皇子印度餐廳 (海富樓)

營業中

休息中

夜晚大約8:30去到，好多人已經坐喺度食飯，原來差唔多9:00就已經埋哂單冇晒人。所以食到最尾九點開始就好似book咗場咁食飯，兩個人坐四人枱，餐廳亦好寧靜，正！兩個人，叫咗兩個餐，lamp kebabs 同瑪薩拉咖喱雞。咁首先，落完單即刻先來薄餅、薄荷汁及餐湯。無乜特別，餐湯鹹鹹地常溫，飲落似菜湯其實冇乜特別。再黎左薯仔咖喱角，一碟有三舊，熱辣辣而且入邊都足料有薯仔青豆等等，微幾過癮。等左大約八至10分鐘後，先來咗個lamp kebabs. 同我想像中都有出入，本來以為係平時的羊肉卷，有菜有薄餅夾住。點知，黎嘅真係得五條羊肉卷，當堂笑左出黎。不過食落去外皮少少脆脆地，肉質說乾但有小小羊肉味，都唔差，值得一試嘅。然後到馬沙拉咖喱雞，俾啲咖喱醬蓋住左，單估唔到有咁多雞塊，至少有8-10舊雞，比我之前喺重慶大廈食咖喱雞件仲多少少。由於唔食得辣嘅關係，因此所有嘢都係微微辣，個馬沙拉咖喱雞係甜甜地，配薄餅一流。叫左蒜蓉及芝士薄餅，來嘅時候都熱辣辣，但蒜蓉味不突出，芝士亦未去到拉絲嘅地步。不過因為啲咖喱太好食緣故，好似嗌多兩份芝士薄餅，最後食唔哂要抱着肚子離開，亦打包了一份芝士薄餅， 2人埋單共

星期六，一個人係西灣河找食，行過一條巷，見到都好多人食，於是決定一試。裝修簡單，印度家庭小店，服務不錯。 午餐有套餐點，頗多選擇。 咖哩口味也有多款，有牛有豬有雞有魚有羊，味道很地道，好好味。我點了瑪莎拉豬扒，微辣的咖哩有水準，配上無限添加的印度薄餅和千層餅，超讚！記住，係無限添加飯、印度薄餅、千層餅和薯仔薄餅，好正呀！ 印度薄餅脆口又有𡁻頭，千層餅亦鬆脆可口，我引唔住吃了三客😆非常經濟的食肆，會再去光顧的！

平時同屋企人係太古城食到唔知食咩，都會黎西灣河逛一逛，貪佢多選擇。有一日0係對面間日本串燒等位等到唔耐煩，又見到e間印度餐廳係印度人開，忍唔住要去佢小店一試！唔知係咪母親節關係，間餐廳竟然接近滿座，坐低睇睇餐牌，發現自己對印度菜完全唔熟悉首先叫左杯mango lassi，texture似奶昔，酸酸地ge芒果味，幾開胃（7/10）而我哥叫左杯紫色嘢，我無飲到。Lamb knee masala，之前飲過masala tea，但唔知原來沖茶之外原來e個香料亦會做dish。少少辣又幾香，點naan唔錯（7.5/10)另外叫左燒烤拼盤，分別係魚、雞同羊。我自己覺得魚同燒烤唔太夾，但雞就幾好（7/10）總括黎講，我自己比較鐘意試新野，所以可以一試。價錢亦相對親民。

其實我和家人都是這間印度餐館的常客了，每次家庭聚會都會首選呢度，一來地點方便，就在西灣河站不遠，二來經濟實惠兼好味。叫8個菜平均每人都是大概百多元，晚餐而且是正宗印度來菜抵食不過。店內座位不多，有個小bar枱，建議人多的話最好預先訂座。店員會先遞上一碟小食 - 圓錐型辣脆餅papad，配上酸辣的特色醬汁，十分開胃，不夠可以叫店員再添。另外亦會有是日餐湯，今次是蘿蔔湯，但飲落會有點薑粒，甜甜辣辣幾特別。重點介紹Tandoori Lamb Leg 天多利烤羊脾！必食推薦！羊肉味重而不羶，外層烤成微焦，火候恰到好處。外層塗滿的紅色印度香料及酸奶烤製而成，肉質香口嫩滑，而且充滿肉汁，一試返唔到轉頭。不用擔心成件都係紅色，其實只有微辣，以香料味及酸甜為主。第二款是食唔到辣的我的至愛Butter Chicken 印度奶油雞。味道偏甜極微辛，而且佢既醬汁最岩點naan食由於butter chicken sauce其實已經非常濃味，所以我也只點了普通原味印度烤餅配搭著食。Naan外脆內軟，配他們任何一款咖喱系列都非常好味。除了基本naan，亦有點一客Lachha Paratha千層餅，口感其實類似手抓

