盈記四季養生麵館

營業中

休息中

位於灣仔盈記四季養生麵館，座位與座位之間寬闊，地方乾淨整潔，無論朝早還是夜晚都吸引到不少打工仔光顧，除了主打的藥膳雞湯，同時亦有喇沙及番茄湯。跟餐可加配飲品，同時亦有數款小食選擇藥膳浸雞腳 $38雞腳非常入味夠淋，每隻雞腳都好整，完全唔會甩皮甩骨🥰藥膳農場雞花膠湯米線👍🏾👍🏾👍🏾👍🏾👍🏾湯底唔算好油，頗清，呷一口湯， 藥膳味非常特出，濃郁且鮮甜，飲落完全唔覺口渴。花膠有成隻手掌大，算是厚身，比平時老火湯的花膠質感略有不同，口感偏夾，但煮能夠吸盡湯底精華，非常入味❤️❤️❤️❤️值得一讚是火喉控制得好，令雞肉極之嫩滑，完全唔嚡口☺️☺️蕃茄湯底亦同樣出色，用上新鮮車厘茄同大蕃茄熬煮，特別濃郁，可以食得出粒粒番茄蓉。頗特別的墨魚春卷，腐皮外皮裡面煙韌彈牙，咬落亦會食到墨魚粒，當作粉麵配料的確一流！

今晚又來到灣仔站出口對面的「盈記」食藥膳湯麵。餐廳座落於繁盛的軒尼斯道，雖然舖位不大，但都光亮整潔。餐牌較簡單，菜式都以藥膳湯底為主，當然也有其他選擇，例如鮮茄和喇沙湯底。“藥膳農埸雞+日本花菇養生湯米線”，藥膳雞湯採用肥美三黃雞，配以多種藥材，如：紅棗、杞子、桂圓、當歸、北芪、黨參等，熬製四小時而成，功效補氣益血，健脾益肺，潤腸養顏。食材有大大塊的雞肉，嫩滑而不肥膩；大大隻的日本厚肉花菇，特別香口；還有又爽又滑的雲耳，真是材料豐富，滋補又美味。“鮮茄自家製水餃湯米線”，蕃茄湯以鮮車厘茄及大紅蕃茄，輔以新鮮蔬菜熬製三小時而成，對身體非常有益。自家製水餃亦美味，口感不錯，蕃茄湯清甜天然，我忍不住全碗喝清光。“醬香牛肋條”，燜得很腍，牛肉味濃，五香調味又很入味，再配上柱侯醬，更加惹味。最後，還附送飲品，我選了“柚子蜜”和“朱古力”。這餐廳的食物製作有誠意，地點又方便，性價比高，是用膳的好地方。

要養生就要從生活細節開始，食療方法都是重要一環。最近食肉類太多，係時候要清清腸胃。午餐去了一間麵館，以藥膳作為主打。藥膳農場雞，竹笙銀耳養生湯湯底採用了紅棗，龍眼，雲耳……大量藥材熬製而成，味道好清甜，有潤喉感覺。兩隻雞髀仔，嫩滑有肉香。銀耳份量足足佔據了半個碗，好抵食。好爽脆。食完呢個份量嘅銀耳，皮膚一定靚靚，充滿著骨膠原。古法炆蘿蔔蘿蔔夠晒入味，軟腍又香甜。蘿蔔湯底都係藥膳湯，非常健康。午餐包一杯飲品。

宜家香港人越嚟越注重養生，坊間嘅養生店越開越多，就連米線店都主打養生湯底。今日去開灣仔做嘢，順道過嚟盈記四季養生麵館食個藥膳米線。😚🐔藥膳農場雞桃膠養生湯米線 $64藥膳湯有陣陣的藥材味，但不算好濃，個清徹唔油膩，因為有紅棗，所以好清甜，配料足，有杞子，雲耳，芫荽，桃膠都有唔少，原來係植物界嘅燕窩呀，滋潤又養顏😍。有雞脾和雞胸肉，雞肉嫩滑，就算雞胸亦不太嚡口呢！米線軟滑可口，飲埋個藥膳湯，勁飽呀🥰。🥢藥膳農場雞竹笙銀耳養生湯米線 $68有勁多銀耳，食極都仲有🙈，竹笙索湯又爽口，碗米線好大碗，大隻男都夠食。🥢古法炆蘿蔔 $28個蘿蔔超級好正，好淋又冇渣，仲要係索晒個湯，勁清甜好食。

藥膳湯有天然的甜味、個小食木耳都好好食😋希望大家多多支持下啲有心既餐廳！咁樣套餐一碗麵、一個小食加一杯飲料都係80$～啲雞肉好嫩，唔柴、雞皮煮到軟軟糯糯，充滿油香味！

