皇府 (已結業)

因為看電影的緣故, 又再一次來又一城. 見好久無來皇府, 加上始終忘不了當年吃過那美味的鹽焗雞, 又上來了.環境係又點逼, 當然如果等卡位的話就會舒服不少, 但等待的時間就比較長, 看看你的選擇.來這裡, 係指定動作, 一定係點那兩味了.鹽焗雞: 8分, 當然沒有當年的水準, 始終雞的來源也大不同, 但係水準還是不錯. 雞肉係相當嫩滑, 比想像中更好, 尤其係黑肉部份更加係好得. 鹽焗味足夠, 雞皮也好入味, 真係忍不住要吃兩件.叉燒: 8分, 繼續有水準的叉燒, 燒得好香口, 肥瘦均混, 肉也不太實, 幾鬆化, 或許不是食神級的, 但也令人滿意了.比上次來的水準為高, 下次再來看電影也可再翻炒.

星期日同老公去食晚飯叫左個海南雞餐...d雞多皮少肉...差再黎鮑魚嚮螺海鮮粥我地未食就發現少左嚮螺叫待應過黎問佢呢碗係乜野粥時佢態度好差咁話唔係佢落單唔知我覺得佢咁樣唔係好得佢梗係應該自動波去check單啦後來佢話漏左落嚮螺我地只要求佢攞返黎點知另一個待應堅持要換過一碗我地諗住碗粥已經冇咁熱就換啦原來換過呢碗少左一塊鮑片車...乜咁cheap架換黎換去就只係為左嗰塊薯片咁薄嘅鮑片OK...食完呢餐真係唔駛旨意我地再幫襯佢喇

我經常到又一城的皇府食飯，雖然價錢較貴，但食物過得去，而且很快，但每次看到那班黑口黑面的侍應，甚至那位男店長的態度也差得很，我便很想走，有次叫店員埋單，但店員看到我舉手示意，也裝作看不到，他們真的不想做生意吧，我只是趕時間才到你們處吃飯的，你們的服務態度咁差，真係趕客。

今晚try咗二人餐, $228~2個白飯/粥, 1碟小食, 選了鴨舌海蜇(另可選手撕雞)2款小菜, 選了半隻貴妃雞, 薑蔥魚腩, 味道尚可!!另有甜品...份量夠, 但環境服務還有點不足, 價錢偏貴!!

原先想約的朋友沒空，正要約其他人，一個年多沒見的舊同學打電話來說食晏，當然即時成局，一共三個人，約了在又一城，朋友會嘗試留檯。第一選擇是皇后, 先到先等。若沒有位，則去旁邊的皇府。十二点半，第一個去到，皇后門口已經排了五六人的隊，走進去，侍應說找不到留了位，三人檯要等。于是便走過隔鄰的皇府，尚有很多位。問侍應有沒有留了位，她看了看登記，便說：“是留了的，不過下次留位要早D打電話黎，否則留不到給你，去埋邊那張檯拉。”說著又指了指遠處那排檯，實際上，說話的態度是直接影響效果的，本來真是要感激他們在這麽繁忙的午飯時間特別留座，經這麽一說，成了反效果。各自叫了一碗麵，另加一碟油菜，一碟腸粉，一碟炸兩。我要的水餃麵，共有三隻水餃，麵底做得ok，沒有碱水味，軟硬度適中。炸兩裏面的油炸鬼，還有一些脆口，都可以。其餘的食物，賣相是不錯的，質量則是普普通通的水準，未有留下有特別印象。只是一般的一家雲吞麵食店，改了一個很有氣派的店名，食物一般，座位亦頗狹窄，價錢是太貴了，中環雲吞麵街鋪也望塵莫及。或者是無可厚非，這時這刻，付出的價錢，大部分是買了繁忙的時間，旺人的租鋪和方便的地點。走時已二時多，其他人都走

兩個人，食晏，慕名而來，叫叉燒飯、炸醬撈同腐乳通菜。叉燒飯都唔錯，不過呢個價就點計都係貴，去寶靈街陶園好過。我每次去粥粉麵舖都鍾意叫炸醬撈，算係一個測試指標去衡量食肆水準，一試點知．．．鹹到ｘ街！！一點幾食晏，依家夜晚九點重好頸渴，訓晏覺果陣鹹到發夢狂飲水！！我卅幾歲人都未食過咁鹹既野，肯定超過成人一日所需要既鹽份！！三個字－－無下次！！

