皇后燒烤 - 盛宴BBQ (已結業)

秋天涼涼地同屋企人去bbq,唔想去郊區長途，又唔想去到元朗果d焼烤場咁遠，佐敦呢個bbq地方係個不錯嘅選擇！燒烤皇后bbq!媽咪話比較鍾意日頭燒野食，我地早到，食客未多，都好吖，多d空間！我地黎到，有個叔叔立即幫我地透爐，叫我地入去拎野食先！入到拎野食嘅地方，入面有冷氣，有seat位，夏天黎都唔怕熱溶，而且有機打，足球機同掟鏢，一班fd黎玩下聚下都唔錯。飲品任飲又幾好啵！我先前去d焼烤場只係派張飛仔限換一個野飲喳，實唔夠飲架，又唔俾帶入去，之後咪焗你喺入面買lor,呢度任飲就可以暢快d喇！啤洒，汔水，果汁，水，好多選擇！我鐘意自助夾野食嘅形式，鐘意夾邊件食邊件自己揀，份量又可以自己控制，而且喺個有門嘅雪櫃衛生d!海鮮！有蠔又有扇貝同蝦！盤盤個様都好靚仔，金沙骨，牛粒，雞翼，羊架，丸，漢堡扒，蔬菜，菇，水果，蛋糕⋯四十幾款野食！放靚靚影下想打下卡先！夾好野食開始燒lu!我個攻略係先燒海鮮冇咁膩，一開波食太多肉怕快飽左！回本item!羊架呀！老爸食左好多件，哈哈！我自己都食左好多燒蠔，媽咪大讚d野硽得好食，咁啱天氣又涼涼地唔曬，一家人燒野食渡過左一個開心嘅星期六！

難得搵到一班志同道合既bbq同伴，事隔左成一個月咁耐無燒，當然要約出嚟燒個靚嘢食今次為左就大家咁多人返工既地點，所以都揀個算係中間既位，就揀左依間上到去個場唔算太大，但爐與爐之間隔得好遠，燒得好舒服秋高氣爽既星期五晚full booking設備都好齊全個場分室外同室內，室外就係燒烤爐啦，室內就係拎嘢食同有嘢玩，都有位比人燒完坐係冷氣地方食嘢飲有好多選擇，單單係韓國牌子都有差唔多成十款，依到仲可以任飲啤酒足球機掟標打機依啲都齊晒最正係除左有牛油蒜蓉依啲提供之外，連咖喱汁啊黑椒汁啊鹽啊豉油啊依啲都齊晒依到仲唔會規定一人一枝叉，可以比人左右開弓繞場一圈之後，終於到睇嘢食海鮮有蝦有蠔有帶子同青口燒烤場既海鮮通常都要額外比錢，但依到都可以任燒肉類同丸啊腸仔方面，大路款式都齊晒，連較少見既都有埋，真係好多選擇好鐘意燒腸仔既我見到有法蘭克福腸真係覺得太正諗起燒到個皮脆卜卜，然後搽蜜糖，真係不得了就算係我唔鐘意既蔬果都比出面多款式依到仲會有埋沙律同甜品真係好多選擇大家都肚餓，所以第一輪都唔算拎左好多，就已經開始燒有個架方便燒海鮮加左蒜蓉去燒，真係正我都急不及待燒我既腸仔依到真係算多特別既食物燒連羊架都

