白石燒烤

營業中

休息中

一家人到>>>白石燒烤<<<BBQ。 地點或許有點陌生，但交通其實還挺方便，只需乘坐港鐵到達烏溪沙站，三分鐘步行路程，即可到達免費接駁巴士等候處(在巴士總站，美聯及中原地產旁邊的路口)。 每半小時有一班巴士，車程大概只需五分鐘，接載乘客直達大門。車上連嘔吐膠袋亦有提供，非常細心 入場後，先到收銀處登記及落單，憑券換取餐具、餐飲及食物，領取所用物品後，到取炭區領取碳及碳精，再往獲派的燒烤爐。 未知是否今年的母親節與佛誕同日，而製造了一個long weekend，令大家出境外遊去；這天到訪，食客不多，工作人員讓我們自行揀選喜歡的燒烤爐位置。 把物品都放到自己的位置後，工作人員便會幫忙透爐，乾手淨腳。加炭也方便，因為炭包附設夾子，不用狼狽。 即使萬一雙手弄髒了，要清潔亦無需擔心，洗手間就在附近，有好多洗手盤水龍頭，當然還有潔手液，保持乾淨無難度。 我們人數不多，選購了一個五人餐(HKD890)，食物種類很豐富：蜜汁珍寶雞中翼、蒜蓉珍寶雞中翼、蒜蓉雞扒、有骨黑椒雞扒、蜜汁叉燒、黑椒豬扒、香茅豬扒、有骨咖哩豬扒、粟米、芝士腸、豚肉腸、

今年母親節一家人到「白石燒烤」，燒烤慶祝佳節。到「白石燒烤」十分方便，因為在馬鐵烏溪沙站有免費穿梭巴士到達。駕車人士首兩小時免費泊車，其後每小時$10。來到登記及繳費，看到燒烤餐款式多不勝數：素食、海鮮、套餐、散餐.......我們選擇五人優惠套餐有：蜜汁叉燒 、雞扒 、豬扒、 雞中翼、海鮮三寶丸、雞肉腸、豚肉腸、爆汁滋味芝士腸、迷你日本甜薯、香甜粟米、汽水五罐和樽裝水五枝，星期六日公眾假期$890，真的經濟實惠。急凍套餐食物有獨立包裝方便衛生，燒烤工具齊全，仲有服務態度良好的服務員幫助開爐。全新燒烤工具一應俱全。燒烤工具，還包括一本燒烤天書，裏面介紹多款如果燒烤食品，分享幾頁給大家，夠盞鬼！每份燒烤包重約半磅，有多款不同調味：香茅豬扒、蒜蓉雞扒、蜜汁雞中翼、蒜蓉雞中翼、黑椒豬扒、黑椒雞扒、咖哩豬扒、蜜汁叉燒.......燒雞翼我鐘意食！雞扒燒烤得皮脆，肉質嫩滑！取勝豬扒是香茅豬扒，又香又脆色澤金黃！蜜汁叉燒最美味！很棒的迷你日本甜薯，清甜軟綿有吃甜感的感覺。在空間感充足、環境開揚的燒烤場BBQ，又可飽覽吐露港海景，在清風送爽的天氣，與家人享受著燒烤樂趣。燒烤場也設置冷氣房，啱哂怕熱的

趁夏天未嚟到，就同幾個朋友抓緊春天的尾巴，嚟到白石bbq。不得不讚白石燒烤嘅網上預約系統真係好方便同user friendly，預約嗰陣已經可以訂曬要咩套餐，仲可以網上付款去到環境幾靚，而且枱櫈全部都好乾淨見食評話套餐啲嘢食多到食唔曬，就淨係揀咗個5人優惠套餐，冇額外訂其他嘢食。啲食物包裝得好衛生，餐具剪刀都用盒裝好，仲有本燒烤教學原本一切感覺都唔錯，但一食就......除咗蒜香雞扒叫做好食啲之外，其他扒食落全部有陣膠味，係咪佢啲包裝出咗問題呢？豚肉腸都出奇地難食，口感有啲似食緊臘腸，但個味又係奇奇怪怪咁。食物份量極之唔夠，每包扒得兩塊，啲雞仲要係薄切，燒完縮水縮得好緊要。第一次bbq b到唔知燒咩好，又唔好食又唔夠食最終都係加錢買咗蕃薯仔、雞肉腸、麵包同棉花糖，唔係佢醃嘅嘢食最穩陣，加咗咁多嘢我哋先剛剛夠食。整體嚟講，佢啲gimmick 嘢係做得幾好，又有app又有獨立屋又有golf，但最最最基本嘅食物佢哋反而唔做好。其實如果佢哋可以專注做好食物，加上呢度咁靚嘅環境，實會人氣爆登。

