發記茶餐廳 (已結業)

這小店，相當欣賞。只有兩位上年紀的女人，一位煮，一位招呼客人又落單。相當好。位於佐敦。近stage hotel。她們認真煮，待客態度好。外賣包裝穩陣。也價錢算平。在香港巳好難搵啦⋯⋯在我等外賣期間也不少常客😁。逢星期日休息

茶餐廳是本土特色之一，甚至有人提出將茶餐廳申請列入聯合國非物質文化遺產名錄內。有趣的是在一所餐廳內可茶可啡，更可以茶+啡=鴛鴦；可以吃西多士，又可以有干炒牛河，更甚的可以有梅菜蒸鯇魚。完全是中西文化大合奏，典型的香港冩照！昨晚開會後已近九時，只想侭快吃些東西，及早回家繼續開工，於是走到樓下幫襯久違了的茶餐廳。沒想這麼夜餐廳仍高朋滿座，有趣的是有吃意粉、有吃碟頭飯，但也有吃蒸魚的，各適其式。而我則選了以下的芙蓉蛋飯：）蛋煎的很香，剖開材料也算充足，熱騰騰的很可口。可惜豉油全落在飯上，很多，很鹹！記得，下次如你們來吃，要説：「少豉油啊！」或「請提廚房豉油加在旦上，不要加在飯面！」

自從被炒魷魚，預備執包伏走人，都諗有咩食店想再幫襯。油尖旺早餐選擇何其多，呢間都要一去再去。早餐叫了麵+奄列：火腿麵用隻偏平的碟裝，好得意，麵身有點似福麵feel，應該唔係大光麵，奄列煎得少少燶，內含唔少餐肉，奶茶的橙紅色膠杯好懷舊。如果只係講食物既質素和味道，我真係搵唔到理由叫你去(只限早餐)，但去了幾天，見到成班都係熟客，姐姐店主們落單堅持唔寫字，一份一份用口講，難免錯漏，一份一份慢慢整，亦考驗大家有耐性等，但偏偏熟客keep住來，我相信，除了加一蚊就可叫凍飲外，更令人吸引的，應該係店主的人情味，好似媽咪整早餐比你食咁款，令人日日都準時報到。

朋友介紹黎。之後就成為練波後既首選飯堂。尤其係夜麻麻唔想食澱粉質既我地。或者係我地黎親都係九點後，所以都會有餸已經無晒。但我地主攻多菜小肉，所以都唔太介意。今日叫左蒸雞，但好明顯係蒸雞亦梅菜肉餅，梅菜唔咸亦無沙。小甜！所以個肉餅空口食都得。蒜炒菜心。嫩口！雞亦分炸既同滷水兩種，各有各特色。滷水肥美，炸既就細隻d, 但乾身內juicy. 而且雞亦係每隻計既。最正係個湯，但我偏偏唔記得影！腐竹蠔屎仔湯，好湯，有住菜湯feel . 加大檸樂、同檸賓😋 可樂係樽裝大支，其他汽水都有樽裝但就無大支既。四個人食都係$260 ，住家菜呢個價真抵食。

我媽媽非常少做茶餐廳推介但這家就是那多少數的熱烈推薦。 剛好去油麻地永安附近辦一些事情， 就特別跑去試一下他的食物是否如媽媽說得那麼好。 因為要戒口不能吃牛肉，所以就跟店家說改了芥蘭炒肉片的套餐。先來的例湯是白菜南北杏瘦肉湯，非常清甜，沒有味精!再來就是主菜的芥蘭炒肉片， 非常香的肉片加上爽口的芥蘭，不油膩，非常像在家吃的感覺。見隔鄰的都在點蒸魚，大概這裏的蒸鱼應該是非常高品質的吧! 五十多元的一個晚餐蠻經濟。若我再到那邊辦事的話，一定會再去。真的是非常好吃的家常菜!

今日無意經過了北海街、意外地享受了一個充滿本土人情味早餐、餐廳裝修絕不華麗但整潔！最重要是食出人情味、餐廳內充滿着街坊同伙記之間閒話家常內容！早餐亦十分傳統簡單、三文治、中、西式早餐等都齊全！今朝食了一份芝腿治加熱檸檬茶，三文治非常有小時候媽咪早餐feel，薄麵包、片裝芝士及火腿而以！入口沒有什麼好味或者唔好食、有飽肚的滿足！反而檸檬茶的茶底幾好、幾有茶味、沒有澀味！估計他們的奶茶都唔太差。沒有自由行、大多數是街坊！

店內位阿姐既要收錢,又要落單,又要茶水,又要做三文治。衛生十分差。麥皮用隻似係狗兜的碟送上,十分甜沒有麥皮,很似BB糊仔。奶茶coffee無味得個甜字。唯一可取是有禮的服務。他們十分欠缺人手。食物質素欠佳。只能吸納生客,熟客一定留不住。我本人都曾經吃過此店,今次都因附近無得揀下才再次到來。沒有下次了。

感覺上這是一間經得起風霜的小店，以傳統茶餐廳的方式經營至今，與隔離的巨人茶餐廳「翠華」並立街頭，給人一種強烈的對比。內裡風味也截然不同，有時候我會「蛇王」走來「飲茶」順便看一份報紙。今天四點多的下午茶客人不多，我點的是「咸牛肉蛋治」配凍奶茶。先來的凍奶茶淡淡的給人一種無心戀戰的感覺，不好喝。「咸牛肉蛋治」還可以但餡料的份量就比起以前少了四份一。雖然如此，都會繼續支持。

午餐時間, 人流都是不多, 附近太多食肆, 找食容易。點了一個乾炒牛河:等左8分鐘, 來到如我同事所推介, 賣相幾靚, 牛肉滑, 芽菜多、爽口, 河粉不太腍, 油份剛好,都幾滑, 一條條顏色好均勻, 真係好吸引, 味道適中。奶茶: 茶味夠, 滑, 唔錯。

