皇宮印度餐廳 (已結業)

從前覺得咖哩必定是非常濃烈的味道..經朋友介紹..進入此店會發覺明顯不同..點了羊胺點咖哩(朋友點,不知叫什麼名字)味道比想像中更好從前不能接受咖哩的我卻愛上此店咖哩不過甜品丸子較甜..還能改善

食過重慶以後...發覺呢間水準都唔差不過價錢會略貴...門口有九折卡不過唔知冇用到叫左個四人餐d前菜炸野麻麻建議如果唔想食呢d既話就散仲好o加喱真係好味羊同埋雞都好正薄餅好多都差唔多味道有隻橙紅色既甜甜地最好味老闆都係個族人黎幾有feel...

這間印度菜館是由印度人親自主理，由門面、內部裝修以至食物都是地道的印式風贝於，之前跟同事米幫襯過一次，威化胡椒餅很香脆，绝不亞於重慶大廈內的印度菜館，午餐可選咖喱豬、鷄或羊肉，初入口時不覺太辣，但辣味慢慢滲出來便感覺越來越辣，如果唔係太食得辣的人最好下單時緊記要小辣就好了。

呢間餐廳好嘢嚟架.值得推薦的菜色有羊肉biriyani, chicken tandorri, fish tikka, 薯仔沙律, 芝士菠菜, 印度奶茶, 芒果奶昔, 以及所有咖哩, 全部都好好味.除了燒羊脾(因為多數得兩條友冇可能擦得哂), 我差不多試勻哂餐牌所有食物啦,餐廳的印度人亦十分友善.但Open Rice話佢有DBS九折, 我食過幾次, 次次都問, 但次次都話冇?幾十蚊無所謂啦, 不過各位如果人多幫襯就比較襟計囉.

昨日有朋友請食，我又在openrice搜尋，今次睇到上水有印度野食，我問個friend羊肉ok嘛，佢話冇問題。好一於食羊肉，於是個friend即刻打電話order訂左羊肶，我已經問個friend隻羊肶可能好大份。點知去到真係幾大隻，兩個人已經足夠唔駛再order其他，只order左咖哩角(羊肉餡))同蒜茸烤餅，蒜茸烤餅油多左，羊肉餡一碟應該三個，個印度伙計幫我地每人一個羊肉餡角，剩下一個做蔬菜餡(之前同我地講左)，原來蔬菜餡即是薯仔，個人比較喜歡羊肉餡，不過依家試埋蔬菜餡都唔錯。隻羊肶好正用來送烤餅一流。兩個人再order三支印度啤酒，最後都要好努力先食完。最好都係4至6位先好食羊肶，可以食多幾樣。服務都ok，下次叫多幾個人試多幾樣野，再同大家分享。下次我會善用手機拍幾幅相俾大家睇，本來今次想影，但每次同朋友傾計就唔記得。

之前中午去食過一次。見環境唔錯，野食ok，又適合同朋友食飯傾計。所以晚上約朋友再光臨。我先拎位，個朋友遲左一陣，個侍應已經問左我一次食咩，我話要等埋朋友先。朋友到了一陣，都未揀好，個侍應又行埋黎問我地食咩，我地話未得，佢竟然馬上講左一句"oh~ long time"........ 咁趕都唔知為咩。真係怕左佢，之後馬上落單。$180二人晚餐太多野....我地兩個女仔食唔晒，所以散叫，點知個女侍應變晒臉色，狂建議我地揀二人晚餐，我地講左食唔晒，佢就笑住走左。最後，我朋友舉手落飲品，個侍應竟然拎左張單來......好似催我地埋單咁....有冇搞錯呀！><整個過程....搞到我地好似阻住佢咁，我個朋友飲完杯野走都走唔切。唉~ 今次真係對呢間野有d失望囉~

