百樂門宴會廳 (已結業)

想搵間坐得耐 d 同舒服d嘅地方食晚飯, 呢間真係唔錯嘅選擇~我哋 book 咗枱, 不過基本上無 book 枱都唔使等, 可能因為係星期二~我哋叫咗冬瓜盅, 片皮雞半隻, 椒鹽豆腐, 拔絲生炒骨, 黑椒牛柳粒?? (唔記得咩名) 同星洲炒米.基本上全部都幾好味.最值得一提係一位唐小姐, 佢服務態度真係好好, 滿面笑容, 又主動. 值得一讚!! 片皮雞好好味, 尤其是墊底個包, 炸得好脆, 半隻得六件, 略嫌太少, 不過跟嚟嘅沙律就太多醬, 無食到!椒鹽豆腐都幾好食, 而且好在細細粒, 傾計或送酒最啱~ 好香口!嘩~~真係名付其實嘅拔絲生炒骨

食物不錯，但是服務態度差，唔會再去。那天，本來叫了8碟點心，但有兩碟等了好耐都未到，原來漏左單，因為我趕時間，所以我就話取消啦，𠈄地都話ok跟住我地就埋單啦，點知發現𠈄計了我們8碟點心，最奇怪的是果兩碟野，並不是我們取消的那兩樣，而是一個HKD50~60的點心拼盤加一個特點。收多我成100蚊！真係唔知有心定冇意，但埋單計錯數，重要啤我地一眼，真係請我都唔會再去。

本來佢既點心係唔錯架, 特別係雪山叉燒飽幾好味!!今日打電話去想book枱, 好有禮貌咁問聽電話個位小姐"請問可唔可以book聽日茶市" ,聽電話個位小姐係咁話"冇, 冇, 冇...."咁姐係冇得book, 冇晒位, 定係咩呢??我又唔係好明點解冇得book囉~ 最多冇晒位姐!!!

一個星期六的正午到觀塘,事緣太座下午要到牛頭角整頭,她不太熟路而我前幾年在這附近返過工,所以今天負責做盲公竹, 順便在附近找個吃的, 太座知道這裡有一幢酒樓大廈,我們以前也來過這酒樓的另一些分店,電梯上去時見樓下的有很多人排隊而這層則沒有, 應該都是同價錢有關吧, 入內見裝飾似西餐廳但又做中式飲茶, 現在潮流是也,當天吃的點心不多, 大致如下:1.)潮州粉菓- 饀料粗幼恰宜, 調味又OK2.)牛肉球- 軟硬適中, 莞莤味夠濃, 清新可口, GOOD3.)鮮蝦腸- 腸粉皮雖然唔係最薄嗰隻但也很清楚看到6隻中蝦4.)迷你馬拉糕- 做得比較迷你但質地很鬆軟而且不太甜5.)腐皮卷- 比較油膩的一個,不過當天只有這人個油炸物很難以片蓋全,下次有機會再試這裡的油炸小點吧當日亦看到這裡的待應有方便自己熟人(打尖)情況出現,實在有須要改善員工意識,始終客人有眼見, 最終只會影響店本身的質素, 希望店方能察覺得到加以管束,

我在12月8日親自打電話book了2張at 1 pm 供26人lunch的檯，準備和同事吃X'mas lunch。今天同事早十分鐘到達，reception境說沒有booking infomration，還猛大大聲質問我同事是否攪錯了。因人數太多及同事前後腳到，不能輕易轉地方，率之要跟reception半吵半罵才攞到2張檯，第1張在1:15，第2張在1.22。因為下午還要返工，一坐下便要胡亂的剔點心、落order。食物到了又要忙亂的吃下，根本食不知味，連跟同事吹水的心情也沒有，十分差勁的一餐。

