影片
更多
2018-11-28
1802 瀏覽
呢排真係涼咗好多，除咗打邊爐之外，bbq相信都係唔少人嘅選擇，咁啱朋友挑起條癮， 提議一齊去燒嘢食。不過如果要自己準備食物，又買埋炭，都真係幾煩， 加上郊野公園實在有啲距離 ，要就齊咁多人， 選擇市區嘅燒烤場就最好不過啦。 一來方便以來唔使自己準備，二來收工就可以即刻去食，實在係懶鬼嘅必然之選。上網見到佐敦嘅菲律賓會原來有燒烤場， 睇啲評價都似乎唔錯，朋友提議一試。適逢weekend，當日都全場爆滿，非常多人，好彩我哋有訂位。場入面有唔少嘅遊樂設施，就好似足球機、飛鏢機、遊戲機都有，有得食又有得玩。飲品選擇都似乎唔少，仲有唔少我最鍾意嘅韓式嘢飲，而朋友就選擇鬼佬涼茶啤酒，貪可以下下火。為食鬼嘅我哋，就梗係第一時間去睇下有咩食啦，凍櫃入面有唔少嘅海鮮同肉類選擇，就連生蠔、帶子、海蝦呢啲貴少少嘅食材都有，夠曬豐富。一般嘅牛扒、豬扒、雞翼就唔使講啦，仲有好多款嘅菇同蔬菜， 加埋冷盤甜品都有，就好似沙律、啫喱、布甸等。好貼心嘅係仲有唔少醬料選擇，除咗一般嘅蒜蓉、牛油、豉油等，仲有麻辣油、黑椒汁、咖哩汁， 無論想點混醬都ok。與此同時有職員幫我哋開埋爐，個火set得靚一靚，拎完嘢食埋位就燒得。
不過如果要自己準備食物，又買埋炭，都真係幾煩， 加上郊野公園實在有啲距離 ，要就齊咁多人， 選擇市區嘅燒烤場就最好不過啦。 一來方便以來唔使自己準備，二來收工就可以即刻去食，實在係懶鬼嘅必然之選。
上網見到佐敦嘅菲律賓會原來有燒烤場， 睇啲評價都似乎唔錯，朋友提議一試。
適逢weekend，當日都全場爆滿，非常多人，好彩我哋有訂位。
場入面有唔少嘅遊樂設施，就好似足球機、飛鏢機、遊戲機都有，有得食又有得玩。
飲品選擇都似乎唔少，仲有唔少我最鍾意嘅韓式嘢飲，而朋友就選擇鬼佬涼茶啤酒，貪可以下下火。
為食鬼嘅我哋，就梗係第一時間去睇下有咩食啦，凍櫃入面有唔少嘅海鮮同肉類選擇，就連生蠔、帶子、海蝦呢啲貴少少嘅食材都有，夠曬豐富。
一般嘅牛扒、豬扒、雞翼就唔使講啦，仲有好多款嘅菇同蔬菜， 加埋冷盤甜品都有，就好似沙律、啫喱、布甸等。
好貼心嘅係仲有唔少醬料選擇，除咗一般嘅蒜蓉、牛油、豉油等，仲有麻辣油、黑椒汁、咖哩汁， 無論想點混醬都ok。
與此同時有職員幫我哋開埋爐，個火set得靚一靚，拎完嘢食埋位就燒得。
一開波就梗係燒海蝦、帶子、雞皮串， 貪佢夠易熟，又可以醫一醫肚先。 海蝦都幾新鮮，食落爽口，而帶子味道都唔錯，不過就一定要落 蒜蓉頭牛油調味，咁先夠惹味。
第二輪就可以燒下啲肉類同生蠔， 金沙骨同雞翼 都幾香口，醬汁醃得入曬味，唔會太咸，加少少蜜糖就very good。
生蠔嘅質素都唔錯 ， 味道都香濃， 不過就唔算好大隻， 不過最令我驚喜嘅就係燒菠蘿，食落好甜又冇渣。 食咗唔少肉，燒少少蔬菜同生果清一清味蕾，都係唔錯嘅選擇。
總括嚟講，燒烤場位置方便，而且食物選擇都幾豐富，加上有唔少海鮮，2百零蚊呢個價錢，我覺得都ok。
張貼
