皇宮印度餐廳 (已結業)

難得來到上水,一定要食一點特別的東西.上openrice一search,原來上水除了紅豆冰茶記,還有出名的咖哩星期六這裡有午餐供應(48):小食頭盤/炸雞+ 咖哩雞/牛/羊/魚/菜+ 飯/naan + 凍檸茶/凍檸水很少食咖哩,所以不敢評論是否正宗,不過店員廚師全是南亞人士,應該還可以吧小食頭盤有炸薯仔和烤雞,雞又香口又大大件,相當不錯.主菜是咖哩魚,魚都算煮得入味,不過咖哩略為淡味,完全唔辣,普普通通.Naan有3大塊,不過就較為乾身一點,味道亦相當淡

set lunch $35 有咁既質素算係好抵食!有牛肉﹑羊肉﹑豬肉﹑魚肉﹑雜菜配薄餅或飯薄餅夠熱夠脆咖哩雖然唔太辣, 但勝在夠香份量ok店員都係印度人, 但識講廣東話, 而且好nice, 食完慢慢吹水都唔會趕你走環境都ok, 可能晏晝去比較靜, 幾好feel試過牛肉同羊肉, 兩款都咁好味~!不過晚餐就貴d, 好似要百幾蚊....如果住附近既, 突然想食下咖哩, 呢間絕對值得推介!!

呢間餐廳O係上水區黎講真係特別..佢入面D 侍應都係當地人..間餐廳格局都唔錯..最鐘意就係食佢地果個手帕薄餅..撈埋果D咖哩真係好好食架..薄餅又夠薄..好好!!咖哩好香架，真係同平時果D唔同D..佢地個田園什錦鐵樣燒真係咩肉都有..4個人叫左個4人套餐都食唔晒..餐廳既份量真係好多..抵食!!

一行5 人happy Friday 的開飯局。7 點幾入座…餐廳70% 滿啦！因上次已食過，職員已認得我喇！-_-5 人柴娃娃七嘴八舌~ 職員熱情款待張羅一番。職員體貼，很細心觀察…知道我們為點菜惆悵~ 即很醒目拎另一個六人份的餐牌給我們。無奈我們仍吱吱喳喳自顧討論，因為我們怕六人份量會食剩囉！咦…突然職員又像阿拉丁神燈的燈神咁出現俾我們一個四人份的menu ~ 要咩冇咩！商議後我們即扑鎚。因為唔夠可再散叫嘛！四人套餐大約內容：(共$350)是日餐湯四杯飲品飲品:果汁/白酒/餐茶(我們一個果汁兩個白酒一個印度奶茶)小食:咖喱角小菜：鐵板雜錦燒烤(包括魚、羊、雞)咖喱:自選三款~海鮮、羊、雞(海鮮=魷魚)飯或烤餅(我們三個烤餅搭一個飯~烤餅可於menu自選: 我們要羊肉烤餅、新德里烤餅同蒜蓉烤餅)餐後甜品:雪糕後來我們再另叫一杯果汁、一個普通烤餅同一個白色炸鬆餅…(因為我們五個人得四個飲品，冇理由叫第五個齋睇我們飲架嘛！至於嗰兩個之後點的烤餅係因為未夠飽同仲有汁剩)餐湯不但重香料味，亦都很鹹。(到收碟時我都忍唔住同個侍應講個湯鹹~ 因為佢另附上一個像食蛇羹一樣的薄脆伴湯享用。但無奈同時個

