白石燒烤

營業中

休息中

朋友在烏溪沙地鐵新屋苑新居入伙，帶我哋去附近燒豬仔。朋友屋苑附近地鐵口就有穿梭大巴去燒烤場，係免費唔駛錢。燒烤場同朋友屋企個景一樣，全海景，雖然出面無冷氣，但係有少少海風都得得哋。最重要係個景靚，天氣又好，一流。燒烤場原來都好多嘢玩，見到好多人都一路燒豬仔一路打麻雀同去擲下飛標，或者玩下啲小型遊戲。燒番隻豬仔賀朋友入伙先，豬仔自己食自己燒，個皮想幾脆就幾脆，我哋燒到豬皮好似酒樓咁正，仲要即燒即切，未試過咁好食燒豬，因為連埋肉，所以份量仲要好多下。依度可以用燒烤叉燒或做懶人放晒落個網燒，扇貝有埋醃味爽口，豬排雞扒入味喎，雞翼脆脆，燒蝦爽彈唔霉。 另外其他食物都幾好，款款都有一啲。樣樣嘢食都好入味，係燒烤來講都算冇味精同埋新鮮企理

秋高氣爽，約埋一大班朋友燒野食，今次就鎖定白石燒烤，因為有無敵海景，還有很多給小朋友玩的地方，攤位遊戲，遙控車。白石燒烤場不是任食任燒，可按自己喜好選購不同套餐，我見現場亦有很多人燒乳豬。我們今次點十人海鮮餐，已經包括好多不同類型腸仔，丸，仲有唔同味道的雞排、豬扒、雞翼，肉類就一定足夠，海鮮包括帶子，海蝦，烏頭，蔬菜即有粟米及迷你紫薯。食物味道有咖喱黑椒香茅蒜蓉配搭，味道不錯，不會太咸。還要讚一讚個包裝，一包包好衛生。我更喜歡燒烤場附送了一本手冊，我們的姓名係蕭珠珠。教大家怎樣燒特色食物。要推薦下海鮮，海蝦雖然是冰鮮的，但燒起上來肉質結實，每一隻也有蝦膏，另外帶子每一隻配有粉絲，調味好。近傍晚，對著八仙嶺的海景燒烤，更有詩意。最後要提一提大家，泊車要主動拎張泊車紙去燒烤場蓋章先可享有兩小時免費，泊車個叔叔是不會主動提醒的，結果我地未能享用泊車優惠。

秋高氣爽，最啱就係去燒野食。正所謂：「燒雞翼，我自細鐘意食。」以為白石燒烤場好遠，原來佢有接駁巴士由烏溪沙馬鐵站往返白石燒烤場，每半小時一班，都算密。燒烤場周圍環境好舒服，望住個海燒野食寧舍寫意，在燒烤場坐足全日亦唔覺得焗促。這裏一家大細都好啱玩，大人可以租借麻雀娛樂，小孩可以玩場內遊戲，如夾公仔、彈床、電動小孩車等，情侶們可以望住個海一邊燒烤、一邊談情，而一大班朋友們更可以放風箏，放航拍。這裏買飛入場，入場後憑單拎食物及餐具。我們今次選了海鮮10人餐加1隻燒乳豬，餐具是全新的，用厚身膠盤、厚身膠叉，大風都唔會吹跌。而食物方面用了獨立包裝，每個袋均貼上食物名稱，又方便又衛生。而最過癮莫過於隨包附送的燒烤秘笈，裏面教你每樣食物怎樣燒烤，好貼心。白石燒烤的主角似乎是燒乳豬，幾乎每一枱客人都會叫一隻乳豬放在燒烤架上燒烤，由全隻是生的，燒到個皮卜卜脆，好有成功感。豬食落外皮卜卜脆，而肉質鮮嫩，好juicy，而醮上乳豬醬更添美味。蒜蓉半殻帶子已有齊蒜蓉、牛油、少許椒絲，好惹味，配上少許粉絲更顯心思，不用再醮上何醬料已好好食。元朗米埔烏頭王只要微微加少少鹽，依照秘笈時間來燒，完成後一撥開魚鱗，魚肉