最初朋友話呢間野, 有D平既Lunch, 所以想黎試下..and then 入到去.. 無乜人 = =" 又無我個朋友所講既Set Lunch唔知係咪星期日既問題拉.. btw, 我地2個人叫左個"二人套餐"食咖哩角 - 好食的, 入面有D香葉, 辣辣地幾片餅, 有2個汁.. 薄荷 / 酸酸地既汁一碟羊肉.. 鐵板上的.. (本人覺得好蘇", 如果鍾意食羊既朋友可以一試)椰汁咖哩雞, 好食到飛起.. 個咖哩汁超級好食!仲有一碟菜, 都係辣辣地, 算tasty的..薄餅, 叫左1個 "新德里" + 1個"芝士",,, ---新德里o個個好好食!! 係甜餅黎的, 芝士本人就覺得麻麻好食--2杯檸樂..對於2個女仔黎講, 其實食唔晒咁多野.. 所以2人餐.. 可以係3個女仔一齊食都OK個餐$178, 加一.. total $193埋單..第一次黎呢到食, 有驚喜.. D野好食.. 下次都會再黎!!

很久以前, 巳到這間印度餐廳食Lunch!! 很久沒來了, 依然好味!!他們的咖喱真的回味,每次去都食得飽飽的!! 白飯次次也吃光!!薄餅也很好味!!印度人很有禮!!!

28-12-07 Fri Dinner8 個人的晚餐, 一位友人從外國回來找個地方好食的又算傾到計的於是揀左呢度叫左薄荷串炸雞45椰汁咖哩蝦60印式咖哩羊肉45鑊仔芝士35白汁芝士薯仔球35串燒鮮魚55果仁咖哩雜菜35北印度特色炒飯40薄荷面粉餅12蒜茸烤餅16芝士烤餅16新得里特式烤餅16皇宮印度海鮮炒飯60烤餅10x3牛油烤餅16x2Lassi 20 x 5 之前去過新特里, 所以想試下呢間食物不逐一評論了反正咖哩汁種種也差不多味道也不能逐一記得記得的是白汁芝士薯仔球果個汁係好正既甜甜地唔辣但好香, 要黎點各種既烤餅就最好不過皇宮印度海鮮炒飯飯炒得夠乾, 海鮮用料十足印式咖哩羊肉一d 都唔酥Lassi 係芒果奶昔, 果味十足 其實擺明係有d 夾硬食, 因為實在叫得多左少少烤餅唔駛叫咁多, 每人$70-80 其實應該都夠食埋單唔記得好似條數有d 錯的, 不過臨走老闆娘送左支香檳都冇所謂了

由中學幫襯到出黎做嘢由初初用英語服務到而家廣東話服務服務依然都係好nice;食完都係果陣香薰味;每次都係叫SAMOSA,nan,薯仔沙律,馬沙拉羊肉燒雞,羊肉卷(多人可以叫雜錦)點好食唔再講啦再叫1,2種未試過的,咁就一餐可惜朋友仔之中,唔食辣唔食羊羶味嘅大把~_~所以朋友飯區無黎過反而係同屋企人食,又食得辣又食得羶都係屋企人最好

為左慶祝朋友生日,上水區又唔係好多好特色既野..朋友話想試lee間好多年架啦..所以就去左試啦..打電話去book左位..o個個男人係講英文既..不過去到之後..見到有個女侍應識講中文..佢既服務態度好好..會主動同你講可以選d咩野咩野咁..d野食都好唔錯架..叫左個4人餐($340)要加一包:~三個咖哩,~每人一個飯/薄餅(飯有白飯/黃飯..不過本人不太推薦黃飯,未必人人接受到)~一個小食(叫左咖哩角(羊肉餡))~什錦燒烤(有雞,羊,豬....)~飲品(芒果奶昔是很不錯的選擇)佢之前仲有個粟米羹既野送的(有dd辣,可能係落左pepper 粉)仲有個好似薯片咁係薄餅..好好味,初時食覺得好salty..之後食完所有濃味野再食..更覺好味..特別推介:茄汁咖哩(好得意的味道,好好味)加得里薄餅本來好似用DBS card有9折..不過佢話壞左機wo..同埋間野一入到去我自己有小小唔舒服..覺得有d怪怪地既味..不能係抽氣做得唔係咁好掛..我地食到約9pm 時,已經無咩人係度食野..真係唔知點解..如果去食..記得訂位..^^

food, especially Mixed Grill, 正!Set dinner for 4 (including green salad, apetizers, crackers, curry x 3, 1 main course, rice/any kind of nam, desserts and drinks), 抵! (也有dinner for 2)service, 好! 雖然是印人, 但懂廣東話呢. 基本溝通無問題!curry 不太辣(可加辣)ps.記得Nam要趁熱食呀! enJOY~ ^^

