發記甜品 (已結業)

食完燒鵝，自自然然就走o左去發記食飯後甜品。兩個人，叫o左芝麻糊($13)，楊枝甘露($23)同紅豆糕($13)。芝麻糊味道一般，仲有少少「火農」味，似乎呢度食生磨糖水都係麻麻。楊枝甘露有好多芒果肉，而且D芒果好甜；不過冇乜西柚肉，感覺唔多似食緊楊枝甘露咁。紅豆糕反而幾滑，都好味。呢度有好多用芒果整o既甜品，好似芒果布甸、班戟同沙冰咁。D芒果通常都幾靚，所以味道都唔錯。上次食過個芒果沙冰($18)，好大杯，都好香芒果味；不過味道偏甜，再叫o既話一定要叫「少甜」先得。服務方面，D侍應幾有禮貌，個個都「唔該」前「多謝」後咁，同之前o係裕記差得遠lor~~