101126 星期五 | 又係飲茶食早餐，今回來百樂門飲茶，未到9點已經座無虛席要搭枱，想必這裡的點心不是好抵食便是好好食喇，坐低看看點心紙，早茶特價點心的選擇有不少，但價錢平均不算很便宜，那麼就希望點心會好好吃喇，跟媽媽兩人共點了5樣點心做早餐。皮蛋瘦肉粥 (早茶特價$5.8)，見佢幾蚊一碗，滿以為會是小小的一碗仔吧，誰知拎上枱面竟是大大的一碗，材料也很豐富，除了皮蛋和瘦肉，還有鹹蛋黃呢，粥底也很綿，超抵食。瑤柱菜苗餃 (早茶特價$12.8)，餃皮晶瑩通透，少少煙韌，餡料有爽口彈牙的鮮蝦，還很翠綠的菜苗和絲絲瑤柱，咬落口少少煙韌之中又有點彈牙，口感豐富，蝦和瑤柱的鮮甜味加埋菜苗的菜青味，味道不錯呢。法式龍鬚球 (特點，$19.8)，很別緻的一道點心，個賣相令我聯想起龍鬚糖，雖然它不是呈球體形，但內裡是粒類絲蝦膠丸的東西，很爽口彈牙的，外面不是用一般的脆漿來炸，而是用了這些一絲絲不知名的東西來炸，食落口超級脆口，但食的時候可得斯文一點啊，否則便會很容易弄到滿枱都是脆脆碎了。香芋煎魚餅 (中點，$13.8)，又一道吃得很滿意的點心，魚餅少少彈牙之中帶有點芋頭的香味，是一般魚餅沒有的。雪山

八月十六日（星期一），雖然是下雨天，但難得集合七名家庭成員一起吃飯，事源其中三名成員過兩天會去上海世博遊玩，就在出發前來個家庭聚會，隨便找個落腳點，7點幾來到百樂門宴會廳，不用等便立即有位，不錯的開始，經過商議一輪後，決定是晚餐單如下： 花膠海蔘四寶羹，都幾足料，味道唔錯。 竹笙上素，健康之選，不錯。 薑葱焗肉蟹，size比預期小，七人分享，食得到喉唔到肺，味道尚可，濃淡適中。 鮑汁花膠扣鵝掌，份量算足，每樣材料四件，花膠有口感，鵝掌也夠腍。 琥珀黑椒牛仔粒，琥珀即是合桃，脆脆地、甜甜地，幾好味，但牛肉就不太腍、有點韌。 好味脆鱔柳，這個真的非常非常非常失望，看個菜名，滿以為鱔柳是以微炸或燒焗之類的烹調方法達至脆脆的口感，誰知那個「脆」字，是指脆肉瓜，這樣取巧，有感被騙，而那「好味」二字，更是騙人，得個辣味，小小辣我可以接受，但這個我得用清水洗洗才可入口，奉勸怕辣的朋友，千萬不要選這個菜，嗜辣的朋友也得三思。

一行七人揀左呢間酒樓慶祝爸爸生日~7點幾去到....差唔多7:45p.m.點菜~唉!!真係唔多掂,要咩無咩,睇到佢d推介,有冬瓜盅+魚+叉燒,點知竟然話冬瓜盅賣晒喎~轉老火湯得唔得~好啦~咁我地唔要啦~點過其他野啦~到點燒鵝時...又話賣晒~我心諗7點幾賣晒d野,咁呢間野唔洗做啦~真係掃興~咁大間酒樓,咩都無~出面是但一間都多野食過呢間~點了8個菜:鮑參翅肚羹:要左個例牌,都夠咁多個人,每碗都有幾條翅王立倉:$98....一條迷你魚~真係差椒鹽白飯魚k通菜鮮魷:味精很重,菜都好多tim富貴花蝦人帶子k竹笙上素:乾淨淨...無汁又無湯薑蔥龍蝦球煲:唯一好食既菜,龍蝦球彈牙薑蔥霸王雞:唔知點解同平時食既霸王雞唔同~有d似白切雞到d菜黎左時,叫汽水,跟住又出事啦~又話某隻汽水賣晒喎~我地就問她點解汽汁都可以無架~呢個唔知係咪女經理既人答左個白痴既人先會信既答案:<因為比樓下間酒樓借左d汽水>哼~~~.....吹佢唔脹仲有記得有一次係呢間飲茶,埋單$19x....咁諗住簽卡啦~點知<唔知係咪女經理既人>同我講唔夠$200唔可以簽卡喎~但酒樓無貼過任何一張紙寫住.

