皇室婚宴 (已結業)

午市點心味道不錯，脆皮燒肉正！份量比其他酒樓多一倍皮又脆。可能地點不就脚所以人流較少容易揾位。職員服務佳態度有善及主動送上免費糖水。又有免費兩小時泊車所以經常去。

衛生熱水壺有曱甴，叫服務員拿開後仍見到佢地用黎幫人加水。服務服務員同熟客傾計，望住我叫佢都唔過黎。食物食物質素一般。環境算可以，有點舊但見到有返新過。之前未黎過，屋企人帶第一次黎就有咁嘅體驗，以後唔會幫襯。

星期一至星期七多勞多得，又到飲茶嘅時候喇，今日去咗尖沙咀試咗一間從來都冇諗過咁好食嘅酒樓，雖然只係叫咗少少嘢食， 仲要外賣， 連佢啖茶水都冇飲過， 但兩樣最簡單嘅食物， 足以證明佢廚房了得，而我叫既兩樣食物，第一樣就係蝦米腸，另一樣係炒麵， 蝦米腸一啲都唔似平時街邊返貨嘅， 條條腸粉入面包含住蝦米香蔥， 煎到脆卜卜， 食落口又唔油膩， 份量十足。 炒麵炒嘅面完全冇鹼水味， 食落口，味道十足重好有鑊氣， 配合芽菜爽脆口感， 味道一流， 最可惜嘅係原來外賣要加錢不過食到咁美味嘅食物值回票價。下次再黎真係要試下晚餐

買外賣搭船食，朋友介紹平價抵食早餐30蚊兩款加飲品，我本來想食臘腸蒸雞飯同馬拉糕，但係冇蒸飯，馬拉糕又要等10分鐘。我地冇時間等，所以食炒麵同燒賣。先講講炒麵，夠味，但係冇豉油味，只係得鹹味。麵夠乾的身，不油膩，食完碗底都唔多油。份量足，夠曬飽。燒賣有三粒，係一般燒賣的材料，有蝦，豬肉同冬菇。肥豬肉唔算多，但蒸得太耐，黃色燒賣皮好濕。飲品可以揀維他奶麥精檸檬茶或者豆漿。我揀咗豆漿，朝早當然要飲豆漿成個早餐好抵食，份量都足夠，趕時間食都好適合。

3月22日, 是我家姐的大喜日子,作為主人家一定會提早預備。宴會前準備既點心小食都幾好味: 我有食炒狗仔粉, 其他人有食雪山叉燒包, 春卷同乾炒牛河.=].等等。以下係宴會主食:-鴻運脆皮乳豬全體：脂肪佔8成,但皮脆。金巢海中寶：其實都係蝦球、帶子同 珊瑚蚝炒西芹加個雀巢。翡翠玉環瑤柱甫：無咩所別。百花釀蟹拑：欠缺口感同味道。紅燒菜胆大排翅：落得太多生粉水,過稠。原隻蠔皇鮮鮑魚：唔入味之餘又好難咬。清蒸大紅星：自來魚, 質量一定好;但最唔明就係開左一刀都可以蒸到過晒火。當紅脆皮燒雞：無食,不過我男友話口感同味道一般。幸福炒飯：無食。雙喜金菇炆伊麵：無食。百年好合：唔起沙之餘都有D過甜。美點雙輝：雙色榔汁糕 同 白兔仔 (我幾欣賞個味道,唔太甜)。合時鮮果：鮮燈一盤。當然食得婚宴餐一定會比D餐廳吹到啤一聲(香港佔80~90%婚宴餐廳都係唔好味)。

今天同事決定去中港城酒樓飲茶.几個月前來過中港城, 當時有二家酒樓, 現只剩下這家.進店時, 尚未客滿, 職員很快安排了大枱再看看今天有何推介吧.以前13元的點心大師推介, 加至每份15元, 增加15%(心想: 通賬真係勁!)金銀蒜肉沫蒸茄子 HKD15 – 無食到順德虎皮尖椒 HKD15 – 無食到鹵水豬腳仔鹵水好入味但豬好似比較大隻, 豬腳皮好厚身, 好結實唔係乳豬果種淋滑五花腩仔燒肉肥少瘦肉多, 唔算肥膩燒豬皮仍是卜卜脆叉燒餐包包好乾身, 尤其是底部位置, 要比多D牙力去咬叉燒餡的原味及質感已被醃料蓋過了.鮮蝦腸粉-又係雪藏蝦的質感, 腸粉唔鞋口, 整體OK燒賣 – 味道&質感與其他酒樓差不多奶黃流沙包 餡料乾左, 唔識流動了! 好在唔太甜!棉花糖拼鮮奶紅豆糕 HKD15好得意的甜品白雪雪的兔仔, 仲要有橙色眼睛及耳仔, 加上表面椰絲, 真係扮得好似但可惜無食到.鮮奶紅豆糕糕底好滑, 唔太甜, 但奶味唔重紅豆頗完整和硬身, 要咬多几下.以前上下二層皆有酒樓, 都是同一集團的,現在只剩下這家獨市生意,附近上班一族&旅客, 都集中在午市高峰期光顧.可是職員人數是寥寥無幾,  希望餐廳

