皇子印度餐廳 (海富樓)

營業中

休息中

呢間皇子印度餐廳幫襯左好多年，食左好多次，食到連餐廳d人都認得我地，因為呢間我覺得係筲箕灣附近印度菜最好食既一間。呢間餐廳係一家印度人自己經營，所以成個感覺溫馨d同地道d。今日食既係lunch，叫左每次黎到必食既羊架，同埋咖喱魚。lunch既羊架係兩件羊架加三件蒜味雞，羊架十分大件，而且好香，一d騷味都冇，肉汁豐富，而且肉質好軟熟，好霖！所以我每次黎都一定食！雞都好大件，而且煮得岩岩好，而且佢用香料醃d雞好入味。佢仲會配埋個咖喱汁，可以點黎食，多個選擇。呢隻咖喱汁係偏小小辣。另外叫左咖喱魚，呢個咖喱汁係偏甜個汁，魚係炸魚魚柳，入面除左魚之外仲有d薯仔，冇咩特別，因為個羊架實在太出色。食印度餐廳必點既naan，熱辣辣，拎黎點咖喱食一流，而且佢仲有無限添食naan，十分抵食啊，大胃王都可以去挑戰！

如果講起印度餐廳，我相信大部份人只會記得x河！但這間隱藏在筲箕灣横街的印度餐廳，在我來說卻正過x河很多！這裏只有26個座位，環境一般，但食物質素ok!今晚叫左2個dinner set! 一個是curry chicken, 另一個是烤羊脾6件！set 包括烤包和油酥餅，而烤包更是任食需加錢。2種汁都是帶点酸味，不是太辣，但正正是這点酸味令這咖哩汁即時提昇，單單用烤包蘸汁已覺很正！羊脾看似很乾，但切開後肉質很軟，有很香燒烤味，再蘸羊脾汁，很美味！最後來一杯印度奶茶，用印度茶葉加了一点薑粒，頗特别！如果喜愛吃印度餐，不妨在這裏一試，雖然款式不是太多，但味道絕對令你有驚喜！

早前去食，原因係被佢排煙風口放出黎既氣味所吸引，個香味好勁因為唔係假日/繁忙時間，所以好快就有位安排咗我同朋友點咗兩款咖哩第一款是瑪沙拉咖喱雞，可惜個馬沙拉咖喱汁唔夠香，而且仲有啲「希」，淨係聞到有胡椒味，比起喺門外聞到嘅香味差好遠，還算好的是雞肉煮得唔算「鞋」。第二款係蕃茄汁咖喱牛腩，瀏覽算係煮得好琳，而家呢10金龍嘅質料來講應援色都有牛肉嘅味道算唔錯，但係有同樣嘅問題，就係啲咖喱汁煮得比較蕃茄汁咖喱牛腩，牛腩算係煮得好琳，而家呢10金龍嘅質料來講仍然色都有牛肉嘅味道算唔錯，但係有同樣嘅問題，就係啲咖喱汁煮得比較「希」，而且完全食唔到有蕃茄嘅味道或者感覺，而個咖哩味同第一款瑪沙拉差唔得遠兩款咖哩都點烤餅，反而個烤餅淨食都唔錯，有小小麵粉香味最深印象係個餐前脆片，好香好脆

太耐無食過印度咖哩喇，當大家苦腦緊台灣菜、上海菜、泰國菜之際，突然諗起細個好鍾意食西灣河恆河咖哩，不過家姐話恆河已經唔ok，反而附近有另一間唔錯嘅，4個人可以叫4款咖哩，諗起到流口水呀🤤～烤蒜子雞件👍🏻👍🏻👍🏻👍🏻雞好腍好juicy，味道係香中帶點咸咸地，係估唔到又幾好味，我忍唔住食咗兩件～咖哩牛脷👍🏻👍🏻👍🏻👍🏻👍🏻咖哩唔辣但非常香濃，足以令我鯨吞咗3塊烤餅😆，主角厚切牛脷我比💯，好味到唔識形容，雖然厚切但一d都唔硬同鞋，又腍又好牛味呀，一兜有大約6塊，必食！～香料羊膝👍🏻👍🏻👍🏻👍🏻羊膝都算多件，有少少羶好好味，肉算腍亦好juicy，香料味道完全浸入羊膝裡面，而外皮焦香帶點香口，推介！～大力菜燴羊肉👍🏻👍🏻👍🏻呢個大力菜有點失色，原因响個較油同稀嘅醬汁度，令整個味道唔夠香濃；反之羊肉好味好羶好腍，配咖哩就會perfect 後記：本來想叫羊卷同羊鞍扒，點知兩樣都無，有點失望😞。另外覺得白飯唔太好味，唔夠乾身同唔係長型，口感差dd。4人共消費: $460