趁住呢幾日天氣陰陰涼涼，約齊家人去燒烤。妹妹提議去白石燒烤，盛讚嗰度既環境優美、好啱小朋友喺度玩，而且燒烤食物質素非常OK。　幾個小鬼第一次去到呢個燒烤場，二話不說自己放自己羊，好彩帶齊哂Scooter, 單車同足球。任跑任跳，好玩到飛起！我哋就去買食物，我哋大人都有成十幾個，幾個小朋友唔食得幾多，所以只係買咗個普通10人餐，另外加咗隻燒乳豬仔。不過佢嘅10人餐份量都好足夠，所有食物都係一包一包Pack好晒, 又方便又衛生。最高興係嗰隻燒乳豬，令到啲小朋友10分興奮，個個爭住要轉佢燒下！最後再交俾場地工作人員幫我地跟進一下，即刻變得脆卜卜，真係好靚！每人計起上嚟百零蚊，除了食物同飮品、包晒所有燒烤用具開爐費，仲有大燒烤網提供，真係燒得好舒適。

每隔一兩個月都會約班朋友出黎聚一聚，個個都話唔想再食放題打邊爐果啲，所以趁住呢排天氣涼返少少就決定去bbq。記得上年夏天都見到網上有人分享白石燒烤場有水上樂園又有得bbq，好岩朋友屋企人聚會，所以今次就決定去試下。  我地一行五人，為左唔洗煩食乜好就直接揀左一個五人海鮮套餐。話明海鮮套餐，除左丸類同肉類呢啲大路野，當然唔少得蝦、帶子同青口呢啲海鮮啦。而飲品每人包一罐之餘，仲會有多枝水。  值得一讚既係佢地食物包裝做得非常好，全部都係密封，仲會列明食物名，衛生之餘又夠清晰。除左呢樣，佢地每枱都俾左一本小册子，入面講明一啲特別食物要點燒同燒幾耐，絕對唔洗擔心燒得唔好食，呢個安排十分貼心。  講返啲主角野食先，肉類食品全部都有驚喜，調味方面做得好好，不類係扒類定雞翼全部都好入味，好食。  海鮮方面都唔錯，尤其係個帶子竟然仲放左粉絲係底，上面加左蒜蓉辣椒調味，燒到咁上下加少少水燒林啲粉絲，一啖過食香口又開胃。  除左肉類海鮮，套餐仲有啲日式蕃薯仔同粟米，平時燒烤場好少會供應蕃薯仔，但呢度竟然包埋！食左咁多肉，清新啲嘅蔬果唔洗一陣已經掃晒。  朋友話bbq一定要燒棉花糖，所以除左套餐，我地仲加左

今日天文台話會落大雨，以為要取消BBQ，但係難得約齊晒D人再加上之前黎過呢度燒，知道有蓋嘅位置都仲OK，於是就按照原定計劃繼續入黎白石燒烤場度燒食！呢度除左有基本嘅燒烤設備之外，仲有一D 岩小朋友玩嘅遊樂設施，之不過小朋友最鐘意玩嘅吹氣彈床就因為天雨關係所以就冇啦呢度開業左咁耐，估唔到D櫈就可以KEEP 到咁乾淨有埋燒烤網送烤好嘅烏頭肉質鮮美蒜泥粉絲帶子正！ 如果可以再大粒D就好！海中蝦蝦肉彈牙， 燒完之後落返少少調味就食得。十人海鮮套餐有蝦有魚有扇貝，用具就有埋燒烤網、 燒烤鉗、耐熱膠碗同膠餐具仲有膠手套，係咩都包晒。