可能係我路盲，同朋友初初去都搵唔到呢間嘢呢！位置少少隔踄~因為得兩個人食dinner，所以都唔敢叫太多亂叫嘢 lu！(阿媽話做人要有衣食架！)叫咗一個咖喱角@3個。好好味耶！餡料係我最鍾意的薯仔，炸得又香脆又唔算油，亦冇一陣臭油”益”味….沾上佢提供的醬汁，正！醬汁有紅綠兩種。紅：偏向酸辣，極惹味！綠：清新。帶有檸汁的fresh，但一陣後有種好特別的香料味…薄荷啩！？叫咗兩個酵餅。(一個普通nann@3件、一個芝士酵餅@3件)酵餅稍油，但我認為可接受。軟綿綿的口感，一撕即開~ 沾上醬汁一流！而後者的芝士酵餅當揭開餅餡會見到極少量的芝士喺當中，所以芝士味不強烈。而我亦都有學整nann 的經驗。落油量真係冇得避，要香口就係唯有咁….同埋畢竟呢個菜係印度同胞們的家鄉菜嘛！當然我會覺得佢地整得更正宗同更好味啦！^3^再配一個咖喱羊肉。羊肉明顯係新鮮貨，好嘢嚟！多肉汁….只係愛羊肉的我稍嫌佢唔夠羶！(事實上冇咩幾個女仔頂得順呢陣羶味)個咖喱汁真係超讚！要豎大拇指~雖然裝咖喱羊肉個器皿只有直徑10cm 咁大，但只要我們兩個女仔拎晒酵餅沾上汁再ko埋d肉就夠了。最後的而且係碗碟所有嘢清晒(包括汁)…

又係果一句, 住上水22年都未黎過呢間野食, 知就知好耐啦, 但一直都比我遺忘左....今次就要試一試呢度既野正唔正...我地叫左洋蔥圈, 印度炒飯, 芝士薄餅, 算容薄餅, 咖哩海鮮, 薯仔沙律....洋蔥圈---唔似一般洋蔥圈, 完全無洋蔥味...不過有好濃郁既香草...好似香草炸粉一樣印度炒飯---個味同d咖哩好似..一d都唔特別,可以唔試芝士薄餅+算容薄餅---我鍾意d乾身軟熟既印尼薄餅, 呢度呢d唔係我果杯茶...太油啦, 食落兩者分別唔太大,比較之下算容應該好d咖哩海鮮---個兜細到真係好離譜!!如果同大食既人一齊食野一定唔夠分(ps.我叫果個係散叫,唔係跟餐既), 味道其實都幾唔錯, 不過以咁既size要成70蚊我覺得好唔值...薯仔沙律---推介!!!我鍾意佢酸酸辣辣咁, 我食到佢完全係有驚喜~食完好開胃....一個字, 正!!!我朋友仲叫左支印尼啤同嘉士伯...味道係點我就真係唔知....不過支印尼啤超細, 要成廿蚊...貴= ="以上大慨3人食量...埋單$260

一間係上水唔起眼的印度餐廳,估唔到咁好食...二人晚餐$180都算ok:前菜- 薯仔沙律: 味唔錯但比較辣主菜- 燒雞: 好好味- 咖哩雞: 都好好味- 雜菜咖哩: 比較普通餐連印度薄餅或飯,我建議叫薄餅因為真係唔錯, 但最好改叫唔同味的薄餅.另外有兩杯果汁或餐飲, 檸檬梳打都好好飲如果唔鐘意個餐d選擇,可以改menu上其他野整體上唔錯,值得去試!

雖然我係o係上水長大~但一直都忽略左呢間咁有水準既印度餐廳......同屋企人黎過一次之後~就愛上左呢度既野食~!!有一晚同兄弟吃晚飯~黎呢度食~~有一個非常開心既經歷~我地叫左......(1)白汁芝士薯仔球--->d薯仔球好特別~口感好似食緊烚熟左既雞蛋咁~煙煙韌韌~~(2)果仁咖喱雜菜--->超鐘意呢個~~d咖喱非常之香~椰香味好重~~裡面仲有蒟蒻~~但大家要留意~佢既雜菜並非我地平時食開既菜~係類似雜豆之類~~(3)咖喱羊肉--->呢個唔係椰汁咖喱~係落左其他既香草黎煮既~~(4)烤餅~(5)新德理特色烤餅--->我既至愛~~因為甜甜地~~我地3個人食食下~透過塊玻璃見到廚房入面整緊烤餅~於是就走上前睇睇~~d 印度侍應好好人~叫我地入去廚房入面慢慢睇~最後仲免費送多一份烤餅俾我地tim~~!!!埋單時~佢見我地食得咁開心~就送我地每人一張VIP card~下次去有9折~~