晚飯去冇乜野食的又一城....成日覺得呢個地方好似有好多間食肆, 但全部都唔係會令人想食的地方...hea hea地去左皇府三人叫三樣野, 唔明點解雲吞面都咁貴...1. 海南雞飯 個油飯都幾好食, 不過個雞就冇乜特別...好係好在佢冇骨唔駛煩, 但要讚一讚個湯, 飲完都唔口渴喎!2. 豬頸肉飯 下... 成個燒咁樣! 令人一d胃口都冇...我想食燒就唔會叫呢個啦... 加埋個好怪味的汁, 呢個係負分! 3. 牛根腩 合格啦, 牛根幾林, 牛腩就算係一般水準野, 不過我覺得大利令人回味doverall, 呢到都係冇乜野食又唔想食food court之算囉...或者食下面exp 更好!

整個又一城,找點吃也難過登天,大多食店中份屬看不中用.之前在食評中睇到"皇府"有味"食神叉燒飯".而且還有人讚過,趁在樓下買書之便,上來一試是否"食神"級數?打開餐牌,價錢近乎勞斯萊斯級數,撈麵四十幾,炸雲吞五十多,要個豬頸肉餐,差不多七十,小弟這個什麼餐飲,例湯也沒有的食神叉燒飯,索價四十,未計加一同茶芥.如果有看過"食神"這套電影,也記得星爺手上的佛跳牆被炸毀後,來一記絕地反擊,最後殺著"黯然燒魂飯"吧.相信這個食神叉燒飯,以這個吃到令人孝感動天的燒魂飯作藍本.賣相不錯,太陽蛋煎得頗靚仔,不過蛋黃太熟,只得面頭一點點蛋油,吃得不爽.叉燒以瘦叉上,外層蜜汁味夠,但燒得不夠香口,枚頭肉不知是西梅或是大陸梅,肉質算鬆化.是否一吃傾情?似乎說得太誇張.叉飯色一般,不咸又不甜.飯底偏向黏性重,係黏得來有點濕.似乎下水太多了.加一茶芥之後,比夠$50免找.食神級價錢,普通級味道.比起再興,龍門,雙喜,華豐,甚至我家附近的兩家燒味店,更有所不及.那些名牌如鏞記,更不用提.等同在一個平庸港女身上,花上大量時間,金錢,也得不到任何回報的感覺一樣.如果這個叉飯也令你如痴如醉的話,我深信你未過更好貨色而

今天跟友人去了這所食肆。以前經過﹐以為是矜貴中菜﹐原來是吃粥粉麵飯的!!哈哈﹐只因從來沒有行近看。。。三個人﹐叫了個二人套餐﹐再加兩個湯:蠔油生菜-- 菜生鮮﹑脆﹐喜歡它把蠔油分開上﹐細心。涼伴手撕雞-- 出奇的好味﹐當然因為有我愛的海蜇啦!!馳名叉燒-- 肉稔﹑汁不太鹹﹐與國金軒﹑鏞記有得揮窩!!海南雞-- 這個反而雞味不夠濃﹐但還夠嫩口。跟海南雞的汁﹐只試了甜豉油﹐OK。節瓜煲豬肉-- 還抱了一絲期望是老火湯﹐但令人失望﹐味精得很。鯇魚片芫茜湯-- 芫茜﹑薑味不夠﹐還是很味精。白粥-- 味精味精味精!!! 但因為肚餓﹐所以吃了不少(後來知衰﹐回家不停要喝水)。還有一個飯跟餐的。甜品-- 紫米糕-- 未試過﹐第一次吃﹐偏甜﹐還可以(勝在份量夠大﹐不像一般跟餐甜品細細份的)。芒果布甸-- 也OK。上菜非常快(才點了一會就上了﹐還要一次過上)﹐服務一般(不要求)。埋單$304 (連加一)﹐吃得頗飽﹐但下次要吃的話﹐應該不會叫湯和粥﹐因為多味精。