趁著夏天還沒有正式到來，我們一家人把握機會於上星期六BBQ。我們選了白石燒烤，這燒烤場環境優美，擁有無敵靚海景，可惜我們去的那天天色陰陰的，沒看到碧海藍天，但可以吹著柔柔海風，看著海景燒烤已是一大享受。這燒烤場除了有靚景外，爐與爐之間空間寛敞，十分通爽。設施方面，有適合小朋友的遊戲機、電動車，大人則可打golf，是假日一家大細消閒好去處。食物方面，我們點了十人海鮮餐，很快職員就為我們起了火，送來食物。十人海鮮餐很豐富，鋪滿一整桌。燒烤場亦貼心隨食物附上一本名為「蕭朱朱」的小冊子，圖文並茂的介紹不同食物的燒烤手法及時間，所以要炮製美味燒烤食物絕無難度。蒜蓉粉絲扇貝絕對是重點，燒烤竟然有這麼精彩美食。我跟著小冊子指示，燒一會加水再圍在爐邊慢慢用熱力將扇貝焗熟。這扇貝很好吃，肉質鮮嫩不韌，精髓在那粉絲，吃之前記緊將蒜蓉撈均勻粉絲，惹味極了。有燒烤網就是適合心急的人，可以將各種食物放上去同時燒。海蝦用炭火燒得蝦榖特別香，蝦肉爽口鮮味。豬扒雞扒各有幾款味道，其中豬扒我最喜歡香茅和咖喱味，豬扒肉質鬆有肉汁，雞扒我最喜歡蒜萁和泰式雞扒，炭火將雞皮油脂逼出，燒得焦香，肉質爽，香口惹味。另外，蜜汁叉燒厚

一個天氣不熱又有間歇性驟雨的星期六，我們一行十人來到白石燒烤場歡渡一個下午，白石燒烤塲的其中一個優點是有全天候的燒烤爐，就算下雨也不用愁。另外，這裡的設備亦不錯，小朋友可玩遊戲機、電動車等；大朋友可打高爾夫、麻雀耍樂等；滿足不同人士的需要。來到登記處看到各式各樣的餐單，有單點的，又有套餐，原來連吃素的朋友也照顧到，素食BBQ也有供應，頗為貼心。最後我們點了一個十人海鮮套餐。接過食物，便發覺10人套餐非常豐富，除了中蝦、帶子、魚、叉燒、雞扒、豬扒、雞翼外，還有芝士腸、雞肉腸和豚肉腸，小甜薯和粟米。全部食物都是放在密封真空膠袋內，比較衛生。飲品方面亦充足，有10支樽裝水和10罐不同味道的汽水。套餐內還供應了蜜糖、燒烤叉、炭、鉗、膠手套、紙巾、毛巾仔和餐具。更貼心的是提供了一本燒烤手册教導燒烤各種食物的方法。這本「蕭朱朱」的功課册圖文並茂，有趣又有實際効用，真是要給它100分。💯工作人員為我們起爐後，我們隨即便開始對著碧海藍天燒烤。～我們首先將蒜茸粉絲帶子放在爐邊，十分鐘後加一點水，再燒十分鐘。吃時將蒜茸粉絲和帶子拌勻，粉絲吸收了帶子的精華，滋味無窮。👍～接著我們亦將海中蝦和迷你日本甜薯放在

