影片
更多
2010-06-06
38 瀏覽
一年一度A朋友生日,由於A朋友唔鐘意唱K,又唔好飲酒,唯有約齊班朋友出嚟同食飯A朋友慶祝.A朋友於星期六正日生日,咁我就星期五去訂位,訂咗20:30,同時亦預定咗一圍叫'雙龍出海晚飯特價全包宴',金額為$1888 !!星期六晚上20:30準時到達,可惜嚟到仲要等,真係有D失望!!檯面小姐話有張客由18:30坐到20:30都唔走,冇辦法喎,雖然果位小姐想安撫我,但係訂咗都要等,就真係無癮!!!!!大概等到20:50先入坐,一坐低D侍應都幾醒水,知我地等咗一陣,所以都好快手,我同侍應講話叫佢比個Meun我,侍應話比我聽訂咗果圍全包宴夠12人用,而家多咗一個人,問我加唔加錢,加多一位要$80,我話唔需要,之後加多兩個餸就起菜!!以下係一D食品評論:'雙龍出海晚飯特價全包宴'薑蔥龍蝦球伊麵低-------------龍蝦球幾彈牙亦有少少鮮味,伊麵索咗D汁都幾好食, 可惜見唔到龍蝦殼,令人懷疑為雪藏品鴻運金豬大拼盤---------------有燻蹄,差燒,油雞,海踅,乳豬,只吃咗燻蹄同乳豬,一般貨色
唯有約齊班朋友出嚟同食飯A朋友慶祝.
A朋友於星期六正日生日,咁我就星期五去訂位,
訂咗20:30,同時亦預定咗一圍叫'雙龍出海晚飯特價全包宴',
金額為$1888 !!
星期六晚上20:30準時到達,可惜嚟到仲要等,真係有D失望!!
檯面小姐話有張客由18:30坐到20:30都唔走,冇辦法喎,
雖然果位小姐想安撫我,但係訂咗都要等,就真係無癮!!!!!
大概等到20:50先入坐,一坐低D侍應都幾醒水,知我地等咗一陣,所以都好快手,
我同侍應講話叫佢比個Meun我,侍應話比我聽訂咗果圍全包宴夠12人用,
而家多咗一個人,問我加唔加錢,加多一位要$80,我話唔需要,
之後加多兩個餸就起菜!!
以下係一D食品評論:
'雙龍出海晚飯特價全包宴'
薑蔥龍蝦球伊麵低-------------龍蝦球幾彈牙亦有少少鮮味,伊麵索咗D汁都幾好食,
可惜見唔到龍蝦殼,令人懷疑為雪藏品
鴻運金豬大拼盤---------------有燻蹄,差燒,油雞,海踅,乳豬,只吃咗燻蹄同乳豬,一般貨色唔難食!!
碧綠龍躉球---------------------其實係龍躉塊唔係球,有D腥味,反之西蘭花就好好食!!
黃金百花球---------------------其實係炸蝦球,味道都幾好,亦都彈牙同新鮮炸起!!
紅燒花膠雞絲翅---------------味道唔差,湯低亦唔錯,可能呢D嘢差極有浦!!
紅燒龍躉頭腩------------------龍躉頭腩先走咗油再炆,味道唔錯,不過凍咗唔好食!!
脆皮一品燒雞------------------全餐之中覺得最好食,新鮮炸起,雞本身已經味道OK,
點埋醬汁仲好食,清碟之選!!!
黃金海鮮炒飯------------------好似冇物海鮮係飯入面,亦都覺得唔係好夠味!!
椰汁紅豆糕---------------------上層椰汁,下層紅豆,可惜下層既紅豆,
唔係好似煲紅豆沙之後雪凍咁,差咗DD!!
(後加食品)
燒汁肉碎炒什菌--------------什菌索哂D肉汁同燒汁,只係分量比較少!!
芥辣明蝦球--------------------蝦球彈牙爽口,味道鮮甜,可惜食唔到芥辣味!!
壽飽-----------------------------有大有細可以選擇,不過味道就一般!!
另有提示一下,佢地出菜完全唔跟次序,雖要改善!!
埋單計數,請咗朋友一啤食飯,11個人,$200一位!!
張貼