下午4:30下午茶時段, 當然食下午茶。唔太餓, 唯有叫一個雲呑麵加凍奶茶。雲呑麵: 個樣普通, 雲吞內的豬肉有根, 麵頭一口好好味,但第二口已沒有口感, 真係唔知點解, 湯底淡, 但食完唔喝。凍奶茶: 有樣, 無味, 難以形容。

發記只順道經過, 本來想去翠華, 但忽見隔離有間舊式茶餐廳, 於是變心, 見MENU有生炒排骨飯, 一叫, 阿姐話: “無炒野”…. 吓…. 唯有轉叫了 下午茶餐, 沙嗲牛肉煎蛋麵 + 奶茶, $23, 太陽蛋煎得尚好, 屬小型蛋類, 黃少但沒破, 尚新鮮, 沙嗲牛肉, 食不出有沙嗲口味, 但牛肉質素不錯, 略為煎過, 食不出有強烈醃過, 咬落還有些少UN, 有鮮牛肉的口感, 麵屬於“福字麵”品種, 略少而且過咸, 但口感適中, 奶茶茶味濃, 總括而言, 合格!

今天想食又飽又便宜的早餐，所以選擇了此間。食物（一個套餐）：-火腿麵、餐肉奄列、牛油方飽、凍奶茶：全部都普通，無特別，除了牛油方飽啲牛油比較少外。服務：-正常服務，無特別。環境：-普通，平凡的裝修。我今天坐的位置，剛好抬頭便望住六條錦鯉，陪伴我吃早餐。特色：-（1）偏重口述，所有落單都是老闆娘口述給廚房，之後由老闆娘口述給侍應食物應該拿去那一張枱及埋單應收多少錢。（2）吃麵的碗有懷舊色彩，現在大部份店舖都不用這個款式了，但此店舖又不是所有碗都是此款式。整體上，唯一可取的地方是便宜，早餐又有麵又有飽又有奄列，跟熱飲只是21元，凍飲都只加1元。

好耐無試過晨早得閒去食早餐, 皆因今朝請左半日假, 去左佐敦~十點零見仲未夠鐘返工, 又見餓, 去附近搵食~~~見到翠華D早餐的確吸引, 可惜我因為牙痛, 連最鍾意既奶油豬都食唔到, 唯有再去其他地方搵食啦, 行過幾步, 見到一間鋪仔細細既, 又好似好舊咁, 望下個餐牌, 廿蚊個早餐, 其實唔算平, 不過, 有麥皮餐, 我可以食, 咁就入左去啦~~~間鋪都算多客, 細細地但已經坐滿人。叫左個麥皮+煎雙蛋+牛油方包+熱奶茶, 廿蚊~!麥皮 - 碟身比較矮, 都幾少, 麥皮都幾多, 奶亦滑, OK既, 略嫌唔夠食。煎雙蛋 - 兩隻蛋煎在一起, 同一塊蛋白, 有DD功夫, 不過, 蛋白不夠燶, 蛋亦屬一般, 沒有蛋香, 沒有太大蛋味。牛油方包 - 包孔多, 不什麼喜歡, 牛油等於無塗, 無味。熱奶茶 - 接受到, 不過茶味單薄, 不是港式茶餐廳的應有味道。奶或茶都不濃, 就像是自己用粉沖既質數。整體而言, 都勉強接受到, 可能其他既野會好D, 如果唔係無理由咁多人。

係auditor office辦好事, 未食早餐的我, 就當然去搵個地方坐坐啦. 就近, 北海街有間舊茶記, 以前食過的, 就回來這裡尋一尋味.本來想問問佢有冇常餐之類的, 原來未過11:30, 仲有早餐供應. 正好, 早餐充午餐, 就來一個 early lunch吧.火腿公仔麵, 加上火腿奄列. 湯底麵底不錯. 麵是剛熟的公仔麵, 食落帶點脆口. 公仔麵最好食就是這樣的半淋, 爽爽地, 才有口感. 奄列, 又是火腿, order 完才醒起兩個配搭都是火腿. 這個奄列有點煎得過熟, 應該是火候過猛之故. 奶茶就比較一般. 不過抵食, 又是吸引人之處.地點呢, 位於中港通巴士站旁, 又留意一下周邊的人, 大都是等車的過客. 以前我食過呢度既lunch, 其實水準不差, 而且只是20多元. 抵過隔離間連鎖茶記好多.

** 此 食 肆 的 第 一 個 OK **今日(9-11-2008Sun)傍晚再到醫院睇媽媽,之後同爸爸,大哥一齊食飯,我提議男友以前常到o既發記,於是走o黎.o黎到冇乜人.爸爸叫個$42.00o既砂窩魚頭煲餐,有一碗例湯,兩碗白飯同一杯o野飲,老闆娘話要等20分鐘,看看錶,才7:45,冇問題.我o地另叫炒菜心.例湯先上,由於我好耐冇飲湯,於是由我飲o左呢碗菜乾湯,清清地,冇問題.等呀等,等呀等,等到8:10pm,終於等到o野食,砂窩魚頭煲好細個,有兩個魚頭,有啲叉燒,其實我唔係魚頭o既,所以我食晒3件叉燒,煲內都有菜,個煲好惹味.$15.00o既炒菜心,大大碟,菜心又甜,OK啊.而唔知點解,我o地冇另叫白飯,卻畀o左3碗我o地.大哥叫o左杯凍檸茶,埋單齊頭$60.00.服務:老闆娘好親切,冇問題.環境:好舊式o既裝修,卡位係木座位,但都OK o既.