昨日天氣稍涼，我們一家大小十人到了白石燒烤場BBQ。乘地鐵到烏溪沙站便有免費穿梭巴士來到燒烤場，很方便。這個燒烤場是有蓋頂的，下雨不怕，太陽太猛也不怕。而且是臨海的，180度全海景，環境優美，場內設施完善，是消閑好去處。我們點了海鮮十人餐，過了愉快的下午。海鮮十人餐食物很豐富，有大蝦，蒜蓉粉絲帶子，烏頭魚，雞中翼，豬扒，雞扒，蜜汁叉燒，丸類，香腸類，粟米及迷你蕃薯。肉類有幾款味道，如豬扒便有咖哩味，蒜蓉味，香茅味及黑椒味。飲品方面有10罐汽水及10支水。燒烤包提供的工具一應俱全，除了嘆及燒烤叉，有餐具膠手套，較剪，毛巾，紙巾等等。跟着燒烤手冊教的方法燒烤，簡單又很好吃。蒜蓉粉絲帶子蒜蓉粉絲很惹味，燒烤有蒜蓉粉絲配帶子還是第一次。燒大蝦大蝦很新鮮，鮮甜。蝦殼燒到脆卜卜，很香口。烏頭魚王整條放在燒烤網上慢慢燒，表面魚鱗燒至變焦，但內裏肉質保持鮮嫩。雞翼有蒜蓉及蜜汁味，兩款都很入味，蒜蓉味特別好吃，雞翼燒至兩邊金黃，皮脆肉嫩，juicy，燒雞翼真是無得彈。豬扒各款味道都很好吃，入味，豬扒肉質鬆軟。雞扒很滑，皮脆肉嫩，啖啖肉。蜜汁叉燒很厚身，燒得時間長亦不會嚡口。香腸類雞肉腸燒烤必備。爆汁豚肉

相約家人假日去BBQ，原本擔心天氣開始熱會好辛苦，所以家人提議今次去白石燒烤，貪佢嗰度近海邊，風涼水冷，點知嗰日天文台預告話會有大雨，我哋都心大心細去唔去，上網睇過嗰度有好多帳篷，咁就安心去啦。點知個日陰陰天，但一滴雨都冇，望住過海，風涼水冷，仲要唔太多其他人，所以真係好舒服。白石呢個場，出咗名環境好，小朋友可以係一個長長嘅海邊自由活動，佢哋玩得好開心盡興，我哋梗係安心燒嘢食。我地叫咗個10人套餐，包嘅食物非常豐富，仲有10支水同10罐汽水，只係一千元多d，已包晒所有用具，真係非常抵食。真係諗唔到仲有乜嘢樣因要自己去整嘅食燒烤。仲有少少食唔晒唔好嘥要拎走！佢嘅食物每包都係獨立包裝，乾淨衛生，調味剛剛好，唔會太咸，食完又唔會口渴，應該冇乜味精。

免費穿梭巴士只到烏溪沙站，詳情可致電白石燒烤場而家join埋會員仲會有好多野送，正逢星期一至五黎仲唔使開爐費添燒烤場可飽覽吐露港海景。佔地過萬呎，空間感充足，非常適合大夥人和包場派對！同時提供周邊玩樂設施，例如麻雀、飛鏢、夾公仔等。套餐食物獨立包裝，有腸仔、雞扒、豬扒、龍蝦丸、墨魚丸、魚蛋、雞翼、烏頭、扇貝、海蝦等，方便衛生亦新鮮，燒烤工具齊全，如有燒烤义、蜜糖、餐巾、食物鉗、膠义、膠碗、手套等。

今日同舊朋友聚舊，見天氣開始無咁凍又有風，所以就想去燒下野食，又可以坐下吹下水。呢度個場好大好又舒服，對住個海，又有海風吹下。我地5個人，叫左個5人海鮮餐，份量好足夠，食物仲要全部都係真空左，感覺非常衛生。如果有其他野想食，都可以再另外俾錢買，我地有朋友想食棉花糖、燒賣，所以就有另外買。海鮮入面，個人認為最好食就係扇貝，粉絲好入味，想食淋身少少嘅朋友可以加多小小水燒耐啲。其他奄肉都好入面，丸類都好多，夠哂5個人食。我最中意就係個甜番薯仔，可以擺係最尾當埋甜品食！如果下次再多啲朋友去嘅話，下次會試下食燒乳豬，望到人地成隻咁整感覺好過引。