朋友介紹灣仔有間餐廳藥膳湯粉好好味，今日終於有機會過來試一試！果然沒有令我失望。餐廳應該新開一段時間，裝潢各樣都非常明亮整潔。餐廳主打藥膳上湯，但當中都有鮮茄湯及喇沙湯，都幾多元化而且有小食，選擇都幾多我點了藥膳農場雞+花菇米粉，湯頭藥材味濃，吃得出用料豐富，而且非常清甜，肯定沒有味精！農場雞肉質嫩滑，而且非常大件花菇好入味，配搭藥膳湯特別匹配選了米粉，完全吸收了藥膳湯的精華，忍不住連湯吃清光跟餐加$12點了奶茶紅豆冰，紅豆冰份量非常多，想不到這杯飲品絕無欺場！有驚喜小食點了藥膳湯生菜，配搭蔬菜更加突顯藥膳湯的清甜，$26非常化算，講真外面普通一碟油菜都起碼索價20多元！完全是良心小店同事點的喇沙湯，根據他形容，喇沙湯椰汁味濃，算是頗正宗的東南亞風味！夏天食都幾開胃自家製餃子非常飽滿，皮薄多餡，餃子配上米線，男仔都未必吃得完！大大碗實在足料

今日要去灣仔開會， 開完會都7點， 就同同事在附近覓食。同事推介“盈記四季養生麵館”， 我未食過， 又想支持小店， 所以就決定去幫襯。店舖面積不大， 客人都唔算大多。原本想叫二人餐， 但大家都唔太餓， 所以各自揀。我揀左藥膳農場雞花膠米線。大大的花膠配兩件滑雞， 雞肉滑嫩， 花膠淋得黎有口感， 加上大量藥膳配料煲成的湯底， 好香， 鮮甜可口。而我愛吃芫荽的朋友就點了藥膳農場雞加芫荽養生湯， 見到超多芫荽， 芫荽愛好者可以一試。食完早點休息， 明天繼續博殺。

大概大半年前嚟過呢度食養生湯米線 對呢度嘅藥膳湯非常深刻 比起譚仔我更加鍾意呢度嘅養生湯米線 所以今日難得嚟到灣仔再嚟Encore秘製汁木耳 酸酸辣辣 當前菜小食唔錯古法炆蘿蔔 蘿蔔炆度軟淋吸汁入味 吸曬啲湯汁好清甜藥膳浸雞腳 雞腳同樣係用藥膳湯浸成 炆得好淋好入味 咬落去啖啖骨膠原主角 - 藥膳農場雞蟲草花養生湯配米線 藥膳湯飲到淡淡嘅藥材味 感覺好養身 加上好似放咗啲龍眼肉落湯底調味 所以湯底好清甜 而農場雞雞味非常濃 而且肉質嫩滑唔鞋口 米線煮到Q彈Q彈 唔會淋啤啤 推介推介平民美食就係呢種 簡單得嚟好食又唔貴

灣仔地鐵出站行一個街口，係修頓球場對面，有間養生麵館，自己本身都好鍾意食藥膳湯底，今次第一次黎食，價錢相宜，平日夜晚都唔少人黎食架！藥膳農場雞山藥養生湯米線 $64湯底有香噴噴嘅藥材味，非常香濃甘甜，每啖湯都充滿藥膳湯味道，每碗米線都有3-4件雞件，咁啱我哋兩個都有雞髀雞翼，雞肉嫩滑，另外仲有好多粒紅棗、杞子、桂圓、淮山，十分足料！藥膳農場醉雞養生湯米線 $64呢碗同上一碗嘅最大分別係個湯底，呢個有啲意想不到嘅驚喜，藥膳湯底加少少酒味，令到藥材更加突出香濃，呢個湯底更加鮮甜！藥膳雞腳 $38雞腳比較爽口有口感，唔會話太腍，保留返雞本身嘅味道。奶茶紅豆冰 +$12超級驚喜好好味！奶茶茶膽香濃，再加上紅豆本身嘅甜味，冇特別叫少甜，甜度恰到好處，非常好嘅組合！

藥膳湯我平時也十分喜愛，所以我成日四圍搵藥膳湯既餐廳，感覺可以定時保一保身☺️今次這間是我再次光臨🥰「藥膳農場雞花膠米線」這個配搭是新出「期間限定」即刻吸引了我，花膠好大塊，爽口感覺，配上雞髀，肉質香滑，這配搭高上，而且抵食👍🏻👍🏻「藥膳農場雞蟲草花米粉」湯底香濃，有藥材香，由於有紅棗比較香甜🥰 蟲草花有養顏功效，令我不能放棄一條😂🤣😂「秘製汁木耳」少麻辣汁造成的開胃小食😊備註：🔺灣仔大街上，容易搵到👍🏻🔺店員有禮，會主動介紹😌