平日見到依間印度咖哩人流好旺, 今天經過佢既門口, 唔使排隊播, 再望下餐牌, 咦！set lunch 薄餅無限添食喎！啲價錢都好相宜, 40至50蚊左右! 好, 就入去試下先😎😳咖哩雞- 咖哩微辣帶微酸, 咖哩香味濃郁- 雞肉尚算滑, 分量適中- 咖哩汁濃密度佳, 能掛在薄餅上😳咖哩牛腩- 咖哩汁有牛腩味, 濃郁, 酸味不見了, 與咖哩雞之咖哩汁有不同!- 咖哩汁同樣濃密度佳, 能掛在薄餅上- 牛腩口感佳, 淋身😳普通薄餅及薯仔薄餅- 兩款都是即叫即焗, 熱騰騰！- 薯仔薄餅內層夾有咖哩味薯仔蓉, 有驚喜, 即使唔點咖哩汁都好味😳印度奶茶- 奶味及茶味均偏淡, 沒特別推介

復活節的最後一天，10幾點先起床，落到街已經過了早餐時間11點左右就去了皇子咖喱屋吃可能時間還算早所以不用排隊，佢會有一個餐湯餐湯是溫度很熱的胡椒雜菜湯個人很喜歡喝很熱的湯所以很喜歡，然後我和朋友分別叫了兩個套餐烤蒜子雞件五件這一個套餐雖然比較貴但我覺得他的雞很大肉汁很多而且用鐵板上比較香口，另外一個就是咖喱牛腩，這兩個餐的咖喱汁有濃的味道但是放心一點都不會辣，而薄餅方面我就叫了千層薄餅及蒜蓉薄餅，然之後薄餅其實可以任加，不過加的都是普通薄餅所以我建議大家首一輪可以先吃其他薄餅！

超喜愛既印度餐廳。牛腩，羊肉，雞件都系好撞彩，鞋唔鞋，會唔會太乾水，或者太肥太瘦既肉。但呢間印度餐廳既羊同雞，系件件肉都嫩，唔乾唔鞋，啖啖肉，份糧仲無欺場，勁足料。首先黎左個胡椒餅，偏咸，之仲有餐湯，無乜味既。之後就上主菜蒜炸雞件同烤羊脾，份量勁足，每件都軟熟嫩滑，配埋烤餅，熱軟，有蒜同原味烤餅既，我就覺得原味好皺皺烤餅，同好似麵包咁果隻，都系原味好啲，仲可以無限Fill，其實距預設個份量已經好夠飽。滿足。咖哩汁有啲啲酸味，唔多辣，有少少香料，似有加蕃茄汁。總體肉汁嫩滑最搶分。

到西灣河探朋友後，一齊去食 lunch。朋友知道我愛印度美食，就帶我去見"皇子"。估吾到都幾旺場喎，等左十分鐘左右就有位啦。午市套餐都有多款選擇，可以根據個人喜好選擇不同辣度。50多蚊就有交易，又吾使加一，抵食！餐湯雖然清淡，但味道不錯。剛烤好嘅印度薄餅大大份，熱辣辣，香軟中帶一小點香脆，用來沾咖哩食，無得頂呀。最窩心係無限添加。千層餅好鬆化，帶少少甜，好好味就值得推介。如果同樣任食就更perfect啦！咖哩雞同咖哩羊仔腩都是小辣。咖哩汁香濃惹味，雞肉同羊仔腩肉質腍且盡吸咖啡汁香味，薯仔也是粉腍的。肉和薯仔嘅份量也不少。會再去光顧的！

之前聽舊同事講筲箕灣有間食印度烤餅好好食。難得假日我出到去港島西，就試下呢間啦。我地晏就去到，好好彩有位，可以直接入去（之後d人就開始要等位）。餐廳內座位唔多，大概有30個位左右。得一個識講廣東話嘅印度人負責落單執野。當日叫左一個咖哩魚同咖哩牛配烤餅同千層餅 （一個lunch set $50蚊內有交易，唔錯）。前湯偏辣，咖哩內多料，烤餅可任添，但本身薄餅份量都唔少。千層餅好好食，好鬆化，推薦大家試呢種印度烤餅。整體而言，食物質素好好，建議請多一個人幫手樓面工作。

星期六晚同媽媽兩個人去食,咁啱唔洗等位。已經去到係熟客,間舖啲人已經認得我地。基本上一坐底就會有一人一胡椒餅同印度式嘅湯。一人叫左一個set,佢地嘅印度烤餅同飯都係任食,就算係大食嘅朋友都唔怕食唔飽,每次去到都會食到好飽咁走。我地叫左一個係蕃茄咖喱雞,一個係咖喱繪大蝦。蕃茄咖喱雞就係有小小酸酸地,比較開胃,佢地啲雞肉無論係咖喱定燒雞都整得好好食,啲肉都係滑嘅,唔會整到好老。而咖喱繪大蝦就係椰奶味比較重。佢地啲野一向都上得好快,啲肉都算係多,唔會話成兜都係汁。佢地嘅烤餅都係即叫即烤,咖喱配熱辣辣嘅烤餅真係一流。唯獨係地方比較細,坐得會有啲迫。