位於馬鐵烏溪沙站附近嘅白石燒烤，今次已經係第三次黎，貪佢呢度風景夠好，而且地方闊落，唔似其他場咁迫，小朋友跑黎跑去玩都玩得放心D，而且而家呢度仲有免費接駁巴士來往烏溪沙站，比起我之前過黎方便左好多而家最興嘅夾公仔機貼心地有把鉸剪用仲有膠手套、紙巾同埋蜜糖汽水選擇除左有可樂同忌廉之外，仲有楊協成嘅涼粉爽食物方面有多款不同嘅味道醃製而成嘅扒頪（黑椒，蒜蓉，蜜汁），滿足唔同嘅人，而且醃得好味， 燒熟後唔駛調味就食得。原條元朗米埔烏頭魚已經劏得好徹底，係咁易洗下就可以拎去燒，燒完加少少鹽就食得。我覺得最正係呢度有迷你日本甜薯，出面就咁買一包都唔平，而呢個套餐就有２包，正呀最後補一張ＢＢＱ　相作結

復活節假放咁多日當然約埋一班老友去燒下嘢食啦， 白石燒烤呢度都唔錯 係我哋幾個人投票出嚟選擇今日嘅場地點咗個十人套餐份量， 有好多款嘢食丸，腸，雞翼，扒，仲有少量海鮮，另外會有埋汽水和支裝水不過呢排天氣好唔穩定，好彩 這裏有瓦遮頭， 雖然封咗頂但一啲都唔會覺得局同意，仲好通風㖭。可能係連續長假期好多人去咗旅行，今日反而唔會好多人， 燒起上嚟都幾舒服雖然落雨天冇開放吹氣彈彈床， 但係都有小型嘅兒童遊戲區， 小朋友圍埋一齊喺嗰度玩都唔會覺得悶職員安排咗喺海邊嘅爐畀我哋， 對住個海燒嘢食真係好寫意呀😆真係唔好睇小呢一個十人餐 其實份量都好多，仲要每款都係獨立包裝乾淨又衛生， 食唔曬 拎走又唔會嘥扇貝有兩大包， 每一隻上面都已經放咗粉絲同埋蒜蓉調味料人多當然係就係放喺個網上面炒啦😆😆不過一開始個爐好猛火 ，要長期注意住如果唔係好快就會燶， 我哋都係炒到後尾個火開始靚嘅時候啲嘢食先冇咁易燶 炸😂😂 冇辦法啦人多如果一支支叉燒又好似燒嘅時間會好耐， 我哋大家太懶喇。獨立包裝嘅一條大烏頭， 好正呀， 可以出去出面問職員攞啲黑胡椒調味料 舖係烏頭上面燒起上嚟仲正呀😍😘

上2星期已經約左好多朋友仔今日去白石BBQ, 估唔到會落雨，但無阻我地去玩去食既心情。 因為我地都幾多人，所以點左十人海鮮餐。 白石之前都有來過，覺得環境唔錯，乾淨，通風，配套齊全，有一陣子無入來，但今次來到覺得所有野都仲keep到，非常好。 海鮮餐有蝦、帶子、烏頭....大蝦隻隻都好長身，肉質幾甜，好鮮。帶子已經盤好哂粉絲、蒜蓉燒一陣，好香，味道都唔錯。 條烏頭係有鱗既，所以成條放上網燒都無所謂，雖然會焦，但唔會痴網，入面既魚肉亦唔會焦掉，啖啖肉，曬小小鹽更美味，BBQ場有鹽同胡椒粉提供，都幾細心！其他燒烤食物有丸、 扒、腸、雞翼、粟米... 呢類食物雖大衆，但係佢哋提供既食物味道調得好好，仲分開幾塊幾塊來包裝，夠乾淨衞生。 我最鍾意嘅叉燒燒咗好幾舊，好惹味。 落雨天雖然小朋友唔可以喺戶外玩跳彈床，但其實有瓦遮頭嘅地方都有好多夾公仔同埋小遊戲， 五蚊一個代幣都唔算貴幾好玩啦，氣氛唔錯。 食下玩下燒足一個下午，唔經唔覺就過咗四個鐘，雖然落雨天，但都冇阻我哋聚會的開心心情， 好鬼抵玩。