灣仔餐廳多，美味餐館更是少之有少，養生又好味的更加萬里尋它，今次就來試這間養生米線店，近地鐵站，格局台式裝修，像是去了台灣養生店一樣。藥膳農場雞花膠米線單看賣相已非常吸引，雞件肥美，全是雞髀肉，加上有紅棗，可見真是藥膳米線來，不是單單的口號。雞髀肉肥美，花膠更是厚身，大大塊的，非常滑口，最好味的，是它的濃湯，非常很濃，充滿藥材味，飲完非常黏口，可見充滿骨膠原。蟲草花農場雞米線蟲草花是女友最愛的，蟲草花鋪滿米粉上，一點也不吝嗇，加上全是雞髀肉，可見餐廳充滿誠意，大大碗的，配上濃湯，非常香甜，藥膳味十足。

今天天氣很熱，胃口不是很好，想食麵食，去了一間以養生麵為主打的餐廳。餐廳最出名的是藥膳養生湯底，感覺會清爽點，滋養點和健康點。而我們今天卻試試其叻沙湯底，想不到味道都幾好。墨魚春卷叻沙湯米粉賣相吸引，湯底香濃，墨魚春卷很爽彈，米粉配牙菜，都幾爽滑。炆蘿蔔很稔，清甜多汁。喜歡吃雞腳的話，可以試試藥膳雞腳，稔度適中，感覺爽稔。藥膳時蔬的湯底清甜，很滋潤，生菜就清爽。套餐會抵食點，除了麵食，亦配有小食和飲品。簡簡單又一餐。

盈記四季養生麵館 - 灣仔放工同同事一齊簡單食個飯，見到一間養生店，就被深深吸引入去試一試。餐廳主要食藥膳雞嘅米線，所以我同同事分別叫咗一碗。藥膳農場雞日本花菇養生湯米線：雞大件而且嫩滑，有濃烈嘅藥膳味，加上本身嘅雞鮮味，感覺又健康、又好食。花菇煮得非常之稔，唔錯！米線都幾有口感。藥膳農場雞竹笙銀耳養生湯米線：同事叫咗呢碗，佢都話唔錯，竹笙、銀耳都爽口。另外叫咗一個小食，醬香牛肋條，煮得都幾林亦好有牛味，唔錯。

這是一間裝修平實，但吃落好有風味嘅小店。藥膳農場雞山藥養生湯一上枱就見到份量好充足，三件雞大大件，仲有隻雞髀🍗；最令人食慾大增嘅係佢真係好香，湯有好濃烈嘅紅棗同少許藥材味，米粉非常入味。喜歡！自家製水餃🥟叻沙湯喇沙最緊要當然係個湯底，呢間都唔錯，以快餐式來算是合格有餘！前菜：濃湯蘿蔔、黑木耳好喜歡嗰個濃湯蘿蔔，啲蘿蔔好入味，好腍，真係好好味。應該話我未食過咁好味嘅蘿蔔。😅黑木耳就比較淡味，完全冇味精。讚👍🏻！

今日去完美食節，去咗灣仔呢間盈記養生麵館，入到去店員推介藥膳花膠雞，藥膳雞芫荽麵及涼拌手撕雞青瓜紅薯粉，同行朋友唔食辣嘢，所以我哋都叫咗兩個雞湯麵試吓。我嘅芫荽雞湯麵上枱，即刻聞到少少藥膳的味道，見到個湯頭有啲杞子，木耳，好多紅棗，雞肉同埋芫荽。第一件事試吓佢哋個湯底，湯底有少少藥材味，味道香濃，好清澈入口順滑，藥材味啱啱好，唔會太苦。有4件雞件好嫩滑，入口有雞味，雞皮夠薄，唔會搞到湯底油淋淋。配埋大量嘅芫荽，所以成個米線好清爽，我食麵基本上都會飲晒啲湯，呢度嘅湯飲完係唔覺得口渴，有鮮味得來又唔會太鹹！朋友點花膠雞米粉，俾我嘅就多咗兩塊花膠，花膠入口帶點爽脆，唔會有杰身嘅芡汁，所以唔會咁滯，連埋雞湯一樣咁香濃好味，應該滋潤啲，對皮膚應該再好啲！呢度雖然叫藥膳，但係店家應該配合天氣，所以夏天食完，感覺都好舒服，唔會㷫烚烚，適合四季，感覺潤而不躁！