約好家人6:30到鱷魚恤中心百樂門食晚飯, 我6點已經到咗喇。 早嘅關係吧, 只得幾枱食客(不過, 真係越坐越多人)。 Waiter好醒目, 見我望住部冷氣機就知我凍, 馬上同我講去校細啲。由於第一次嚟百樂門, 真係乜都想試下, 所以我哋4個人叫咗8個餸, 其中有3個餸係個餐($138)嚟架, waitress姐姐話個餐分量唔多, 無相干, 因為我好食得架!1/海蜇分蹄: 中規中矩2/准杞嚮螺湯: 味道唔錯, 料都好足 3/椒鹽鮮魷: 因為見到隔離枱食得津津有味, 所以點架。 結果都無令我失望, 而且唔會油嗰種感覺。4/椒蒜炒涼瓜: 好好味, 又野味5/卥水鵝: 中規中矩6/燒雞(半隻): 無雞味7/白灼蝦: 中規中矩8/ 豉汁蒸立倉: 即叫即劏, 時間啱啱好, 非常非常新鮮

一年一度A朋友生日,由於A朋友唔鐘意唱K,又唔好飲酒,唯有約齊班朋友出嚟同食飯A朋友慶祝.A朋友於星期六正日生日,咁我就星期五去訂位,訂咗20:30,同時亦預定咗一圍叫'雙龍出海晚飯特價全包宴',金額為$1888 !!星期六晚上20:30準時到達,可惜嚟到仲要等,真係有D失望!!檯面小姐話有張客由18:30坐到20:30都唔走,冇辦法喎,雖然果位小姐想安撫我,但係訂咗都要等,就真係無癮!!!!!大概等到20:50先入坐,一坐低D侍應都幾醒水,知我地等咗一陣,所以都好快手,我同侍應講話叫佢比個Meun我,侍應話比我聽訂咗果圍全包宴夠12人用,而家多咗一個人,問我加唔加錢,加多一位要$80,我話唔需要,之後加多兩個餸就起菜!!以下係一D食品評論:'雙龍出海晚飯特價全包宴'薑蔥龍蝦球伊麵低-------------龍蝦球幾彈牙亦有少少鮮味,伊麵索咗D汁都幾好食, 可惜見唔到龍蝦殼,令人懷疑為雪藏品鴻運金豬大拼盤---------------有燻蹄,差燒,油雞,海踅,乳豬,只吃咗燻蹄同乳豬,一般貨色

個日同屋企人去飲下午茶,見到格黎台埋單,個女經理定吾知系主任同個客人系到嘈,仲無啦啦爆出六個字既粗口 個台既人就甘比人問候! 唉!態度真系吾多好 見到格黎台個兩個人都好無奈甘比人鬧 明明系客人 但就比錢買難受.雖然我吾系事主 旦都睇吾過眼

鱷魚恤中心新開左好多間酒樓~上次試了二樓,今次試八樓~~因為有朋友試過第二間分店,話幾好食~所以今次揀了百樂門!一去到已經人山人海,平日都有好多人飲下午茶...不過等左一陣,好快就有位,環境不錯呀~西式佈置,同二樓相似,而且有很多部大電視!!呢間茶芥要$8一位,都幾貴~仲有一份花生要收錢,2-4人一份$6...我覺得幾搵苯,飲茶都收花生錢!好在,食物很好食,很新鮮~價錢都比其他貴,下午茶小點已經要$10.8....陳皮牛肉球:牛肉無咩肥肉,手打出黎,好彈牙潮式粉果:外層夠薄,裡面包著馬蹄、 冬菇、豬肉等...餡的材料均一,口感正四寶滑雞扎: 無魚肚,size較大~椰皇燉鮮奶:最愛食呢個,椰皇味濃,效果很滑溜,叫了三個,其中一個過熟,唔夠滑油雞河:抵食,河粉好香,油雞都好多肉~

鱷魚恤中心開左幾間酒樓, 決定試菜...百樂門! 我們先訂位. 但服務生態度較差, 只是要求先FAX定點心紙下單點心, 減低叫點心既時間, 結果第一次, 等左30分鐘先收到一張. 等電話再問, 服務生說應有3張, 要求重FAX, 回答竟然係: " 而家唔得閒WOW, 好多人等緊位. 得閒先FAX啦"又等了30分鐘, 冇消息, 再打電話, 得到既答案一樣. 但5分鐘後終於收到FAX, 可惜收到同一張點心紙, 唯有再打多次電話. 結果, 前後打左6次電話才收齊3張點心紙. 幸好, 一早下單. 去到座低唔夠5分鐘就有得食.總共叫左17款點心. 點心質素中上. 蝦餃晶瑩剔透, 爽脆有汁. 脆皮叉燒包超好食, 包面脆而香, 叉燒汁香甜味美, 又夠熱, 汁不會糊PAT PAT, 直程好食過龍皇既脆皮叉燒包! 唯一可惜之處係較多味精, 食果下係好好食, 可惜食完超口渴!