天氣開始秋涼，最啱就約朋友燒烤，但係好多時要去到新界區先有燒烤場，住市區嘅朋友因太遠都有所卻步，要喺市區燒烤嘅地點唔多，除咗多人之外收費亦唔平，但聽朋友介紹喺菲律賓會都有自助燒烤任食，地點方便，食物亦唔錯，所以今晚約埋一班朋友嚟試吓呢度係會所形式，所以要預先預約，我哋一行六人，六點鐘左右就到，地方唔算好大，但都有10個爐左右，都坐到佰零人，今晚亦全場滿坐。啤酒汽水任飲，有海鮮、肉類同蔬菜幾十款，價錢二百零蚊都算合理。最正嘅係成晚都有播歌 仲係一啲耳熟能詳嘅hit歌，忍唔住都會跟埋一齊哼返幾句。起爐之後就可以自己攞嘢食，呢度嘅蝦都算幾新鮮，我哋用咗錫紙兜載住啤酒煮，味道唔錯架，蝦肉亦算爽口另外梗係唔少得食埋呢度嘅生蠔啦，咁我哋就落咗蒜蓉去燒，都幾香嘅，雖然唔算好大隻，但係都幾有蠔味。另外當然唔少得腸仔，墨丸，雞翼，豬扒，金沙骨，雞腎呢啲必食之選。較特別嘅有雞皮串，漢堡扒，一般比較少有而有好啱食喎蔬菜同菇類亦一定唔少得，另外沙律，菠蘿片同甜品以供選擇。最後一提，店員表示呢度一般最後攞食物時間大約10點鬆啲，10點45左右收爐，如果要玩宵夜場就要預約喇。飲品：環境：

呢間距離佐敦地鐵站大約15分鐘既路程就行到去既鬧市燒烤場其實真係估佢唔到，鬧市都可以有私人燒烤場喎，平時係咩屯門咖啡灣都燒到悶啦，今次就去左呢個半天台燒烤場到食野！一上樓梯已經聽到佢播啲千禧歌曲，有容祖兒洪卓立李克勤等等基本上佢播咩歌都可以好似唱k咁跟住唱！呢到除左燒烤既地方仲有室內位置，放置左幾張大沙發比屋企拎燒完既野食入去涼住冷氣食。仲有呀呢到又有機打又有飛鏢掟其實真係唔係普通燒烤場做到！講返呢啲野食，野食好新鮮refill得好快，而且最重要呢到有得燒海鮮呀！海鮮🐡種類包括：扇貝、青口、生蠔、蝦等等全部都好鮮甜，調味區亦都有生蒜比我同海鮮一齊燒。而我最中意既就係佢既生蝦啦全部都好大隻有膏，每隻都好彈牙有咬口🤤而我朋友就最中意呢到既羊架同白魚旦，佢自己一個食左10幾粒魚旦囉，佢話呢到個白魚旦燒到脆皮連埋蜜糖真係好好食喎，之後一粒都唔留比我地🤷🏻‍♀️羊架亦都係出面燒烤場少見既野食，佢有羊味亦都建議唔洗燒得太熟，咁就可以保持羊肉既質感同味道！順帶一提，呢到有多款啤酒同紅白酒都任飲岩晒打工仔放工之後黎啤一啤，黎個Happy Friday🤤

實在太耐無同屋企人一齊燒嘢食，難得今日放假，老公又收早，兩個兒子又唔出去玩，我哋可以一家四口去BBQ啦。上網找下，原來係佐敦市中心有間叫盛宴嘅BBQ餐廳。地點方便易找，環境寬躺舒服，在市區有這享受，真不錯。去到嘅時侯都七点，都幾多人，侍應俾咗一張靠边嘅枱我地，周圍嘅環境幾好，又同我地起爐。因為係自助形式，三仔爺已經急不及待出咗去攞嘢食及飲品，一陣間已成枱食物，包括有蕃薯，豬扒， 雞翼 ，腸仔， 菠蘿， 帶子， 牛柳粒， 金菇 ，紅腸， 多春魚 ，漢堡扒， 特色汽水， 外國品牌啤酒， 黑椒汁， 蒜蓉汁 ，包羅萬有，應有盡有。食物的味道調得好好，味道一流，D肉及海鮮都好新鮮，款式又多，任君選擇。場内設有足球機，可以任玩，與家人一起，時間過得特別快，好快又要講拜拜。