難得中同黎搵我食飯 帶佢去呢間試過都ok既咖哩餐廳坐低又係今晚既夏娃😂😂見啲set dinner 都幾吸引 而且價錢相宜💪🏻叫左個魚咖哩同大蝦咖哩😺上藥快速 大概10分鐘內就上台😮😮😮啲咖哩食落係本身開好左 加番熱飯有一大碟👍👍大蝦係冰鮮蝦 無異味🙈🙈🙈個咖哩汁其實好易入口 送飯都不差🙃🙃🙃味道幾好再加送兩個Naan 烤得不俗香脆而不乾但可怕既事發生了我望到地下有個大小強 爬得好快 😟呢個時候waitress身手不凡地踩死佢 😫😫一個轉身執起條屍拋出門 而我們的胃口亦隨之拋出門外😑😑以後唔會再黎👿👿

第二次嚟呢間印度人主理嘅印度餐廳，真係忍唔住要評一評。地方唔大，裝修唔靚，但店內潔淨整齊。店員全部係印度人，講英文，menu中英對照，放心入去啦！$58-$78蚊一個set lunch，有湯丶有主食丶有小食，naan薄餅任叫任食，即叫即做，呢個係賣點。我地叫左兩個餐，蕃茄汁咖哩牛腩同瑪沙拉燴雞。印度菜香料會偏多，咖哩香濃而不辣，加入蕃茄汁令到咖哩仲甜甜地。牛腩質地腍軟，充滿口感，牛味豐濃。瑪沙拉咖哩由多種香料混合而成，所以味道好複雜，聽說每家食店都有其獨門配方，我就好鍾意呢個黑胡椒味重嘅味道。雞件質地就一般嫩滑，全部已經去骨。小食烤蒜子雞件配幾滴檸檸汁有清新開胃嘅感覺。因為咖哩汁真係好滋味，我地叫左三款唔同叫感嘅naan，即叫即做熱騰騰薄餅鬆軟香口，點上咖哩汁就真係食到停唔到口。

今天到筲箕灣練波，打算提早一點到筲箕灣吃個豐富午餐增增磅才練習😂我和兩位友波友在西灣河集合，其中一人提議吃印度菜，於是便到地鐵站對面的印度餐廳吃午餐。餐廳就在地鐵站對面，很易認。店面不大，充滿印度掛畫，好有印度feel。午餐選擇很多，最吸引是免費任添Naan，Naan放題😂大胃王都一定夠飽。加$15轉了芒果奶昔，好濃芒果味，好好飲呢😋餐湯香濃蒜茸味二份板烤羊鞍扒+烤蒜子雞件同一鐵板上羊鞍厚肉有肉汁👍雞件烤得較乾身，雖不太嫩滑但配上咖哩汁吃很有風味。咖哩羊仔腩咖哩汁香而不辣，羊仔腩炆得軟腍，好入味。薯仔烤餅: 甜甜的，口感及外型和手抓餅好相似。烤餅: 免費任添的烤餅，雖然是任添但一點也不馬虎，烤得香軟，咬落有煙韌口感，沾咖哩汁吃好味。薯仔薄餅: 餅肉夾著粒粒薯仔，薄薄的底面夾著薯粒，好特別。我們並沒有添加烤餅都已經非常飽，飯後已經跑不動😂

