皇后冰室 (已結業)

又系吾洗排隊 好lucky ^^v個湯都系夠熱夠creamy 但個蒜蓉包就硬到好似石頭咁...=.=又凍冰冰不過算啦 主菜先系最重要 .\/.男朋友點左個三文魚...但完全冇魚香...仲有d柴皮感 .... 反開個底睇應該系over cook 左=.=由於我驚多根所以叫左個西冷配薯菜...一到面前就知出事....就咁睇都見到薯菜浸滿油好令身=.=我叫7成熟出到黎5左右 又多根 除左個牛中心果幾舊其他都冇掂過好彩加多左個田螺同芝士西蘭花...如果吾系又要搵個地方醫肚

仲諗住上次食過呢間性價比高，諗住返撻無蝕底，點知今次真係十個差又受氣！上次見間嘢多人排，就同2個朋友食下午茶叫咗D焗意粉薯蓉，都幾好味，仲叫咗懷舊飲品黑牛。當時D侍應仲會同你解釋係咩飲品，今次，真係火都嚟！搭枱叫咗個7成西冷薯菜下午茶，諗住$58蚊試下啦，都無諗住佢會有翠華質素，但大家樂質素都有啩？點知咁啱隔離對情侶都叫牛扒，但上意粉，心諗起碼佢一齊上都分到邊份打邊呃。點知上到嚟，侍應連隔離叫嘅咩都唔講一次上3份西冷牛扒意粉，幾成熟咩都唔講就放上枱，明明係有1個7成熟意炒，1個5成熟意粉，1個7成熟薯菜，邊度有3個意粉？佢就齋話11A ，連單都無，鬼知11A係邊個。我就同佢解釋呢張檯有3張單，對情侶就接收咗其中2碟，我當然堅持自己要嘅係薯菜無收到碟嘢。隔離對情侶一路食一路話個座位細又坐得唔舒服，食幾食仲發現兩人調轉咗5成同7成嘅扒嚟食。男嘅只好勸女嘅算啦。真係D侍應上菜都唔講低邊碟7成邊碟5成，咁落單時就唔好問要幾成熟啦，反正都亂上比人。坐一陣，另外嚟一個侍應將我碟上錯嘅嘢照原樣退返比我，仲要拎返嚟話之後再上薯菜，我話我真係唔需要上面d意粉，先面臭臭咁拎走。明明係佢地搞錯，仲夠膽將上次

難得星期六半日工作而不是全日, 雖然下班很是疲倦, 但又不甘這麼早回家睡覺, 在荃灣吃過輕食午餐後, 就出旺角, 逛了潮流特區, 再去兆萬訂西裝, 再買外置充電器, 今天是牛先生購物日。行行下開始下大雨, 我們幸好有一把縮骨遮, 但也頗麻煩, 也不想到處走了, 所以快快行去皇后冰室吃晚餐, 牛先生說這裡的羊是人生吃過最嫩最好吃的, 所以就帶我來試試。餐廳的陳設環境走懷舊路線桌子用上似懷舊地磚的料舖在面, 很特別剧扒價錢一百元上下, 配餐湯及飲品, 如想要甜品或小食, 另外加錢, 豐儉由人我們因為不慣大吃大喝, 就兩個人叫一個主菜, 再加兩個小食, 飲一杯飲品, 都很足夠和飽呢, 而侍應也沒有不好臉色, 服務不是如傳聞中的差。我們叫了:法式香燒羊架配野菌汁 $118 即磨薯蓉法國田螺 + 馬蘇芝士焗西蘭花 $29雪糕紅豆冰 $11主菜奉送餐湯, 餐湯選了白湯, 白湯香濃帶有一點奶香味, 也有粒粒磨菇, 味道不錯配上一片微烤的蒜蓉包 法式香燒羊架配野菌汁 - 擺盤頗有心思, 視覺效果幾靚呢! 打開來看材料有好多連皮薯塊、西蘭花、青瓜羊架可選三/五/七成熟, 我們要了七成熟, 熟度剛好,

十一點二到達門口，發現仲有早餐，就詢問職員係咪仲可以點，職員就叫我哋快入座快揀。(注：早餐供應至十一點三)還好選擇不多好快揀到，落單無幾耐，嘢食都未上齊，職員就叫我哋埋單，因為早餐截數喎！(當然語氣係唔好嘅)無諗過熱唂咕要加 $5，唔係太多地方有得飲，算！黑松露炒蛋，好鞋又唔香。(試過一次對面華星嘅黑松露炒蛋都覺得一般，而皇后係更差！) 唔知咩菜，賣相差，唔敢食。雞扒，細到無朋友，偏咸。德國腸，還可以吧。偷聽到隔離枱點餐，職員話黑牛無雲尼拿味雪糕，轉朱古力得唔得。(嗰時先十一點幾，咁快無雪糕？唔係嘛？)接近午飯時間，人開始多，有對母女拎住長遮入嚟，職員好大聲咁話遮放出面，仲要講咗兩次。當時出面無雨，而望見母女手上嘅遮係乾嘅！總括嚟講，唔好食又貴，服務又差，大佬你哋以為自己係澳牛啲哥仔？？？職員永遠是對的？？

