皇后燒烤 - 盛宴BBQ (已結業)

天氣開始轉涼，BBQ就系最好的選擇！今日為咗慶祝好朋友生日，特別去到位於佐敦站附近的燒烤皇后，一邊燒烤一邊慶祝。不要以為燒烤餐廳好遠好難去，其實一出佐敦地鐵站，行大約10分鐘就到了上到菲律賓會，店員為我們選了個看到街景的位置，看到對面的網球場，安靜的街景，十分寫意，在燒烤場坐足一晚亦不會覺得焗促，食是要自己夾的，食物種類比一般的多，海鮮類有蝦，扇貝，生蠔，青口，多春魚等等...還有甜品，有小蛋糕，Jelly芒果布甸，Salad凍肉等等，肉類方面非常齊全，由雞翼去到扒類都有。飲品種類有很多，我和朋友就選了烏龍茶和碧螺春綠茶來喝。還有掟標，街機任玩，適合一大班朋友來玩和輕鬆，不怕悶！餐具都是獨立包裝，非常乾淨衛生。店員會主動幫你開爐，很細心~餐具是全新的，用厚身膠盤、厚身膠叉，大風都唔會吹跌呢，醬料有蒜蓉，牛油，醬油等等，客人可以自己蘅量需不需要醮上醬料。開始燒烤了！肉類新鮮有肉味，調味得非常好，不需要加其他調味料都十分夠味，食完都不覺得口渴。至於海鮮類方面，一樣都十分出色，特別推介扇貝和靖魚。扇貝味道就像去食日式磯燒放題的扇貝一樣鮮味甜美！特別推介彈牙爽口的海中蝦！很快就清光光，手快有，

呢排真係涼咗好多，除咗打邊爐之外，bbq相信都係唔少人嘅選擇，咁啱朋友挑起條癮， 提議一齊去燒嘢食。不過如果要自己準備食物，又買埋炭，都真係幾煩， 加上郊野公園實在有啲距離 ，要就齊咁多人， 選擇市區嘅燒烤場就最好不過啦。 一來方便以來唔使自己準備，二來收工就可以即刻去食，實在係懶鬼嘅必然之選。上網見到佐敦嘅菲律賓會原來有燒烤場， 睇啲評價都似乎唔錯，朋友提議一試。適逢weekend，當日都全場爆滿，非常多人，好彩我哋有訂位。場入面有唔少嘅遊樂設施，就好似足球機、飛鏢機、遊戲機都有，有得食又有得玩。飲品選擇都似乎唔少，仲有唔少我最鍾意嘅韓式嘢飲，而朋友就選擇鬼佬涼茶啤酒，貪可以下下火。為食鬼嘅我哋，就梗係第一時間去睇下有咩食啦，凍櫃入面有唔少嘅海鮮同肉類選擇，就連生蠔、帶子、海蝦呢啲貴少少嘅食材都有，夠曬豐富。一般嘅牛扒、豬扒、雞翼就唔使講啦，仲有好多款嘅菇同蔬菜， 加埋冷盤甜品都有，就好似沙律、啫喱、布甸等。好貼心嘅係仲有唔少醬料選擇，除咗一般嘅蒜蓉、牛油、豉油等，仲有麻辣油、黑椒汁、咖哩汁， 無論想點混醬都ok。與此同時有職員幫我哋開埋爐，個火set得靚一靚，拎完嘢食埋位就燒得。

市區其實都可以BBQ 今日去左poly 附近燒秋高氣爽最啱就係BBQ正呀去到有人幫你開爐超多野食呀!!!!乾淨又衞生食物種類多入面有個室內場比人休息同拎野食飲品櫃 大把選擇仲有啤酒飲嫁仲可以玩飛標可以滿足大大小小呀重點呀老闆cut 好左石紙可以包菇包蕃薯呀仲有個箱仔可以放個人物品好窩心呀我係懶既代表冇人叉燒呀放曬係度😆😆有價錢比大家睇下燒野食要做會員手續非常簡單同埋免費嫁有蜜糖又有紙巾食物盒分黑色比你拎野食白色比我食野

係市區BBQ的確係第一次，有一番的風味以及感動～原來係咁急速的城市中，停下來，享受一下與三五知己一齊來個BBQ，是多麼的令人感動～整個燒烤場以開揚式設計，大約有6-7個爐，抬頭就可以看得到城市的話樓大夏，食物款式都算多，基本上丸類同肉類應有盡有，的確係抵讚～燒雞翼，我地當然鐘意食啦～同大家分享個我地最愛食法，將牛油塗上金針菇之後，用錫紙包住來燒，真係超級超級好食呀～～～如果想慳水慳力BBQ，當然可以向職員購買一個燒烤網，$30除返開我地一行三人都完全唔貴，放野食落去，好快就有得食，當然前提係你要有個看爐的知心好友啦～我真的很喜歡這種在市區BBQ的感覺，如果你都想享受一下這種感覺，我推薦這裡，不妨一試～