上週於皇室婚宴參加了一場婚宴，地點於中港城，交通方便。大禮堂約呈長方型，有數條巨柱。裝潢走宮廷路線，喜歡與否屬個人喜好。是晚菜式如下：鴻運脆皮乳豬全體：上枱時已放涼了，外皮亦不夠脆, 幸好肉質不算肥。金巢海中寶：有蝦、 帶子、珊瑚蚌等海中寶，選材略小，味道一般。炸釀鳳尾蝦：香口度及彈牙度合預期。瑤柱扒時蔬：普通。紅燒菜胆大排翅：高湯太稠，翅量品質尚可。翡翠蠔皇鮮鮑片：鮑片OK喇，冬菇大小不一。清蒸大海星斑：以星斑來說幼滑度不足。當紅脆皮燒雞：皮唔脆，雞肉中規中矩。幸福炒飯：材料很少，味道清淡。雙喜金菇炆伊麵：無食到。百年好合：甜度適中，紅豆沙「起沙度」不足。美點雙輝：有白兔仔棉花糖及心形椰汁糕，OK。合時鮮果：橙，無食到。最後多謝主人家的招待，並足一對新人百年好合，永結同心！

到尖沙咀中港城行街，見到3開酒樓都係皇上皇集團，就隨便走入一間醫肚，一走入去門面就够華麗，人客就唔太多，坐得幾舒服，布致有像宮庭式的設計但食品方面就唔係太好豉油皇龍鬚炒麵唔係用魷魚鬚而係用魷魚絲，而且麵都未炒開陳村粉蒸排骨、陳村粉太硬

因為附近返工關係, 試過呢度飲茶, 呢度嘅食物不過不失, 上個星期幫襯過, 發覺特價點心9.8 而其他大中小點都係寫.十幾個八, ($xx.8), 埋單睇番張單, 全部變晒整數, 即刻覺得點解咁大個集團, 都要用呢招, 攪到好似女人街賣衫咁......我都見過有d食肆會收齊頭, 但係都會係收銀寫咗, 呢度係冇任何告示寫會四捨五入! 今日落雨中午再去咗呢度飲茶,點知情況都係咁!於是我地同埋單嘅服務員講, 點解會收十蚊, 佢面有難色, 之後就話揾營業經理同我地解釋, 點知番嚟又係佢, 就話係系統嘅問題, 咁我地話連加一都roundup 咗, 咁加加埋埋咪收多咗囉, 咁佢即刻發晦氣話系統佢得改, 我自己攞荷包d錢俾番我地, 我地即刻話唔係錢嘅問題, 係佢地根本冇任何地方話俾食家聽佢會咁收錢法, 我知佢難做, 都係公司政策, 咁咪叫經理嚟。經理嚟到就解釋話係系統新整, 只係識得計整數, 都係用咗兩三日, 我地仲係第一個人投訴。佢最後就話單冇得改, 俾番現金兩蚊我地。其實真係唔係計錢, 我地覺得佢起碼要有告示寫清楚, 咁樣做好似有欠誠信!

是次目的是飲宴, 如果唔係黎食, 真係唔會黎呢間, 因為好難搵~~ 全個hall都係宮庭式裝飾, 但燈光太暗, 搞到我好想瞓覺..............鴻運脆皮乳豬全體：皮脆, 但太厚肥膏金巢海中寶：有珊瑚蚌, 帶子, 蝦仁, 連同西芹炒埋一碟, 用個炸伊麵兜裝住百花釀蟹拑：冇乜蟹味, 個蟹拑好似小兒麻痺, 非常之 "大" 隻翡翠玉環瑤柱甫：瑤柱同節瓜都夠林紅燒雞絲大生翅：好比心機, 落足眼力都會搵到條翅蠔皇翡翠鮮鮑片：鮑片冇鮑味, 冬菇夠厚夠大隻, d生菜多到好似2個生菜咁多清蒸大海星斑：條魚都蒸都幾好, 唔太熟, 但又唔會生當紅脆皮燒雞：個皮好薄好脆, 就咁食雞就冇乜味, 但點埋佢個南乳汁就正好多幸福炒飯：睇落好濕, 食落唔濕, 不過冇乜料, 又淡雙喜金菇炆伊麵：好濕, d麵好碎, 淨係食到蠔油味百年好合：即係蓮子百合煲紅豆沙, 唔算太甜, ok美點雙輝：有心形椰汁糕+棉花糖椰絲白兔仔合時鮮果：橙, 好細個

星期日參加了在尖沙咀帝廷皇宮舉行的婚禮。場地主調以宮廷佈置為基礎，配以大量水晶燈飾，以營造冠冕瑰麗之感。長方型的大堂裡有數根大柱，部份桌子的視綫因而受阻，略有點美中不足。至於服務，則只屬中規中矩，待應們不夠主動細心，上菜時亦令人有「趕收工」之感。說回食物，菜式其實都是大同少異。鴻運脆皮乳豬全體：乳豬放涼了，所以唔夠脆。肉質唔肥，食得健康。金巢海中寶：海中寶有蝦、帶子及珊瑚蚝，配以菜作點綴。和乳豬一樣，餸菜放涼了，「金巢」亦失了脆口感。翡翠玉環瑤柱甫：OK。百花釀蟹拑：可以做得更香口更豐滿一點。紅燒菜胆大排翅：比較失望的是翅湯太杰，影響了整體的觀感與味道。有時心裏都有個疑問，為什麼咁多厨師調教嗰翅湯時都咁重手？！原隻蠔皇鮮鮑魚：鮑魚幾腍幾好食，唔錯。清蒸大海東星斑：果然係大東星斑，條魚真係好大條，而且肉質唔鞋，OK！當紅脆皮燒雞：太飽喇，無食到。幸福炒飯：太飽喇，無食到。雙喜金菇炆伊麵：太飽喇，無食到。百年好合：一般。美點雙輝：無我最愛的中式餅仔，取而代之係西式糕點及「白兔仔」。合時鮮果：大大個鮮燈。都係嗰句，婚宴嘅食物唔重要，最緊要係一對新人幸福開心。再祝他們新婚快樂，白頭到老，恭喜