9個月後的今天相同的角色相同的店舖，我們又再聚首一堂~嘻，值得我為此而感恩今次我沒照相，因為我們又再照舊叫返四人套餐(可參考此店我的舊食評)，但最後我們沒有另叫nann等等…因為各人前往dinner前都各自tea了。其實與上次四人套餐內所揀選的都係大同小異…咁我就概活將兩次的菜式互相比較一下。餐湯：是日餐湯仍係鹹，但沒上次這麼鹹。薄脆—今次與餐湯一齊上菜的薄脆改善了。上次很很很鹹，但今次不但沒這麼鹹，而且還有很多洋葱碎等等鋪面，很fresh！餐前小食—咖喱角保持水準。套餐內我們已揀了咖喱角作為餐前小食，但侍應小姐仍堅持送多我們一客咖喱角~真慷慨！其實餐前小食另有mixed、炸洋葱圈或炸魚可揀。(mixed就唔包括洋葱圈，但當中會夾雜有野菜類)烤餅—因為我們今次唔要飯可揀五款，原味、芝士、蒜蓉、新德里烤餅和手帕烤餅。全部都很美咮，我會由最美味的次序排列…蒜蓉>新德里>手帕>芝士>原味咖喱—我們上次揀了羊、雞、海鮮，今次就叫羊、海鮮、蝦！因為上次食過雞我覺得一般。叫返羊係因為幾位食友都覺得上次的羊很稔又唔羶值得encore，果然今次仍不負眾望keep住；叫返

常常看見這里特別的推介真的很跟著試試....於是今日經過試下Set Lunch 先先泥杯Lemon Juice....吾夠甜~~ 50分頭盤: 燒雞小腿e...好乾, 沒有汁, 難吃主菜: 咖喱牛肉飯60分, 系正宗India 咖喱( 我以前有d India friends ) 但就真系吾好食雖然我十分憎恨宜家香港比d 大集團玩晒...但真系大+樂or 大快活d 咖喱好吃好好好好好多~~~~~埋單仲要加一....唉( HK$48.- + HK$5.- = HK$53.)算~~無下次!!!PS. 不過個Indian Waitress 幾靚女~ hoho

饞嘴的人最終都係因為食而出賣了自己~戒不了口！我想皮膚靚d嘛！...hee 其實這裡的咖喱已嚐過就不用多說...反而昨天在這裡食了羊肉捲芯kabab($45)！另有雜菜kabab可選。都幾得意~kabab用了鐵板上菜！唯獨冇咩sauce...上枱時當然係熱辣辣會燙咀的。食落口kabab的口感更奇異~竟然用上了腸衣包裹羊肉碎。再者整個口感很有芝士腸個feel=即係腸衣的口感韌度夠...但又未至於一咬即斷開！反而咬不斷的同時內裡的羊肉汁會濟出。諗起都正！食後感：叫這菜式首要留意怕唔怕羶！愛羊肉的我真係很愛它的羊味~比起上次在這裡叫的咖喱當中用的羊肉更羶。因為那次咖喱中的羊肉係炆稔過唔太羶，反而之前去旺角食的kebab還要羶過這裡耶！^^v其次今次的kabab一碟約有六條~真係平日我們食的芝士腸size...值唔值真係見仁見智最後此店menu中的kabab與彼menu中的kebab我suppose係同出一轍的傢伙吧！=.="""我都唔清楚e與a有甚麼不同...XD叫埋咖喱角同nan二人共$83