秋高氣爽，約了舊中學同學BBQ，他們大家都不太建議自己買東西燒，經過一連串討論，最後我們決定去白石燒烤場。今日星期六下午，我們駕車由沙田到白石，不消十五分鐘就到達，地點雖然有點偏，但是指示清晰，而且環境清休，有無敵大海景，果然選擇沒有錯。這間白石燒烤不是任食，有套餐和散叫，我們叫了十人海鮮套餐，套餐有帶子、蝦、烏頭、蜜汁叉燒、雞扒、豬扒、雞中翼、三寶丸、芝士腸、雞肉腸、豚肉腸、甜薯、粟米、水、汽水，還包餐具、炭、蜜糖、燒烤叉。我們安排坐在海邊、可以看著無敵大海景，空氣流通，而且有上蓋，不怕落雨。食物方面個人較推介芝士腸、烏頭、大蝦，芝士腸燒到熟時爆到隻手都是芝士、烏頭部鮮味足、放上網燒不用燒太久，大蝦雖然是急凍，但蝦味都很濃。總評：整體非常好，配套足，下次再BBQ首選！

秋高氣爽時節，又是約齊成班朋友bbq時間。坊間一般任食bbq食物質素都麻麻，而且環境十分擠迫。住馬鞍山地膽朋友推介位於白石的燒烤場，保證環境靚食物正，即管試試！燒烤場採用單點及套餐形式，食幾多叫幾多，十分均真。我們一行8人點了10人海鮮餐，極之豐富：海蝦蒜蓉帶子元朗烏頭叉燒雞扒豬扒雞翼三寶丸芝士腸雞肉腸日本甜薯粟米汽水及水所有食物都獨立包裝，標明食物名稱，是我去過的燒烤場中最乾淨整齊的。而且餐具都比一般燒烤場質素高，很難得。食物中最欣賞是扒類，醃得極之入味，比如香茅雞扒，燒起來香茅味濃郁，咖哩雞扒亦有濃濃咖哩味，絕非一般燒烤場任食貨色環境亦十分不錯，180度海景，還有幾架靚車可打卡唯一美中不足係停車場安排，燒烤場是有2小時免費泊車，但更亭大叔到出車才說要燒烤場蓋印，但入車場時完全無講，大家架車的話記得蓋印

今晚萬聖節約埋朋友入黎白石燒烤..已經好耐無黎過..場地夠晒寬敞..所以唔會燒到成身味..我地叫左個十人海鮮套餐..每樣野都真空包裝..乾乾淨淨..仲比埋剪刀你..好貼心..有大大個燒烤網..燒海鮮一流..有三款海鮮..彈牙海中蝦.都好大隻..燒完真係好爽口..蒜蓉半殼帶子..有埋粉絲係入面..好香..好新鮮..仲有勁大條烏頭...肉類方面..蜜汁叉燒燒完都好juicy..雞翼雞扒有醃過..有咖喱黑椒同香茅..都好夠味..腸類有三款..芝士腸..雞肉腸同豚肉腸..都好爽口..豚肉腸幾特別..平時出面好少食到..最有驚喜係甜心蕃薯..細細粒..太超甜..野食份量好夠..食到個個捧住個肚走..係馬鞍山bbq既不二之選👍🏽

大時大節最好找個聚到一班人在一起的地方，所以我們選了到馬鞍山烏溪沙再入的白石燒烤，地方環境很空曠，而且近海吹住陣陣海風，相當適合現在的秋涼天氣，這個燒烤場有相當足夠的位置，可容納很多人，地方乾淨舒適。燒烤爐很新淨，可加網直接燒食物，相當方便，不過要小心火太猛容易燒焦食物。我們選了10人海鮮餐，食物款式很多，而且已分類包好，可保存食物的新鮮，而且可開一包就燒烤一包，不用浪費。海鮮質素幾好，味道也不錯，值得一試。下次有機會會再到來燒烤。