秋風起，朋友們都 議論紛紛說商量去邊度 BBQ,去openrice sewrch到呢間在佐敦的！伊利沙伯醫院行過少少就到，地理位置超方便！最重要的是唔使買辛苦買食物！去到比入場費計人頭就可以了！超方便除了BBQ外，還有 mini game可以比大朋友小朋友一齊玩！娛樂性十足任飲任食~食物選擇仲有海鮮供應~可以燒生蠔，蝦，帆立貝，青口等等海鮮！有工作人員起爐~之後加炭都係包哂的！！所以幾似出面咁加炭又要比錢，飲品又只包2瓶咁，咁樣乜都包哂玩得開心好多餐廳提供食物種類都幾多！！真係唔錯，肉類醃得好入味全部任食，啤酒又任飲！岩哂一班freind燒野食

秋高氣爽, 又係BBQ既好時候~身為大埔人, BBQ多數都係入大尾督D燒烤場.但住市區既朋友發現左呢個新大陸, 咁就唔洗山長水遠入黎大埔~而且交通都算方便, 我地O係佐敦站行15分鐘左右就到, 係個幾好既BBQ選擇~6點左右黎到, 天色好靚.提供既用具都好齊全~店員幫我地透爐之際, 我地就拎埋個黑色膠盤入室內拎野食喇!野食種類好多! 亦有D甜品同沙律~野飲都係任飲, 仲有韓國飲品提供tim呀!愛酒之人又可以試下紅白酒~室內都有幾多野玩. D小朋友都幾鍾意玩足球機,唔怕佢地食飽周圍跑~ 野食櫃旁邊有個醬料bar, 有牛油、蒜蓉、豉油、咖哩汁、黑椒汁. 可以自己整牛油蒜蓉多士呀~亦可以O係呢個位拎埋燒烤叉~呢度亦好貼心地準備左D錫紙, 非常好!拎好哂野食返返個爐, 個爐火起得好靚~開始BBQ!爐面有個烤架可以放上去燒~但始終都係鍾意吉住野食自己轉下轉下咁燒XD野食方面, 呢度既醃肉都醃得幾好食!另外, 爐下面有個兜兜, 可以自己去指定位置拎炭再加Overall, 非常滿足的BBQ! 野食好食, 而且refill得快~地方唔算好大, 但同朋友自成一角都好enjoy~

朋友介紹下知道原來佐敦都有優質BBQ勝地。呢度有個好嘅地方就係可以任飲，平時去開嘅燒烤場只有一兩罐免費飲品，真係第一次見有任飲。 你睇下個雪櫃幾多唔同款嘅嘢飲。如果覺得熱氣，飲個鬼佬涼茶又得，連紅酒都有！BBQ場環境寬敞，享受住秋天嘅涼風，十分寫意。 上面仲連住個草地滾球場，好開揚。唔好以為冇人嚟，因為我地最早入場咋，今晚全晚爆場架。呢到有個豪華型配餐櫃俾你自助調味，工具設備十分齊全，網燒又得、用叉燒又得，而且仲有錫紙，平時去開D燒烤場又係要自己再買。食物種類繁多， 丸、扒、腸仔、蔬菜都應有盡有，而且都醃得好入味。 食飽仲有甜品填飽你另一個胃。識食緊係自製BBQ三文治，脆底面加JUICY豬扒。另一個值得欣賞嘅係有紫薯，紫薯味十足又甜，真係唔多地方有。最後大家緊係捧肚而歸，值得留意嘅係星期五同星期六有宵夜時段，可以燒到凌晨兩點，啱晒啲夜貓。

今日放工嘅時候經過佐敦，見門口有個大招牌、係市區都可以BBQ嘅、就入去問吓、一個人大約二佰零蚊、任飲任食、又有遊戲机玩、見悶悶地一條冷就係度自燒自飲、別有一番風味、又有歌聽、走入去揀左啲蝦、菠蘿、栗子、雞亦、慢慢燒，最緊要係啤酒、燒咗啲嘢食、搽啲醬汁、味道ok嘅。燒到十点幾到走人。

