑寄生蛋茶味濃加埋隻熟蛋，很滋潤。

睇睇時間已經過咗下午兩點，點解「盛記粥麵」仲有成村人等位，都係因為質素保持得相當不錯。我上一次來已經有半年前，2022 年轉眼已經來到年尾，眼見很多食店已經翻了一翻，汰弱留強，餘下嘅基本上是有點實力的或是以平取勝的食店。等左約5 分鐘，店員為我們安排好座位，位置有點迫，但冇乜所謂，食完就離開，最緊要是上菜快。粥粉麵飯套餐包括一個麵食加腸粉，再加飲品。淨水餃 大地魚湯底，鮮香；水餃 size 比雲吞大一點，軟滑的水餃皮包著木耳、鮮蝦、荀等、彈牙、爽口加埋鮮甜的味道，好好味，所以一向是我的心水選擇。舊客仔如我一定會點依兩味鮮蝦腸粉、蔥花蝦米炸兩腸粉皮拉得又薄又透，但仍帶小許韌性配上鮮蝦大隻爽口，有大蝦的鮮味，真材實料一試就知，水準非常高。蔥花蝦米炸兩必加甜醬、花生醬，一貫作風，粉皮薄；油炸鬼脆到卜卜聲，蔥花和蝦米令味道更多層次，心思見微處，高汁 👍🏼花菇厚肉彈牙，完全地索曬𧐢汁，搽上一層熟油令其更有光澤。熱鴛鴦味道ok , 但只有暖的溫度。招牌薏米水一喝下去嚐到薑汁味，甜度不高，喝完全身溫暖了，適合冬天的養生飲品。一位年長的姐姐好悪死，比佢凶左幾次（呼喝）其他店員正常。

每一個服務員態度超差！！！已做安心出行，但仍然多番質問，已回答多次甚至俾埋電話安心出行app佢睇佢又唔睇，只係行開不停追問，反話我答一次答咗就得，真係好笑，又係佢哋不停問，全間服務員態度超差。本來見到open rice評論對呢個餐廳食物好期待，結果俾人追問到極反感試都唔想試就走。

秋風起，涼涼哋，同事話要吃啲熱熱哋嘅嘢，看見這間粥店，門外有一班食客等候，吸引停步等候一下⋯⋯門口大大個牌，粥麵飯套餐，唔使諗，一於入去試一試⋯⋯炸兩~先來一個炸兩，腸粉皮夠滑，但油炸鬼過氣，令炸兩失色。腩汁蘿蔔$18~套餐可配腩汁蘿蔔，除油菜外，多一個選擇。及第粥~單看賣相已相當豐富，豬膶煮得剛剛好，夠爽滑，值得一讚。豬潤粥~朋友單點豬膶粥，size比及第粥套餐細一個碼，適合細食者。當日還有點了”炸鯪魚球” 但沒有拍照，因為一開始大家都太肚餓，三秒內已將它消滅了。整體來說天氣開始轉涼，中午繁忙時段，很多一個人也到來點這個套餐，主食可選粥、麵、飯，之後可加推小食，除油菜外，還有腩汁蘿蔔，最後還有豆漿。更可追加小食，套餐有彈性，及第粥的用料唔錯，吸引了同區的一班食客。

一條友入去即刻有位。魚腩粥有三舊魚腩，但冇乜味，薑絲只得三條，唔及得油麻地一間專食魚粥嘅粥店。粥底起初係綿，食到一半就變稀。炸両更加失望，一D都唔脆，唔明點解咁多人幫襯。食到一半有一家三口坐落嚟搭枱，我都算我知一個人冇理由坐四人枱。但係個對父母未叫野食已經除咗口罩因為張枱好細加上有隔板，佢坐咗喺我碟炸兩面前！仲不斷講嘢噴口水，OMG! 我唯有快口扒埋兩啖粥就走

盛記的人流量不比附近的澳洲牛奶公司遜色, 常常要等位. 雖說是粥麵檔, 但店家提供的菜式相當多元化, 除了基本的雲吞牛腩麵食外, 也有油器和腸粉, 甚至連雞飯和炸物都有. 價錢定位中間, 而且午餐配搭的項目也不少, 懶人和花心人仕的最愛呢!我點的是蝦球蝦籽撈麵, 配以蜆蚧鯪魚球, 撈麵是傳統的銀絲麵, 有微微的鹼水味, 再加上大量蝦籽, 味道不錯. 蝦球沒有雪藏味, 口感爽彈有鮮味. 大地魚湯咸香但不涸喉, 整碟撈麵也是水準之作. 鯪魚球新鮮炸起, 鯪魚肉同樣爽彈且魚香夠, 如果多一點陳皮味更好. 蜆蚧醬就是咸咸濕濕的獨特香味, 單吃受不了, 卻是鯪魚球的好伴侶.Shing Kee is a noodle stall at Jordan but she can prepare the congee, rice roll and chicken rice well. She is so crowded in lunch time and many people try her combo as it has variety of cuisine to choose and not tha

今日經過難得見門口唔算多人排隊，就入去醫肚。豬心粥 $38及第粥沽清😟，唯有叫豬心粥啦。豬心香甜甘口，有嚼勁得嚟又唔會韌，係幾好食，粥底都幾綿滑。艇仔粥 $38正常嘅料，正常發揮，最驚喜係有鮮魚片，好少艇仔粥有魚片😋熱意米水 $5優惠每個主食只可用一次，係桑寄生蛋茶同佢之間選擇，最後揀左薏米水，好足料，啖啖薏米，堅抵飲同正！紅油鮮蝦雲吞 $34雲呑爽口足料，皮薄餡靚，紅油唔太辣，仲好惹味添，真心唔錯。蠔油生菜 $18 都大碟，翠綠清甜😋

成條白加士街 唯一要排隊嘅餐廳平日晚市 等咗約十五分鐘套餐Openrice寫收十一點半開到咁夜又幾好 有時夜媽媽都唔知食乜好不過當日嚟睇到改咗直到另行通知入面座位都幾迫下 如果拎大少少嘅袋都會坐得好辛苦/迫到人炸兩皮薄 油炸鬼夠脆但略嫌細份及第粥 豬心豬潤豬肚豬粉腸豬肉丸足料粥底綿又杰必食招牌雲吞麵雲吞係咁嘅樣 傳統嘅細小型碗麵整體都好味道比同街老字號平咗一成但麵 湯 雲吞都略遜一籌 輸個馬頭啦不過啲粥係會吸引到再嚟

我老公好有目的咁經過佐敦🤣佢話睇YouTube 有好多極力推薦呢到嘅雲吞麵，今日一黎，離遠一望😨嘩！排晒隊等堂食..但一陣仲要接小朋友放學，所以就set規矩😕用到消費劵先買😂(支付寶、微信個啲都得)由於堂食真係冇可能等…但買左拎返屋企(1個鐘車程)食就嘥咗，所以我哋買一碗試，去左球場食雲吞有4粒，大概apple watch錶面咁大..我其實好怕食雲吞麵，因為勁唔鍾意梘水😩但呢個絕對有驚喜！🙈冇梘水味、雲吞皮好滑，啲蝦同肉好有味，好彈牙分2磅外賣，一定要趁熱食！老公話係大地魚湯，我飲落去都覺得好正！但湯清到見底我個人黎講，都係個句，勁怕鹼水味，但佢呢個麵都好爽好彈牙！同雲吞有對比🆚呢間雲吞麵我鐘意呀🫢