今晚收工之後，同中學同學黎左白石燒烤。今次係第二次黎，但第一次夜晚黎，人唔多。燈光光猛，吹住海風bbq,第一次呀叫左個10人海鮮餐， 海鮮有扇貝，蝦同烏頭，仲有其他腸呀，丸呀，雞翼，粟米，小甜薯等等bbq必備食物。 仲俾埋錫紙，手套，牛油，鹽，豉油，蜜糖既調味配料。 包裝都係獨立包裝，乾淨衛生，十分欣賞呀！ 蝦好大隻，個爐夠大，啲炭都唔係弱雞。 好岩一大班人黎呀！ 夜晚黎都幾好，吹住海風bbq...另有一番風味呀！

I with my youngest sister and her colleagues were BBQ at Whitehead. Though there was absence of picturesque sea view, sea breeze was the best for me to kill the heat. Also, there were game facilities for children and mahjong for adult to play. We ate the seafood set for 10 persons (See below the menu) adding with suckling pig($638). The suckling pig was charcoaled by my sister’s colleague for around 2 hours and the final presentation was quite good. It was cut into pieces by the staff upon

聚會選擇-白石燒烤場第一次來到這個靠海邊的燒烤，好正，還有周邊有萬聖節的裝飾，好可愛。看著往往來來的船及山境燒野食，心情都愉快很多。簡了個海鮮餐，哇 有很多東西燒。包了汽水及水，原全夠用，餐具是高質即棄餐具，即使大風吹過，也不會跌下桌子。炭都有兩包，夠用，重要是，有個架 ,食物鋪上去燒，方便又快熟。食物上，有不同肉類，因為店員用密實代封好，所有的肉類都很入味。特別是蜜汁叉燒很juicy 好味。咖哩豬扒也很好味。丸類本人就的一般般，無特別coment. 海鮮包好晒，有帶子，青口，蝦，蒜蓉粉絲帶子。打開包裝已準備好，燒出來很好大，仲要大大份。不用自己購買及洗，方便很多，最適合懶人。植物類，紫薯好好味，真的好好味，小型一口咬下去，香甜外皮也可以吃，小小脆，在場女士們都很喜歡。吃有差不多，到附近散步，有很多小朋友玩耍的設施，小型水池，充氣滑涕。圍著内圈，才發現有vip 房， 可打麻雀。還看到日落，第一次的燒烤場有那麼多設施及美景，離家遠小小，但還是很值得的。

秋高氣爽，最適合就是去bbq，所以相約了朋友們一同去燒烤朋友介紹了白石燒烤，所以來試試我們5個人，所以選了一份海鮮5人餐我們3點來到，不算太多人。但到4、5點的時間，已經很多人我們選了一個近海的位置bbq。望著這個無敵大海景，十分寫意坐低後，店員會一次過拿食物過來。所有食物都是獨立pack好的肉類方面當中有黑椒雞扒、蒜蓉珍寶雞中翼、三寶丸、蜜汁叉燒、蜜汁執珍寶雞中翼、黑椒豬扒、紫著仔、栗米、咖喱雞扒、香茅雞扒、蒜蓉豬扒、脆皮腸海鮮有海蝦、青口、扇貝等等而且還包了5枝水、5權汽水、蜜糖、兩包炭店員很快地已經幫我們把爐透好因為大家都十分肚餓，所以一次這放上網燒扇貝上有帶子和粉絲青口也十分新鮮還看到日落的晚霞白石燒烤的食物都很份味，加上景色優美，心擴神怡relax的一天