平時燒嘢食多數都會去郊區， 或者偏遠地區元朗、大欖等等遠離煩囂嘅地方，搭車都坐咗成個鐘頭。今次有朋友提議不如去油麻地嘅皇后燒烤BBQ，九龍區都有燒烤場，咁又不防去去探過究竟，睇下環境， 設施及味道如何。燒烤場就在油麻地京士柏街，由地鐵站行過去都係15分鐘左右，十分方便。佢哋嘅BBQ燒烤自助放題每位$228，8位送1位，呢個價錢又幾合理。自助放題食物種類都很豐富，有海鮮包括：扇貝、青口、生蠔、蝦等等。至尊皇牌推介有半殼法國青口、 南非生蠔、澳洲一口牛粒、紐西蘭羊架、原隻大蝦蒜、蓉扇貝及蜜汁豬頸肉。而我就最鍾意食澳洲一口牛粒，一口一粒，燒一燒唔駛半分鐘就可入口，肉質彈牙，仲keep到有肉汁，水準不錯。另外仲有原隻大蝦、蒜蓉扇貝及南非生蠔，海鮮類都新鮮甜香，除食一口牛粒之外，燒海鮮都可以令你值回票價。除咗至尊推介仲有食物種類超過50多款，其中有幾款唔同味道雞翼，豬、羊、牛、雞、腸仔、蔬菜及肉丸， 任食甜品沙律吧，飲品有好多選擇，而且啤酒仲任飲架。 真係可以講話應有盡有，好似成個超級市場搬咗入去咁， 非常壯觀。唔只食物同飲品咁單調，佢哋仲有其他娛樂設施，好似有唔同街機同飛標機可以玩添呀～唔只抵

早前在此平台看食評消磨時間時，無意中看到油麻地有個燒烤場，評價也不錯。剛好這幾天秋風起，便決定和朋友來試試。到埗時已有2-3枱食客在開餐。筆者大鄉里，今天才知道原來香港有個菲律賓會，裡邊還有一個燒烤場和其他餐廳（有盆菜吃的）。燒烤場內放有飛標機、足球機供食客玩樂。場內又放有紅白酒任飲，任食任飲又任玩，看來是大伙兒聚會的好地方。食物種類尚算豐富：海鮮、雞牛豬類、丸類和蔬菜都齊備。除此以外，還有沙律和甜品杯供應。飲品自取任飲，但若再增添多幾個選擇會更好。職員會給予開爐生火，但其後加炭就由食客自行處理。待火生好後，筆者和友人已急不及待把食物放上燒烤網。如需更換燒烤網則需額外收費。（職員當時未有給予筆者燒烤叉，故未知原有價錢是否有包燒烤叉。）先來個海鮮類大集合，其中扇貝和大蝦都是燒烤場的至尊皇牌推介。扇貝略嫌蒜蓉味不夠濃，大蝦則還好；反而魷魚給咖哩汁醃過後，惹味非常，值得再encore 。光是香腸就分了3-4種，筆者取了平時當作熱狗腸用的法蘭克福腸。香腸外皮燒得脆脆，加上蜜糖後，平凡的食物也變上菜。丸類比較特別的有香芋魚丸。除了有一般識知中的魚蛋彈牙口感，還有芋頭的粉感，頗為特別。另外潮洲牛丸

星期日晚約左朋友嚟呢度BBQ，位於菲律賓會天台，位置遠離鬧市，但交通方便，份外清靜舒適☺️場地室外為燒烤區，室內係食物同埋遊戲區，人流唔會太多，好鬆動。食物任食任飲，燒到11點都得，好盡興😍 有足球機❤️鳳凰鏢機❤️仲有零食，醬汁，酒可另購，貼心方便。 除左食材之外， 仲有沙律同甜品提供，小朋友大愛😍仲有番本海鮮類，生蠔，帆立貝，蝦，青口。全部都有冰底雪住，refill速度快，保證新鮮同埋一定有得食😂丸類，蔬菜類同肉類多元化，推介魚旦同埋一口牛，非常彈牙同埋入口即溶。下次再同朋友BBQ 一定會再嚟呢度，唔使自己搵爐透爐，又唔使自己買野食。 超方便!!