男朋友尼親旺角就話要食呢間，我就不嬲唔係特別鐘意呢間既，不過見裝修幾靚幾復古，都無乜所謂。佢地既卡邦尼汁真係超好味，同SCHOOL FOOD有得比，我次次去都係食卡邦尼長通粉，好重芝士奶味，份量岩岩好，唔會話好濟，值得推介。而且都唔算貴，平均＄40-55一個LUNCH SET不過差在好多人同埋店內好逼

女同事喜歡皇后冰室價廉物美皮 ，已經經常惠顧！今日發生一單人生難以忘記的事情！食豬柳有雞骨！雞扒變非洲雞！Lunch 食飯唔會要求太高，皇后雖平，但質素唔差，故經常幫襯。餐湯可接受，但女同事今天叫的雞扒竟然係勁燶。仲要得返塊皮 ！好彩同店員講完都肯換返比佢。之後經典發生了！食豬柳竟然出現雞骨！仲要雞翼骨！好恐佈！店員話換過碟新的也不敢吃了。希望改善下，同事們也不敢吃了。希望有所改善！

上餐太慢...............心太軟變成心太硬.個心太軟變成一件旦糕.沒有任何流心..............菜蜜太甜...........環境是不錯的.

今天去開旺角花園街，但重未去過這間冰室，因幾次都有人排隊 ，但今天好彩冇，於是入去試下下午茶餐！叫了個意式肉醬焗薯蓉理30大熟+熱奶茶，焗得幾好！以這個價錢有這個水準都幾ok! 唯一如果芝士多D更加好！

果日年初4，旺角都ok多鋪頭開左。 行街街到3點幾，又未食lunch, 就去搵野食醫肚。見佢門面都ok, 又撞正下午茶時間，又唔太貴，good! 就入左去。D serive 都ok, 冇催我地落單，又冇好快收我地d食物， 我最鐘意。講返食物，下午茶時段，d食物價錢$29～38左右，冇加1。叫左個唔知咩芝士粉意粉$38，連熱飲。 我覺得好好味＊0＊，芝士味好濃郁，份量都好足，成個set lunch咁。 飲左熱奶茶，我習慣飲野唔落糖，都ok, 茶味出！總括： tea set可以當lunch食！ 份量冇減，價錢合理，會返check!

新年行旺角，諗住食間好少少既賀年，見到門口好多報章介紹，一定有少少保證，貴d d都唔怕啦。 入去環境唔錯 叫左個大頭蝦黑松露滑蛋意粉同德國燒豬手，侍應話豬手要燒要等耐少少，我地當然無問題啦。加左29蚊食兩個頭盤：瑞士雞翼同薯容田螺， 味道都ok , 係個田螺一pat 野咁堆埋一齊，完全無一粒係個田螺盤上既，樣樣衰衰咁（當時無打算寫食評無影相）到男友碟大頭蝦黑松露滑蛋意粉上台，不得了，隻蝦係街市見到個d 大dd既紅蝦，可能太細隻啦，餐廳都唔好意思，比左兩隻我地羅！食曬個意粉，丁丁黑松露既味都食唔出，望上去唔好話黑松露啦，我連黑點都見唔到。。。。。。咁就98蚊啦！！好啦，等丫等 ， 餐茶都飲埋 終於等到我隻燒豬手，各位睇下張相（唔好意思，因太餓，個刻都切左一半食左，另一半比曬男友隻碟。由於唔好食，我同男友係食曬薯菜先再影相）。大家有無見過咁白焯既燒豬手呢？食入口個刻，我覺得同超市既烚豬手一樣味！！！真係好嬲， 埋單加一要$28x, 我真係成世人未食過咁唔值錢既一餐。 越諗越嬲， 第一次上黎寫食評比個劣評，希望大家唔好上當。

禮拜六最啱就係黎返個靚tea, 今日行到金魚街呢邊買零食俾隻肥貓, 見到好多人排隊食皇后冰室.心唸多人排隊應該都ok,價錢又平. 決定排埋一份食下. 等咗15分鐘左右就到我坐底啦.環境好別緻. 有4人枱同沙發卡位.望一望餐牌,都幾多選擇, 猶豫緊飯定pasta嘅時候見到隔離上咗個豬扒飯. 於是我決定食呢個唔洗煩.等咗唔算耐我嘅豬扒飯就上到黎啦. 好香嘅芝士味. 見到面頭原來有好足料芝士好厚一層. 金黃色好吸引.原來係mozzeralla cheese所以拉得好長都唔斷 撥開芝士.仲有番茄係面, 汁都好夠. 令到下邊飯唔會干身. 豬扒食起身夠lum唔會咬唔開.  咬起身入邊仲有肉汁. 肉嘅份量都好夠. 中間仲有一粒車里茄做裝飾. d汁唔會太酸或太咸. 各方面都算幾滿意. 呢個價錢我覺得好抵食.有埋嘢飲40蚊有找. 下次會再黎.