遠遠望見入口，小朋友已經好高興。環境好好，還有海境，望住日落燒野食，真係好正。先去入口處購票買了十人餐，再去取碳爐和燒烤套餐、用具和飲品。全部齊晒，乜都唔洗帶，好方便。食物全部都係抽真空，咁覺好好，好整潔衛生。十人海鮮套餐，套餐每位有一支水和汽水。蒜茸帶子上放有粉絲，燒起陣陣蒜香。中蝦好大隻，又新鮮，蝦肉好彈牙，還有蝦膏。迷你日本甜薯，細細粒好甜好好味。豬扒有四種味，有黑椒，香芧咖喱和蒜香。放在網上燒，好方便。小朋友玩一陣，就回來食野。這裡真係一家大細BBQ的好去處。

入秋啦~ 可以燒烤份外興奮，這個燒烤場很大，下車時眼前已看到一個無敵大海景。購賣完食物之後，四處閒逛了一圈，除了燒烤之外，旁邊還有大人及小朋友玩樂的地方。大人就可以玩飛標，還有冷氣房，好像是唱歌及麻雀耍樂的。小朋友就可以駕駛迷利的私家車仔，場內還有一個大大的吹氣滑梯，見到他們玩得很開心。其間仲見到店員正在燒乳豬，好像很好玩~今次揀選的套餐味道整體不錯，腸仔雜丸必食。另外有幾款都是我喜歡的食物...  “蒜粉絲帶子” 味道鮮甜，粉絲吸了汁份外美味。4款不同味道的”雞扒” 無骨最適合我這懶人，調味做得好，夠入味又不會太鹹。“香甜粟米” 今次由我主理，燒得好好，唔會太乾，粟米勁甜。套餐內還有多款飲品可選，仲有我很久未喝過的清涼爽添，正！

今日家庭日，入秋天氣稍為轉涼了一點，所以決定總動員去燒烤，又想環境好，又不想自行購買食物兼長途跋涉那麼辛苦，所以選擇來白石燒烤場。這裡真的很舒服，我最喜愛望海吹吹風，份外寫意，這裡大部份坐位都能在海邊，吹著海風燒烤，一個字”爽”。這裡燒烤價錢相當合理，每人也不需$200，平時外出晚膳，很多時也不止這個價。今日點了10人海鮮套餐，份量很充足，我最欣賞是食物的質素，每款食材都有幾個味道，還要很好吃的。基本上每樣食物我都食過，但最欣賞咖哩豬扒同雞扒，迷你日本甜薯同彈牙海中蝦，咖哩醃得很入味，兩款燒烤完同樣又香又惹味；日本甜薯純粹個人喜好，真係好甜，一口一粒方便易食；海中蝦出奇地鮮甜，仲有蝦膏添，勁正！

中秋節與家人來白石BBQ, 經openrice 訂位很方便，whatsapp 白石工作人員知道，每逢假日有免費接駁車由烏溪沙站去燒烤場， 係烏溪沙B出口，向左手邊沿路行，先經過綠色新界的士站，再經過百分百餐廳，再前行近美聯物業對出上落客等接駁小巴 (注意：沒有站牌的，去程每逢15分，45分有車，回程每逢05分，35分有車，但其中回程 7：05 & 7：35沒有車的，因是司機食飯時間，要8：05分才有車)。如下載白石燒烤場手機apps 有迎新優惠減$100, 和生日月份當月有乳豬一隻。燒烤食物是以套餐形式購買加散點購買，食物都幾好味，自己買咗兩個錫紙盤方便好用，又用$20買包冰加租個冰桶，真係抵晒，可以雪住飲品和生果和未開袋的食物，懶去洗手時仲可以用冰水濕下手, 不過租冰桶要先交$200做按金，還冰桶時會退回$200。好多時預先訂位但唔知道當日會不會落雨，咁這個燒烤場有上蓋就落雨也不怕係我最大考慮之一，場內地方和厠所都清潔，有大洗手盆區方便洗食物洗手，對住大海當日落時環境很美， 缺點只是左右隔離的燒烤爐距離太近太貼了，另雖說一般只給予4小時燒烤，但當沒有爆滿時我哋由12點燒到夜晚8點才走