又到左約朋友燒烤嘅日子喇，每次一到bbq，大家又會煩惱要去邊度喇，我地住市區，就梗係唔想去到太遠，以往多數去開一兩間，但係人都知果兩間好受歡迎，所以今我地試左呢間。皇后燒烤喺衛理道，佐敦何文田之間，我地落左地鐵行過來，都要大約十多分鐘。呢個場唔算好大，就喺菲律賓會。燒爐數唔算多，加上招待會員，十分建議訂位，特別係假日，都幾full下。呢度夜晚時間，平日228蚊位，另加一，任燒任飲。我地神早來到，坐左喺最入面嘅位置，職員好快幫我地開爐。呢度係任食形式，每枱已經安排好餐具、蜜糖，咁食物就自取，款式都比我想像中多牛扒、豬扒、豬頸肉、丸類、金沙骨、腸、雞翼有三款，包括沙薑雞翼、蜜汁雞翼、蒜味雞全翼，另外有魷魚、蔬菜、多春魚、波羅等等。基本上都好齊全，料亦都fill得快，幾有效率！不過提一提，佢地醃製唔算好重手，所以D野唔會好重口味或者好濃味，有好有唔好啦。至於海鮮，有南非生蠔，唔係好大隻，但幾新鮮，拎左兩輪，加D蒜蓉燒，都幾好食。另外有羊架、青口，仲有扇貝，都算唔話得。方包亦都係我地好鐘意燒嘅，查到滿哂蒜蓉、牛油，正值得一讚，佢地仲提供錫紙，咁我地可以自己包下菜、金菇，唔錯蜜糖方面都比較淡D，

天氣開始涼了，係同朋友BBQ嘅好時機😍😍朋友book左呢任食任燒任飲任玩都只係$268~ 平日會再平d添🤗一去到店員即時安排座位同起爐~ 方便快捷👏飲品款式眾多，仲有紅白啤酒任飲，紅酒有果香，香淳😋醬汁俱全，可以自醬蒜蓉包，菜類同菇類等~ 生蠔size好大隻😍可自己加入蒜蓉，海水味好濃，入口即溶又creamy😋蝦都係大大隻，接近虎蝦嘅size，蝦身彈牙唔痴殼。大帶子，同樣彈牙無沙，加入大量蒜蓉同辣椒豉油一齊食，好正斗，回本速度極高😬要留意嘅係以上海鮮都係任食架😬仲有大量丸類同埋肉量任君選擇添。

天氣又再涼多啲 一班勁鐘意BBQ既朋友又出動啦今次依個場地係朋友搵番黎既~ 😆我地係佐敦落車行過黎大概15分鐘到 都唔會話太遠不過位置就有少少入 可能要搵耐少少啦~一行到門口其實就有好大個牌係到 一睇就知依到係BBQ既上一樓既平台就係BBQ 既場地因為我地係星期五晚 計埋加一就係$294.8一個人室外既地方係BBQ場 室內既地方就係攞野食呀攞醬汁呀, 有標機既地方醬汁下面有個櫃仲會放左消毒完既燒烤叉 唔洗自己隊落個火到燒~ 好方便!🤤野食種類都多咖~ 由沙律 前菜到甜品都有😉燒野食又點少得丸呢😍特別推介白魚蛋~ 真係超級好食好彈牙爽口, 仲好新鮮添絕對唔會好似出面既擺得太耐會有霉既感覺我自己一個人都食左十幾粒呀🤤另外羊架亦都非常推介~😍本身啲肉就醃得好入味 而且一啲都唔騷我地就咁擺係個架上面燒都已經好好食咩調味料都唔洗落呀~飲品選擇都比出面既多~好多韓式飲品, 同埋係任飲咖!!最估唔到就係佢連海鮮都有🤤🤤🤤對於蠔呀青口呀 我地一樣擺係個架係到燒好快就有得食而且啲海鮮都幾新鮮添呀~ 👍298有咁多野食仲要全部質素都唔差咖仲有紅白酒任飲添 其實淨飲都抵曬🤪同埋見到依到都幾多人黎燒 如果下次

同幾位舊同學出左去油麻地BBQ，地點都幾就腳，而且又在市區，方便大家收工後直接出黎。始終燒烤場在市區，所以爐唔會有太多，如果想穩陣d可以打電話book，入面仲有其他野可以玩下，例如有部街機，同埋飛標機。海鮮有扇貝同蠔幾吸引，肉類有好多選擇，亦有疏菜沙律可以食。甜品有芒果布甸同啫喱，芒果都整得幾好味。開始拎野食準備埋位開始。羊架唔錯有羊羶味兼厚肉，燒到岩岩好冇血水，帶子燒完係有少少縮水，但一樣咁新鮮，最重要無，燒烤點可以唔燒雞全翼，好正，同埋各式肉類都醃得好入味。食返少少菜平衡下先。$228一位，另收加一服務費，哩個價其實唔貴。