論水準,這間的確是上水中的最好了平時晏晝,咖哩set係好抵食.30蚊左右假日或想食好d既,可以食常餐set,50蚊左右,有炸物燒雞小件強送.特別係燒雞件,食過兩次都係雞俾,雖然燒得頗乾,但係香料醃得入味,乾中隱隱嘗到少許香濃的肉汁,好吃(這個雞可能不太合大家合味,就個人認為很好),有興趣的話可以點一整份雞來吃.其他食物如燒魚和印式薯沙律(有少許辣),都是個人推薦的.咖哩類推薦羊肉和魚肉.另外,晚飯時段是比較貴的

見到d 食評好似幾好, 就去試下啦!不過覺得都係普普通通咁啦, 叫左兩個午餐, 我食咖哩羊羊味唔太特出, 份量少,只有幾舊仔.... 唔太辣!果薄餅冇味的, 奶茶...真係飲唔出奶茶味... 不過當係印度特式啦, 不過係唔滑的...

我去食lunch學生餐~$27.5食到勁飽~~有汽水,一盤CURRY,一碟薄餅indian waiter好好人

星期日晚和家人到此晚餐，因為有老人家，所以全部order的都是以唔辣為主，選擇是少了些，但味道還是可以的﹗叫了四人餐，吃小食籃已飽了一半，還有湯、三款咖哩、薄餅和飯。真的飽得不得了﹗最好的是咖哩羊，真係香到不得了﹗餐飲並非coffee or tea 而是red or white wine﹗唔飲酒仲可以轉芒果奶昔，是鮮芒果打的，雖然比較酸，但用來送咖哩又是夾得來的。埋單$374，堅決唔收tips.....星期日晚不滿座，算是清靜。

一進去就嗅到大陣香料味道，好明顯離開時會滿身「香」味。我們6時多就幫襯晚市，因為實有很餓。坐下不久就上薄脆，蘸上老早放在桌上的兩款醬汁，愈食愈餓！不過醬汁在桌上不知放了多久，總覺得有點髒髒的…四個人，要了一個二人餐\，一個印度芝士，一個咖哩牛肉，再多要一個薄餅。二人餐\有兩個湯，清清淡淡亦有點辣，雖然普通，但倒醒胃；小食併盤有咖哩角和春卷，春卷還可以，但咖哩角皮太厚，我們都不大想吃，而且下一味菜很快上桌，大家都把它遺忘了；咖哩雜菜抄得很香，可惜有點冷；有個辣辣的雞腿的菜，非常香口惹味，而且做得不太乾，全晚最正；咖哩豬肉，普普通通，有點味；薄餅也有味，而且太乾身，經常要用力「扯開」來吃，即使是點了咖哩汁亦於事無補…難為我最愛的是naan…套餐\還有ice cream，不知是不是home-made？散叫的咖哩牛肉很正，牛肉很「諗」，咖哩汁很香~我吃得最多。印度芝士的醬汁是類似蕃茄的東西，味道很淡，配上沒有味的芝士，完全不對胃口…所以又吃剩了…飲品中的奶茶很特別，加了香料，而且非常大杯，朋友說正，我們也偷喝幾口，不過我想不是每個人都喜歡，始終與平常的奶茶味道大相徑庭。朋友最後還是喝不下，因為

聽細妹介紹呢間印度餐廳都唔錯，所以星期日就同男朋友o黎試試啦﹗set lunch $48 ，都唔錯，有胡椒餅、烤雞、炸什菜，咖哩豬、牛、羊、魚、菜，任選一款，仲有餐茶。我們要了羊和菜、跟飯和薄餅。烤雞好好味呀﹗個樣有d乾、但食落又好嫩。咖哩好香、都幾啱口味。星期日午市好少人，好靜，加上印度音樂，幾異國風情。下次個o黎試試其他菜色﹗

個日我同男友叫左一個餐:咖哩角+ 1份鐵板+ 1炒什菜+ 薄餅+ 咖哩+ 2個甜品+ 2杯飲品 一黎到就有薄脆有兩個汁,唔錯,幾好味~ 之後我地叫左個鐵板豬,味道唔差,不過略嫌烤得乾身左一點點... 炒什菜係有d辣,不過我鐘意食辣,用黎夾薄餅,好食~! 薄餅好厚,佢個外形令你好難放d"咸"入去... 我要左個咖哩羊,d羊一d酥味都冇,又淋,好食好食~^^ 甜品係vanilla雪糕球,令我喜出望外,因為係師傅自己手打o既,帶有一點點冰粒,vanilla味仲好香添!