比起港島區一些有名的印度餐，這裏的價錢確相對經濟，但不要對食物質素有太大期望。論環境，店內裝修和擺設都充滿傳統印度氣息。職員（非本地人）態度友善，有時會用廣東話迎合我們。而且該晚是星期一，店內客人不多（本身店內只有20-30座位)，環境清靜。點餐方面，餐牌上有SET 選擇(包前菜(Papadum, Curry x1, 無限Naan, Soup, drink))。光看份量，價錢都算合理。無限Refill Naan這一項服務的確加不少分，但論質素，每塊Naan 都很巨型，口感卻偏軟，太多水分。（一定要Refill, 因為每次Refill都一定都即刻整,熱辣辣上台) 對這裏的咖喱實在有點失望。咖喱雞和咖喱羊腩，兩者的咖喱偏淡。羊腩的「酥」味不足，而且太「un」。比較有趣的是前菜Papadum配薄荷Sauce, Papadum 黑椒比較多（如果受不住辣的朋友有心理準備），薄荷Sauce味道強烈，帶一陣酸味，味道猶如伊朗最出名的乳酪（如果喜歡薄荷和破的朋友絕對不能錯過）整體來說，食物質素和份量與價錢尚算正比。如果有興趣印度菜而又考慮價錢優先的朋友，可以一試～

早前弟弟生日 於是出左外面食午餐由於太耐無食咖哩 忍唔住想食番次皇子咖哩 我細細個就尼高佢個名中學係果頭 d 同學成日話好抵食好抵食 但我懶出去食飯一路都無去試過今次終於去會一會佢 佢出名就出名左印度烤餅任食到飽 所以中學是極受男同學歡迎而lunch set 完全唔貴有ard $50 & 78 既餐選擇兩種lunch set 都包餐湯 $5x 既lunch set 主要係咖哩豬，牛，羊，雞 + 烤餅$78 既lunch set 係類似鐵板烤肉+咖哩肉+烤餅果日我地就叫左咖哩雞、牛 鐵板羊、雞 同牛油雞（其實都係咖哩，但第二口味）我個人最鍾意食牛油雞個咖哩味好似一隻薯片味（醒唔起係邊隻）總之就係餸飯餸面包一流 +$28 有個炒什菜 得意既係似日式炒菜既味仲試左個mango smoothie 奶味濃 都幾滑順便一提 餐廳係正宗中東人開（無問咩國家）咖哩好地道同真係好好食 （攞過米之蓮唔知幾星）咁平民既價錢 但食人間美食絕對絕對推介

黎過呢間食印度餐超過5次。一開始食個陣，講緊4年前左右，水準係中等，而當時店內客人亦都多，無論午餐或晚餐時段。時至今日，人煙稀少，仲推出左各樣優惠，有一陣子食係免費refill naan，好似免費添飯咁。當然，評論菜式唔係靠人氣，係靠實力。是次我食晚餐，選左squid同mutton curry（魷魚同羊）。Squid嘅感覺幾特別，我好少食，煙韌得黎易咬斷。🙋我通常叫少辣嘅咖哩底，辣度自己選擇。可惜唔多入味，咖哩同魷魚好似分開左咁。mutton curry重羊味，但整體味道唔夠咖哩香味。羊肉偏老，咀嚼嘅時候要咬好耐。用普通naan蘸咖哩汁食係相當好味，呢間naan偏薄身，每個餐大概3至4塊左右。差少少漏左講湯，係一個充滿豆嘅湯，飲落唔重味精，好特別，唔似我地一般會煲個啲湯。但味道亦唔似蔬菜湯。湯係附送！雖然冇左飲品相，但都講講，我叫左hot tea，男友叫左cold milk tea。佢地所謂hot tea係紅茶，另外會俾砂糖你，有需要就加。但我試過加或唔加，味道都係紅茶，冇分別。凍奶茶味道係紅茶加奶加冰，一樣冇香味，冇奶味。總括，我未必會再食呢間。水準有下降趨勢，咖哩唔係我期望個種香辣

