皇后燒烤 - 盛宴BBQ (已結業)

原來菲律賓會是可以BBQ的! 朋友星期日帶我去才知道~ 由佐敦站行10分鐘左右, 中途看到有印度會~以為菲律賓會是很多菲律賓人, 誰知都是香港人在BBQ~ 不是菲律賓會會員, 朋友好像要墳一份表格就可以秋風起正好去BBQ!! 以後除了九華徑又多一個選擇除了起爐, 其他都是自助式的, 食物除了大路野, 有丸, 海鮮,扒, 雞翼,麵包等, 竟然還有沙律, 栗子, 飲品任飲紅白酒也是任飲~職員把錫紙剪成一塊塊, 自己包食物, 旁邊有調味料, 大量牛油及蒜蓉海鮮有扇貝, 海蝦, 蠔, 青口, 多春魚等, 扇貝很新鮮, 蝦夠晒大隻!!肉類我主攻雞翼雞翼及雞全翼都有不同口味~其實我最愛是"大啡菇" !!! 用錫紙包住, 加少少牛油和鹽, 燒完後勁Juicy!!!!最估唔到是連栗子都可以燒!! 第一次~晚上都有少許風涼涼的~ 十分舒服~ 地方方便約朋友~

秋風起, BBQ係一個好好既選擇, 坊間有好多BBQ場整好晒D野比你燒, 但位置多數係新界區,今次係朋友帶我黎位於佐敦菲律賓會既皇后燒烤位置真係冇得彈雖然係菲律賓會, 要會員先入得, 今次都係會員FD帶我黎, 但原來街客只需填份FORM就入得, 下次我自己黎都得BBQ有海鮮, 所有肉都齊, 價錢都算適中入面環境都唔錯, 爐同爐之間隔得開, 有私人空間, 而且都係香港人黎多, 唔係只係菲律賓人黎得既!超級多選擇, 海鮮有扇貝, 蠔, 大蝦, 青口, 肉有豬牛羊, 各式丸, 仲有沙律, 甜品, 我要有兩個胃先得呀!好多汽水啤酒都係任飲的!仲有唔少野玩, 但呢D係另外收費的扲左好多唔同既野食呀!牛排唔韌! 腌得幾好味；而蠔同扇貝雖然細隻左D, 但都幾鮮甜；而雞翼係我最愛, 歌都有得唱, 燒雞翼, 我自細鐘意食!總結, 位置真係超方便, 環境食物都唔錯, 岩晒一大堆人一齊黎又食又玩呀!

住九龍既人終於有個屬於市區既燒烤場啦，係佐敦地鐵站出行十五分鐘就到啦。寫住菲律賓會咁就岩啦，入黎個陣一度誤會自己去錯地方星期一至四自助燒係$228一位，閒日燒夜D都唔怕，返屋企的確方便懶人BBQ⋯以前都好鍾意用燒烤叉篤住燒⋯但燒一轉花多長時間啦，有個網就差好遠啦基本既BBQ食物呢到都有，海鮮，豬牛羊雞魚⋯蔬菜，丸類⋯而肉類既都醃好晒，蜜糖都唔洗加已經好好味，我特別喜歡多春魚，雞腎，金沙骨，豬頸肉仲有一個買點係佢酒水任飲，其他燒烤場都係包一支野飲，我呢個晚上都飲左三罐野飲仲有玩樂設施，小朋友怕悶可以玩下足球機，仲有大人岩玩既標機去廁所時經過呢個位見到佢呢到仲有紅酒白酒都係任飲，因為比較入既地方，大家要留意下啦

平時成日去郊區B或者去美孚，又悶又遠今次介紹返近市區既盛宴BBQ啦～地方不大，但勝在方便，佐敦站出行10-15分鐘就到食物🍢種類超過20幾款：幾款唔同味道雞翼，豬扒、牛扒、六七以上款丸類仲有海鮮有生蠔、蝦、青口、元貝、魷魚（仲fill得好快）仲有任限野飲，又有啤酒飲🍺玩樂方面有唔同街機同飛標機可以玩添啊有室內室外，唔怕熱得濟/無位食野.超級方便，唔洗拎到一袋二袋去BBQ一位都係二百頭，唔算貴佢有埋燒烤網、蜜糖、甜品提供！一定會食到飽飽，但記住要book位先因為日日都咁full，walkin好大機會無位！

上星期經過呢度，聞到好大陣BBQ嘅味道，先記起原來而家已經係秋天啊，又係時候去BBQ嘅季節啦，但係諗唔明就係點解喺衛理道會有BBQ味呢，咁我就搵咗一陣間都見唔到附近有BBQ嘅場喎，抬起頭一望，原來個BBQ場就係我頭殼頂今日終於抽倒時間過嚟啦，呢間BBQ場就喺菲律賓會入面，環境非常之好，唔似其他BBQ場咁樣會焗住啲熱氣，因為外圍來講都算開揚嘅，而且唔算太多位，所以唔會有好多人同你一齊逼，建議黎之前都係book定枱會好啲由於我哋一早book定枱嘅關係，所以呢度已經預先set好咗個爐同埋安排左張枱俾我，然後店員就好好咁樣幫我透好過爐，呢度嘅食物選擇都好多佢話有50幾款唔同嘅食物不能盡錄，如果見到呢度比較多人食嘅係海鮮，我見佢有生蠔，扇貝，同埋好大隻嘅蝦我見隔離幾台都係10幾人過嚟一齊BBQ，氣氛好好我自己唔係太鍾意食海鮮，咁就食下其他嘢啦，佢呢度嘅豬頸肉，同埋雞翼都餣得非常之好食除咗食物之外呢度嘅飲品都係任飲嘅有得食之餘仲有得玩，佢呢度有部街機啦，足球機啦，仲有鏢機

作為新界人既我，黎到佐敦，要 Google 帶路先識去衛理道，其實係伊院附近。這地區別樹一格，靜中帶旺。菲律賓會建係小山腰上，比路面高左一層有多，私隐度高，係度攪婚宴都 okay wor.呢度係任飲任食。行到黎都口渴，即刻攞野飲。花多眼亂，仲要多數飲品未見過。呢度係酒吧，梗係啤啤佢。呢罐FiLight 小飛象啤吾錯，有花香味。hite 吾使試啦，其餘2款啤酒都 okay。職員起爐既時間，攞定野食。丸類肉類選擇都幾多，雞豬牛每樣都有兩三款，腸仔丸類都有幾款，海鮮亦有數款，瓜菜有幾款，甜品有三款。燒烤黎講都算齊。全部放係一個三趟門大雪櫃，每次只可以一個人夾食物，雖然今晚滿座，其實都係5－6枱客，每次攞野食都係見一兩個人，都吾使點等。我地最鍾意食既係自己整既娃娃菜包，調味區有好多醬料，我用錫紙包住娃娃菜，加上牛油，蒜蓉，鹽，孜然粉烤焗。正😋大家吾好咁夜去，雖然海報寫任食至12點，但10:30已開始收拾。