約了朋友在皇府吃飯，全因朋友懷念這裡的海南雞飯！四個人，吃了一個豬手撈麵、海南雞湯飯、菜心及油炸鬼。海南雞飯跟來一個燉湯，是粉葛湯。清甜，是媽媽煲湯的味道，應是沒有味精之作。海南雞挺嫩滑，有一層滑滑的啫喱在上面。醬料有薑蓉、辣醬及醬油膏。跟我在新加坡吃的醬油膏一樣味道。油炸鬼應有兩條，炸得很脆，但頗油。埋單220多元，吃這些東西。位置雖在又一城，但也令人懷疑應否值這個價錢。

如願是：終於來吃過了食神叉燒飯。　眾燒味中，我特別的對叉燒心傾，而皇府的叉燒的肥瘦度適中，吃來自是美味；眾蛋之中，我也喜歡太陽蛋可愛別緻的模樣。加上香軟棉的白飯，這一碗有名的食神叉燒飯要得盡我心，一點不成問題。　那麼，這碗飯索價$40再加茶錢再加一的價錢，是否值呢?考慮又一城地段、餐廳環境後，我覺得值得一試的。人生短暫，四十多元買個經歷，有何不可?

成日晏晝都去龍城，諗諗吓呢排好少去又一城，決定今次去碰下運氣...不嬲大家都知又一城係冇啖好食(有時唔太明點解各食友會對EXP好評如潮)，都唔會有太大期望lor...望個menu，一碟义飯都差唔多成四十幾大洋，真係淨係做D有錢佬生意lor...既然坐低咗，就叫個义鵝飯...號稱食神义燒，吃來吃去都吃不出個所以來。义燒本身屬半肥瘦枚頭，肉淰糯，都算唔錯，但若果話要係去到食神級，睇怕阿周生會唔多同意lor..燒鵝皮不脆肉不滑，完全below average...賣四十幾蚊? 講笑咩...

難得和媽撐檯腳。媽很喜歡這兒的叉燒，叫了個叉燒瀨粉。我叫個北菇湯麵。再加一客芥蘭，一客炸鯪魚球。叉燒瀨粉，我試了少許叉燒。我向來不好此道，但也認同叉燒賣相好味道口感也好。北菇湯麵的麵有些似黃x記的手打竹升麵，不是很彈牙煙韌，亦不及黃x記的"香"。但份量不少(三十五元一碗。。。)芥蘭ok。炸鯪魚球。口痕才叫。有一種很特別的香味，但入口不太特別。埋單不便宜，但在又一城要吃飽吃得滿足又不花很多錢並不太容易。

下午又出外開會....跟幾個同事黎食! 佢地三個叫左食神叉燒飯, 我見半肥瘦叉燒...面有一隻太陽蛋, 蛋汁流出黎撈飯....佢地都食得幾滋味! 我無乜胃口...兼怕開會眼訓...所以叫左雲吞米, 雲吞五粒, 足料, 蝦都幾新鮮! 鋪頭幾多人...下次試下海南雞飯先!

話說去開又一城行街,見到間皇府聽聞佢地d叉燒幾好食就走入去一試喇.....入到去已經覺得d waiter黑口黑面,跟住坐低叫野食,之後叫左個叉燒同燒鵝飯,都黎得幾快,到食個時覺得d飯乾乾地又無咩汁,就問waiter拎兜汁喇,點知個waiter就咁向廚房個邊叫XX枱要一兜燒汁,但好似完全無人聽到lo??但個waiter又唔理,繼續行行企企做其他野,之後再問第二個拎汁佢個樣又好唔滿意咁,食食下旁邊個枱叫完野後,先黎左飲品,之後就有人問佢拎飲管,佢居然就咁飛比佢就走番去做野......食完後,其實d叉燒都無咩特別同大家樂,美心差唔多,我個朋友就想問佢拎牙簽,咁啱個waiter 就拎住d 野拎唔到比我地,見起水吧枱上面咁近自己拎喇,突然個waiter放低d野後走番轉頭,好惡咁問,想要咩ar??咁我地又唔係無比服務費,又唔係好無禮貌,洗唔洗咁態度,就算我去荼餐廳都未有惡........最後我地埋單時,我一毫子tips都無比佢地,真係唔洗諗再有下次會幫襯!!!!!!!!!!