餐前小食，胡椒餅，好脆，比平時食的胡椒味更重，都幾辣，但因喜愛胡椒味，所以不斷食炒雜菜，味道好，椰菜，菜心為主。食印度菜，我一定叫chicken tikka, 呢度叫串燒雞，係用乳酪醃雞再烤，所以肉質特別嫩滑，但呢度既，比一般的更juicy, 更嫩滑，推介，必叫!咖喱羊腩，好嫩的羊小腩，配烤餅一流。值得一讚，叫餐，原味nann可再添加，好有人情味的餐廳。呢度既nann好鬆軟（睇佢外表起晒大泡泡就知），而且個底係脆架!真係好食。另外芝士烤餅拉絲的，超正超滿足!整體都超水準，鐘意食印度菜的好選擇，會再嚟!

親友介紹下黎到呢間地點較隱蔽的印度餐廳，餐廳較細，只能容納約30人，要大枱的話要預早一點攞枱，今次我地10人，6點半家人都到齊，先上餐前小食胡椒薄脆，熱辣辣好重胡椒味好脆，但味道偏咸。蕃茄湯，有香草，味道偏淡，可以落d 薄脆加咸，哈哈…蒜蓉炒雜菜，d菜好爽甜，醬油炒得好惹味。咖哩角，個皮非常鬆化，入面有滿滿既咖哩薯仔，夠香口。薯仔沙律，有青瓜蕃茄椰菜，用酸甜既醬汁混合，好開胃，好清爽，叫左咁多烤肉，一定要叫呢個平衡一下味蕾，正!串燒雞，份量好多，鐵板熱辣辣上枱，用乳酪醃過再混上紅椒粉烤焗，肉質變得更鬆化，保留到肉汁同嫩滑口感。烤羊架，用香草醃過，好入味，肉質夠嫩，油脂味較羊仔柳重。烤羊仔柳，呢個絕對有驚喜，份量多到震，淡淡肉，肉質爽滑，肉汁非常多，必食推介!咖哩羊肉，咖哩味香濃，羊肉夠稔，羊脂膻味較烤肉重，但配可無限添加既千層薄餅，非常合襯。芝士薄餅，包住厚厚可以拉絲既芝士，非常邪惡之物。以上全部叫左雙份，10個人 1300蚊，價錢可以話非常合理，下次會再舉家幫襯。

姨丈話呢度係佢飯堂，每兩個星期嚟一次，今晚我又跟嚟潮聖下前菜先有胡椒角，好脆但幾辣，越食越辣架🌶炒雜菜，主要係蒜蓉炒椰菜同菜心，都幾大碟，好惹味咖哩角，𥚃面有薯仔同少量香料，酥皮少少厚，但好香脆薯仔沙津，除左薯仔，仲有蕃茄同青瓜，甜甜酸酸，好醒胃串燒雞，甜甜地好香，雞肉好嫩滑，無骨又大件最後叫左原味薄餅，一份剪開幾塊，好厚身，少少煙韌，配咖喱汁，甜甜地原來叫左套餐，薄餅係可以無限添加一行十一人叫左4個晚市套餐，都食到好飽

Lunch $53-78四個餐$53。四杯可樂（每餐加$5）。四碗湯。兩個咖哩角（$8件）。一份炒雜菜$28。飯。唔同之前食嘅印度飯。同我地食開嘅一樣。點解唔係印度米嘅？薯仔烤餅。千層餅。任食naan!真心又好食！咖哩羊。瑪莎拉豬扒。咖喱雞。特色扁豆！最中意個咖哩羊。咖哩同羊真心配！兩者都唔會搶左對方嘅味！瑪莎拉係偏蕃茄味！咖哩雞就無咩特別！特式扁豆。加左椰汁。就咁食都唔錯！個餐湯都幾特別。少少咖哩味加埋薯仔蓉。飲完好暖！炒雜菜就太咸了！咖哩角。唔會好厚皮。裡面係薯仔蓉加青豆！同埋可能我地有小朋友。啲野全部都唔辣架！咁多野都係$276。又平又好食！

This is our local Indian restaurant and we come here regularly. It is not fancy, but the food is good and the staff are lovely. The meal offer is around $85 and includes a curry, unlimited rice or naan and a drink.