同三五知己聚頭，一向識食的朋友推薦皇后冰室，食慣好野既佢就帶左我地去排隊啦。係門口等左三個字，係等既時候我地已經諗定食咩，所以一入座就叫得。呢度晚餐由$60-140都有，好多選擇，而且加$28仲可以有兩款小食，價錢唔貴，於是就叫到成枱野食。餐湯餐包羅宋湯幾濃幾開胃，不過嫌佢太鹹，呢個亦係大部分餐廳羅宋湯的特徵。餐包就太硬，所以我地都放棄左。肉眼扒整得太熟，咬得好辛苦先食到，而且筋同肥膏太多，佔左近三分一，所以食落去既感覺真係不予置評。薯角上碟已經唔係熱，凍哂可以話係一啲口感都無。薯蓉焗田螺咁安全既小食都會出事，不但無田螺味，而且淡味到連薯蓉都無牛油同奶味，勉強食左粒所謂田螺就算。雞翼一般般，無咩驚喜，亦都食唔到有咩特別，普通的瑞士雞翼。芝士焗西蘭花西蘭花太硬，配唔到芝士個口感，反而芝士味道就唔錯，幾濃。不吐不快既是呢度鍾意一次過上哂全部野食，然後冷氣校到非常大，唔知係想趕你走定staff太熱啦，只知枱上的食物好快就吹到凍哂。對住風口位既我地多番要求都不獲接納校細啲冷氣既請求，於是薯角愈黎愈硬，芝士開始就凝埋一齊，雞翼亦被瑞士汁包住。差！

星期六下午，在附近的salon剪完頭髮，已經三點幾，好肚餓，見到呢間餐廳好似靚靚哋，又有下午茶，所以試試。入面係懷舊主題佈置，講真其實香港已經有好多同類型的懷舊冰室，所以唔覺得好特別。下午茶menu都幾多選擇，有焗薯蓉、多士、意粉等，睇落都有十幾二十款，一定唔會揀唔到。由於未食早餐同午餐，所以我揀左個比較飽肚嘅芝士吞拿魚焗意粉，+$2轉即磨咖啡。芝士吞拿魚焗意粉$35 - 賣相唔錯，面層有火箭菜和車厘茄裝飾，芝士焗到剛好有少少燶，入面有吞拿魚、磨菇、洋蔥和意粉，以35蚊（不用加一）黎講算唔錯。即磨咖啡好香濃，+$2係值得的。

之前幾次經過就看見這餐廳都很多人都等位，因為怕等位自動飄走，但把它記住了。今日在未到最多人食lunch之時已來到，終～於可以幫襯下！雜菜湯足料味濃，above average，但麵包稍韌。鐵板牛肉飯—pepper lunch 名菜(￣▽￣) 但hea底的pepper lunch 更好味。由於此鐵or石板whatever真心好熱，醬汁在板上焦糖化後高溫仍持續不斷，落得變燶變苦的下場。比目魚配薯菜—俾圖呃咗嘅選擇，餐牌上的魚醬汁甚少，至少魚排是清晰可見的！不過～魚排是不錯的，邊邊煎得焦香，魚肉滑嫩（雖然其實比目魚本身係好容易做到呢個效果-v-）環境⋯好擠迫⋯⋯是咁的，其實是他們上菜太～快。餐湯未飲完已上餐飲，繼而俾埋個主菜黎！(◎_◎;) 成檯都係野！明白lunch hour想快啲回檯，但咁樣其實我真係食唔到野-_- 這個價錢在旺角不算便宜了。食物普通，服務一般，環境有特色但坐得不舒適，試過一次應該找不到理由再來第二次了。

平常我的照片就拍得不怎麼好因為這裡的環境關係照片拍得更差了本來這麼差的照片提不起興趣算寫食評但這一頓飯的體驗太差 實在是不吐不快之前老是看見這家餐廳門口大排長龍這天比較晚吃飯 已經很餓了難得看見門口沒人排隊 不作多想就進來一張兩面的餐牌載有24款套餐 款式太多一時難以下決定食物選擇困難症 但我樂意受這種折磨套餐包括歐陸式濃湯及西班牙欖醋法包+主菜+飲料所謂歐陸式濃湯就是紅湯與白湯 我選了羅宋湯雖然羅宋湯近乎是西餐廳又或是茶餐廳不可或缺的湯但是要碰到好喝的並不容易這裡的羅宋湯味道濃郁 酸中帶甜 甜中帶辣 非常醒胃已經很久沒喝到滿意的羅宋湯了當下覺得之前看見它門口大排長龍是有它的道理但飯後才知道這已經是整頓晚飯咱一好吃的東西了_(:з」∠)_緊接而來是西班牙欖醋法包不知哪來的西班牙與欖醋 總之吃不出來法包不香不脆 難以咬開那種咬不開似是法包添了潮氣變得堅韌所致不過肚子太餓 沾着湯吃也不會太嫌棄套餐+$29可選兩款小吃 感覺划算就要了老香港瑞士雞翼以雞中翼三隻呈上 味道與肉質中規中矩挑不出問題來 但也不會留下美好印象另一款小吃是即磨薯蓉焗法國田螺即磨咖啡聽多了 即磨薯蓉還是第一次聽到薯蓉焗田