燒嘢食一向都係郊區同埋沙灘嘅專利，原來係市中心都可以BBQ嘅，同事話係佐敦有間叫盛宴係做BBQ放題嘅，於是放工後約埋幾個同事一齊去，係佐敦地鉄站出，行十零分鐘就到，非常方便，上到去咁啱歺聽老闆係度，好熱情咁招呼我地，介紹咗比我地知，食物同飲料放在大聽，BBQ就係露台，地方都好大，足夠幾十人一齊燒嘢食，又有音樂聽，又有飛鏢机和足球机，食物有好多選擇，飲品又多，啲同事一座底就以經急不及待想出去攞嘢食啦，但都要侍應同我地將個爐点着先，等左五分鐘，已燒得啦，同事已經攞咗幾盤食物，可以放落去燒，包括有 栗子，蕃薯，豬扒，雞翼，魚片頭，腸仔，菠蘿，鮮帶子，大蝦，大大隻嘅蠔，牛柳粒，麵包 ，金菇，紅腸，大香腸，多春魚，漢堡扒，林林總總各適其式，特色汽水， 啤酒，醬料有自家製黑椒汁，蒜蓉汁，食物基本上醃制好，如果自已燒得好，係好好味嘅，因為有啲同事太心急，所以有啲食物燒濃咗，可惜。麵包燒完可以搽牛油，好香脆。不經不覺BBQ嘅時間就完，唯有下次再來過。

秋風起又係BBQ嘅季節 早前上網見到一間市區嘅BBQ 啱晒我哋啲懶人唔使山長水遠入到去先有得燒嘢食😂 地點方便 係菲律賓會 地鐵行過去都只係15分鐘到全部都係自助形式 有五、六十種野食 另外仲有沙律 一定有一款啱你 而且好乾淨 比較特別嘅海鮮類 有生蠔、青口、大蝦、扇貝等等 可以回本😍生蠔都幾肥美 冇乜腥味 可以自己加蒜蓉更加有風味 蝦幾大隻 啖啖肉 又爽口肉類方面 金沙骨幾大舊 又入味 成晚最中意！另外比較特別嘅係燒烤有羊架食 又一回本位 supermarket 都賣成幾十蚊一塊自助醬料區 有蒜蓉放落生蠔到/整蒜蓉包 好百搭 又有黑椒汁同咖喱汁 另外有錫紙可以菜包 啤酒嘢飲任飲😍😍 bbq 最啱成班fd飲啤酒！另一驚喜位係任飲白酒紅酒🙈

天氣開始涼涼地， 又係時候去BBQ,，但又唔想山長水遠甘搭車 , 星期日就去左京士柏女童軍總會附近嘅皇后燒烤-盛宴BBQ， 因為遲咗book， 夜晚full嘥，只好燒晏晝，以為實好曬 ，好彩又冇乜太陽，而且又冇乜人，燒得十分舒服。呢度其實係一間中菜館，燒烤嘅地方喺個平台到，上咗樓梯就見到，地方唔算大，大概可以容納 6至7枱人， 望過對面就係網球場，都算開揚，又有洗手盒設置，十分方便。行入去室內會見到放燒烤食物同飲品嘅凍櫃， 同時又係娛樂室，有遊戲機、足球機同飛鏢機，燒嘢食之餘又可以入嚟玩下。飲品有好多選擇， 除咗烏龍茶、酸梅湯同 diet coke 之類，仲有多款韓式啤酒同汽水，都係任飲，抵！調味料、醬油、咖哩汁、黑椒汁、蒜蓉，…… 都係任你添加。豬扒、牛扒、雞扒、雞中翼， 仲有豬頸肉、金沙骨、牛柳粒同雞肉串， 最開心嘅係有我至愛嘅雞全翼， 開餐喇！牛丸、墨魚丸、 龍蝦丸， 貢丸、炸魚蛋 、魚角同燒賣， 仲有雞肉腸、芝士腸同大紅腸 ，乜都想食瓜菜方面有翠玉瓜、茄子、金菇菜 、黃芽白 、粟米 番薯仔同鮮冬菇海鮮有秋刀魚同青口， 最驚喜嘅係有生蠔、扇貝同海蝦， 雖然size唔算大， 但食落

秋風起啦就好好自然想bbq，三五知己上openrice找到了呢一間自助式bbq，昨晚星期四估不到這平日也好旺塲都好爆 ！員工叫我們等一陣好快亦比都位子同著咗火爈給我們準備，首先佢會比我兜我們去自助取食物，我們看見選擇海鮮類有生𧐢、蝦、青口、多春魚 肉類也有雞亦、豬頸肉、丸、其他還有咖哩魷魚，雞腎、多春魚等等，佢所有食物質素都好味，還有好多飲品可以選擇任飲，三五知己想輕鬆唔駛買嘢搬嘢放工就可以起行bbq真捧👍🏽😋

