發記甜品 (已結業)

楊枝甘露正, 芒果一D 都唔酸! 好甜! 但正都唔會特登行入去食呀! 我見佢2隻新產品芒果糯米卷, 都猜人敢食, 我反而下次想TRY 士多啤梨布甸!不過衰在,佢冷氣位唔多,成日要人坐出面......下次再入去既, 會打包好多D 走!

記得好幾年前第一次食楊枝甘露就係係依度食架....果陣覺得好好味....而且發記超多料.....前排去深井食飯後又再黎呢度食甜品....楊枝甘露依然好好味...不過其他甜品就一般.....可能係因為今時昑日好多地方都有得食....所以我都再唔會山長水又遠...千里迢迢咁走入黎食囉....

我未搬來住的時侯食過，到搬了來住都食過幾次，真係麻麻，重覺得一次比一次差，小熊直頭話佢地粗製濫造，連我最愛食榴槤ｐａｎｃａｋｅ，都覺得唔得，榴槤唔夠香，ｄ　ｃｒｅａｍ勁多，連小熊最愛食楊枝甘露，都話麻麻，我都有試過其他糖水，但都覺得麻麻，同埋佢真係唔直敢貴，ｄ服務都好差，仲有呀，我成日去佢地後舖果ｄ食店食野，嘩見到佢ｄ工人係地下開榴槤，地下仲濕淋淋，好ｄｉｒｔｙ呀，ｄ殼仲擺到成地都係，所以之後都唔敢去了．　

今日捐左血，點知傷口痛到食唔到飯。應該話拎唔到快子食飯。餓到10點好番小小，當然要補充番o下身體。而榴槤呢家野就最好，補而不燥，百里飄香，擦左牙訓半夜都會有陣味。巧合地小黑貓又得閒，一行兩人就去深井打個轉。先來一個榴槤飄香，我的單人賽。個飄香杰到啊！成條榴槤打橫陳屍在中央。再來焗酥皮榴槤雙人賽，又係好一大條塞在入面。不過衰在個皮係買的，太薄同無牛油味。如果勁牛油D就仲正。食完而家最好係訓教。

食過好多地方的楊枝甘露，芒果布甸，沒有地方比得上發記．所以我每個週末也特地搭車入深井發記食甜品．

芒果沙冰& 芒果班戟好好味..不過有d好多人等!!

芒果沙冰味道好濃，又好滑口，是一個有質素的夏日甜品。榴槤卷都幾好，不過我就唔太習慣吃熱的榴槤。意大利涼粉就不太特別，只是長條形的涼粉。

店名：發記甜品Lucky Dessert地址：銅鑼灣謝斐道532號地下(世貿中心對面)電話：2838-3066, 2838-5166Please modify：店名：發記甜品Lucky Dessert地址：深井青山公路深井村92-93號地下電話：2496-9163唔該晒！

銅鑼灣有新店，裝修幾好，地點在世貿廣場對出．煩請加入database.

我吃了薑汁蓮子清心丸，整體味道很好，尤其清心丸的質感好好。榴槤飄香好榴槤，好似食咗個榴槤落肚，而士多啤利布甸好濃士多啤利味，也是一個吃甜品的好地方。

我因為住得近，所以常去滿記甜品，但我覺得滿記我名氣大過食物質素，如果我給滿記4分，那麼發記就值5分la！推介：1)楊枝金露的芒果味又香又濃，是我食過咁多間之中最好食的！2)鮮果意大利涼粉一定要試，這種涼粉口感很得意，而且很少有得食！

真係好鬼香滑呢, 我都食過好多次; 至於楊枝金露, 都好正呀, 夏天食夠冰, 一流... 到左宜家天氣凍, 發記又真係無乜特別甜品喎! 如果要特登入深井食發記, 又的確無必要囉... 當然, 我係深井人除外, 哈...

不過都唔算差既，如果你黎到深井順便去食下都可以lor，但係專程黎食既話就免lu!味道其實應該值3.5粒星ja，4捨5入，當"醒"半粒俾?啦~

士多啤梨布甸好正呀!!仲有都係榴槤既產品啦!!都好正呀!!

食完燒鵝，自自然然就走o左去發記食飯後甜品。兩個人，叫o左芝麻糊($13)，楊枝甘露($23)同紅豆糕($13)。芝麻糊味道一般，仲有少少「火農」味，似乎呢度食生磨糖水都係麻麻。楊枝甘露有好多芒果肉，而且D芒果好甜；不過冇乜西柚肉，感覺唔多似食緊楊枝甘露咁。紅豆糕反而幾滑，都好味。呢度有好多用芒果整o既甜品，好似芒果布甸、班戟同沙冰咁。D芒果通常都幾靚，所以味道都唔錯。上次食過個芒果沙冰($18)，好大杯，都好香芒果味；不過味道偏甜，再叫o既話一定要叫「少甜」先得。服務方面，D侍應幾有禮貌，個個都「唔該」前「多謝」後咁，同之前o係裕記差得遠lor~~