影片
付款方式
座位數目
600
其他資料
自帶酒水
詳細介紹
泊車
詳細介紹
加一服務費
以上資料只供參考, 請與餐廳確認詳情
今日一早走左出銅鑼灣飲茶,因想去時代廣場睇Lego城! 男朋友話去試下百樂門,因我都好耐無去過食,所以決定左衣間!我地去到1:30......仲有30分鐘就下午茶,接待個小姐問我地等唔等,由於我地好肚餓,無等就決定入左去. 入去的時候,見到有人點左個點心拼盤好吸引,於是我地都點左一個,加一碗雞粥暖一暖個身先,兩個人夠食喇我覺得! 點心拼盤一黎到,我有點驚喜,因為比起我係其他茶樓食嘅拼盤還要大,不錯呢! 這個拼盤中間放的係我久違左我馬拉糕,旁邊有3種餃類,一個叉燒飽,仲有一定唔少得嘅蝦餃,燒賣啦! 燒賣 - 好大粒,面頭有原蝦一隻,而燒賣肉決汁都好鮮味!蝦餃 - 蝦餃皮唔太厚,裹面大概都有3粒蝦肉,都幾爽口的!餃類 - 無咩特別叉燒飽- 裹面的醬汁都好香,不錯馬拉糕- 這個糕好特別,會放係拼盤裹,食落口時嗅到微微的馬拉香,它口感幾鬆軟,不Lim口. 雞粥- 粥的稀杰度剛剛好,有香甜的雞粥味,加粒粒的蔥花,不錯!
繼續閱讀
端午節於百樂門做節，選定一圍圍的全包宴。菜式大路不求驚喜，食物水準方面比平日散座晚飯差。其中海蝦炆伊麵麵腍無味，蝦肉有點霉。貴花蚌翠肉瓜菜式色水怪誕灰黑。魚翅高湯太稠但無乜味。鮑魚菇扣鵝掌汁多鵝掌不入味。比較好的是蒸青斑，肉質雖不算滑溜，但勝在肉厚味鮮。服務方面，上菜比較趕，整體不算勤快。
繼續閱讀
從舅舅拿得的晚宴座位，母親沒空，我有機會去，不去太對不住了與小姨、表妹一起入席，等到8時多上菜...差不多的宴會食品，味道亦相差不大唯其中的大花菇及龍躉 有點特色大花菇 菇的香氣特出，非常之香，型狀是大的，應是名貴之物龍躉 很大的一條清蒸魚，上時熱氣騰騰，火候時間剛剛好，魚肉非常滑，且甜美，其他食物一般般吧，整體上不錯，食物都是熱上的，服務亦有效率，菜上不久，服務員就幫忙一人夾一點清盤，欣賞!但換過的盤子則有污垢，未洗乾淨...
繼續閱讀
已很久沒有約老爸去食肆，全因彼此對食物影相的觀點問題，他總覺得「食就食，有乜好影？」常為此而黑臉，而我卻樂此不疲，為免傷和氣，大家分開一段時間，希望大家能夠磨合！隔了好幾個月，為了想瞭解他現時是否已改變接受我去食肆「先攝影，後起筷」的習慣，今天與家人約他去吃下午茶，試一試他，去到酒樓才知在裝修，遂改往這間酒樓，知客通知要最遲三時半交檯，因這晚有酒席。大廳內人頭湧湧，十分嘈吵。因只得一小時左右，我們趕快點食物，有超特價的碧玉灌湯包已沽清，賣$1.8一籠，比搭電車還要平，結果點了點心大拼盤，叉燒瀨粉，叉燒腸粉，金沙煎堆仔，時菜蒸鯪魚球，碧綠浸水餃，原籠馬拉糕和干炒三絲河。食物也來得挺快的，點心大拼盤的配搭幾奇特，中間位置放了一件千層糕，一個叉燒包，兩粒蝦餃，幾個菠菜餃之類，味道不過不失，尤其是賣 $38.8，無話可說。叉燒瀨粉賣$10.80一碗，叉燒與瀨粉分開上，叉燒不是甲級，但也過得去，腸粉味道稍差，因有疑似「小強」的氣味，金沙煎堆仔，炸得香脆，可惜是中間無餡，時菜蒸鯪魚球，碧綠浸水餃都好味道，原籠馬拉糕幾特別，從未見過這造型，味道亦好，干炒三絲河賣$32.80一碟，算抵食，有肉絲，銀芽，韭王等，每人可分一碗有多。老爸依然未能遷就我先替食物影相的習慣，食物送到來檯邊，還未「降落」，他的筷子已離開基地，預備第一時間截擊，他的速度比老鷹從天空俯衝捉雞仔還要快，為了不觸怒他，我遲遲才拿起相機，所以有好幾張是缺少了一兩件，因為已被老爸「擄走」，然而，我內心對這種不完美並不能妥協，所以我又冒著龍顏不悅說：「給我影張相先！」老爸頓時變臉，兩父子的性格就是這樣，弄到大家都口和心不和。想老爸遷就我是沒可能的事，經此一役，唯有我自己變通，曾去過的食肆，我可以不影，但未去過的，如麗思卡爾頓，半島等，叫我怎可按捺得住？結論就是，我只會和老爸去我去過的食肆，或是由他自己去，這樣便不會傷和氣。龍生龍，犬生犬，鬼性格，誰也改變不了誰！
繼續閱讀
訂左半圍晚飯, $788, 以為會好抵好食點知 d菜又黃又爛, d湯唔夠熱, 餸菜個賣相唔好睇, 個碟好大, 但d餸放埋一邊d侍應上菜時好唔專業, 都唔識 serve 客人到最後話冇晒甜品, 明知我地訂左半圍都預唔到同個侍應講d餸菜質素好差, 佢就是但應你, 想搵個經理就一個都冇普通大排檔肯定都好食過佢好貴好難食, 以後都唔會再去
繼續閱讀