好耐無同過屋企人一齊燒烤，難得一家人夾到時間，就來一個短聚，收工趕過去油麻地燒烤，係市區都可以燒烤真係好方便，$250左右一位任飲任食唔算貴食物種類真係有唔少選擇，而且仲有沙律之類，可以中和一下熱氣同油膩感調味醬，都有幾款選擇，咖哩汁幾好味好香濃第一輪當然拎海鮮先，帶子同蠔都洗得好乾淨，而且都幾飽滿開始燒啦，燒烤爐有埋鐵網咁就可以方便放晒野食落去燒，一家人邊燒野食邊傾偈，真係好開心羊架，雖然冇肥膏位，但一樣有羊既羶味，我至喜愛其他既食物一樣幾好味，記得要點咖喱醬，更加惹味甜品有杯裝蛋糕幾特別，因為已經太飽冇食過場內有遊戲機同掟鏢機可以玩，兩樣我都唔識玩

秋意漸濃，尼D時候最好就係約埋班朋友去BBQ, 因為大家weekend 太忙，於是決定係市區搵個地方平日放工燒，朋友之前去過尼度燒，幾舒服同唔迫，交通尚算方便食物有丸類，肉類，蔬菜類，海鮮類，仲有沙律供應餐廳提供埋鍚紙，調味架上有基本醬汁，最正係有牛油供應，立即包個牛油金菇茄子翠肉瓜，咁就食得健康二款雞翼都醃得好味，唔會太咸，燒到外層金黃加上蜜糖，BBQ 食品首選黑椒雞全翼，黑椒味唔重，正好帶出雞味，雖然燒嘅時候比較耐，但值得的丸類新鮮，無一大陣雪藏味，魚蛋唔腥夠彈牙，豬肉丸好味，黑椒牛肉，牛肉味濃，芝士丸好流心燒豬頸肉，一咬落口好香豬油味，肉質煙un雞皮已串好，可以放係爐邊個架上燒，先灑上一點盬會更野味海鮮有蠔，青口同蝦，唔想用叉燒，可以包入錫紙加牛油蒜蓉焗好少燒烤場會任飲，尼度就好抵，仲要D啤酒唔係cheap野，連黑啤都好好味，唔苦澀食埋個啫喱做甜品就大滿足尼度雖然地方唔大，不過唔似一般係市區BBQ又局枱密又大煙，雖然全場坐滿人但有足夠空間感，感覺舒服食到飽飽地，大家提議入indoor玩下飛標，一大班人we we 哇哇又過一個歡樂的晚上，第日BBQ唔駛花時間去到老遠，可以輕輕的鬆鬆

上星期去食既時候，仲係菲律賓會，咁快改名做皇后BBQ。之前睇食評，話呢度既服務好差，其實都吾係，只係無服務，除左開爐，同最後收爐，其他自己攪掂。咁自助燒烤就當然係自便啦！😏燒烤自助餐，任飲任食。先去雪櫃睇下先。呢度酒吧格局，當然有啤酒，仲有三四款選擇，hite 就係數字屋見慣，其餘三款未飲過。麥啤我吾好，綠罐FiLight 吾錯，有果花香味。另外果隻都 okay.無酒精飲品有接近十款，有部份牌子口味又係未見過，穩陣D飲檸檬茶，正正常常，比V 仔茶味濃。野食方面，丸類肉類都幾多選擇。雞豬牛每樣都有兩三款，羊架都有，不過吾敢試。海鮮有大蝦，蠔，扇貝仔，我覺得海鮮都係蒸好食D。瓜菜有幾款，燴左幾個蕃薯仔，4個當中一個好味，睇彩數😄。甜品都有三款，不過無試。燒烤黎講都算齊，仲有調味區，牛油，豉油，蒜蓉，咖啡汁，辣油等等。海報係寫晚市燒烤下午6點至零晨12點，但係大約10:30已開收搭食物😲。雖然無第二輪客，都吾使提早收工架。