食物好好味，Tikka chicken 燒得好香，有好香嘅炭燒但又唔亁，最怕食到舊鷄燒到乾晒。當然要食至愛羊，d羊膏有小小羊羶香味，滿口羊肉的香味，正！最後一定要喝杯瑪莎拉茶，香料十足，未上枱已經聞到茶香。次次都要喝呢杯茶先至走。每次黎都食到飽飽同好開心，因為佢地嘅細心招待，會問味道如何，要加naanbread嗎等等。

無咁易餓瓜-瓜佬瓜嫂印式早午餐之選:瓜佬係懶惰鬼通常放假十點鐘放先起身，而瓜嫂有早食早餐既習慣，成日會有一個夾唔到啱份量午餐既問題，而呢間皇子印度餐廳就解決左呢個問題。咖喱牛腩配薯仔薄餅 $53辣度適中，牛腩ok唔會多渣，薯仔薄餅上枱仲熱辣辣，以50多元價錢算是性價比高，而且值得一提是普通薄餅任食，瓜佬覺得當早午餐食十分超值。Beef Flank curry with potato nan. The level of spiciness is just fine. Beef Flank is ok. The potato nan were served hot! It’s great value for HKD50 . There’s also unlimited all you can eat regular nan ! 瑪莎拉燴雞拼蒜子雞件配千層餅麵包 $78瑪莎拉雞出色，但千層餅就比較普通，瓜嫂形容等級和超市產品相約，以為78元食午餐屬於偏貴，但眼看其他客人都有點special set lunch，看來都可接受。The masala chicken curry taste out

早兩日係昵到睇到d食評講到甘唔錯，今晚冒著大雨都決定黎試一試佢。睇左餐牌一陣，以前通常都係叫紅色個隻鐵板雞，今次就叫左個鐵板蒜鳮試試佢，昧道還可以，只是蒜味可以重一些就更正，但個鮮茄咖哩汁算幾特別，又可揀辣度，而且服務比一般垃圾茶記好。起碼佢識走黎問我食物如何，值得一讚！個人真心推介這家印度菜，價錢又公道，係東區呢邊都算係一個唔錯的晚餐選擇！

今日同朋友去咗筲箕灣新開的嘅皇子印度餐廳食飯本身有食過西灣河分店，性價比很高，由印度人開設的，所以非常道地。今日三個女生所以叫咗兩個一人套餐，和一個小食。因為餐廳有個特色，只要你叫套餐，薄餅就可以任食。一人套餐: 咖喱羊仔腩+千層餅+餐湯+凍檸茶$88咖喱嘅辣度有跟據香港人嘅口味嘅調整左，所以好啱香港人口味，唔會太辣，但係非常香。羊仔腩嘅軟硬程度非常之適中，唔會太老，配合咖喱超好味！烤餅之中，千層底係最好味的！必選！好味指數：7/10一人套餐:炭燒無骨魚(6件)+咖喱汁+烤餅+餐飲+餐湯$98炭燒無骨魚非常之有驚喜，炭燒完後以為會好硬好乾，但入面嘅魚肉非滑，而且調味調得剛剛好。呢個真係no.1必食好味指數：10/10 香炸雞柳$68 我哋叫多咗一個小食，呢個雞柳亦都非常之好味！但係我諗唔係印度嘅一個特別菜式，只是迎合返香港人嘅口味。但係配上咖喱汁，又會非常之好啊！總括來講，皇子印度餐廳，由正宗印度人經營嘅小店，非常之有心機經營，煮嘢食都非常之有水準同用心！最重要烤餅可以仼食，而且連咖喱汁都可以在encore，真係抵讚抵讚！

早2年去過呢間餐廳食都覺得唔錯最近在筲箕灣開左分店 (因為openrice未有分店資料唯有係呢到打食評😂)分店位置就係之前金記(唔知仲有冇人記得呢)個位一入到去，d員工都係印度人可以用簡單英語溝通 (body language最緊要😂)我比較早到，一入到未叫就有野食😜有少少淋左不過味道幾滋味加上薄荷汁幾清新之後就黎碗餐湯 酸酸地幾開胃是終於人齊 可以點菜喇呢到既一大特色就係Naan同千層酥餅任食呀(逢叫套餐)但呢到既Naan較淋身 左邊Garlic Naan沒有蒜蓉味且甜右邊係千層酥餅味道好過Naan呢個真係極力推介用好多既香料去醃雞 之後炸到脆卜卜d雞肉仲好嫩口 味道好香又不會太咸呢個都極力推介一上到烽煙四起 香噴噴同上一道菜一樣用香料醃過 不會覺得腥呢個菜最欣賞之處係用鐵板上“渣”完之後鱸魚都係咁嫩口加上咖哩汁又另一番風味 (仲可以refill😂)呢個比較上較遜色 肉質有d“鞋”口痴牙 而汁較少總括來說，真係抵食的印度餐人均消費: 大約100位 (我3個人食左$296)p.s.個到既員工真係好nice 有個叔叔(腳有d拐下)見到有人係門口望就會9秒9拎住傳單衝過去👍好勤力附上晚餐套