一踏入秋天 天氣涼涼地就好想燒野食 心動不如行動 約咗幾個同事一齊嚟到燒烤皇后bbq 我哋搭地鐵去到佐敦站 之後開google map行過去 大約行咗15分鐘左右 地點都算幾方便呢度係唔主張攜帶外來食物或飲品 請遵守這裏的規則任飲任食嘅燒烤放題 重要位於市區中心確實難得有多款燒烤食材提供 例如:雞翼，腸仔，豬扒，牛扒，雞腎，雞皮，多春魚，菇類及丸類仲有海鮮類 例如:扇貝，海蝦，青口……還有甜品及沙律吧 都是任食的 食物選擇非常多汽水任飲 啤酒任飲 連紅酒白酒都可以任飲下午六點正式可以入座 其實真係幾方便 乜都唔使帶 淨係帶個人同埋帶錢去就得啦場地已經提供所有用品 例如:蜜糖，紙巾，餐具， 食物夾，連錫紙都有埋 一個價錢 包曬所有嘢 唔需要額外付費醬料區 黑椒汁，豉油，蒜蓉，牛油，咖哩汁， 鹽，胡椒粉…… 醬料齊備燒烤爐旁邊設有洗手盆夠曬方便 呢個設計真係冇得彈 加分加分職員服務殷勤 幫我哋用火槍點著啲炭 正式開始我哋嘅bbq活動啦 沙薑雞翼必食 好重沙薑味 醃得好好味而且又好入味除咗可以叉住食物嚟燒之外 旁邊仲有個架 可以放食物上去 燒雞皮一流 燒到脆卜卜 好似食薯片咁海蝦隻隻大個手板

周五晚突然興起想燒野食，但又無心機買野自己燒，就上網搵到位於佐敦Ge bbq任燒任食燒烤場。周五收費：$268 一位（任飲紅白啤酒）酒類任飲呢個價錢絕對可接受。室外位置bbq, 店員會幫我地開爐同準備一套相關餐具及蜜糖。室內位置比較似一個酒吧區，大人細路都岩玩。有飛鏢機、足球機、街機。飲品櫃有2個，提供嘅啤酒都有2、3款。唔係cheap 果d, 紅白酒都係任斟。refill速度都快嘅。裏面仲有個自助調味料櫃，下面擺放住燒烤叉。海鮮有4款，蠔、扇貝、青口、蝦多款丸類、肉類菜類都有提供埋錫紙，另外仲有啫喱、蛋糕仔同沙律。每人有一個分隔兜拎野食，總類都算多。菠蘿夠甜。海鮮自己加左蒜蓉牛油放係度燒，方便，正！整體都幾滿意，食物種類算多，refill速度快。大部分都以自助形式。

一直都唔知係佐敦一個咁市中心既位置，竟然有個坐得咁寬敞又唔係唐樓天台既燒烤場，盛宴bbq就係菲律賓會所個平台，經伊利沙伯醫院過黎好快，鄰近何文田d貴樓，人車都唔太多，一d都唔嘈。今次星期日下就上去一家人燒野食，228一位任食，仲包晒透爐，炭，燒烤叉，最重要係d醬料任添。野食都真係有好多種類，常見既丸都有6款，仲要係有芝士丸或者醬爆丸揀，芝心丸裡面既芝士都好夠份量，唔係空廖廖果d，另外仲有燒賣都好好食，燒完好軟熟。腸仔都有3款，我最中意既芝士腸裡面d芝士多到燒燒下爆左出黎。燒之前唔洗等可以食個沙律先。海鮮真係值回票價，有蠔有帶子仲有大蝦，隻蝦有我手掌咁大隻，d肉仲幾彈牙又多膏。蠔同帶子加埋牛油同蒜蓉去燒 好快就食得。原條秋刀魚都有，足足有我手臂咁長。肉類大部分都醃好晒，牛扒豬扒金莎骨豬頸肉都有，最特別有牛柳粒，啖啖肉又有肉汁。呢度除咗係任食之外，餐廳入面仲有飛鏢，舊式遊戲機玩，而且仲可以任飲紅酒，有啲咩需要搵侍應佢都好盡力幫忙，呢個價錢，呢個服務，呢個地點仲要飲食真係好抵。